川味閣

营业中

休息中

某天星期日下晝再黎呢道食，人不多不用等位，睇完餐牌之後就order 左碗薯粉(咩餸就唔記得了)，薯粉口感幾特別，不過不失~另外又再order 蒜泥白肉，呢個真係好好味，啲肉切到好薄，啲汁辣到變左麻，雖然我都怕辣，但夾埋啲蒜茸幾辣都照食，同上次黎食一樣咁好食，認真抵讚!!!

食過幾次, 見主佢加左價都仲係十八蚊一碗, 份量又冇少到, 味道仍然如是, 抵讚!個人比較喜歡食佢嘅撈粉, 惹味食完又唔見口喝, 抵讚!上次食過蒜泥白肉, 今次食口水雞, 同樣出色。本人一d肥膏都唔食, 但佢皮滑肉嫩, 我毫不猶疑成舊擺落口, 點埋d辣油仲正佢嘅缺點係服務態度時好時唔好

假期既 lunch time, 好多時都唔知食咩好...結果.....呢日亂行之下, 就求其入左一間~川味, 個名好熟, 好似周圍都有咁....哈哈不過而家真係多左好多川菜響香港, 可能而家愈黎愈多香港人鍾意食辣...我都係其中一個耶, 嘿嘿!!坐低一陣就 order 我既選擇.....豬紅 / 魚皮餃 / 腩肉 + 幼薯粉 - 酸辣男友仔既選擇係....雞翼 / 豬腸 / 魚蛋 + 米線 - 麻辣 (配: 凍檸茶)等左大約 15 分鐘就有野食!!!湯底味道唔錯酸辣度啱啱好, 麵身無過淋有咬口, 讚!配料算適中, 入味, 讚!有下次, 哈!!

爭扎咗好耐先寫得出呢個“食評”，11月24日食，依家係12月12日，因為我覺得呢D咁既野唔應該寫食評的，但唔鬧過佢真係唔舒服。果次唔想去永年排隊，就試下呢間野，點知就做咗2011年壓軸大片《中伏》個主角。我叫咗一個腩肉米線小辣。佢果個小辣...............係一個清湯米線+on top一pat辣醬，仲要枱面有樽一樣樣的辣醬，咁我使乜你煮呀？使乜幫襯你呀？我自己返屋企淥個丁丁自己加辣醬唔好？老老實實，地踎食店唔求你有乜水準之作，但都唔係咁求其咁hae咁冇誠意呀？咁冇誠意你仲搞乜食店呢？懶到咁......對一間食店來講，煮一個辣湯真係咁難咩？煮辣湯會入味過落辣醬先撈埋架！再講丫，如果你懶得煮，你都求其同我撈勻，唔好比我見到pat辣醬丫！咁都懶？已經一肚火，仲要食食下....佢0係我隔離掃地，講唔講衛生架？ok，我承認我有偏見，如果間餐廳好味，我一定唔會因為佢掃地而嬲，但呢間咁求其的食店，仲要冇埋衛生常識............我就一定鬧爆啦。佢唯一可取之處係大碗。但你會唔會因為碗咁既野夠大碗而比高分丫？我就唔會！Open rice要求我多提及以下方面：味道：唔好食，淡，唔夠辣，米

平時男友仔差不多餐餐都要食飯,今晚我2唔知食咩行行下就入左黎啊佢食少少之後可以再買d小食回家嘛~我叫淨撈寬粉唔辣我次次叫都唔會加餸,因為我覺得就咁都已經好好食d肉碎好入味,撈既就可以食埋所有既配料~但今次我碗撈比較多水...男友仔叫的,牛栢葉雞腎湯幼薯粉少辣d牛栢葉實在幼過龍佢第一次食覺得我個寬粉質感比較好但個湯底酸辣,吸引的唔知係咪其他人都叫好辣,食到面紅耳赤,紙巾在手我地見到其中一個男人,食到流曬汗

聽朋友說在元朗食薯粉比較好吃的有川味閣, 今日不是專程去食的, 專程去食的是另一間, 但當天剛好休息. 所以就來到食酸辣粉. 店內有很多坐位, 坐位很寬闊, 還有大電視. 凍檸茶茶味不錯. 幼薯粉很爽口份量很多很多, 冬菇很入味, 但可惜墨魚丸太差了 剛品質時覺得少辣不算太辣但卻越吃越辣的. 而薯粉都沒有吃完因為實在大碗了~金菇很貴嗎??只有一, 兩扎, 腩肉很好味不會太韌, 但雞腎反而一點味道也沒有. 選了中寬薯粉, 比較滑豪不容易才把薯粉夾住口裏. 口水雞味道很香雞亦滑, 份量很多一定有半隻雞, 底部還有芽菜可惜太鹹了否則一定很好吃.麻辣味剛好, 但牛脷有點"蘇", 芽菜一樣很鹹, 份量很多很多不知有多少塊呢?我們太飽了結果把牛脷外帶回家~二人吃了非常抵的一餐, 我們的份量足似三人食, 實在太滿足了, 薯粉和湯底味道一流, 可惜餸的材料相比下會比較差一點. 其他小食方面一樣有十足的份量. 下次必要一定是口水雞啊~~~~~~~~~

有次行過見到一間食麵的地方, 又有麵又有辣合晒我一家"何車"呢日星期六黎, 入到去坐左一半滿人, 都算乾淨闊落睇左餐牌好多都想試, 紅薯粉有分幼, 中, 寛, 辣有分酸辣, 麻辣, 仲有分大中細, 好細心.最後揀左3湯($17@)一撈($16@), 配菜揀左腩肉, 豬頸肉, 豬大腸, 金錢肚($4@), 再叫多碟小口水雞($28@).紅薯粉揀寛會好d, 因為幼好硬! 同埋撈粉好味d~~ 仲要平一蚊, 正! 不過小心d, 我一家本身都幾食得辣, 但只叫小辣都有d頂唔順佢d料唔係咁好食, d肉硬左d, 我會建議唔叫! 不過我下次會再試埋其他款先而佢個口水雞好正, 28大元咁ge份量可以去邊搵?! 仲要有肉食味道可口添!!總而言知, 好味又抵食, 好快會再去食多劑

這間餐廳跟我家距離只有十分鐘, 所以周不時都會光顧不過愈接近炎夏我估計應該會減少光顧次數因為.. 辣到令人好慶我每次去都只會ORDER 撈粉, 因為我覺得撈粉應該會比湯的更出色!縱使我沒有試過川味閣的湯粉而且我想, 薯粉在"撈"的狀態下更彈牙!好味道! 每次都會點丸類配金錢肚, 還記得早排都有十數條金錢肚,這一次卻好像十塊也沒有不過麵底依然好多, 吃到最尾每次都飽/辣到撐不下去 另外, 川椒皮蛋也是每次必點的不過我較喜歡酸味多過辣味的版本早前吃的皮蛋, 辣味不重, 嚐到好香的陳醋味,加落撈粉到會更惹味!不過今次的就太辣了, 吃罷一身汗總括來說也是又抵又好吃的店子, 而且十分就腳!

光顧川味閣三次, 每次都叫麻辣薯粉(小麻辣)奇怪事件 1第一次小麻辣, 食左三分之一, 就已經辣到食唔到 第二次小麻辣, 食左一半, 就要放棄 第三次小麻辣, 只有微微辣, 佢應該只係比左小半茶匙麻辣 奇怪事件 2仲有手拍青瓜, 之前食過一次, 佢地張 d 辣醬汁淋上面, 上次辣到飛起因為友人不食辣, 今次要求醬汁另上但係... 今次 d 醬汁又係只有好輕微的辣今餐想食辣, 點知就攪到咁冇癮真係不知佢地小辣的準則是什麼 ??? 辛辣程度相差太遠喇...不計算辣的準則, 佢碗麵就真係唔錯, 湯底好好而青瓜就冰凍爽脆今次配豬腸, 豬腸好淋好好味 服務員好好, 招呼週到

與男友方先生去過川味閣真係好幾次,每一次去都係相同地叫2碗薯粉條小辣,然後再加餸;但認真一句食粉加餸嗰d餸真普通都唔可以再普通,如果想食一d比較有心思d ge,不如叫個小食吧~於是呢次又係2碗紅薯粉條和要左一個"麻辣牛脷"呢個麻辣牛脷以大豆芽菜放底上面就舖住牛脷,麻辣的牛脷只見愈食愈辣,仲夾住陣陣牛蘇味,適中的牛脷軟淋又唔會完全失去咀嚼感,就連本是配角的大豆牙菜都有吸引力~最近方生轉食酸辣炸醬米線,仲要係一試之下不再回頭食紅薯粉條,因方生認為個湯浸住米線比浸住紅薯粉條好食

在元朗工作，其實要找吃的真的不易因為在教育路附近的粉麵都吃過米線, 薯粉的: 川味美食, 譚仔, 小窩米線潮州粉麵: 新港魚蛋粉, 傳世麵家, 開城, 勝利以上都是較正路的午餐/tea 地點足不出戶就叫外賣今天四處游走, 不欲到以上各食店見到川味閣, 反正小弟是嗜辣之人, 不妨一試到的時候差不多到三點, 人數不多, 吃得自在叫了一個中寬薯粉, 小麻辣湯底, 其實這種中寬粉在大角咀的"正宗雲貴川"也有吃過薯粉闊約1cm, 又正好於粗幼河粉的寬度之間, 如河粉滑, 比河粉有嚼頭但我比較喜歡厚身一點的幼身薯粉加了腩肉和牛柏葉, 淨粉吃不了人吧腩肉入味, 不太咸不太辣, 有嚼頭, 不俗牛柏葉四至五件左右, 但寬度比 川味美食元朗分店 寬得多麻辣小辣足夠, 亦夠麻夠香, 算是不俗但韮菜不知是不夠鮮或是如何, 沒有發揮應有的畫龍點睛之用途樓下兩位失望看來是因為點錯了配料吧會再來, 因為價錢跟川味美食一樣, 但質素, 抵食程度比川味美食好多得(是元朗分店特別差, 配料超級少, 勁慳皮)而且這川味閣的麻辣湯底比川味美食好很多真好...多一個午餐地點!!

我本身係酸辣粉 fans之前經過屯門分店都一直想入去試下見到元朗都開左分店，一於入去試試叫左炸醬薯粉+墨魚丸、魚皮餃$3-4 配料水準很差，尤其是d丸湯底夠辣，但唔夠香濃薯粉一般，但個人還是鐘情大陸用的圓身薯粉結果失望而回......不會再幫親架啦

今個月超難得的一連唱了兩次K，是前兩年唱K次數的總和不止!!勁out的我，雖然對於新歌試唱十分茫然，但於懷舊金曲中也回到少女時代唱K的快樂，唯一難以忍受是食物真的糟透了~~~ 　首次K後，兩人肚子都咕咕大響，老公即時又提議吃他最愛的永年士多。然而三點幾的永年仍然大排長龍，眼見至少要廿分鐘才有得賣，才轉試這新米線店。K後肚子特別餓，每人先來一碗麻辣米線，看外賣不夠紅艷火辣，然而湯底特以湯骨去熬過，香鮮得來又帶有陣陣麻香，頗有驚喜；而且配料的炸醬、芽菜、酸菜、蔥花等也給得慷慨，配上滑身米線，是相當的好吃。單賣$16碗很吃得過。　可惜，加$3-4款的配料，水準就差得遠了。較OK是豬腸與魚皮餃，前者夠入味，後者爽口帶鮮，此外其他的真是不堪回首：腩肉乾瘦如柴、毫無脂香；醬爆丸味同嚼臘，中間不知名夾心也一樣；最後腐皮厚身且硬，麻香湯底滋味丁點沒吸收過，好心廚房煮多陣再上碟啦!最後要了一杯凍檸茶(+$6)解辣，也是很一般的水準。　總括只為一碗麻辣米線而來，這裡很值得推介，但想吃美味配料嘛，還是排長龍等永年好了。另外也有興趣試試小店口水雞、夫妻肺片、辣椒皮蛋等，那天找多兩個腳，來頓簡式川菜米線餐吧!