山道冰室

营业中

休息中

蔥油雞扒煎旦飯，正常冰室水準，雞扒略微乾左少少，唔夠juice。熱奶茶唔錯👍🏼招牌烤雞，可選意粉薯條沙律，所以覺得唔錯幾好多選擇，烤雞水準好好，夠熱夠juice ，雖得半隻，但有肉地，都夠飽肚。會再幫襯，員工紅色短頭髮姐姐態度一流，簡單講就叫佢幫手整d野，左搵右搵，最後都仲關心人，個人認為值得嘉許。讚

今日經過HKU呢頭，求其喺地鐵站附近搵咗一間冰室試吓，茶記嚟講環境說好乾淨，我哋兩個人喺晚市時間都安排咗好闊落嘅位俾我哋坐！同埋夥計服務態度好好，好熱情開朗👍🏻👍🏻嘢食嘅話就嗌咗兩個晚市套餐，一個蔥油雞扒配煎蛋飯，味道就冇話特別好食，豉油都唔算太濃，我就覺得可以再重味少少，跟餐嘅凍華田都偏淡，至於第二個咖喱滑蛋吉列豬扒飯都唔錯，上菜速度好快，吉列嘅嘢都仲係脆卜卜，整體嚟個好match，都推薦呢間餐廳，嘢食雖然一般，勝在服務態度好好👍🏻

內裏裝修光猛整潔，係有少少迫，不過都尚算舒服。食物方面有好多選擇，本來想食燒春雞餐，但最終點了好邪惡的，瑞士雞髀配芝士辛辣麵套餐😁 辛辣麵煮得啱啱好，無論味道及麵質，唔會話太腍，正👍🏻 瑞士雞髀味道好，只係覺得雞髀煮得有啲過熟，整體都係好嘅。個餐仲有配火腿奄列及多士，仲有嘢飲👍🏻 另外一題就係服務好有親切感，見到每個職員都係笑笑口的👍🏻

呢次嚟呢間位於西環嘅茶餐廳堂食，之前淨係試過佢哋嘅焗麵包，今次終於有機會坐低慢慢試吓其他嘢。星期日過黎！氣氛都幾熱鬧。店員態度親切，笑容滿面又無壓迫感，會問清楚啲特別要求，好似飲品走甜少冰等等。呢啲細節位幾加分。講返嘢食，燒春雞係個人最愛，雞皮燒到脆卜卜，咬落仲有啲油香，雞肉仲保持到嫩滑，完全冇乾柴嘅問題。配埋啲沙律，雖然簡單，但就啱啱好解膩。特大凍檸檬茶真係好大杯，飲落檸檬味好清新，茶味又夠濃，少甜少冰嗰個比例掌握得幾好，冇嗰種“沖淡咗”嘅感覺。主食方面，豬扒麵揀咗米粉，豬扒煎得金黃香口，咬落外脆內嫩，米粉吸晒湯底嘅味道，但又唔會過鹹。火腿奄列就係好家常嘅感覺，蛋香十足，火腿份量都足。厚多士特登叫咗走牛油，少咗啲油膩感，反而更加突出咗多士嘅香脆。至於椰汁紅豆冰，椰香味真係幾濃，紅豆綿密唔會太甜，不錯。山道冰室 (西環)西環石塘咀山道25號新安大廈地下C&D號舖

今日來到西環山道冰室食lunch, 見到必食燒雞招牌吸引入左來食。被安排坐左個單人位，因為風口有少許吹頭，想調位，職員即刻搵位比我。跟著落order,每個職員都好好招呼，男經理最好，臉帶笑容，其他職員做野快手快腳。叫左個紅豆冰，因為有椰汁，無飲杯紅豆冰，職員不單主動問，仲可讓我換過一杯，經理仲幫我減返個特飲價。第一次過來食，呢間既服務態度係香港真係買少見少。來到西環，可以一試。感謝讓我有一個愉快既午餐時間。

今日去香港大學搵朋友食晚飯，知道附近有間叫山道冰室的茶餐廳好出名，於是就去試一試。蝦仁滑蛋飯：蝦仁滑蛋炒飯以新鮮的蝦仁和滑嫩的雞蛋為主角。將煮熟的米飯與蝦仁一同炒至金黃，再加入打散的雞蛋，輕輕翻炒至蛋液包裹米粒，散發出濃郁的香氣。最後，點綴上蔥花，增添色彩與風味。這道炒飯口感豐富，既有蝦仁的鮮甜，又有蛋的滑嫩，絕對是飯桌上的美味佳品。燒春雞：燒春雞以嫩滑的春雞為主料。雞肉經過醃製，通常使用生抽、老抽、蒜蓉和香料，讓其吸收豐富的味道。隨後，將雞放入烤箱或燒烤架上，烤至外皮金黃酥脆，內裡肉質鮮嫩。燒春雞色澤誘人，搭配香脆的蔬菜，口感層次分明。總括來說，山道冰室食物份量大，新鮮可口，絕對是必食的茶餐廳。

茶餐廳、冰室就係香港道地菜系，嘢食每間都做得差唔多，但食落總會有唔同，最主要係食佢嘅香港情懷！呢間冰室坐落喺西環，港大附近，有唔少學生、附近嘅打工仔幫襯。菜式選擇唔會好多，有幾款茶記熱賣款式，配上各種配料，每碟都大大碟，幾吸引🤩！-——————————————🔥◖蔥花滑蛋叉燒飯◗ $63呢碟飯份量幾大，面頭上大大片叉燒滑蛋，叉燒算半肥瘦，食落都幾香，同白飯一齊食，超送飯！幾鍾意佢加嘅豉油，食落甜甜地，但略嫌唔夠多～🍜◖招牌沙嗲牛肉常餐◗ $56常餐包咗沙嗲牛麵、火腿奄列、牛油厚多士同一杯嘢飲，牛油厚多士+$10可以轉做菠蘿油㊙️！沙嗲牛肉要米粉，米粉彈牙有啲韌勁，沙嗲牛肉都入味幾厚，食落有肉感，整體都唔錯🌟🍍◖招牌菠蘿油◗ +$10香港茶記一定唔少得菠蘿油，大大隻菠蘿包烘得暖笠笠，菠蘿包外皮酥脆，夾入牛油片，半溶化狀態食落更香！🍝◖焗黑椒牛扒意粉◗ $68牛扒幾大片，再鋪上一層芝士拎去焗，出到嚟熱辣辣拉絲咁，幾吸引！意粉煮得唔會太軟，牛扒醃製過，但咬落去有啲漿口，略嫌牛扒加得太多粉漿，原本嘅肉感差少少～🧊◖凍鴛鴦◗ +$3🍋◖凍檸茶◗ +$3
🌟Encore指數：8.3/10

以前嘅港式冰室，自設焗爐，烘焙自家出品嘅港式麵包，係那些年嘅常態；至於近年新興嘅冰室，可能為咗減省成本，甚少會投放資源製作自家麵包。而位於西環嘅山道冰室，雖然係區內新開嘅冰室茶餐廳，但都自設麵包焗爐，師傅定時出爐新鮮嘅麵包，成為我哋近期嘅最愛。菠蘿油新鮮出爐嘅菠蘿包夾上一大塊鮮牛油，雖然邪惡，但確實驚喜！菠蘿包夠軟熟，包面似菠蘿釘，非常香脆，加上牛油嘅加持，更加香濃。蔥油太陽蛋豬扒飯蔥油、蛋汁再加上豉油，已經非常啱拌飯！至於連骨嘅豬扒，肉質軟腍，醃得入味，而且索晒蔥油嘅油香，非常惹味。紅豆冰紅豆冰起沙之餘，又有原粒紅豆，口感一流！至於奶底用上椰奶，味道更香更濃更滑。

今日去咗港島西做嘢，臨走時去到大學地鐵站門口，見到個脆皮燒雞餐勁吸睛。佢佢門面又光鮮就索性食埋飯先返公司。裝修格局同一般嘅冰室冇大分別，唯獨是佢特別之處就係店員非常有禮貌，好少見到食肆嘅夥計咁有禮貌，有笑容，唔該前唔該後。就連夥計之間嘅相處都非常融洽。 差唔多每句都聽到麻煩你、唔該晒👍👍👍👍👍其次就係燒春雞非常好食，即叫即整熱辣辣，仲可以揀配飯、意粉、薯條、薯仔沙律，好多選擇! 上枱香噴噴，外皮超級脆口之餘肉質鮮嫩，一切開就超多熱油流出嚟，雞肉醃製得非常入味，我最後都係放棄用刀叉，戴上手套用手撕開黎食，更添風味。😆😆

喺西環發現一間唔錯嘅冰室同屋企人食咗個靚靚早餐，好滿足一開始係比門口嘅麵包吸引，睇緊嘅時候，有個街坊仲好落力向我介紹佢哋嘅菠蘿包，話即叫即整好好食😄😄咁一於俾次機會，食個靚早餐先沙嗲牛麵醬汁偏深色，味道香濃牛肉份量都幾多，唔錯配炒蛋火腿同埋迷你餐包個迷你餐包都好好食，甜甜地，都係佢哋自己做嘅，雞蛋火腿夾埋落去，就非常滋味屋企人就揀咗羅宋湯牛肉通粉鮮牛肉份量同埋羅宋湯嘅蔬菜都好多，成件事非常健康！菠蘿包熱辣辣，上面嗰層非常香脆，但唔會一咬就甩晒出嚟，非常抵讚。可以加幾蚊將早餐嘅迷你餐包換成菠蘿包，咁成個早餐就更加豐富，勁多街坊都係揀菠蘿包，跟！配埋杯奶茶，都有返咁上下水準，香濃，夠滑食完個靚靚早餐，又開始新嘅一天😁😁

#山道冰室 😋😋😋😋hmmmm very newly open resto in shando. the place is full of locals. first thing step inside u see a smiling boss serving us. very good smiling and make us all happy thats why i add an additional😋 to it. it was 3 but now 4.food we order is soooo standard. we order oven rice. one pork and one beef. 65 / 68$. the meat quantity is small but price is fair. the rice is prepared a whole. and put in to the pot. add meat and sauce than bake it for 30sec. they making it too quick and without hea

这顿夜宵吃的太值了印象里很久没吃到这么好吃的烧春鸡了！我觉得比湾仔有名的那家蔷红更好吃🐔即叫即烧 需要等一小会儿端上来的时候被香出口水！！！还搭配了酸酸甜甜的意粉🍝-刚烤出来的脆皮晶莹剔透，薄而酥脆迫不及待掰开鸡腿 （好烫🥵不要心急！鸡肉流下充盈的汁水... 香味顺着溢出来肉质嫩滑鲜美！不用搭配酱汁就够有味道了皮脆肉嫩会爆汁的绝佳美味啊～-这家冰室很多本地人在吃葱花滑蛋叉烧饭也是招牌薄薄的滑蛋皮，吸收酱汁很入味我喜欢吃偏瘦的叉烧 咸甜平衡的恰好这家的叉烧饭吃起来就一点都不会腻！还推荐香煎鸡扒芝士辛辣面爱吃辣的小伙伴会很喜欢的

中午放lunch同朋友仔去山道食好啲，見到門口個麵包櫃幾吸引☺️☺️外脆的菠蘿包酥皮，加上中間夾心口感唔錯。王牌瑞士汁鷄脾🍗＋芝士辛辣麵🍜Swiss sauce chicken leg with spicy instant noodles鷄脾大大隻，瑞士汁幾入味，搭配韓式芝士辛辣麵，好特別。火腿奄列🥚＋牛油厚多士厚多士有焗過，食到牛油的香味。秘製脆皮燒春雞🐤配炸薯條🍟份量十足，雞肉多汁，個皮係催嘅，建議可以戴手套食得更方便。#西環美食 #石塘咀美食

山道除咗呢條出名既打咭車路，而家又多間冰室打咭。真·山道冰室。地鐵一出既多眼位，加上大大個招牌，好難留意唔到。中午餐牌價錢都係茶記收費，難怪入到嚟要等位。日式咖喱吉列豬扒蛋包飯 $68碟大而且唔係大而無當，多飯，豬扒都好大件，咖喱汁充足，味香，不辣，不搶喉，撈埋蛋一齊食，勁豐富。招牌焗鮮茄豬扒飯 $63焗豬賣相吸引，見到表面金黃芝士，已經”芝味十足”，配合鮮茄加菠蘿，味道更香濃，豬扒口感鬆軟，飯粒分明。最後飲埋杯有水準既凍檸茶。

今日約咗朋友喺西環食下午茶。喺香港大學站B2出口一出已經見到，地點相當方便。我地2:30嚟到，要等幾個位先入得，睇嚟都幾有人氣。秘製脆皮燒春雞（$88）：可以選配白飯/茄汁意粉/薯條/薯仔沙律。我揀咗薯條。佢仲有啲沙律菜跟埋。呢個燒春雞真係不得了。首先熱辣辣上枱。啲雞皮好薄好脆。雞肉非常多汁。真係好好味！果然係餐廳必食推介。招牌常餐（$56）：佢哋嘅招牌常餐係沙嗲牛肉公仔麵，配火腿奄列及牛油厚多士。果然稱得上係招牌。佢哋嘅牛肉軟熟有牛味。沙嗲醬都好惹味。火腿奄列都做得好好，蛋夠滑火腿夠多。常餐會送熱飲，凍飲加$3。法蘭西多士（$38）：佢係我鍾意嗰隻有花生醬喺入邊既西多士！餐廳用上厚身嘅方包去整呢個西多士。客人可以選擇要糖漿定係煉奶。我自己就習慣性地揀咗糖漿. 下午茶餐會送熱飲，凍飲加$3.酥皮蛋撻（$8）：見佢啱啱出爐，即刻整返個先。熱到標煙，蛋漿好夠滑。凍檸茶：茶味濃，檸檬有四片咁多。