川味軒

記錄一下今日嘅晚餐～本身已經買定餸，諗住喺屋企煮但突然之間收到快遞嘅電話話有嘢要拎就沖咗落街，順便落街食今晚食咗紅薯粉😛😛蘿蔔牛柏葉酸菜紅薯粉（唔辣）蘿蔔唔甜但係好腍，牛柏葉切到好細條普普通通湯底有少少酸唔辣好易入口下面仲有好多芽菜豬潤酸辣米線（小辣）豬潤煮得太熟麻麻哋重慶汁皮蛋（小辣）皮蛋太過濃味，唔係好啱我😆😆夫妻肺片（小辣）麻味好重好食！牛肚好煙靭…查看更多

對上一次食係一年前以前叫外賣叫中辣，一係唔俾辣我一係bb辣咁，好食我就算今次跟同事叫外賣叫豬頸肉、蘿蔔、牛柏葉啲牛柏葉又到條絲咁蘿蔔得返兩嚿，豬頸肉薄到A4紙咁寬粉係我話要小面就算啦但完全冇咬口好似浸咗好耐賣剩蔗嘅俾我咁完全唔掂…查看更多

炎炎夏日勁想食撈薯粉，買外賣返屋企開冷氣食就最正😂要左3餸～牛柏葉、雲耳、雞翼，小辣！牛柏葉都幾爽口，而且都有好多舊！小辣都幾辣，奉勸唔食得辣既唔好一次過就撈埋😂…查看更多

喺天水圍嘅川味軒，真係一間能夠帶你去到四川嘅好地方。佢哋嘅菜式真係得嚟又正宗，每一樣都好惹味。首先講吓佢哋嘅酸辣炸醬湯米線。湯底酸辣適中，炸醬嘅味道好香，米線爽滑彈牙，同湯底好夾。魚皮餃同紫菜都好好食，魚皮餃鮮嫩，紫菜清新。再講下無湯熱伴紅薯粉，佢哋嘅紅薯粉Q彈得嚟唔會太黏，拼上嘅豬大腸同海帶，豬大腸好入味，海帶又爽口，整體味道豐富，食落去好開胃。至於小食，佢哋嘅麻辣豬肚絕對值得一試。豬肚煮得好腍，唔會太硬，麻辣味夠勁但又唔會蓋過豬肚嘅鮮味，每一啖都係香辣中帶點鮮香。川味軒提供嘅每一款菜式，無論係湯底定係配料，都做得好精緻，味道正宗，係天水圍一帶食川菜嘅好選擇。你喺天水圍想食啲辣嘢，記得去川味軒試吓，肯定唔會令你失望。…查看更多

今日嚟到天水圍食薯粉廿幾蚊仲有一碗麵邊度搵？仲要係薯粉，炸醬、蔥、芫茜、花生等配料。有得湯粉同熱拌麵底有得揀寬粉、鏈型幼薯粉、米線同河粉，我就揀左鏈型幼薯粉，加$5-$8有唔同嘅餸揀食得好悠閒(˶‾᷄ ⁻̫ ‾᷅˵)平民指數：🌟🌟好食指數：🌟🌟🌟🌟———————————————————-營業時間：星期一至日11:00 - 23:00地址： 📍天水圍 川味軒追蹤我 @eggyork_foodiehk 一齊食盡天下！#日本菜 #日式料理 #日式餐廳 #日式料理 #日本料理 #日本食 #香港美食 #灣仔美食 #hkig #hkfood #hkfoodie #hongkong #hkfoodblogger #hkfoodlover #日式美食 #香港美食 #美食 #中環美食 #中西區 #日本菜 #壽司 #刺身 #japanesefood #餐廳 #香港餐廳 #沙田美食…查看更多

記得以前這間川味軒好正，今次由出面入天水圍特登食下，一去到見咁少人都覺得奇怪，入去叫野食，叫叫下，阿姐走開咗，咪停口等佢回來口渴再叫囉，點知停咗口，阿姐大大聲一句渴過來 "講啦，我做緊野都可以寫架嘛", 即刻呆咗，好，忍你，咁繼續叫餸啦，點知佢又一句"得" 過來，仲加呀！，連隔離枱哥哥都話，你老細請你一個就夠啦 (趕客），好，又忍你......老實講，態度差都算，食物真係差，係平，但係真心唔好食，以後都唔會去…查看更多

中學時期常吃的撈薯粉以前中學時代$14一碗，現在$27一碗。每一個餸加$6至$7 🥢腩肉海帶撈粗薯粉 $40最鍾意食呢度嘅腩肉😋因為唔會有肥肉，而且薄切帶小小麻辣。每次都會揀粗薯粉因為好有煙韌感！撈埋底下個汁真係開胃又夠晒味！底下仲有超多芽菜。唯一美中不足的是今日啲花生完全唔脆！🥢豬頸肉蘿蔔撈拉麵$40 以前拉麵係最大碗而且份量超多，每次都會食唔晒，而家份量變返正常，食晒啱啱好！拉麵都好吸汁，而且唔會煮得太淋。豬頸肉薄到差點以為係比錯咗腩肉，以前係好大嚿㗎！豆漿$8總括而言：味道同以前一樣，不過時至今日加咗價而且份量比以前少咗。不過都仲抵食嘅😋📍川味軒 (天水圍)天水圍天湖路1號嘉湖新北江商場1樓🔍#nseat_天水圍#hkig #hk #hkfoodie #foodie #foodpics #foodphotos #foodblogger #instafood #foodstagram #hkfood #hkfoodblogger #食好西 #香港美食 #相機食先 #吃貨 #食評 #美食推薦 #撈薯粉 #薯粉 #川味軒 #辣 #平民美食 …查看更多

辣癮起，又想飲可樂，立即唸起新北江商場的川味軒。好耐冇嚟了，店鋪冇變，墻上依然貼著從開張到宜家都一樣的大餐牌，價錢就用貼紙改完又改。 每次都點酸辣炸醬紅薯寬粉，每次都加山根、肥牛、蘿蔔。紅薯寬粉依然好味，晶瑩通透，爽口彈牙，食到滑滑聲，唔使咬都可以直接落肚。平時冇乜機會食山根，所以每次嚟都會點，煙煙硬硬，好有口感。肥牛好足料，但蘿蔔就唔夠鮮甜。不過今次感覺有啲唔同：1.  湯底配酸菜、芽菜、炸醬，但酸菜過多，酸味蓋過辣味。2.  點咗中辣，但感覺連以前小辣程度都不如，唯有自己加辣醬加到滿意為止。3.  以前食到一半就會出汗或流鼻水，好爽，但今次食完乜反應都冇。希望可以做番前幾個月的水準。🙏🙏…查看更多

天水圍有推介！大平反！點解成日都係隔離排長隊？開業應該超過10+年！你可能會問你又知10+年？因為我哋留意到牆上面有份某報章嘅介紹已經係2009年話說回來入正題….一直通常都係食隔離嗰間，今次試吓先，可能無期望就無失望！而且仲有驚喜添 😆先唔講餸先….除咗傳统米線或紅薯粉之外，呢度仲有有多不同麵/粉底嘅選擇，我哋就反傳統一下，試咗寬粉同粉條。兩個人分別試咗小酸辣 同 中麻辣，個人認為麻辣更勝一籌，喜歡附送嘅配菜，尤其係海量嘅酸菜，新鮮爽口嘅芽菜，肥瘦適中又香麻入味嘅炸醬，非常讃！下次會另點一份肉炸醬自選餸揀咗：① 豬潤 - 鮮嫩，推薦② 豬紅 - 有啲腥味，都可以接受③ 腩肉 - 偏瘦入味，口感有別於一般腩肉④ 豬耳 - 微辣爽脆可口，推薦⑤ 金錢肚 - 切片近乎絲嘅狀態，比較難試釗真味道，但係質地都幾軟冧，可考慮湯頭：menu上標明豬骨湯底，味道偏濃，加上麻辣，口味更加豐富，個人就非常喜歡，個人特別鍾意一啖湯加入粉放上匙羹一啖一啖慢慢食，食完飲咗一木半嘅湯都唔覺得口渴，證明味精唔多。整體有驚喜，下次打算挑戰大麻辣。📍 川味軒天水圍嘉湖新北江商場1樓C45C號舖…查看更多

推薦大家，食撈薯粉一定要求小辣多酸！以前好唔明我媽點解咁鐘意食新不江呢間撈薯粉，正確食法原來係要多酸先好食😆😆推薦大家，食撈薯粉一定要求小辣多酸！推薦大家，食撈薯粉一定要求小辣多酸！推薦大家，食撈薯粉一定要求小辣多酸！推薦大家，食撈薯粉一定要求小辣多酸！…查看更多

由細食到大，薯粉來講，呢間算係好正宗！我最鍾意食佢嘅酸辣湯底，小酸辣，真係唔會太辣，酸酸美味嘅味道非常開胃！平時我鍾意食米線多啲，不過間唔中都會懷念薯粉嘅味道，尤其是呢間嘅酸辣薯粉，係我幾冇胃口嘅情況下，都一定會食得落！但係又非常神奇地，每次食完都一定會飽到上心口，係10分滿足！無論我係飲可樂，定係飲豆漿，都一樣係會飽到滿足！如果嗰晚我想食清淡啲，或者知道夜晚好晏先食飯，又或者想一餐當兩餐，呢一間真係不二之選！每次嚟到都必叫豬紅如果想食蘿蔔嘅話，呢間係非常之大嚿，不過我一般會冬天先食！呢間嘅雞翼係滷水，都好入味有紫菜食，推介！…查看更多

有時想食酸辣薯粉，就會諗起呢間米線店～依家每碗滿＄35送汽水，幾好一碗通菜牛栢葉湯薯粉BB辣，通菜可能浸得太耐，唔夠爽脆，牛栢葉有d細件，唔太夠喉，多d就滿足啦薯粉係扭紋薯粉，索埋湯汁，而且配上酸菜同BB辣，正！！另一碗芝士腸肥牛湯薯粉BB辣，芝士腸都有三條，肥牛都算肥瘦適中，幾好～…查看更多

以為食依間野 抵食加大份但自從上年開始 分量愈來愈少 叫三餸都好似無食過野☹️ 不過佢個價錢就無加過 但薯粉個量少左一半分量 餸都少左一大半 —————————————————————有一樣野藉得讚 防疫措施做得唔錯 成大塊膠隔住兩張枱之間不過 開係條街既兩枱 依然係外面☹️依家外賣夠$35 送野飲 但堂食無☹️☹️…查看更多

成日都食連鎖既米線或者面店 可以考慮下支持下你附近既小店 有時都有d驚喜呢一間天水圍川味已經開左好耐 價錢雖則加左少少 但都仲係好平 如果咩都唔加的話 一碗薯粉廿零蚊就有 佢入面會有一啲辣肉碎同酸菜 如果你唔加配菜都得 所以好多學生幫襯但當然 我係有加既 我加左金錢肚同通菜 薯粉好食 好煙韌又酸酸辣辣 佢既湯係豬骨湯 配埋黎食 好正另外我加左個小食 麻辣豬肚絲 可以比我配面食 小食價錢都好平 而且份量好大 睇相就知 入面又拌埋個d辣椒 食到出哂汗…查看更多

食物好味先會成日去幫襯同你講小食被烏蠅嬲過你問 係邊我話 飛走左你話 個商場係開放式 我控制唔到ok 我有錢 我叫過第二個小食 但其實個商場唔係開放式豆漿一開 凝固左同你反應你就話 咁嘅 今日先返貨咋wo 打電話去投訴先得永遠都係人地嘅問題 你無責任 好垃圾…查看更多