尚發小廚 雞煲．烤魚

早幾日經過大角嘴，見到一間好地道港式小廚喺門口已經聞到好香嘅雞煲味就俾佢吸引咗入去😌我哋叫咗椒鹽鮮魷($118)，魷魚好新鮮、炸得外脆內嫩，再加上椒鹽炒香，惹味十足，十分適合配飯或小酌時享用。佢哋過油炸至金黃脆身，然後用蒜蓉、蔥段、辣椒和椒鹽大火快炒，吃起來鹹香帶微辣🥴蜜椒薯仔牛柳粒($138，仲送啤酒！)牛柳粒鮮嫩多汁，煎得恰到好處，鎖住肉汁，配上甜甜的蜜椒汁，搭配軟綿的薯仔，整體味道香甜中帶微辣，口感層次豐富，非常惹味！川味香辣雞煲($148)麻辣十足、香氣濃郁。用料講究，選用新鮮雞肉燉煮，雞肉軟嫩入味，帶有地道四川香辣味及花椒香麻感，辣味適中且層次豐富。這道雞煲的湯底濃厚，香辣帶麻，能夠暖身又開胃🤤芝士蝦球伊麵($128)奶香濃郁的芝士醬融化覆蓋於彈牙的蝦球和滑嫩的伊麵上，帶來濃郁豐富的奶香和海鮮的鮮甜~店內更不收加一，開瓶費切餅費…查看更多

尚發小廚位於大角咀 ，主打烤魚及雞煲。這次試了金香烤魚（$328），選用清江魚，魚皮烤至金黃香脆，入口帶有明顯咔滋聲，魚肉則非常嫩滑且多汁，而且沒有泥腥味，細骨不多，食用時相當方便。烤魚配以南瓜湯底，賣相金黃，南瓜自然的清甜令湯底層次提升，與烤魚的鮮味融合得不錯。配料方面，包括萵筍、芽菜、木耳、豆卜和粗薯粉，配料新鮮，口感多變，粗薯粉煙韌彈牙，非常吸汁，能夠充分吸收湯底的味道，整體感覺較為豐富。店內空間不算大，但裝潢簡約，環境地道，有一定的鑊氣。服務方面，店員有禮貌，態度友善，對客人需求十分細心，令用餐體驗相當愉快。烤魚份量充足，適合多人分享，價錢亦屬合理，性價比高。值得一提的是，這裡的烤魚是金香不辣版，適合不嗜辣的食客，比一般烤魚店多一個選擇。整體而言，尚發小廚是隱身於大角咀的地道小店，菜式有驚喜，尤其推薦給烤魚愛好者或喜歡試新口味的朋友，不論是否喜辣都可以在此找到合適的選擇。…查看更多

今日去咗大角咀「尚發小廚」🥢，老闆娘好熱情🥰介紹咗佢地嘅招牌係烤魚🐟同雞煲🍲，今次就食咗佢嘅烤魚🙌🏻！叫完嘢食就上咗前菜🥗，前菜係泰式無骨鳳爪，鳳爪爽口彈牙，醬汁酸酸甜甜🍋又少少辣🌶️，非常開胃🤤，去咗骨又食得好方便👍🏻！烤魚上到枱要煮一陣先食得⏳，啲湯滾咗就可以開始食烤魚喇！今次食嘅金香烤魚係唔辣，賣相金黃香脆✨，好吸引！條魚好大條🐠，煎到好香脆，仲啖啖魚肉，肉質好彈牙🤩！湯底係南瓜蓉煮成啲🎃，所以就金黃色💛！配菜有薯粉，薯粉好煙韌彈牙🍜，吸晒啲汁，好好食🤗。仲有好多蔬菜🥬，有芽菜、萵筍🥒、冬瓜、蓮藕、白蘿蔔🥕，全部都好清甜，仲吸晒啲汁，好入味🔥！仲有豆卜同腐竹！烤魚嘅份量好多，配埋咁多款配菜真係食極唔厭😜！兩個人食都已經好飽🫃。再加埋凍檸茶🧋，凍冰冰又酸酸甜甜🍋，啱晒解膩💦！呢度仲有其他辣嘅烤魚🔥，仲有唔同嘅小菜同雞煲🍗，仲有得打邊爐🍲，下次一定要再嚟食下❤️！…查看更多

呢間隱藏喺街角嘅烤魚雞煲專門店，店員個個熱情好客，服務貼心周到！最抵讚係全日免加一，仲唔收開瓶費，啱晒一班朋友聚會飲兩杯。菜單選擇多到眼花繚亂，價錢合理，絕對係聚餐好去處！招牌酸菜烤魚 🐟一上枱就聞到酸香撲鼻！成條新鮮烤魚鋪滿自家醃製嘅酸菜，酸味自然唔刺鼻。魚皮烤到金黃香脆，魚肉嫩滑多汁，完全冇泥腥味。最正係個酸菜湯底，酸度剛剛好，仲帶微辣，越食越開胃！鍋底仲有驚喜配料：索晒湯汁嘅寬粉、爽脆木耳、蓮藕片同蘆筍，樣樣都煮得恰到好處。寬粉吸盡酸菜魚湯嘅精華，每一啖都超入味！菠蘿生炒骨 🍍呢味經典小炒做得相當出色！排骨外脆內嫩，肉汁豐富。醬汁用新鮮菠蘿煮成，甜中帶微酸，完全唔膩口。配料嘅彩椒同洋蔥炒得夠鑊氣，爽脆得嚟又入味。菠蘿肉香甜多汁，同排骨簡直係絕配！呢間小店價錢公道，份量十足，味道正宗，服務又周到，絕對會再encore！…查看更多

今次試左金香烤魚新鮮清江魚先煎香後浸湯，魚肉細嫩無腥味，南瓜香甜湯底滲透每一絲魚肉，湯底係南瓜湯底好清甜，仲有滿滿南瓜蓉，啱曬唔食得辣既人士。除左原條烤魚，仲有好多配料薯仔、萵筍、芽菜、木耳、豆腐、豆卜、粗薯粉，全部配料吸滿湯汁好入味。烤魚連鐵盤上桌，邊食邊保溫，越煮越入味。南瓜湯烤魚既組合少見，顛覆傳統烤魚的油膩印象，反而好清甜食到魚肉鮮味，而且份量十足，2-3人食都絕對夠，大推！餐廳除左烤魚仲有雞煲、打邊爐同其他小炒菜式，下次黎試下其他菜式先。…查看更多

最近朋友介紹大角咀一間中菜館「尚發小廚」，主打雞煲和烤魚，於是決定和朋友過來品嘗一下。餐廳距離深水埗地鐵站大概5至10分鐘路程，走著走著很快便來到了，地理位置還可以吧。一入餐廳，老闆娘招呼我們到卡位就坐，餐廳環境光亮闊落舒服，不像一般大排檔比較逼夾。由於朋友不愛吃魚，於是我們先點了一客川味香辣雞煲（半只），要大辣，另外老闆娘也熱情地跟我們推介了幾款招牌小菜，最後我們加點了一客蜜椒薯仔牛柳粒和乾鍋肥腸。熱辣辣的雞煲上枱時香氣撲鼻，雞煲有辣椒、洋蔥、青椒和大蔥頭做配菜，味道香辣惹味，雞肉肉質嫩滑，整個菜式送飯一流。蜜椒薯仔牛柳粒，牛肉肉質軟淋，配搭軟糯入味的薯仔，絕對是招牌菜。乾鍋肥腸，豬大腸炸得恰到好處，外皮乾脆香口，配搭了很多芽菜，豆腐乾，薯仔片，值得推薦。用餐過程中，老闆娘不時過來跟我們閒聊，知道這裡有間VIP房可以容納8至10人，非常適合一班朋友放工或者在附近踢波過來吃晚飯。餐廳有兩部大電視，當晚有賽馬直播，大家邊吃邊看氣氛不錯。離開的時候，發現原來一街之隔就是人氣港式大排檔「愛文生」，如果大家不想排隊等候，「尚發小廚」絕對是一個好選擇。…查看更多

今晚同朋友去咗呢間試食，兩個人叫咗蒜辣烤魚，一個一口炸豆腐，兩支啤酒，上菜前比咗一碟仔拍青瓜，沒有講係要收費以為係送的，後來隔離枱有客來，我哋聽到個老闆娘同客講係送的唔收費嘅，埋單時張單卻顯示青瓜小食收10蚊，當時諗住d嘢食麻麻哋唔會再來就由佢，𢓭來諗吓覺得唔公平，憑乜人哋就送我哋就要收錢，所以覺得都係要來評一評，同埋你上小菜時都應該要問吓人客要唔要，因為你要收費顧客有權選擇要定唔要！呢種做法太過份！選擇性收顧客錢，我覺得被欺騙咗非常不滿！絕對唔會再幫襯！更何況d嘢食都唔好味!…查看更多

上次在這裡吃雞煲和火鍋，味道很好👍👍雞的肉質噸得很爛，口感很好，嚼幾下就能吞下去了調味也不錯，聽說是獨家配方🤭 味道獨特，挺香的環境很好，很敞亮大氣推薦大家來吃👍👍…查看更多

慶祝老公生日, 第一次去食尚發小廚, 一入餐廳, 老闆娘好熱情的款待。來食飯前都有上OPENRICE睇食評, 見到人話呢度的烤魚好食, 所以試咗一個 唔辣的 金香烤魚, 條魚的份量都幾大條, 肉質滑, (如果唔走辣) 應該會更好味。 另外, 老闆娘推介我咃食冰鎮千層咕嚕肉，咕嚕肉整體唔錯 (我屋企人話好食, 夠脆), 但我比較鍾意傳統熱食咕嚕肉。除咗烤魚, 咕嚕肉外, 我哋另外叫咗個 八味一口炸豆腐  & 一客蜜糖雞翼， 豆腐好食, 炸得好, 夠乾身, 夠脆。 由於2大2小去食飯, 試唔到其他菜式, 下次會再試下食雞煲。 …查看更多

平日夜晚唔算好多客人 見唔使排隊於是入咗去試 叫咗個烤魚都幾大份 配料都幾多 好惹味 香辣雞煲都幾多肉 都幾辣要飲住嘢食 屋企人都話幾好食 老闆娘仲好好幫手睇有冇人抄牌 幾有人情味…查看更多

呢間舖大約開咗業半年，有次偶然一班人入去食小菜，嗌咗霸王雞、土魷肉餅、中式牛柳粒等等嘅食物。大部份都係水準中上，而且價錢相宜。之後再食佢嘅雞煲，可以揀辣同埋唔辣。我哋就揀咗唔辣嘅食，個雞煲味道好惹味。其他嗌嘅牛肉、響鈴、墨魚滑，到非常新鮮同埋好味。幫襯多幾次之後，老闆娘勁好咁樣請我哋食嘢。個人又傾得又講得笑，服務真係一流。地理位置其實係佢哋嘅弱點，不過其實都只係喺愛文生隔離嗰條街。如果揸車嚟嘅人可以考慮下泊喺詩歌舞街附近。係果附近，除咗愛文生之外，其實尚發都係一個好嘅選擇。…查看更多

上次黎食烤魚好大條，今次就黎試吓雞煲，叫咗個川味香辣雞煲，半隻。一坐低就有碟花生做前菜，花生脆卜卜，鹹鹹地香香哋，幾開胃。花生未食完就嚟咗雞煲。雞煲有洋蔥，辣椒，青椒同大蔥頭做配菜，賣相唔錯，煲蓋打開嘅時候雞煲好香。但係唔知係咪淨係叫咗小辣，冇乜辣味，淨係食到好鹹，可能送飯會好啲啦。之後叫多碟手打丸雙拼，啲丸味道幾新鮮，同埋幾彈牙，仲有幾條金菇做配菜添。總括嚟講，雞煲味都冇烤魚咁好，味道偏鹹，味道冇乜層次。…查看更多

2個人叫咗一個細雞煲，手切牛，脆魚皮，同蒜蓉炒䈑筍。埋單5百幾蚊仲可以用消費卷。服務周到，價錢合理。雞煲有得揀辣度，啱哂我哂太食得辣嘅人。可以泊架車係門口，老闆娘就安排我坐近門口可以睇住走鬼。…查看更多

雞煲嘅雞夠嫰，食完入邊啲雞，仲可以加水打邊爐，加蓮藕同薯仔煮耐啲夠入味，麻辣魚皮個魚皮夠厚夠爽又夠麻，冰鎮咕嚕肉望落去好似好凍，但食落口原來暖暖哋，有雙重嘅感覺，好有層次感，職員服務態度又好好，就算滿客…查看更多

之前行過已經發現呢間新開嘅烤魚雞煲店，今日決定黎試吓個烤魚。一入到去侍應都好熱情咁講解，可以用QR code落單，之後點咗個金香烤魚，少少辣。等多一陣嗰條魚就嚟咗，都好大煲，等佢滾咗之後呢就打開個蓋，條魚好香，仲有好多唔同嘅配菜，有木耳，乾蔥，芫荽，辣椒，芽菜，青瓜同豆卜，仲有一啲薯粉係底。一邊食個店員都好貼心咁樣會唔會太辣，需唔需要豉油咁，每張枱仲會有紙巾提供，服務好好。估唔到個份量都幾多，兩個人食一條魚都已經好飽，之後決定加咗個牛骨髓，但係牛骨髓，等咗好耐先嚟，食落就無咩特別。呢餐兩個人埋單$470，可惜冇得比信用卡。下次都可以嚟，試吓雞煲。…查看更多