小黑糖 (宏生大廈)

营业中

休息中

度度都有黑糖珍奶，又係咪度度都好飲？其他鋪就唔講，今次嚟到小黑糖真係有驚喜😍喺間鋪出面已經見到成堆人喺度影相打卡po ig，本身好驚要等好耐，點知都係等咗10分鐘度，勁快🤙🏻小黑糖珍珠厚鮮奶($32) 啲奶真係好滑好香，配搭d珍珠個浸焦香味，簡直係Perfect！最正就係啲珍珠真係又大粒又好咬又夠多，啖啖都口感十足啊！而且成杯嘢都唔算太甜，飲到我唔停口👅以後想飲黑糖珍奶又多個選擇喇，一定會再幫襯☺芋見了你珍珠 (32)個人非常鐘情於芋頭 所以直情覺得呢杯係再昇華版！已經搵到人生最滿意既飲品組合：一定係芋泥+奶+珍珠！雖然知道呢杯野好肥，但我都毫不猶豫成杯飲哂，就知佢有幾正！😝😝

香港被黑糖珍奶潮流進攻，熱潮雖減退，但遲黎既小黑糖仍帶出誠意黑糖之作，突圍而出。一來當然一試招牌黑糖厚鮮奶，熱黑糖撞上4.3厚鮮奶，飲到濃厚既奶味及黑糖珍珠味，水準直比跟其他有名過江龍，另外亦可搭配自己喜好的甜度，我習慣飲3分糖的，飲落甜度適中，冇咁大罪惡感🤣🤣，小黑糖實屬尖沙咀一大黑糖珍奶之選。Menu上亦有好多其他特色奶茶，選擇多且特別，下次會試埋其他的！價錢$32 亦算合理。環境方面亦特別，藍色主題加上好多擺設，細細鋪位仍設有凳比客人坐，同埋店主似乎係SEVENTEEN粉😆

每次經過都見到有不少客人光顧今天終於來試一下.1) 小黑糖珍珠厚鮮奶 $32因為是沙冰 所以冰度是固定的因為怕會太甜 所以本來想要微糖可是店員說建議要少糖因為黑糖味會較突出好吧 就試一下店員亦提醒 喝前要先搖勻喝下去鮮奶味很濃 配上黑糖醬和珍珠點點的甜味很不錯啊不過不要喝到太多醬和珍珠就是了不然還是會很甜啊我想如果是輕輕地搖 應該會好一點.2) 芋見了你珍珠 $32這是店員推介的同樣地 因為是沙冰 所以冰度是固定的但這個可以選微糖甜度可接受芋頭味不算太濃但整體味道也是可口的喜歡芋頭的可以一試.飲品杯子看起來比較少但如果把珍珠都吃掉的話其實是非常飽肚的

依家周圍都係珍珠奶茶，搞到我一日一杯，不過我通常都會搵返飲開既鋪頭，但呢兩日好熱又落雨，所以我就試左間新野（純粹方便），比我想像中好飲好多！係尖沙咀行街見到小黑糖唔算多人排隊就同朋友一人一杯，黑糖珍珠奶茶+泰式珍珠奶茶（熱）。珍珠有口感，茶味香濃、同埋唔會太甜，係有驚喜既！泰式珍珠奶茶好滑、好香 、飲落去淡淡回甘，有別於一般珍珠奶茶。所以小黑糖已經例入會再回頭鋪頭之一#小黑糖#加拿分道45-47號宏生大廈地下D1號舖

珍珠奶茶近年開到成行成市，要突圍而出真係唔簡單，前排尖沙咀厚福街就開咗間台灣引入嘅小黑糖，我想試咗好耐㗎啦，今日喺附近食完嘢，就順便嚟杯黑糖飲品啦！雖然開咗一段時間，門口依然企滿人，個個都等叫號。見到門口都貼咗好多報紙報導📰，相信唔簡單😎！呢度嘅黑糖係古法人手製作，所以炒得突別香。飲品款式都唔少，有幾種唔同系列，包括：小黑糖系列、經典醇茶、歐蕾系列、濃香奶茶、特色調茶、冬季限定。店員介紹如果首次飲就必定要試試佢哋嘅小黑糖珍珠厚鮮奶同埋泰好喝歐雷珍珠。怕肥唔緊要，客人當然仲可以揀正常糖或者少糖🤗🤗。【小黑糖珍珠厚鮮奶】採用4.3牛乳加手打奶霜🥛，奶味非常濃郁，飲落去感覺一層一層嘅厚鮮奶喺味蕾中停留，再加上古法秘方嘅黑糖汁，黑糖味道又香又濃，當然唔少得有台灣直送珍珠，珍珠數量極多，煙韌有嚼勁，鍾意食珍珠嘅朋友絕對啱晒。【泰好喝歐雷珍珠】如果飲過泰茶嘅你一定想像到係咩味，茶味好濃郁，珍珠同樣好煙韌！鍾意飲珍珠奶茶嘅朋友絕對不容放過小黑糖！快啲嚟打卡啦！

Brown Sugar Milk is still all the rage right now and Baroness doesn’t mess around with theirs.Using 4.3 milk and delicious cream mouse, the result is a thick and milky drink that you can’t get enough of.The pearls are bouncy and chewy with just the right amount of sweetness that when mixed with the milk drink turns into a perfect combination.Their traditional bubble milk tea is also delicious, with a strong tea aroma, it’s a classic for a reason.

踏入夏天 ，又濕又熱， 走出街成個人好似脫水咁， 一杯珍珠奶茶正好打救而家嘅我😅你間珍珠奶茶店喺台灣非常有名， 佢算係top5受歡迎嘅珍珠奶茶店！今次我就試下 呢度嘅泰式 奶茶， 個名好特別， 叫做泰好喝歐蕾珍珠。泰式奶茶嘅味道係偏甜， 但容易入口， 用泰式奶茶搭配珍珠效果都係非常好👍 每啖都飲到牛奶香， 不過嗰種牛奶香就冇厚鮮奶嗰種濃厚嘅感覺。朋友就點咗一杯黑糖珍珠厚鮮奶， 因為係4.3牛乳嘅關係， 所以出嚟嘅口感係非常之濃厚！😍 黑糖 同鮮奶撞出嚟嘅口感同味道係非常之優質嘅， 不愧為招牌飲品拎住杯嘢飲係尖沙咀街頭遊走，真係有喺台灣度過炎炎夏日嘅感覺。

溫馨提示鋪頭係轉入厚福街架，唔好睇住路牌行，行到尾都搵唔到架😝同朋友一人叫左一杯珍珠奶茶飲：）1️⃣小黑糖珍珠厚鮮奶 $32叫左少糖，而冰量係固定。黑塘珍珠份量好多，食落好煙韌！☺最鍾意係佢嘅厚鮮奶底，用咗明治3.0，好濃郁，配埋佢啲珍珠仲正！❤❤❤真係好啱啲鍾意飲奶嘅人🤩搖勻之後更加好飲，建議100%糖，可以突出黑糖嘅味道😝😝2️⃣宇治抹茶歐蕾珍珠 $32叫左半糖，冰量固定。佢係用日本嘅綠茶粉，飲落啲綠茶味都幾重，係日本嘅綠茶，冇呃人，真材實料！最鍾意佢唔係好甜，珍珠冇黑糖咁重味，但同樣煙韌好味🍵市面上有好多珍珠奶茶舖，我特別鍾情呢一間，因為佢真係好有誠意嘅製作！大家一定要黎試下呀😄😄

琴日小妹同男朋友去左尖沙咀一日遊，食完Lunch慢慢行街，行到咁上下就開始口渴，咁岩就見到呢間都幾多人排隊嘅台式手搖飲品店，就買咗一人買咗一杯嘅飲品！🥤小黑糖珍珠厚鮮奶 $32奶底用咗4.3牛乳+奶霜，所以奶香味十足、好濃，仲好滑！但味道唔會過甜，飲曬成杯都唔覺膩！珍珠無得彈，食得出同坊間嘅珍珠唔同，非常煙韌Q彈，放耐咗都唔會變硬😛重點係即使瘋狂嚼珍珠，啲牙都唔會攰🤣🥤宇治抹茶歐蕾珍珠 $30歐蕾喺台灣喺指latte難以想像可以用咁平嘅價錢飲到抹茶latte，抹茶味偏濃，唔會好甜，啱曬抹茶控嘅我😋不得不提嘅喺呢間店真喺好好服務，飲品出咗之後店員會問你需唔需要幫手搖勻飲品😋同埋呢間店嘅裝修都幾靚，好啱用嚟打卡📸

I ordered this brown sugar 4.3 milk with cream mousse, and it was absolutely 10/10!! The milk was really smooth and delicious, it was a great combo with the brown sugar pearls! This is definitely one of my favourite brown sugar drinks. Highly recommended, especially those who like milk will definitely like it. One tiny small down side for me is that the pearls were really sweet, but that’s accountable due to that they are brown sugar pearls.

近來天氣真係熱到不行，岀親街都要買杯凍飲降降溫，行開尖沙咀見到呢間小黑糖，以前未飲過，但太熱嘅關係，就直接買啦！餐牌同一般飲料舖頭一樣，好多選擇，見到舖頭主打黑糖珍珠鮮奶，所以就試一杯啦另外朋友想飲杯fresh啲嘅果味飲品，所以就揀左葡萄柚四季春。過左大約五分鐘就有啦。店員有問我地需唔需要影相，之後就幫我地搖匀佢，好細心呢～首先黑糖珍珠鮮奶比例剛好，由於我減緊肥，所以叫左50%甜度，飲落奶味香濃，珍珠本身有黑糖味，有咬口，很不錯呢！另一杯葡萄柚四季春意想不到呢！平時一般都係溝糖水，味道會好假，但呢間飲落有葡萄柚皮，似用果醬沖岀嚟，味道清新而特別，值得一試！另外全程服務都唔錯，推薦大家去試下！

#小黑糖 (尖沙咀)尖沙咀加拿芬道45-47號宏生大廈地下D1號舖-----呢間黎自台北ge小黑糖 宣傳唔算太多 週末路過見到幾多人排隊 上網搵下 發現原來係台北五大黑糖珍奶之一 令到B仔即刻想試一試 睇下味道如何🤤店鋪裝修以粉藍色為主 感覺好粉嫩 好girly 適合影打卡相～-小黑糖珍珠厚鮮奶（$32）珍珠細細粒 非常煙韌 唔太軟唔太硬 質感唔會太腍 富有口感 黑糖味就未算非常重 但亦因此令B仔覺得佢甜度適中（有d好重黑糖味ge珍奶 個人反而覺得好甜膩）另外店鋪聲稱用4.3牛奶打成奶霜 而確實B仔飲完亦都覺得牛奶香濃幼滑 令人好容易就會失控狂飲😂-葡萄柚四季春 （$24）葡萄柚甜中帶少少酸 四季春則清香宜人 兩者味道交融 飲落有種好fresh ge涼爽感 幾舒服 適合夏天飲 但個人覺得整體味道辨識度不及小黑糖珍珠厚鮮奶咁突出😆雖然呢杯都好唔錯 但下次返黎 我都係會選擇飲我最愛ge珍奶😄-----👶🏻B仔整體評價：8/10個👍🏻👶🏻B仔抵食程度：7.5/10個👍🏻👶🏻B仔環境評分：買走yo👶🏻B仔味道評分：8.5/10個👍🏻👶🏻B仔回頭機會：8.5/10個👍🏻-----#swallow

今日堅好熱，行左一陣就成身汗去試飲小黑糖主打招牌解渴.小黑糖珍珠厚鮮奶珍珠唔會好硬，硬度剛好。所以幸好要了少甜，甜味道就剛剛好~~又奶香滿滿，厚鮮奶幼滑於大熱天時飲到凍飲真係好爽.圖示：驕傲的貓展示 小黑糖珍珠厚鮮奶**已經將底部黑糖搖至均勻仲有店舖既坐騎好盞鬼（#笑）本身有客人話想要紙巾，職員指向呢隻野🤣客人望左兩秒先抽一抽紙巾，哈哈另外，取飲品前，職員會問需要搖嗎，佢地會幫你搖至均勻，貼心❤️。.下次再試其他飲品先👍🏻

黎到厚福街，又係掃街嘅時候😍！買左招牌小黑糖珍珠厚鮮奶（$32）同埋紫薯於你（$32）🥤。雖然好多人排隊但都5使等好耐。姐姐仲好好人咁幫你搖勻佢。攞上手，黑糖仲係熱熱的呢😙。小黑糖果然無改錯名，黑糖真係好優秀，叫了3分糖，黑糖依然香濃。不過喜歡甜的朋友，姐姐話其實7分甜係最好味。珍珠好煙靱😊，是每4個鐘就有新鮮珍珠運到店的😍！另外紫薯於你嘅紫薯好香濃。不過如果有紫薯蓉，相信口感會更好😙。下次試下其他味先。

黑糖珍珠鮮奶最近瘋魔全港，差唔多間間珍珠奶茶舖都有賣，不過就真係唔係間間都整得好飲。小黑糖都真係一間少數係香港主打黑糖珍珠鮮奶而又好味既。今日飲咗兩杯嘢飲，一杯就係黑糖珍珠厚鮮奶，另一杯係宇治抺茶歐蕾珍珠。呢度嘅黑糖珍珠好高質，食落口非常煙韌，而佢哋牛奶係用4.3牛乳，特別濃滑，再加上佢哋嘅手打奶霜，成杯飲料變得非常有層次。宇治抺茶歐蕾珍珠係我第一次飲嘅配搭，宇治抹茶都沖得幾濃，我哋要咗少甜，所以飲落都唔會覺得好膩！價錢方面就30蚊左右一杯，係香港黎講都算公道既，不次經過都會再買😋