岩盤牛扒 ミディアムレア ステーキ (將軍澳中心)

呢间嘅牛扒一直都好想试，终于可以一尝佢嘅牛系咪真系咁正。佢食物嘅款式好多，简直花多眼乱，样样都想食，下午茶劲抵，40几蚊就有个饭加乌冬嘅set，又有几款拉面可以拣，但系我嘅目标系食牛，其他嘢食等我食埋呢餐先再谂。我地点咗封门柳同牛柳两款，我地加钱转套餐，包一只温泉蛋、和风汤同汽水，一人平均160几蚊都OK。牛肉系即叫即切，保证新鲜封门柳嘅牛味比较出，肉质都够淋，即便响个铁板度慢煮，都唔会影响咗佢嘅肉质。蒜味够香，我冇谂过佢会比咁多。牛柳就真系比下去，店内都有介绍过封门柳嘅牛味系第一，牛柳系争啲嘅，但系冇理由两个人叫同一款嘢。虽然佢个牛味系冇咁突出，但系肉质同样都够淋。我哋改set加多两个小食同汽水，我哋同样都系点咗个温泉蛋、和风汤 ，温泉蛋就正常嘢，和风汤就麻麻地，感觉似一堆下栏嘢煲出嚟嘅汤，味道一般。店内唯一嘅特色系NO SERVICE，由攞餐到食完放去回收架都系自己嚟，唔好谂住比百几蚊会有咩服务，所以大家要学习一下自律。有机会我反而会想试下佢个下午茶餐，希望会再为大家报导。…Read More

呢间餐厅成日响门口经过，但一次都未食过，因为人太懒，唔系好钟意去啲要自己serve自己嘅餐厅食，难得同事有兴趣试，就试一试吧。门口有点餐机，可以自己点餐又或者去counter揾姐姐落单。我们点了鳗鱼丼和牛肉溏心蛋乌冬，跟餐要了沙律。鳗鱼丼几好，鳗鱼厚实，口感同味道都唔错，份量刚好。不过同事对牛肉溏心蛋乌冬却有些失望。虽然牛肉的质感不错，溏心蛋也OK，但整体的份量似乎不够，吃不饱。沙律菜都算新鲜，但酱汁似乎加得有些多，偏咸。见隔离枱好多人食铁板餐，下次试下。…Read More

午市选了去岩盘牛扒食lunch叫咗牛肉乌冬面，超级抵食$35仲要加埋嘢饮，整体感觉好有诚意牛肉乌冬汤底清爽，牛肉切得薄身，咬落去有口感，但唔会好韧，吸收汤味后更好味乌冬烟韧，咁抵嚟讲质素唔错饮品方面仲要配埋峰提子，甜度适中，配搭牛肉料理有解腻效果。整体唔花巧，但食得舒服，适合想静静地食一餐、唔需要太多装饰多…Read More

平时见呢间嘢都唔少人帮衬，闻落好似好香咁，今日行过见到就试一试。职员即时切牛肉，切完之后佢会问你呢个克数得唔得，得嘅话就会话俾你听几多钱，可以加$32转套餐，份量都唔少。块铁板上嚟嘅时候都几热，话有300度，但块牛柳未切完就已经冇晒渣渣声了，比想像中冻得快，但系都够热了。我钟意牛柳系比较瘦，但系佢牛味就冇封门柳咁重，酱汁偏重味，同埋个汤嘅牛肉都系重味嘅，但系我就唔系太钟意个汤。捞埋个温泉蛋一齐食唔错。封门柳牛味比较重，口感比较腍身，朋友钟意食呢个多啲。成个套餐份量都几多大家食完都好饱，总括嚟讲呢间嘢可以试一次😁…Read More

上次食咗觉得好难食，今次谂住比第2次机会佢以为系外卖先失准首先，食咗旧肉好老好鞋，同上次食外卖一样，另外牛冇味，啲酱系冇味，饭都冇味，最好食系只蛋，起码叫有啲味，呢碗饭仲要80几😓😓，不如去S记仲开心，唔知点评论呢碗野，非常失望，下次唔会再帮衬唯一可以赞嘅系摆盘算整齐（？唔明点解会禁多人排队食，定其实系我唔好彩总括而言，就系好难食🙏🏻🙏🏻📍岩盘牛扒 ミディアムレア ステーキ (将军澳)将军澳唐德街9号将军澳中心1楼173号舖…Read More