山海經小酒館

荃新天地下層向來多美食，見到呢間居酒屋🏮裝修幾日系風，加上飲食業近期的確艱難，當然要入嚟支持下老闆都好有禮貌，願意介紹食材的細節位及解答客人各種問題~凍蕃茄鬼蘿蔔蓉蕃茄新鮮爽甜，表面鋪上甜甜的蘿蔔蓉並用上洋蔥🧅絲墊底，撈埋一齊食層次感更加豐富，挺香胃油甘魚鮫🐟啖啖肉，而且師傅調味剛剛好放些檸檬🍋汁再蘸上醬汁，更有提鮮作用～黃鰭棘鯛🐟原條魚奉上，口感新鮮爽甜店員建議可以配上不同醬汁一起吃Ponzu 柚子汁、蘿蔔蓉、蔥花粒、四季紅及餐桌上的北海道醬汁一起吃更有提鮮作用~而個人黎講，基本上不用蘸任何醬汁，更加吃得出其鮮味!!月見火炙左口魚邊丼定食🍱前菜係冰涼牛舌，並配上麵豉湯輕輕燒過的左口魚邊，質感有彈性，味道鱗甜米飯用上醋飯，吃下去帶點微微的酸味挺開胃~鰻魚蕎麥麵（溫）🍜燒過的鰻魚，非常香口，而魚皮更帶點微微的焦香~在這個秋天吃一口蕎麥麵，尤其暖胃~…查看更多

食評｜荃新天地 • 小酒館 - 舒服有質感嘅居酒屋今次晚飯係喺荃新天地入面一間細細嘅居酒屋，感覺好舒服，想寫低畀大家參考下。環境同服務鋪頭唔算大，但枱與枱之間隔得幾開，唔會覺得逼，好似有自己嘅小天地。裝潢走簡約日式風，牆上有啲有趣嘅日本海報，氣氛輕鬆。服務態度唔錯，侍應落單都幾快，唔會等太耐。價錢定位睇 menu 發現價錢親民，唔係嗰啲高級日本餐廳嘅價位，算係商場入面幾抵食嘅選擇。今次兩個人埋連加一大約 HK$495，分量唔算巨大但以質素嚟講覺得okay.食物部分- 凍蕃茄蓉 好開胃嘅小食，蕃茄酸酸甜甜，清爽又解膩，係餐前好暖場嘅一款。- 秋刀魚刺身（順產季節） 秋刀魚係當造，刺身切得幾靚，新鮮嗰種油脂感有出，配嗰個酸汁同豉油幾夾。份量唔大，但成條秋刀魚切晒上枱，嗜魚嘅朋友會鐘意。- 三文魚親子茶漬飯 份量適中，唔會太多但夠一餐結尾。茶漬飯熱力柔和，三文魚片滑，魚子爆開嘅鹹香同茶湯好match，味道舒服唔會過重。- 洋蔥酸汁燒牛肋條 牛肉味道夠濃，牛肋條唔會好柴，配上酸酸甜甜嘅洋蔥，係一款幾開胃嘅下酒菜。份量一樣唔算多，啱我哋食兩三款再 share 嘅節奏。飲品兩杯飲品普通但夠清新，唔係特別突出但冇太大失誤，配餐okay整體感受如果你想搵間附近商場入面嘅居酒屋，想坐得舒服、食啲有水準但唔洗花大錢嘅日式料理，呢間值得試。食物質素比想像中好（尤其係秋刀魚刺身同茶漬飯），環境適合傾偈打卡，情侶、朋友小聚都啱。但要留意份量偏中等，肚餓嘅話可能需要多叫幾款小食share。小貼士- 想齊啲可以叫多幾款串燒或炸物share。 - 如果晏晝或週末人多，建議預早訂位或早啲去排。總結整體係一次舒服嘅街坊食飯體驗：價錢合理、環境舒服、味道穩定。下次有機會會想再試佢哋其他串燒同小食，尤其係想再食秋刀魚seasonal 呢款。…查看更多

山海經位於荃新天地二期地點夠晒方便，無論地鐵西鐵都能夠直達，餐廳以木系為主，擺放木質嘅桌椅，環境簡潔而舒服，店員有禮，細心，非常滿意二人餐，特價368茶碗蒸細細碗熱辣辣雞蛋，蒸到非常滑溜，入面有冬菇粒同埋一粒嫩滑既雞肉溫泉蛋沙律蔬菜新鮮嫩綠，蕃茄新鮮，用咗蘭王蛋鋪上蔬菜面，仲有一些白飯魚，明太子作調，帶有輕微嘅辣，全部加埋一齊食好好味，又清新串燒最出色嘅就係燒雞皮，燒到好香嘅雞油出晒嚟，卜卜脆，薯片嘅口感青椒油浸花甲花甲凍凍的，味道鮮甜，帶有麻辣的味道，上面鋪滿蔥花，每一啖都好惹味鹽燒䱽魚䱽魚size唔算大，魚肉好滑，又唔腥，燒到外皮非常脆，魚皮仲有焦香嘅味道，旁邊配埋蘿蔔酸汁一齊食，令到味道加添色彩牡蠣味噌鍋配手打烏冬鍋入面有四隻蠔，仲有好多娃娃菜同埋菇，一邊食一邊用火滾住每一啖都熱辣辣湯底滾到奶白色又夠鮮甜，到到最尾落埋啲烏冬，烏冬彈牙爽口，連埋湯一齊飲，非常入味…查看更多

位於荃灣荃新天地二期 主打日式料理 料理多元且別具特色🍤🍱🫕🥗🍢環境帶有現代工業風 擺放木質桌椅 掛紙燈🏮裝潢簡潔卻不失溫馨 職員態度都很好 熱情好客👍🏻✨🥢晚市2人套餐·`♡· 溫泉蛋沙律溫泉蛋滑嫩 沙律新鮮 配合微酸醬汁 令人食慾大增·`♡· 是日串燒4款燒雞軟骨 燒雞翼 鹽燒雞肉 鹽燒蝦燒雞軟骨彈牙夠味 雞翼表皮烤得香脆 肉質多汁而鹽燒雞肉和鹽燒蝦則保留海鮮與雞肉嘅鮮甜 簡單調味凸顯原味·`♡·雞皮餃子香脆好juicy 皮薄不油膩 餡料鹹香帶雞皮炸香的微脆感 非常有驚喜·`♡·九鳳糟滷雞九鳳糟滷雞酒香濃郁 雞肉入味且保持嫩滑上枱時職員會詢問需唔需要切開 方便食用·`♡·牛肉酸菜鍋酸菜爽口帶微微酸香 牛肉軟嫩多汁 湯底鮮美 十分開胃·`♡· 手打烏冬麵條粗身彈牙 筋道十足 吸收晒湯汁嘅香氣✨套餐配送白飯2碗或手打烏冬1份及罐裝飲料2罐✔️加一服務費*⑅︎୨୧┈︎┈︎┈︎┈︎┈︎┈︎┈︎┈︎┈┈︎┈︎┈︎┈︎┈︎୨୧⑅︎*…查看更多

今日約咗朋友去荃灣吃日式料理！ 最近友人推介一間高質抵食的日式小酒館！山海經位於荃新天地2地下一門町市場J39-40舖。 荃灣西站D出口步行過來就到！ 裝修以日式風格為主調，簡約時尚的居酒屋的設計；十分典雅！ 這裏食物選擇多： 刺身、拉麵、燒物、沙律、套餐和多款小食等； 日式酒類和飲料選擇都很多！🥙四色丼這個定食套餐份量十足：有前菜海帶絲、 麵豉湯和白飯！ 四色丼：三文魚、吞拿魚蓉、左口魚和魚籽! 全部材料舖滿一大碗飯，仲加上葱絲和芝麻！ 食材超新鮮：厚切三文魚鮮味有咬口， 吞拿魚蓉超鮮甜美味；左口魚切成薄片，入口甘甜好滋味；魚籽大大粒鮮甜卜卜脆，在口裏溶化！ 配上白飯，真的超好吃！🐮澳洲和牛丼定食澳洲和牛肉的質量高， 肉質鮮嫩，有豐富的油花，煮得剛好有粉嫩的紅色！ 肉質非常嫩滑，鮮味可口！ 雞蛋漿配牛肉和白飯來吃令口感順滑，增添了鮮甜美味！ 前菜海帶絲鹹香爽口，麵豉湯的味道也很地道，絕不馬虎；熱辣辣好好飲的！🐔雞皮餃子有4大件， 雞皮煎炸得很香脆可口，能吃出雞的鮮味！ 內裏的餃子肉鮮嫩多汁，配上酸汁料更突出整體鮮甜的味道；又解腻！🍺 SAPPORO生啤先來杯冰凍啤酒來吃雞皮餃子就最適合，SAPPORO嘅啤酒泡好綿滑，超正！🍇巨峰燒酌梳打這杯飲品賣相一流！ 巨峰提子味梳打香甜清新，加了燒酌的酒味，整體的味道都提昇不少！這間的日式料理小店食物高質又做有特色，價錢唔貴又親民；是一大班朋友喝酒、吃飯消閒的好去處！…查看更多

荃灣呢個地方，真係好多正嘢食！最近同班friend去咗間叫「山海經」嘅小酒館，個名夠晒特別，喺沙咀道嗰頭，裝修有種古風同現代mix嘅感覺，坐得幾舒服。佢哋啲餸名好有創意，我哋試咗幾款：「鬼蘿蔔溶凍蕃茄」——個名係咪好似啲武俠小說嘅招式呢？其實係冰鎮蕃茄，蘿蔔蓉整成酸酸地嘅汁，撈埋一齊食好開胃，凍冰冰好啱夏天。「青椒油浸花甲」——花甲夠晒肥美，用青椒同香蒜油浸熟，啲肉仲keep到嫩滑，個汁香噴噴，我哋仲用個汁撈多碗白飯！「鹽燒時令魚」——今日係馬友，用最簡單嘅鹽燒方法，魚皮燒到脆卜卜，但係裡面啲肉仲係好juicy，點少少檸檬汁已經好正。呢間小酒館啲餸唔係好貴，但係有心思，好啱收工同三五知己嚟chill下，飲兩杯傾吓偈。…查看更多

荃灣作為香港美食集中地，匯聚了各式各樣的餐廳，其中日本菜專門店更是深受食客喜愛。若你喜歡探索獨特的日式風味，這家隱藏在荃灣街角的日本菜專門店絕對值得一試！店內以傳統日式料理為基礎，同時加入創意元素，其中兩道招牌菜——「雞皮餃子」和「明太子茶漬飯」，更是讓人一試難忘。招牌必點：酥脆雞皮餃子雞皮餃子是這家店的獨門創意料理，將雞皮取代傳統餃子皮，包裹著鮮嫩多汁的肉餡，經過高溫油炸後，外皮金黃酥脆，內裡卻保持豐富的肉汁。一口咬下，雞皮的香脆與肉餡的鮮美完美結合，油脂香氣在口中綻放，卻不覺油膩。這道菜不僅口感層次豐富，更展現了師傅對食材的巧妙運用，是來店必點的開胃小食！暖心之選：明太子茶漬飯若想品嚐日式家常風味，明太子茶漬飯絕對是首選。這道菜以日本產的明太子為主角，將其切碎後鋪在熱騰騰的白飯上，再淋上清爽的綠茶湯。明太子的鹹香與茶湯的淡雅相互交融，每一口都充滿濃郁的海洋風味，卻不失清爽感。茶漬飯的湯汁溫潤順口，既能暖胃，又能喚醒味蕾，特別適合在微涼的天氣中享用。整體用餐體驗這家日本菜專門店不僅注重食材的品質，更在菜單設計上充滿巧思。除了雞皮餃子和明太子茶漬飯，店內還提供多款經典日式料理，如刺身、燒物、壽司等，選擇豐富。環境方面，店內裝修以木系為主，營造出簡約舒適的日式氛圍，適合與朋友聚餐或獨自享受美食時光。若你正在荃灣尋找一家兼具傳統與創意的日本菜餐廳，這家專門店絕對能滿足你的味蕾。不妨親自前往，體驗雞皮餃子的酥脆與明太子茶漬飯的溫潤，感受日式料理的獨特魅力！…查看更多

今晚同朋友去咗呢間小酒館食晚市二人套餐，成間餐廳充滿日式氛圍，好適合傾偈小酌一杯，咁套餐款式都幾豐富，即刻同大家分享～🥗溫泉蛋沙律沙律菜新鮮爽脆，戳破溫泉蛋讓蛋液包住每片菜葉，口感瞬間變得滑潤濃郁，醬汁酸酸辣辣非常開胃！🍢串燒有四款雞胸軟骨爽脆有嚼勁，燒得好香口，紫蘇葉雞整體紫蘇清香夾住嫩滑雞肉，味道有層次，豬腩肉油脂非常甘香，肥瘦適中，鹽燒海蝦蝦肉好彈牙，食得出係新鮮，簡單鹽燒帶出鮮味🐮京蔥蒜粒炒牛舌呢道我最鐘意，牛舌厚薄適中，口感入口即溶唔會話太難咬，京蔥同蒜粒爆炒後香氣十足，送酒一流！🐔九鳳糟滷雞(半隻)這道菜很有特色！雞肉食得出係經過酒醃製，帶著淡淡的酒香和甜味，肉質軟嫩入味，風味好獨特！！🦪牡蠣味噌鍋配手打烏冬牡蠣肥美飽滿，湯底濃郁鮮甜，喝起來暖胃又舒服。最後放入手打烏冬，吸滿湯汁的烏冬好彈牙又滑溜，整餐黎講都相當滿意！！…查看更多

裝潢走簡約日式風，木質卡位配上暖黃燈光氣氛輕鬆。主打日式和食、串燒和炸物，還有中日Fusion菜的居酒屋。招牌的山海經2人套餐（$368），份量剛好，性價比高。茶碗蒸（免費，店家送）熱辣辣茶碗蒸，清香既冬菇味，帶著淡淡既蛋香與高湯既鮮甜同埋蒸蛋保持嫩滑。鬼蘿蔔蓉凍蕃茄新鮮日本蕃茄切片淋上冰涼的蘿蔔蓉，番茄的酸甜配合埋清爽洋蔥絲，好正既餐前開胃小食。青椒油浸花甲花甲肉質飽滿，浸在麻辣既青淑油中不搶鮮甜更顯層次。精選串燒四款：紫蘇雞、雞胸軟骨、豬肉和鹽燒大蝦紫蘇葉香氣清新，雞肉嫩滑多汁；雞胸軟骨烤得爽口，灑了七味粉更提味；豬肉串簡單鹽燒，燒得剛好；大蝦新鮮彈牙，蝦頭的膏都吸得出來。鹽燒串整體火候掌握得準，微微焦邊乾身唔會油膩。鹽燒時令魚燒馬友魚，店長介紹馬友魚特別做了一夜乾處理，魚皮燒得金黃脆口，魚皮下油膩豐富甘香，肉質鮮甜幼滑一夜乾馬友魚結實，估唔到馬友做日式鹽燒可以咁出色。擠上檸檬汁更顯鮮味。牛肉酸菜鍋薄切肥牛片入口滑嫩，湯底微酸帶麻滿滿新鮮蔬菜，配上嚼韌手打烏冬，烏冬吸飽湯好惹味。冬天來這鍋絕對暖身。套餐價錢經濟得黎有質素，服務態度好，創意日式和食還有不同融合新鮮嘅日本同本地食材啲創意料理，係三五知己傾偈好去處。…查看更多

最近同朋友去咗荃新天地二期搵食，發現咗間主打日式料理嘅小店，裝修走簡約工業風，木質桌椅配紙燈籠🏮，環境好舒服，坐得自在又有溫馨感。職員態度非常好，落單時會細心介紹菜式，仲提醒我哋有咩推介，服務貼心又有禮貌，令人感覺賓至如歸👍🏻。今次晚餐叫咗幾款人氣菜式，全部都好有驚喜：·`♡· 自家製免治豚肉軟骨棒（$48）呢款小食用咗北海道千歲產烏米豚製作，豚肉混入爽脆軟骨粒，咬落啖啖肉香又有層次，豚肉特別嫩滑，肉味濃郁，蘸埋蛋黃醬食，真係停唔到口，做前菜一流！·`♡· 月見火炙左口魚邊丼定食（$128）左口魚邊火炙到油香四溢，魚肉肥美，魚油滲晒入米飯，仲有沙律同麵豉湯，份量十足，食完勁滿足！·`♡· 原條鰻魚定食（$148）鰻魚蒲燒得剛好，外皮微脆，肉質軟嫩，醬汁甜香唔會蓋過魚鮮，配白飯一流，真係白飯殺手！·`♡· 免治吞拿多士（$58）多士烘到脆卜卜，上面鋪滿吞拿魚蓉混蔥粒，清新惹味，食落唔會膩，做小食最啱！·`♡· 炸可蝦（$68）蝦肉彈牙，炸衣薄脆唔油膩，加埋檸檬汁更提鮮，食完仲想encore！除咗食物，店舖用嘅茶都好有心思，唔係普通茶，而係荔枝烏龍茶，入口有濃郁荔枝香氣，清新解膩，配日式料理一流，令人印象深刻。埋單小計$450，加一服務費$45，總共$495，以呢個價錢食到咁高質素嘅日式料理，真係抵食！每款菜都睇得出師傅用心，食材新鮮，份量足，環境舒服，服務又好。下次一定會再嚟試埋串燒同鍋物，推介俾鍾意日式料理嘅朋友，荃灣搵食必去！✨…查看更多

今日黎到荃灣廣場呢間「山海經」，入門掛滿燈籠裝飾，好有日式feel😛座位闊落夠晒，坐得勁舒服🤗今次叫咗2人套餐，串燒海鮮鍋物一應俱全，份量大食到頂肚，價錢親民超值！🥚 溫泉蛋沙律 溫泉蛋蛋黃流心嫩滑，配新鮮菜同車厘茄，淋黑醋汁酸香開胃，清新解膩，開頭一絕💥🍢 串燒4款雞胸軟骨燒到外脆內彈牙，紫蘇雞葉香氣撲鼻鮮嫩，豬腩肉肥瘦平衡炭香四溢，蝦身Q彈海鮮味濃郁，四款各有千秋🦪 青椒油浸花甲 花甲鮮甜彈牙，食到成個口麻晒好過癮🫶🍗 九鳳糟滷雞 雞肉滷到勁入味色水好靚，濃郁帶少少酒香，肉汁鎖住嫩滑，第一次食感覺唔錯🍲 牡蠣味噌鍋 牡蠣肥美鮮甜，配搭蔬菜豆腐煮到軟嫩，飲埋啲味噌湯暖笠笠，仲有手手烏冬一齊煮，索晒啲湯汁彈牙又好味😚…查看更多

同朋友嚟咗荃灣食飯，原來荃新天地2期地下依度都幾多餐廳。餐廳入邊嘅裝修都幾簡潔自然，走和風日系路線。晚市有啲定食套餐可以選擇，價錢喺同區嚟講都算合理。餐廳會特別按季節引入食材，我哋點嘅呢個秋刀魚刺身正正係而家秋天當造。秋季嘅秋刀魚魚脂特別豐厚，質感濃郁，魚肉呈粉紅色。淨係點少少柚子豉油已經好好食。依個秋刀魚刺身可以話係我食過最好食的。鬼蘿蔔蓉凍蕃茄看似簡單嘅菜式其實都幾巧心思。原來個鬼蘿蔔蓉要咁鮮甜，係要用冰水迫個甜味出嚟先做到，餐廳係仿效咗日本嘅做法，都幾用心。冰冰涼涼嘅蕃茄就幾嫩滑鮮甜，唔會太酸，連底下墊底嘅洋蔥都特別好食。洋蔥酸汁燒牛肋條幾欣賞佢面頭有一絲絲嘅葱絲，的確係幫助到個菜式提味。個牛肋條個牛肉味都幾香濃，唔會煮到好硬，不過不失啦。日式燉蛋冇太多嘅材料，入邊落咗少少冬菇同埋雞肉，不過勝在夠香滑，保留雞蛋嘅原始味道。鰻魚蕎麥麵個鰻魚嘅欣賞佢係好厚身同埋外層帶點焦香，入口嘅肉質唔會太腍。配上清清地嘅蕎麥麵正好中和返個味道。…查看更多

荃灣一向係工業區同住宅混雜嘅地方，美食選擇多但多數係快餐或茶記，最近意外發現荃新天地二期廣場入邊既 《一門町市場》入面間「山海經小酒館」，一入去就覺得都市叢林中嘅一塊日本秘境：店內裝潢以日式調為主，牆上掛滿手繪嘅山海經異獸圖騰。🐟秋刀魚刺身
冰床墊底，3款部位一次過： 1. 背部厚切（油脂最豐富，入口即化） 2. 腹部薄切（帶微酸柚子皮，解膩） 3. 整條小秋刀（保留頭尾，完整日式美學）配菜：赤紫蘇芽 + 菊花瓣 + 柚子醬油 + 山葵新鮮度：魚眼透亮，無腥味，刀工均勻，油花分佈如大理石紋秋刀魚當造！皮色青輝如刀，油花均勻，無血水，油脂爆棚但不膩，柚子醬油帶微酸，紫蘇芽爆香🎏 串燒 白鱔 + 牛舌芯這串「白鱔＋牛舌芯」炭火鹽燒，白鱔外脆內嫩、炭香海甜；牛舌芯彈牙爆汁、表面焦香內裡粉嫩、肉香撲鼻。一脆一彈，檸檬解膩提鮮。店員介紹食用神招：吃單食原味再其後點檸檬角。錯過這彈牙狂歡，等於錯過靈魂！🍗自家製免治豚肉軟骨棒（tsukune）墊紫蘇葉，炭火烤至金黃焦邊！店家利用烏米豚即日本北海道千歲市生產的豬肉配雞軟骨配獨立溏心蛋黃 + 特調醬油用蒜片昆布調配微甜帶蔥味
食法：戳破蛋黃拌丸子，瞬間變濃郁「蛋黃沾醬」肉汁爆漿，蛋黃增滑順感，紫蘇解膩，居酒屋經典升級版！🇯🇵稀有白子刺身新鮮鱈魚白子（cod milt），蒸後切件淋蓬萊醋汁+ 蔥花 + 柚子皮蓉綠瓷碟盛載，賣相如雪山入口即化，好似食溫泉蛋入邊粒蛋黃咁！奶油質感爆發，醋凍帶微酸，秋冬季限定奢華感！🍚鰻魚茶漬飯黑陶碗盛載：底層：北海道七星米（粒粒分明）中層：炭火蒲燒鰻（醬汁濃郁，焦香外皮）頂層：昆布柴魚高湯（可二次淋）配料：海苔絲 + 白芝麻 + 三葉菜 + 山椒粉 + 小份山葵木勺：專用茶漬匙，一次過撈飯吸湯前段：直接食鰻魚飯，醬汁甜鹹平衡，鰻魚厚實無刺。
後段：侍應即席淋熱茶湯，米粒吸湯變軟糯，瞬間變關東風茶漬飯！
溫度剛好，湯頭清鮮不死鹹，暖胃又解酒推薦搭配次序秋刀魚刺身（冷） → 雞肉丸 + 溏心蛋（暖） → 燒鳥雙拼（熱） → 白子（滑） → 鰻魚茶漬飯（收尾）✨環境一門町市場內好似走進日本夜市，山海經小酒館一間以日本居酒屋風格為主嘅隱世小店，環境設計充滿東方幻想 + 日式溫潤，適合文青小酌或約會。裝潢風格日式木屏風（竹簾） + 暖黃燈光，門邊海報展示山海經菜式，旁邊有巨型日式調味瓶裝飾，營造夜市feel。卡座區：木桌小間 + 布簾隔間，隱私高，配綠植（如蕨類）同燈籠。💁‍♀️服務侍應好熱情，會簡單講解每道菜嘅食法及材料運用，服務態度專業親切，體現日本職人既專業形象！ 侍應穿和服式制服，會講解菜背後故事😍 係少有有溫度嘅服務😙山海經小酒館是荃灣隱世寶石，將日式居酒屋與《山海經》神話融合，味道上乘、價格親民，性價比爆表。下班小酌或約會首選，環境小巧層次豐富如走進神話酒肆，適合2-4人小聚；周末高峰或需排隊，卻無損其天花板級魅力。…查看更多

刺身•赤蝦：赤蝦刺身份量都算大，蝦肉厚身，口感幾爽滑，蝦味都濃，吃落去冇腥味。燒物•花魚一夜干（半條）：魚皮燒得香脆，魚肉厚身有少少油脂，整體鹹香但唔會過鹹，夾啲檸檬汁會清新啲。半條啱晒大家一齊分。•羊架：外層燒到焦香，裡面仲有肉汁，味道夠，唔算好騷味。•牛舌：切得厚身，燒完啲邊有少少脆，中間幾嫩滑，有嚼勁但唔韌，味道唔錯。•白鱔串：鱔肉厚度ＯＫ，燒起嚟有膠質感，味道較清淡，唔覺膩。•雞胸軟骨：軟骨部分爽脆，雞味足，味道偏鹹，適合鍾意咬口嘅人。•雞橫隔膜：肉質細滑，燒完帶微焦香，嚼勁適中，大家都第一次試，味道幾特別。主食•鰻魚蕎麥麵：蕎麥麵湯底清甜，麵條唔腍，鰻魚軟熟，味道淡淡地，收尾幾舒服。…查看更多

荃新天地2期地下果層多左好多餐廳，盲舂舂就沖入去試吓。 秋刀魚刺身
今次食隱藏刺生秋刀魚，日本時令魚是秋刀秋。一魚2食（2種汁），有傳統wasabi 醬油「紅蓼」，另一款秘製醬汁柚子醋醬油蘿蔔蓉，酸酸咸咸好開胃。時令係唔同啲，魚好清甜。我好少秋刀魚刺身，但今次冇令我失望。凍番茄鬼蘿蔔蓉
冰冰涼涼的番茄先甜一口，接著酸得牙癢癢；鬼蘿蔔蓉突然殺出，少少辣咸咸酸酸鼻竇開門，味道有啲突別，從未食過的但不是我杯茶。鰻魚茶漬飯
鰻魚大大舊好厚身帶點焦香味 ，鰻魚沒有入口即溶肥美，熱茶澆上米飯還米飯變軟，令米飯帶有茶香，暖笠笠中和到剛剛刺身帶來的冰冷。雞皮餃子
仲諗住會好油膩，點知出其地好食。皮脆餡料是雞皮，配上秘製醬汁及香蔥，清新但一點油膩感都沒有，咬落去爆汁仲有爽口彈牙效果，味道一絕。日式蒸蛋雖然沒有很多材料，但是蛋味重入口嫩滑，一粒冬菇同雞肉用最基本材料做出原有的美味味道。…查看更多