小黑糖 (宏生大廈)

营业中

休息中

經過厚福街見到有間手調飲品，係熱潮仍在的黑糖珍珠厚鮮奶，呢間「小黑糖」來自台灣，用台灣直送珍珠，加上古法秘方黑糖汁，已經好吸引。除左厚鮮奶，仲有其他口味，抹茶、紫薯等等都好受歡迎，而且仲有熱飲選擇，又可自選甜度。我點左推介的小黑糖珍珠厚鮮奶，友人就點紫薯於你珍珠。店內裝潢簡約，但粉藍瓷磚就好夢幻吸引，等待飲品不算耐，而且都多唔同既遊客來飲。小黑糖珍珠厚鮮奶 $32，賣相討好，珍珠份量好多好正，黑糖紋有少少，飲前要搖勻。第一口覺得好驚喜，好濃黑糖味，而且珍珠超入味，一路咬一路爆出黑糖味，仲好香好甜美，最正係我點了全糖都唔會太甜，珍珠十分Q彈煙韌。厚鮮奶超濃香滑，因為用左4.3牛乳，還有手打奶霜，所以更滑更香，而且感覺無咁膩。紫薯於你珍珠 $32，迷人粉紫色配粉藍牆身，好唯美好柔和。味道同樣濃郁的黑糖味，但同紫薯又夾到，甜度亦比厚鮮奶的低，紫薯味都重，有紫薯的粉綿感，味道豐富左。

✨香港愈黎愈興飲黑糖珍珠鮮奶，之前都飲過唔少間。黑糖珍珠製法其實間間都差不多，不過要搵到一間啱自己口味嘅好難✨難得今日朋友仔同我出開尖沙咀，就等小妹我試吓小黑糖啦💕💕✨小黑糖珍珠鮮奶👧🏻 小妹今次簡咗七分糖嘅珍珠鮮奶，黑糖味超級重，珍珠好煙靭而且夠足料。👧🏻好少黑糖珍珠鮮奶店有得簡甜度，呢間就正正可以，啱哂小妹呢啲唔好甜嘅人😂✨小黑糖珍珠厚鮮奶👧🏻 厚鮮奶係店員極力推薦我地飲嘅，厚鮮奶同普通鮮奶嘅分別就係厚鮮奶上面有一層重奶味嘅奶霜，令到成杯珍奶滑好多。對比鮮奶，鮮奶味道就淡啲，啱啲唔中意重口味嘅朋友仔。👧🏻對於小妹黎講，我個人中意飲厚鮮奶多啲，始終都係牛奶味重啲先配合到黑糖珍珠嘅味道☺️☺️

近一年台式飲料店已經開到如便利店般「總有一間在左右」，上星期日在尖沙咀行街時，就發現新開了在台灣貴為 5 大黑糖珍珠王牌之一的小黑糖Baroness。飲品款式超多，還可自選甜度，選擇夠靈活。店名叫小黑糖，當然又怎能少了黑糖珍奶？！這款小黑糖珍珠鮮厚奶就是大熱主打。小黑糖珍珠鮮厚奶 $32以明治4.3牛奶取代奶精沖調，面層再淋上手打奶霜，質感更加厚滑富乳香，飲前可把杯身上下搖晃，黑糖帶有微微的炭燒焦香。因為黑糖珍珠是按秘方將手炒黑糖磚熬成，所以選半糖甜度已經足夠，不會過於甜膩，珍珠下得夠足料，口感煙韌軟糯，同時滿足喝與嚼的小確幸，小黑糖栗子歐蕾加黑糖珍珠 $36黑糖珍奶就喝得多，不過栗子味珍奶就真的坊間罕見，以黑糖造成的掛杯效果，賣相絕對夠「IGable」。因為歐蕾本身甜度較高，所以這杯選了微糖，甜度正是剛剛好，喝下去甘甜的栗子與濃滑的鮮奶微甜交融，比起平時的黑糖珍奶多了一份獨特的栗香。

尖沙咀既奶茶店選擇頗多，呢間小黑糖時不時有人排隊買，搞到我心郁郁想試。今次俾我撞到排三個人就可以落單，即排😂佢個裝修無得彈，睇到我少女心滿滿，粉藍色牆身打卡一流，仲要做緊當日朴寶劍見面會既杯套應援～玫瑰控既我叫左小黑糖玫瑰珍珠厚奶$32，冰，甜度都無得要求更改，我仲擔心會太甜，點知飲落係咁好飲！奶味夠濃，黑糖味唔會重到蓋左玫瑰味，三種味都好夾又唔太甜！難怪有網紅rose ma推薦加簽名啦❣️事關真係好好飲，值得encore ~

岩岩去完The One shopping , 口乾乾地就搵野飲, 坊間太多選擇, 但用玫瑰做配搭好似第一次見, 所以忍吾住要試, 叫左小黑糖玫瑰珍珠厚奶, 中意厚奶夠口感濃郁, 奶味又夠, 玫瑰淡淡然, 吾會太搶味! 又嚐得到的香味!珍珠煮得岩岩好，夠煙韌亦都有黑糖味。令人更易愛上玫瑰飲品!另外一杯係小黑糖冬瓜檸檬, 喝起來有濃郁黑糖香味，與冬瓜茶的清香味，以及檸檬的果香味，香氣豐富，也非常醒胃! 很解渴! 充滿驚喜的黑糖特調飲品。

#tgif ! Need some sweetness to neutralise the bitterness in my work🙈 The rose black sugar boba with milk foam has sweet elegant flowery flavour that soothes my nerves🌹 The sweetness of the chewy boba is about right!-玫瑰小黑糖珍珠厚鮮奶 ($32)不只是玫瑰花瓣, 連黑糖珍奶也有rose syrup花香🌹 難得玫瑰味道不太人工, 有點似咖啡店rose latte的味道. 珍珠Q彈有嚼勁, 黑糖甜度不能自選但也剛剛好😋 不過如果奶蓋味道和質感更濃郁會較好, 畢竟我也是較重口味的人哈哈😛

2018年夏季秋季，香港展開了激烈的“黑糖珍珠鮮奶”大戰，有台灣來的，也有國產品牌，更有香港創業品牌。一時間，到處都是黑糖珍珠。熱情過後，才是店家實力展現的時候，能否站得住腳，就且看看冬季來臨時的實力，果然，不消一會，已經有很多缺乏實力的倒下來，汰弱淘強是必須經過的階段。在尖沙咀，在厚福街，這條街本身已經是尖沙咀的一條“食街”，無論附近工作的人，或者一帶的旅客，都會來這找好吃的。在這街街頭，我找到了這家“小黑糖”，我在附近工作，留意到這家是長期有客人，在購買及等待取飲品的，好奇心 驅使之下，這天吃過午飯後便買來試試，順便多買一杯給今早幫我整理文件的同事 。黑糖珍珠厚鮮奶32元 紫薯於你30元黑糖可能是因為手炒的緣故，比坊間一些慳功序的做法（普通以黑糖漿撈珍珠）顯得更為入味，莫看少這個工序，往往就是決勝之道了。紫薯是買給另一位同事的，同事表示紫薯味很濃厚，彷彿一口薯，一口珍珠，大呼過癮，一試難忘。另外要一提的是，個人頗喜歡他們用“碎冰”的做法，坊間很多用大件冰塊，到飲完整杯仍留有大量冰塊，有時更佔有四份一之多（飲完空杯計）心裡感覺不爽，但這家店用碎冰上，令飲品更滲透入每一啖，感覺良好。#

在尖沙咀工作有樣好就是隨時隨地可以食到好食的，好飲的。 今日同同事食完lunch , 又去行下街散下步。 轉入厚福街俾我地發現 出新野飲。 叫作「4.3 牛乳+奶霜 」心諗同平時果d黑糖珍珠奶茶有咩分別。 由於時間關係，我叫咗一杯試下。 大家要注意⚠️ 叫這杯是無得少冰的。 因為他們的牛乳和奶霜是冰凍的，如果少冰， 就會無咗奶咖啦！ 剛我拿起杯野飲時， 下邊的黑糖珍珠是溫熱的，上邊的奶霜是冰凍的，好一個冰火相撞。 口感好不一樣， 黑糖珍珠不是一般的 “死甜” ，珍珠煮得剛剛好，是軟棉棉的同時也有口感。 因為珍珠口感不一樣，我回頭問他們加了什麼🤔？ 他們話黑糖珍珠是用了兩種不一樣的黑糖炮製而成，所以非外間的甜度。 他們説是秘方就無再透露太多了Anyway , 好飲就得啦！！ 另外由於牛乳和奶霜分佈比較多，每一啖奶香味都好重，而且口感好creamy! 哈，lunch 的小甜點我好滿意我同事叫了一杯 同樣地要注意⚠️係無得選擇去冰或少冰的， 因為他們把冰凍的牛乳和粟子打成溶的哦！ 這杯的粟子份量超多，每一啖都飲到栗子粒粒，好香濃，好滑。 如果是栗子控應該超愛。 下次可以試下其他，價錢$20-$

‼️係黑糖啊😍🌸小黑糖鮮奶珍珠 HK$30黑糖味好出 唔過甜❤️ 珍珠有咬口比老虎的波霸細 有咬口 唔過林鮮奶味都好出 冰係比較碎的唔怕溶晒冇味😋-🌸 懷念奶茶加珍珠 HK$26朋友話茶味濃 甜了少許但珍珠也是很好吃😋😍

小黑糖玫瑰珍珠厚奶玫瑰對女人滋補係人都知，當黑糖珍珠再加上玫瑰，既然補上加補，當然唔好錯過。話說小黑糖黑糖珍珠奶茶界王牌之一，佢係厚福街開左咁耐都未試過，這日經過，即使好多人排隊都梗係要試下。非常欣賞佢地對黑糖講究，小黑糖玫瑰珍珠厚奶係招牌黑糖鮮奶既升級版, 用上明治鮮奶配製，奶味濃郁，加上黑糖虎紋十分美麗，喝一口加左玫瑰的黑糖珍珠，黑糖甜味唔會死甜，來得持久，珍珠亦煮得煙韌，加上面層的玫瑰花瓣, 影相一流，對女人又一流!-泰好喝歐蕾珍珠除左叫了玫瑰黑糖珍珠厚奶外，小黑糖仲賣埋泰式珍珠奶茶: 泰好喝歐蕾珍珠泰式奶茶同台式奶茶雖然都係奶茶，但係睇落去就知有分別呀。泰式奶茶顏色比較深，飲落亦都比較杰身同香味濃啲。泰式紅茶除左底較一般紅茶香外，配埋小黑糖的珍珠 ，這杯泰式奶茶集【濃】、【甜】、【香】於一身，超超道地的！

黑糖珍珠奶開到成行成市。但數有質素的,並不多。今日我和同事經過加拿芬道的宏生大廈,被我發現了台灣過江龍小黑糖。馬上和同事買來飲。是有質數的台式店。小黑糖台式飲品款式眾多。見到餐廳現在推介小黑糖玫瑰珍珠鮮奶而且限定供應。於是我就試試這款。小黑糖玫瑰珍珠鮮奶冰量和甜度是固定。先嚐一口, 奶味濃, 突出。但没有太甜的感覺,口感香滑自然。珍珠在杯底,都幾多珍珠, 搖勻再飲,好入味。珍珠暖暖的,煙韌有咬口。玫瑰花鋪在奶面,飲時陣陣的玫瑰花香,令到整杯鮮奶都加分。同事叫的荔枝烏龍茶,少甜。同事說味道不錯,荔枝味香濃。

各位黑糖及紫薯控請注意，尖沙咀厚福街(近加拿芬道)有間台灣過江龍的手搖飲料店「小黑糖」 進駐香港三個月有多了。 飲品店設計由香港老闆自家設計，沒有跟足台灣店一樣，香港店設計為全粉藍色的豐有少女感，打卡一流。「紫薯於你+珍珠」一試難忘，第一啖已飲到滿口濃郁紫薯味，像吃紫薯蓉一樣，隨後就飲到奶味及黑糖味。珍珠份量超多，每吸一口差不多可吸入3或4粒珍珠，飲到最後珍珠也吃不完。珍珠煙韌度很高，黑糖味亦很濃，這杯「紫薯於你」味道層次分明，口感豐富。「小黑糖珍珠厚奶」奶味濃厚，一口奶一口黑糖再一口煙韌彈牙珍珠，好飲到停不到口，而且這杯飲品亦是小黑糖鎮店之寶，必飲之選擇。除了鮮奶外其他材料全採用台灣直達，連烹調配方也按台灣一樣，未有時間去台灣嘗嘗，也可在香港特約經營店飲到跟台灣一樣的風味。

係尖沙咀食完Lunch見呢間飲品店粉藍色嘅門面好靚，加上見到店裡面個banner推廣緊佢招牌黑糖玫瑰珍珠鮮奶，就諗住買返杯。除左買左玫瑰黑糖珍珠鮮奶之外，我都幫朋友買左呢度另一招牌嘅小黑糖珍珠鮮奶。小黑糖玫瑰珍珠一直都覺得黑糖鮮奶系列飲品好甜，而唔少多店嘅黑糖系列都固定左個甜度，無得要少甜。而呢杯黑糖玫瑰鮮奶(因為我向來唔太好珍珠，所以我無要珍珠)雖然固定左個甜度，但味道並唔算太甜，奶味好濃，玫瑰乾花灑係上面，賣相靚之餘，亦都增添淡淡玫瑰味，令個味道更加清新，中和左黑糖嘅甜膩。小黑糖珍珠鮮奶朋友試完話呢杯黑糖珍珠鮮奶嘅奶味頗濃，黑糖同奶互相融合，甜度適中，珍珠口感彈牙，非常不錯。

平時去厚福街都係搵嘢食，呢日就特登嚟試下呢間小黑糖！佢連我一個勁揀擇嘅朋友都俘虜到，就一於試下佢🤤果真無令我哋失望！我哋兩個人，一個叫咗小黑糖珍珠厚鮮奶，一個就叫普通嘅鮮奶，睇下有咩分別～小黑糖珍珠厚鮮奶（$32）小黑糖珍珠鮮奶（$30）兩杯嘅黑糖掛杯虎紋都算明顯，影相幾靚！飲之前記住用飲管搞勻，等黑糖同奶茶撈勻～店家選用日本明治4.3鮮奶，奶味濃厚～厚鮮奶同鮮奶嘅分別就係，厚鮮奶嗰杯，面層會加咗層奶霜，非常綿密，奶味濃郁香醇，比起普通鮮奶嗰杯的確係奶味重好多！我同朋友都比較鍾意厚鮮奶嘅texture同味道～至於珍珠，亦都係我鍾意嘅口感，好彈牙，唔會太淋，而且黑糖味濃，正！😍朋友介紹得果然無錯，下次想飲黑糖飲品再嚟先！menu：

之前見朋友拎住杯上面有花瓣既野飲，詢問之下得知原來係係尖沙咀既小黑糖！見間野近學校都幾近，所以呢日放左學就過去買返杯有花瓣呢杯原來係期間限定，叫小黑糖玫瑰珍珠，冰量甜度固定，有得揀鮮奶定厚奶，我見平時飲開都係鮮奶，所以今次揀左厚奶試下！杯野比我想像中靚，上面一層花瓣睇落好似一杯厚奶上面有一片花草地咁，第一啖飲已經飲到d花瓣，味道其實係平時飲既黑糖珍珠鮮奶再多一陣玫瑰既味道，感覺都幾夾，同fresh d，而且打卡好睇！不過我影得好差xd D黑糖味道同其他鋪頭飲到既唔同，感覺濃d，但又唔會過甜，珍珠都好彈牙！佢呢到有幅牆比人打卡專用，粉藍色調配上燈字好靚，牆上貼滿朴寶劍既相，粉絲一定要黎朝聖！就連杯套都有朴寶劍另外幫朋友買左杯泰好喝歐蕾珍珠，顏色真係同泰式奶茶一樣，朋友好欣賞，真係搵返係泰國果陣飲既味道，唔似其他標榜係泰式奶茶但飲出黎係港式既味道值得一讚係，好多位都睇到呢間野好貼心，有中英文版既menu，又會提供熱飲杯套，有紙巾，有小提示教你點飲，連打卡位都整埋比你，睇得出真係有花心機想吸引d客