川品雲南米線

近排成日见到推荐川品搞到心郁郁想试 禾同米线系真爱 🤣大角咀成日俾人闹态度差山长水远去到新蒲岗店招牌麻酸辣汤底𢳂起杰杰哋第一啖饮落都几咸 花椒味好出 酸味欠奉 味道平衡一般般 🙂‍↔️累积之后咸到涸喉搞唔掂又唔系一无是处 🙈配料有酸菜 芽菜 韭菜 炸黄豆几丰富全部𩠌都唔错而且份量好扎实辣度颇浓烈 中辣同三哥嘅中辣差唔多大家要自己衡量吓接受程度 🌶️试咗朋友嘅胡椒猪肚汤感觉比较人工好似落咗现成猪骨浓汤酱咁白雪雪味精重 猪肚份量好多跟埋嘅腐竹浸咗汤都几好食两款汤底都不过不失啦 😗米线 Al dente 嘅喂 ⁉️朋友叫咗腍啲但食落一样咁硬叫咗米线关注组经常推荐嘅猪颈肉同鸡扒记住同店员讲另上 俾汤浸住就唔好食㗎啦 😼呢度啲炸嘢可以媲美老板娘炸得好干爽碟底完全唔油炸鸡扒好！好！食！❤️‍🔥表面薄薄一层炸粉 紧紧裹住鸡肉唔会皮肉分离鸡肉超级厚肉多汁 摆咗一阵依然肉汁饱满 💦猪颈肉都系卜卜脆好爽口不过好难超越云川 😜结论系顺路可以一试但系冇大家讲到咁神啫 🥴位置都算易揾喺启德行去 Mikiki商场对面过两条街就到～📍 川品云南米线新蒲岗康强街17A号地舖大角咀道38号新九龙广场地下023-026号舖…查看更多

足料 重口味 猪颈肉米线😍喺9月嘅时候出过一篇新蒲岗米线店小合集，当时就话几钟意食川品，相隔一个月之后，我又再食川品嘅猪颈肉米线😗今次再拣酸麻辣汤 (小辣) 米线，依然系觉得汤底系相当重口味（好过瘾）🤭猪颈肉片香脆、厚薄适中，份量大概有10片，再加埋米线真系好满足🫶🏻酸麻辣汤 (小辣) 米线 配猪颈肉 $53加 冻奶茶 （走甜、少奶、少冰） +$9 …查看更多

讲起近期冒起嘅米线舖，一定有依间川品云南米线份，分店都扩充得好快，原来新蒲岗一早有分店。 我叫左小锅米线 (麻辣汤小小辣) ，𩠌拣左紫菜、猪颈肉 同埋 咸蛋流心丸，嘢饮叫左冻柠檬茶。………………………………………………小锅米线 ⭐️米线煮得唔够林，朋友叫嘅薯粉硬到肯定系未煮熟，但系店员坚持系正常嘅。不过店员嘅态度系还好嘅。麻辣汤（小小辣） ⭐️⭐️⭐️⭐️汤底拣左麻辣汤小辣，汤底味道浓郁，配菜有芽菜、酸菜、韭菜 同埋 肉碎。整体系好食，但系食完会口渴。猪颈肉 ⭐️⭐️⭐️⭐️⭐️猪颈肉好味，几香口肥美，啲肉又唔会爽，不过美中不足就系冇另上，比啲汤浸林左少少。咸蛋流心丸 ⭐️⭐️⭐️⭐️第一次见到依款丸，外层系类似鱼丸嘅质地，里面系咸蛋酱，几好味。紫菜 ⭐️⭐️⭐️⭐️中式紫菜，吸左汤几好味。冻柠檬茶 ⭐️⭐️茶味唔够浓，麻麻地。豆浆 ⭐️⭐️⭐️响铃牌豆浆都系第一次见，正常味道。………………………………………………除咗当日啲粉煮得唔够林，同埋饮品麻麻地之外，其实汤底同𩠌都属于好食嘅，所以整体嚟讲叫OK 啦，有机会都会再帮衬多一次，睇吓啲粉系咪都系咁硬。…查看更多

上网见到啲foodie推介，谂住试吓，一上枱见到炸嘢冇另上都已经feel到伏伏地炸嘢浸到腍晒，汤底死咸冇香味新蒲岗有好多好嘢食，完全浪费咗我嘅quota唔建议食…查看更多

汤头唔错，中意饮住汤咁食米线不过不失，量几多叫咗腩肉同鸡翼，腩肉80%肥，如果煎炸另上会食得开心啲，入汤咁食有啲腻如果比我简多次会改成芽菜或者豆卜，配汤一流鸡翼煮得好入味，一扯就脱骨，唔错…查看更多