山下菓子 (T.O.P This is Our Place)

Best Friend系史迪仔嘅Fans，知道TOP商场呢间Café用史迪仔做主题，于是就捉埋我去试了。一去到门口，已经见到有好多史迪仔嘅打卡位，入到去入面都见到好多用史迪仔做主题嘅挂布装饰，而且餐品都有史迪仔元素，史迪仔迷一定会好开心。叫完野食上菜，见到餐盘用浅蓝为主调，主菜都有史迪仔嘅元素，例如星球、滑板、贝壳等，营造阳光同沙滩气氛，味道都不错，咖哩味都好浓郁。而甜品更加靓，梳乎厘班戟配海盐雪糕嘅卖相好吸引，梳乎厘班戟有两块，质感都好蓬松，浅蓝色嘅cream同雪糕，加上雪糕上面有把太阳伞做装饰，真系好有史迪仔Feel，同埋重点系，叫唔同嘅菜式会送唔同嘅史迪仔精品 ，例如叫冻饮的话就送杯垫同锁匙扣，史迪仔迷必去。…查看更多

六个人比三杯水，一个便当饭盒整咗一个钟都出唔到嚟。问佢哋，佢哋仲话厨房得两个人做嘢。 限90分钟用餐时间，但系60分钟都上唔到饭。唔通你想我用15分钟食晒佢？讲真食物质素麻麻。服务质素就更加令人堪忧。纯粹系因为主题餐厅先黎。价钱偏贵。一个咖喱饭都要$139。 一杯嘢饮$79。个点餐app极之唔好用。好难揾到要点嘅食物。 收10%服务费，但系连点帮客点餐嘅服务都做唔到。生日食到一肚气，绝对冇下次。👎🏻👎🏻👎🏻👎🏻…查看更多

晚餐有呢一个博多明太子意粉，本身带住肚饿又冇乜期望咁去叫呢个意粉试吓原本都会觉得有可能会好漏，估到大概都会食唔晒，点知嚟到个卖相又唔错㖞！一食就觉得好似喺日本食𠮶种味道咁一啲都唔漏，仲觉得越食越好味添，结果食吓食吓成碟清晒！我觉得份量对于我嚟讲就啱啱，好如果系大食少少可能会觉得唔够饱！呢个确实系推介嘅菜式唔错！至于呢一个温泉蛋拿破仑意粉，我就觉得一啲都唔好食，唔知点解觉得个味怪怪地唔系好似喺出边食𠮶啲拿破仑意粉嘅味道，同埋呢个真系比较漏嘅菜式，我一向都唔系太喜欢，而初味道都唔系太啱我所以呢个麻麻哋唔会再叫！首先讲吓杯百香果绿茶，伊贝我冇饮过系阿女饮嘅，不过佢就觉得好好饮，好香嘅百香果味茶味都唔差唔会太淡，唔会太浓啱啱好！至于我叫嘅冻柠茶，个人就麻麻哋个茶底唔知系咩茶个味又系唔系我钟意嘅冻柠茶味道，所以唔系太喜欢呢杯饮品！…查看更多

3号风球，冒住大雨都出左去食预先book 好左枱满有期待咁去食点知一入餐厅就系恶梦既开始😅唔知亚姐系咪无食饭定系14:00 都未瞓醒入到餐厅无人理不特止把遮湿到滴出水问佢放喺边，佢就一碌木咁望住我"无呀！我哋无遮架！"我心谂，唔通我湿淋淋放上你张梳化度咩我就问佢："咁你有无胶袋？"亚姐："无㖞！我哋无胶袋"我苦笑😅："咁收我一蚊，当我买外卖袋，有啦挂？"之后佢就旋风式拎左个胶袋出黎 🤣🤣🤣算喇～唔理咁多咁睇menu 叫野食睇完真系大开眼界虽然去得主题餐厅预左俾人㓥但可唔可以俾少少良心？$149/碟小食，得两只明太子鸡翼？？？？仲有，伴碟d 薯条有几贵？成碟加埋都无廿条？都算喇～$149预左有$100系买个盘咁你送个盘俾人拎走你衰衰地都俾张湿纸巾人哋抹抹先拎走丫又沙律汁，又鸡油，唔通真系要自己去厕所洗完先拎走？总之呢间野，可一不可再俾面小丸子，算！…查看更多

同仔仔为咗史迪仔而嚟！周围都系打卡位😌款式都好多元化…全部史迪佢都要！野食正常，不过主要都系嚟打卡😆临走抽下奖 仔仔笑住走😂门口仲有啲周边买吓嘢 整体都ok!…查看更多