嚐•湯雞

营业中

休息中

食咗個遲早餐，冇食午餐，咁就食個下午茶啦！入到嚟元朗呢間嚐湯雞專食花膠雞鲍翅既食店，點咗個招牌花膠雞鲍翅，$81蚊，都算大碗，份量算適中。有雞件四，五舊，胸肉嚟既，有d花膠，少許魚翅，两隻鮑魚，湯頭鮮甜雞湯及濃郁既金華火腿味，飲完唔會覺得燥熱，如果係正餐，加個白飯或者米粉底就飽肚很多。整體滿意。口味：🥚🥚🥚🥚🥚环境：🥚🥚🥚🥚服务：🥚🥚🥚🥚性价比：🥚🥚

### 用餐日記：**嚐 湯雞 (元朗)** 🍽️**日期：**2025/03/09 （日）**地點：** 元朗鳳攸南街3號好順景大廈地下5號舖#### 環境氛圍呢間舖頭嘅位置正好喺「元朗名物」爽爽旁邊，記得第一次來係因為爽爽太多人，所以轉陣嚟呢度。門外有時候需要攞飛等位，但今次因為瞓到太晏，過晒午飯時間，3:30先到，完全唔需要等位，正！✨#### 點餐選擇我同肥仔今次都選擇咗砂鍋花膠雞湯翅刀削面😹。（每次嚟都想試其他，但最後都忍唔住食返呢個。）#### 食物評價雞肉好嫩滑，非常正；湯頭濃郁，仲有金華火腿吊味，真係好味！😍 份量方面都ok（雖然價錢比普通粉麵貴，但呢啲食材來講我覺得都值）。比起另一間元朗嘅花膠雞湯麵，呢度個人覺得更加出色！而且平時如果要指定髀位需要加$6，但今次好運地冇特別要求，廚師都俾咗髀位我，開心開心！🎉#### 服務體驗雖然網上有啲食評話職員態度差，但我來過幾次都冇太大感覺（可能係唔用人手？）。反而覺得佢哋都幾友善（係嗰種外表有啲距離感，而唔係長期笑笑口嗰類）。每次我落單同埋埋單時，佢哋都好快同好幫手。有一次我原本叫咗粉絲，臨尾先改成刀削麵，佢哋都完全冇黑面冇發

淨係得個湯好味😅1️⃣醉雞麵雞酒味好重,但肉質好柴,個雞湯好濃味.💰HKD$622️⃣雞湯翅翅好硬,好鞋,湯就夠濃味💰HKD$603️⃣醉燻蹄酒味重,肉質彈牙,正常💰HKD$504️⃣醉鵝肝個口感好實,同平時食嘅鵝肝好唔同,好漏.💰HKD$1005️⃣加左隻醉蛋,太濃酒味,有D難頂💰HKD$12

之前食過兩三次，第一次食佢個砂鍋雞湯翅真係驚為天人，覺得勁正，所以就算服務差同埋成場啲𡃁妹成日粗口橫飛都忍住。但今次再去啲雞明顯勁嚡口，個砂鍋無以前咁熱，翅嘅份量都少咗，唔怪得知食飯時間都冇乜人🙄落單嘅時候亦feel到啲侍應好唔耐煩，仲要一路食成場夥計不停大聲爆粗傾計，當啲客完全唔存在，雖然你有自由，但或者人哋真係想舒服安靜咁食餐飯呢🙄不過相信佢哋咁型係唔介意啲客點睇，所以我唯有自動放棄，冇下次了。

呢間嚐湯雞食過好幾次，包括堂食+外賣都試過。認真食物唔錯嘅湯熱辣辣，但老闆請人眼光差差啲，請埋啲女同事態度差西口西面咁，門口企嘅女同事成日都企喺度唔知做乜，試過唔只一次啲外賣整好放就咁收銀隔離，冇人嗌號碼，我企喺度白等半個鐘（真係唔只一次），問嘅時候門口女同事個西樣唔耐煩，大佬我都係堅等得耐先出聲問，體驗好差，希望老闆有心做生意正視吓員工態度，同埋都keep住留意吓有冇人係等緊外埋係未拎啦，整好咗就咁放埋一二邊又唔理，拎到返屋企都凍晒。

天氣又轉涼返d想食d熱辣辣既野砂鍋雞湯翅配米線 $85個鍋上枱仲滾緊😍 見到都覺得暖哂雞湯無味精🤤 飲哂都唔怕因為太多湯個樣唔太靚🤣但真材實料🤤🤤🤤🤤除左好多件雞，翅都好多仲有金華火腿同魚唇👍👍👍👍個雞湯就係用呢d材料煲個雞好有鮮味🤣 但可能湯好滾雞肉係雞胸位有少少嚡另一個係醉雞卷飯 $67雖然唔係砂鍋上但個湯都好熱😍😍😍😍醉雞卷好入味除左酒味仲有桂花味唔會有酒既苦味😋😋😋😋好出色，如果可以滑d就更好個汁太正，隱藏食法撈米線🤣不得了ig: ma.lazycooking

湯飯外賣已經收得$3，仲要唔俾比餐具都算。態度超級差，打返過去粗口回覆加直接cut線，個湯仲要冇味有少少生水feel，再加啲雞好似咬過嘅咁。反正體驗十分之差。冇可能再有下一次。

冬天真的很需要一碗熱湯來暖暖胃，但又心痒痒想食醉雞🐥點了一碗濃雞湯米線配醉雞，由於真的是很熱，伙計送餐都份外小心🥘。先來一啖濃湯，這碗濃湯沒有欺騙我👍🏻，雞味夠，濃味得來又不會過份味精，米線煮得夠淋，碗米線整體可給予8分之高。重點的醉雞酒味相當濃烈(呢個唔岩我口味)，但雞的肉質浸泡得相當耐，睇黎醉雞不是我喜歡的菜🤨

最近開始涼涼哋想食吓雞湯米線，特登走去食朋友推薦嘅呢間餐廳，唔使等位直接入咗去，安排咗我哋坐喺攤位附近嘅枱。等餐嘅時間都幾長，本身諗住應該係即叫即做，所以都唔緊要，但係坐咗喺度等咗10幾分鐘，比同一個職員撞我張凳撞咗10幾次，係冇可能發現嘅。真係撞到抆咗已經好嬲，雖然最後肯俾我哋掉位，但係唔好意思都冇一句真係令我心情好差。我叫咗個雞湯翅米線，個米線湯底係不錯的，食得出係冇味精嘅，啲米線腍咗少少，但係都唔緊要。翅個size細得可憐，每一片都好似塊指甲咁細。輪到啲雞就真係出晒事，啲雞翼份量好少，比起元朗臭河隔籬嗰間可能得一半，都算！我嗰碗米線全部都係一啲下欄位，係雞翼尖同埋雞胸，冇一個位置係滑㗎！啲雞啲質感真係好差，好似啲煲湯底料咁，完全唔值得依個價錢…..我老公就叫咗個花雕雞，藥膳湯底，個湯底味道都係OK嘅冇問題，但係啲雞都係下欄位，都係雞翼尖，叫咗兩個餐全部都係比雞翼尖！究竟發生咩事？依間嘢真係冇下次，呢個價錢真係唔算平，俾啲垃圾人哋食真係過分，奉勸大家真係唔洗試，服務差態度差好差，完全冇可能有下一次！

落雨天總係想食啲熱辣辣嘅嘢，今次同屋企人去食一間好耐冇去食嘅砂鍋雞湯米線。砂鍋花膠雞湯翅烏冬 $97砂鍋到成個湯上到嚟都仲係滾緊，熱辣辣。個湯一上到嚟已經見到有花膠魚同雞，食食仲會發現金華火腿。個雞湯超濃郁，飲極都覺得唔夠砂鍋胡椒豬肚福果米線 $70米線一上嚟已經好濃郁嘅黑椒味，豬肚洗得好乾淨，完全冇臊味，一邊食一邊飲飲到個人暖笠笠。砂鍋雲吞雞米線 $72對比起前面兩個就比較遜色啦，但因為個雞湯底都好出色，雲吞都好新鮮，所以其實都好好食。鍾意飲湯，又鍾意食食麵嘅人真係好推介大家嚟食。

胡麻雞絲半刀削麵 ⭐️⭐️⭐️⭐️ $65嚟講算正正常常對得住個價錢，係普通嘅一個胡麻雞絲撈，不過佢份量好足，麵唔係好多但雞絲同青瓜都有好多，夏日熱辣辣食呢個好正，不過嚟到就唔好食呢樣咁嘥啦，叫佢其他先試到花膠鮑魚濃雞湯米線⭐️⭐️⭐️⭐️ 佢啲雞湯底好濃郁，食得出係用好多雞同花膠熬出嚟，今日因為胃口唔好就冇叫到砂窩試所以試唔到啲雞正唔正，見隔離枱個個都叫花膠鮑魚砂窩雞煲好香好正份量足，你可以叫米線、米粉、白飯，有一隻鮑魚三塊花膠同雞，$95如果質素高都唔錯👍🏻不過今次就試唔到，等我下次胃口好啲再試下先

味道可以$100以內有雞湯翅2個人食一煲都夠飽原本都覺得可以有下次賣單個陣 我尾數有$4我比左1個$2，1個$1，2個5毫個職員同我講話5毫找唔到出去唔收呢個係咩答案黎？你同我講有咩用？你唔同政府講？佢仲要無痴唔收毫子我無嘈 同另一半搵左個$5比佢找不過我就唔會再有下次

今日路經元朗幫襯咗呢一間已滋味雞湯湯底做招徠嘅麵店，味道唔錯，最欣賞就係碗麵上枱嘅時候仲係熱辣辣出晒煙。呢個係砂鍋姬松茸螺頭乾貝花菇雞，面就揀咗刀削麵。唔好諗住姬松茸嗰頭乾花個名好勁揪，其實都係切晒粒粒，不過已$77嚟講其實性價比非常高。佢啲雞都幾靚，而且個湯煲出嚟又唔會好油，有一種好滋潤嘅感覺，我最後湯都飲清光。另一碗就叫咗藥膳醉雞刀削麵，醉雞同個刀削麵分開上，醉雞用嘅花雕酒都幾香，佢碗刀削麵個湯底都有啲藥材材料，一啲都唔馬虎。

我自己是超級中意食雞湯翅嘅人，中意食雞湯翅真系要去試下，我去開元朗一定會去食，雞湯翅味濃郁 足料，我推介配日式出前一丁，原來都系好夾的，湯超鮮甜，大家去開元朗記得去試下

砂鍋桃膠椰子🥥雪梨🍐一上枱滾滾來熱辣辣 鍋物可以加粉絲/准山面⋯個人選粉絲 盡吸湯內精華再加6蚊轉雞髀🍗（滑溜彈口好多）海底椰多到數唔晒 每一啖都有椰味雪梨就係乾身款式 但浸完遊個湯水都有咬口個人月事完 食飽飽飲完湯 好滿足😌既一餐