山謙

有次逛新北江商場誤打誤撞看到這間拉麵店，店內佈置很有特色，檯椅數量不多，很有日本小店風格，由於下午茶時段去，所以座位任揀。看到鋪面食品標價很平宜，沒抱大期望，姑且一試，點了吉列豬扒拉麵同咖哩豬扒飯試，兩罐飲品及四個小食，埋單只需$198，二百元有找，除咗平之外，最大驚喜係好好食，即叫即做，試過D出名拉麵店絕不比下去，唯一缺點係九曲十三彎，對路盲來說絕不容易發現和找到，好似行迷官😂認真係隱世正食店，自此當諗唔到食乜好都會搭幾個輕鐵站到此揾食😂成為我哋嘅食堂，試過唔同嘅食品，全都有驚喜同水準👍PS: 呢度嘅服務員都好 nice服務態度好好，同客人會熱誠交流，主厨仲係個年輕人，加油，支持小店💪…查看更多

🍽️食物方面：🧄黑蒜豬骨湯叉燒拉麵💲52唔重黑蒜似濃味啲嘅豬骨湯 叉燒嫩滑🧀濃縮芝士湯豬軟骨拉麵💲49少量芝士唔會食到滯 肉夠味 細塊方便食蛋睇樣覺得有啲過熟 但食落唔錯啱啱好一個麵餅 我少麵再飲汽水都飽🧃汽水/幾款紙包甜嘢跟餐💲4 無普通茶📷打卡方面：牆身貼滿插畫介紹日本餐廳食物圖🔈環境方面：Lunch好多學生 1點去會好啲雖然好忙 但係staff都幾有禮貌💬其他資訊：山謙📍天水圍天湖路1號嘉湖新北江商場1樓原宿地帶D16號舖…查看更多

一間新開嘅日本拉麵舖頭…好多年前味太郎執咗之後新北江都好似冇拉麵舖頭啦！…所以真係好想試一試佢價錢十分之優惠 40幾蚊可以食到一碗拉麵頭先叫咗一碗香濃芝士湯底叉燒拉麵然後再叫咗一碗炸雞扒地獄湯底烏冬呢個價錢嚟講，味道都算合理 …香濃芝士湯底～可能係個湯唔夠熱個芝士未溶得晒 有淡淡芝士味 ～類似韓國芝士麵湯底嗰一種..叉燒來講，係真係唔錯嘅！有少少入口即溶嗰種感覺…糖心蛋係普通烚蛋嗰隻味道～如果係用日式醬料醃製嗰隻就高興啦🤪🤪地獄湯底都幾辣，如果真係食得辣先好叫！下次會想試吓佢啲飯睇吓會唔會比較有驚喜！…查看更多

同同事喺天水圍工作，晏晝咁啱要食嘢嘅時候，諗起中學運動會嘅時候成日過嚟新北江食嘢。好掛住新北江嘅食物，今次行到巷仔入邊，見到呢間平價日式拉麵店。睇完佢啲餐單，覺得食物都幾正又平！今次嘅食物叫左：1）吉列豚肉拉麵🍜（$49）濃縮芝士辣湯底2）照燒雞扒拉麵🍜（$49）濃縮芝士湯底2碗拉麵都係同様價錢！濃縮芝士其實就係上面放咗一塊芝士，等佢慢慢溶入湯底度。湯底本身都係豬骨湯，我嗰份就加埋辣！湯底都好飲嘅，加上拉麵煮得啱啱好，所以都要讚嘅！吉列豚肉同照燒雞扒，我兩樣都有試，我推薦吉列豚肉多啲！好食😋會配埋沙律醬😽食物評分：⭐️⭐️⭐️⭐️環境：⭐️⭐️⭐️⭐️（預咗會有少少迫）回訪度：⭐️⭐️⭐️⭐️⭐️…查看更多

其實之前已經去過一次，想食吉列豬扒拉麵，但點知賣晒，結果食咗照燒雞扒拉麵，其實都唔錯。今個星期打風，諗唔到食乜嘢外賣好，唔甘心上次試唔到，所以今日又去過。晏晝已經打咗電話去問佢哋開唔開先，費事白行，接電話果位哥哥好有禮貌，話8號風球所以唔開，叫我夜晚落咗波再去過。今晚真係去咗買，終於比我買到。以咁嘅價錢來講，真係好抵食。個吉列豬扒用紙袋分開裝，唔會俾啲湯浸到林晒。仲要送埋沙律醬，真係細心。下次會試埋佢哋其他拉麵。…查看更多

拉麵同牛肉飯都幾好食，地獄湯底夠辣，牛肉飯勁多汁，最緊要價錢實惠，天水圍區來說算唔錯……最好希望openrice有得落單，唔駛次次用現金交易就更好喇。。。。。。…查看更多

無煮晚飯就睇下有咩野食，就見到新北江新開業同試業中既店，望落價錢唔貴，就試下食拉麵同小食。因為6點後禁堂食，所以要外賣自取返屋企食，點左個「吉列豚肉拉麵＋濃豬骨湯底＋日式拉麵再追加叉燒」「招牌燒雞扒拉麵＋濃縮辣芝士湯底＋韓國拉面」再加個炸薯條。首先，通常外賣既吉列豚肉會比較硬，但吉列豚肉比預期好食，真係外脆內軟。再加上外賣盒係湯同拉麵分開上下兩層放，所以唔怕拉麵會浸太耐，個豬骨湯調味適中，所以大人同小朋友都適合。到燒雞扒拉麵，雞扒好嫰滑同好入味，雞扒面會有小量既芝士，十分配合。因為怕太辣無選擇地獄辣湯底，選擇辣芝士湯底，口入第一下口唔覺得辣會有芝士味，但入左喉嚨後有辣味到，辣同芝士配合得唔錯。因為有小朋友想食薯條，所以點左個薯條食，估唔到十分足料，一大包薯條。…查看更多