小雨天 (葵涌廣場)

小雨天小雨天屹立咗喺葵涌廣場超過15年以上10年前喺葵芳做嘢嘅時候已經經常過嚟無論午餐下午茶，晚餐都非常多人佢哋呢度嘅服務非常之一般食物亦都不過不失唯一可取嘅係佢哋嘅位置非常之咁好葵芳不嬲都唔係好多嘢食主要都係新都會同埋葵涌廣場而佢就喺2樓對住天橋地鐵一出經過新都會過到嚟葵涌廣場就即刻係佢啦佢好多款式亦都出餐好快可算係呢一帶嘅快餐龍頭眼見大家都係食佢嘅米線佢價錢喺呢一帶嚟講，算係好平米線50蚊有交易，都好大碗好多飯類都係50幾算係好有性價比佢嘅胡椒湯亦都係街坊喜愛之一今日我食嘅係酸菜冬菇牛腩飯$54凍飲加$7佢地品質唔穩定，有時炆的好淋有時好硬，硬過我條命😤佢哋⋯好需要改善嘅係佢哋嘅服務雖然唔係呼呼喝喝但總係覺得好唔友善咁多年都係咁就連收銀嗰兩老，唔知係咪老細一樣都係咁衰😂人均消費：午餐$50-$100好味：⭐️⭐️⭐️ 環境：⭐️⭐️⭐️ 性價比：⭐️⭐️⭐️ ⭐️小雨天 (葵芳)葵芳葵富路7-11號葵涌廣場2樓C33A-C37號舖…查看更多

開左咁多年，食過無數次！都未全部食過餐牌上的菜式。每次踏進這家小店，總先點碗蠔仔肉碎湯——蠔仔飽滿如珍珠，在韭菜與肉碎襯托下鮮甜迸發，湯頭清而不薄。豬軟骨湯飯更是驚艷，軟骨燉到透膠，筷子輕撥即化在飯裡，湯汁滲透每粒米。特別鍾愛他們的湯薯粉，滑溜口感裹住各式湯底，酸辣湯夠勁，清湯溫潤。蒜泥白肉雖是小品卻見功夫，薄切五花肉肥瘦勻稱，蒜香撲鼻的醬油一淋，惹味至極。這裡沒有精緻擺盤，但每口都是實在功夫，是冬日裡最暖心的存在。…查看更多

有叫咗兩個餐，一個就係招牌餐豬骨湯飯。另外一個就係過撈米缐，再加蒜泥白肉， 豬骨湯好重胡椒味。配一個白飯味道適中，真係食兩碗飯都得。蒜泥白肉，淡淡香豬肉味，好重手嘅蒜蓉食到舔舔脷。…查看更多

喺呢間餐廳食嘢，真係貼錢買難受，食都未食完，個員工不停問仲要唔要㗎？問咗好多次，好啦，我哋食完，佢收咗碗食物啦，我叫左熱飲，都未飲完，佢又不停喺度問飲完未，仲要唔要㗎？話自己要收㗎啦，我以為佢係想收走另一杯好明顯已經飲完嘅飲品，同埋枱上嘅紙巾，因為我杯熱飲好明顯未飲完，我嗰刻傾緊偈，就比手勢撥開佢，想叫佢走開，點知條友連我杯未飲完嘅熱飲都想收埋，好彩我即刻用手拎起咗，黐線，擺明想趕客，係咁催人飲，杯飲品仲咁熱，想辣死人咩！？仲要係其實我哋從坐低到離開，都係大約半個鐘到，今時今日咁嘅服務態度，真係等執！…查看更多

喺葵涌廣場呢間小雨天,原來都唔止一間分店, 不過呢間係我去得最多嘅一間,喺葵涌廣場已經好多年㗎喇。 呢間小雨天雖然有啲舊,缺乏裝修,坐得亦都唔係太舒服, 但係每次食晏嘅時間都會有好多人,有時仲會需要排隊㗎。 佢入面嘅食物比較特別,唔係一般茶餐廳嘅食物。 佢有豬軟骨湯飯,係我比較鍾意食嘅。 仲有蒜泥白肉啦,蠔仔肉碎粥啦,上湯牛腩飯啦, 同埋有好多種唔同嘅餃子等等。 整得都幾好味㗎。 而且佢有好多種嘅湯飯 每款都令人回味食到好飽賣單都只係60幾蚊 今時今日喺 出嚟食個飯呢個價錢算係相當之便宜啦 …查看更多

葵廣好大間米線舖，係兒時回憶系列勁大碗，滿滿一大個湯碗，正常女仔食量都未必食得曬配菜肉碎多到座山咁⛰️豬腸洗得好乾淨，冇異味而且滷得好入味腩肉片切得好薄，肥瘦分明😋😋辣味岩岩好，好正宗味道好好食👍🏻👍🏻行開葵廣想坐低食既就可以去try try🫶🏻…查看更多

自從畢業後很少再到葵涌廣場，今天難得放假，回憶以往讀書的時光，看見小雨天這個店舖很懷念。因為以前讀書經常會到小雨天來吃米線，想不到這麼多年後，店鋪仍然屹立不倒，今天來回味過去。雲南風味小鍋米線😍我點雲南風味小鍋米線及豬肉與牛肉，兩款原本食材有原本的味道，但小辣真的繪了很多辣椒，底部還有很多芽菜，完全回到過去，一邊吃，一邊回味以往的時光。椰菜豬肉餃子上海麵😋另一款點了椰菜豬肉餃子上海麵，餃子的餡料很豐富，調味很足夠，而且麵條很有嚼勁，很好吃，一點也不輸給小鍋雲南米線。#小數怕長計 #慳家 #優惠 #著數 #小師奶 #美食…查看更多

點解小雨天接聽外賣自取可以咁唔耐煩？ 我信一定唔係老細咯 咁差態度 ！ 唔知邊位員工 態度差到貼地 ！ 淨係問多一個問題啫，都好唔耐煩！ 其實外賣都係最多一分半鐘嗰時咋嘛，你都可以咁嘅語氣！ 唔知以為你幫你老細掃客呀！ 真系希望開左好多年個鋪頭 唔好因為呢啲員工而走失啲客！！！？！？最基本好好培訓下聽電話員工 唔好太差態度 …查看更多

趁著今日放假，又無咩好做，一個人去咗葵芳行街，計劃先去葵涌廣場食中午，然後係附近行吓，再坐車返屋企。隨意搵咗間食米線嘅‘’小雨天‘’，鋪面都幾大，人流都唔算好多，雖然今天是星期六，但即時有位唔使等。我叫咗一個腩肉小鍋米線小辣（酸辣湯底），首先是酸辣湯底沒有酸味，辣味是死辣一種，其次是腩肉口感不佳，又乾又韌，唯一優點係份量足夠，但我只食咗大半就不想食了，凍檸茶就正常沒問題。另外一大問題係員工態度木無表情，好似唔想做你生意咁。…查看更多

請到葵涌廣場，相信好多人都會諗起掃街，手搖，甜品等等既美食；但其實我自己最最最中意既係去食小雨天，可以話係由細食到大，到左今時今日依然覺得佢個小鍋米線好食又抵食。由以前既21蚊食到而家30幾蚊都一直間唔中就會去幫襯一下，最愛既係小窩米線加豬大腸，佢本身嘅配料就有韭菜、芫荽、肉碎、芽菜同埋鹹菜；我覺得佢嗰個肉碎真係好入味好好食。至於配菜方面我自己就會加豬大腸或者雞翼，兩樣都好好食，滷水滷得勁入味；另外一樣推介嘅就係蠔仔肉碎泡飯，我都想食清啲嘅時候就會選擇食呢個，佢好足料好多蠔仔同埋仲會有少少娃娃菜，所以感覺好健康。飲品方面，佢哋嘅凍檸茶同埋凍奶茶都係出名最好飲，刺味同茶味都好夠，奶茶我就好少飲，所以唔俾任何comment🫢…查看更多

都幾多人食的，同朋友都幫襯過幾次了，衞生環境尚可接受，可以改善就更好。食物方面，小鍋米線味道不錯，尤其炸醬肉碎，本人平時都唔鐘意食太濃味，所以覺得佢米線湯底味道適中，唔會太油但如果你鐘意食濃味就可能覺得淡了。$32 + 每款餸$8，價錢都ok的！至於服務態度方面就有待改善了…查看更多

今日又要過來葵芳, 食飯時間周圍也多人😂, 都係揀番去依度吃, 自己今次試下骨湯雙拼餃子湯上海麵, 加一杯凍🍋茶走甜, 家人要左豬軟骨湯上海麵, 無幾耐先來二杯凍🍋茶走甜, 之後送來家人的豬軟骨湯上海麵, 可能d餃要煮, 所以等得比較耐, 之後送來, 飲啖湯先, 熱辣辣, 先食上海麵, 好味😍, 食韭菜餃, 好香韭菜味又多餡👍🥰🥟, 又試下椰菜餃, 都好食料也多🥰, 味道也ok, 但相比之下韭菜餃好味d🤩整體份量足夠一定夠飽, 而且價錢都算抵食, 由於我不是外賣自取, 所以未有特別優惠, 不過今時今日香港消費的價格都屬於經濟, 難怪經常幾多人🤭🤭 下次又試下其他先😸…查看更多

今日搞埋d野去食野, 由於天氣太悶熱又焗😖想食d易入口的野, 葵涌廣場去過好多次, 依個只係經過, 但始終未試過, 唔想食肉唔想食餃🤣最後揀左蠔仔🦪骨湯上海麵🍜加紹菜, 配凍🍋茶走甜, 我見雖然8点45有多, 但依然有一班客戶, 不過我自己一個😜都可以有d位比我揀下, 等左一陣凍🍋茶先來, 加7元都幾實際👍👍之後送來蠔仔🦪骨湯上海麵, 51元加10元紹菜, 今時今日晚餐, 都算叫抵食🤩, 都幾大碗, 賣相幾靚仔😻, 飲啖白白地色的骨湯😌唔係好濃味, 不過清清地又夠熱, 上海麵都比得好夠份量😸浸左d湯又幾好味😍 再食d紹菜和芫茜, 浸左d湯, 好好食🥰, 再食d蠔仔🦪, 雖然唔係比得好多, 但只只都好大只, 又鮮甜👍👍再食d肉碎, 有d甜味😻夾埋一齊好好食, 食晒好滿足, 炎熱的天氣食濕濕地的湯粉會啱d, 之後飲埋杯凍🍋茶, 都幾有茶味, 唔錯👍👍依度有下次💕🥢不過我不是在openrice選擇外賣自取, 係堂食, 所以沒有什麼優惠或回贈😜…查看更多

去買米線，收銀一直同其他人傾計，點單一邊傾一邊點單，點完單又問點乜嘢，又要傾計又要點單，出左單直接掉過黎，一啲禮貌都冇，唔想做可以唔做，咁樣嘅鋪頭點樣留客？？唔唔會再幫襯！…查看更多

葵涌廣場都會揀呢一間做午餐必點嘅係佢嘅小窩米線😚😚😚🌶️🌶️🌶️通常我會叫大辣，因為佢嘅辣唔係太辣，偏甜嘅湯底亦都令到成碗米線唔覺得好辣。佢嘅小窩米線有肉碎，韭菜同埋大量嘅酸菜。小雨天嘅湯底好濃郁，亦都俾佢酸菜整到有浸好香嘅酸味。 小窩米線可以加餸，通常我加雞翼，因為佢滷水好入味同埋個雞翼好滑好腍。 🤤🤤🤤我食咗好多年佢仍然維持到水準，同埋佢嘅餸菜湯料全部都煮得好入味。 價錢親民同埋食得出唔似坊間嘅酸辣米線咁樣用假嘅調味同埋味精。 😌🙌🏼…查看更多