屯門友車仔麵

同屋企人行街，去到屯门果边，小朋友话想䭍女面面，咁啱见到间新开嘅车仔面，见几干净，就入去食啦😊店员好友善，不停同小朋友玩，笑死我🤣 佢哋有车仔面食之外，重有饭类及小食可以选。车仔面都有好多𩠌选择，有啲𩠌系估佢唔到，例如鹅肝👍🏻👍🏻，又有特饮，真系唔错👍🏻萝白鱼蛋河小朋友食两𩠌面，萝白香甜，小朋友好钟意食，鱼蛋质素都高，无雪藏味，小朋友一啖一粒👍🏻腩肉、鹅肝、鱿鱼米线呢碗系三𩠌面，份量都大，一定够食。鱿鱼爽口，好味，腩肉好入味，而且唔韧，正。最惊喜系车仔面有鹅肝选择，估佢唔到🤣 鹅肝好大件，好似食紧鹅肝多士一样👍🏻牛筋腩肉燥饭佢哋唔止有车仔面食，重有饭类，我叫了牛筋腩肉燥饭，牛筋腩好淋甜，有牛肉味但又唔会太咸。肉燥香浓，每啖饭都加上肉燥，好味到停唔到口😍海蜇手撕鸡鸡肉香辣，配饭一流，加上海蜇，呢个小食真系一定要叫，配饭配面都好正👍🏻咸柠檬七喜天气咁热，紧系要饮返杯特饮解吓热，润吓喉咙。唔系间间餐厅有咸柠七，呢到竟然有👍🏻食咗咁多嘢，都系百几蚊，劲抵食，下次都要再去食过😊…Read More

话说揾到间超抵食嘅屯门车仔面，真系街坊恩物！🏠 呢间舖头位置低调但日日爆场！💥 早餐、下午茶、晚餐都有街坊价，份量仲要好足，啱晒想食得饱又唔想洗唔少钱嘅街坊！😋下午茶餐试咗两个套餐，抵到笑出声！😂💖📌香煎饺子韭菜饺拼细手撕鸡肠粉🥟香煎饺子外皮煎到金黄香脆，韭菜馅料香，咬落juicy喷汁！😍 手撕鸡肠粉滑到似BB肌，配上惹味嘅手撕鸡，浓浓嘅麻油香！😋📌惹味口水鸡拼细台式经典肉燥饭🍚口水鸡麻辣鲜香，鸡肉嫩滑，唔会太辣但开胃！🌶️台式肉燥饭嘅肉燥浓香入味，饭粒粒分明，油香同酱汁完美融合，简直系台式经典！🥄皇牌四𩠌车仔面🏆自由度爆棚！🔥可以自选面底同汤底，再配四款𩠌，随心搭出你嘅梦幻组合！😎📌沙嗲汁鸡中翼墨鱼丸沙嗲鱿鱼甜酸根幼面🍜沙嗲汁浓郁香浓，挂满幼面，食落好顺滑！😋鸡中翼嫩滑多汁，墨鱼丸弹牙鲜甜，沙嗲鱿鱼咬落爽口，甜酸根仲带点酸甜开胃！每一款𩠌都系经典！✨📌咖哩汁鸡中翼辣凤爪豆卜沙嗲鱿鱼油面🍜咖哩汁香辣得黎唔会太呛，油面吸晒汁，食到停唔落口！😍辣凤爪够入味，啃得过瘾；豆卜吸满咖哩汁，软糯又香；沙嗲鱿鱼同鸡中翼依然系无敌组合！🥳饮品：够晒地道！🥤好有港味，试咗以下几款：七喜清爽解腻，夏天必备！❄️热咖啡香浓顺滑，暖胃又提神！☕咸柠檬七喜：酸酸咸咸，够晒刺激味蕾！😝冻柠茶经典港式，酸甜平衡，饮完好refresh！🍋…Read More

最近同朋友去咗置乐街市附近呢间小店试晚市套餐，$99有齐自选三𩠌车仔面/肉燥饭、半只烤鸡/口水鸡、油菜同两杯饮品，真心抵食！ 🔹 车仔面㨂咗猪肠、牛筋同陈皮鱼蛋 猪肠清洗得干净，煮得入味又淋滑；牛筋胶质感重，炆得够腍唔黏牙；陈皮鱼蛋细细粒但陈皮香突出，怀旧感满分！汤底浓淡适中，唔会过咸，面底可以自选，推荐油面或粗面，挂汤一流～ 🔹 烤鸡即叫即制 皮脆肉嫩 烤鸡落单后先焗，热辣辣上枱，外皮香脆带微微香草味，肉质保持嫩滑唔干柴，水准唔似几十蚊套餐！ 🔹 口水鸡麻辣开胃 酱汁是灵魂 口水鸡麻辣度适中，酱汁香而不腻，鸡肉爽滑，捞饭或拌面都一流，钟意重口味必试～ 🔹 跟餐冻奶茶茶味浓 值得加$10转 奶茶茶底够厚，奶同甜度平衡，冻饮够冰爽，系完美收尾！ 环境光猛干净，座位唔算多但坐得舒服，服务几好，经理会介绍配料同套餐，态度友善。晚市五点开始，九点关门，想试建议早少少去～ ✸ 性价比高 ∷ 适合三五知己轻松食饭 ✸ 推荐 ∷ 烤鸡、猪肠、牛筋、冻奶茶 ✸ 人均 ≈ $40 ─── 📍 屯门置乐花园街市侧 🕒 晚市供应：17:00-21:00 ☎️ 不设订座 ─── #屯门美食 #车仔面 #抵食套餐 #烤鸡 #口水鸡 #置乐食乜好 #openrice评分 #车仔面爱好者 …Read More

今日落置乐花园做嘢，经过街市见到有间车仔面。我同拍档系车仔面王。嗱嗱声攻入去试吓。花多眼乱呢间舖头有好多组合，除左车仔面；仲有好多特色嘢。经理介绍呢个二人超值套餐。真系超抵。两个三𩠌车仔面或者肉燥饭再加半只烤鸡或者口水鸡。仲有油菜同两杯饮品。抵到烂。呢度主打车仔面；我觉得系全屯门最好味。我系食肉兽，猪肠牛筋牛肺，用料绝无马虎份量亦足。尤其是牛肺超水准冇乜地方有得食。拍档鹅肠有料到，鱼蛋系细细粒陈皮鱼蛋；牛丸有咬口。半只烤鸡即叫即整热辣辣绝无欺场。饱到呕都忍唔住叫多个头抽生肠拼手撕鸡肠粉。生肠同肠粉都够滑嫩，拼手撕鸡，够晒特别。加埋啲邪恶花生酱、甜酱；正到脾。…Read More

屯门友车仔面行过屯门友车仔面，见到推出的$99双人套餐，性价比极高，即刻试吓啦三𩠌车仔面我哋拣咗米粉做底，配鸡翼尖、萝卜同沙嗲鱿鱼，加埋咖哩汁，味道一绝。米粉爽滑挂汁，吸晒咖哩香辣精华；鸡翼尖炆得入味，啖啖胶质；萝卜腍身又惹味，吸汁力强；沙嗲鱿鱼香口弹牙，沙嗲味浓郁，同咖哩汁夹得天衣无缝肉燥饭咸香十足，肉碎炒得干身唔油腻，配埋只卤水蛋更加加分，蛋白入味、蛋黄微流，口感一流。口水鸡麻辣醒胃，花椒香突出，鸡肉滑嫩，食完真系停唔到口。油菜爽口清甜，啱晒用嚟平衡味道。饮品选择多，冷热皆备，整体份量足够两人，味道地道，我哋咁为食，见到以下几样都好吸引，忍唔住另外加钱叫埋海蜇熏蹄、泡椒凤爪同Wasabi鱼皮。海蜇熏蹄爽口弹牙，烟熏味浓郁，配埋微酸醋汁，好开胃；泡椒凤爪辣中带酸，啖啖胶质，食落又唔会太咸，辣味渗入骨缝，越食越上瘾；Wasabi鱼皮就最惊喜，鱼皮香脆唔腥，Wasabi味冲鼻但唔过火，食完仲有少少回甘。三款小食各有特色，口感层次丰富，配埋主餐一齐食，真系满足晒味蕾。呢餐食得开心又饱肚，下次一定会再食…Read More