小蓉麵家

营业中

休息中

Siu Yung is a rather new noodle restaurant in the Sham Shui Po area, especially there's already three famous noodle shops on Tai Po Road just nearby. The seats are spacious compared to the traditional noodle shops. The environment also seems comfy and clean with strong air-conditioning.I ordered my favorite beef tendon noodles and requested soft beef tendons. It took 5 more minutes than the others before my order was served. Was thinking it would be a bad sign. Indeed, the noodles were softened

經過幾次店門口，覺得門口裝修得好懷舊古式，再查下OpenRice 都有好多讚好，就入去試一試，可惜帶來不快的感覺。坐下要了豬手撈粗，淨雲吞，見標著可用$7加飲品或油菜，就同呀姐講加油菜及飲品，點知呀姐話我只叫了一樣麵食，不能用特價加2樣，我話淨雲吞仲貴過雲吞麵，咁都唔可以加？佢話張咭寫住「任何湯麵或撈麵」先可以！老闆請咗依啲質素嘅員工來檔生意，真覺得老闆好慘！一家雲吞麵舖，最重要食物就係湯、雲吞、麵。湯：還可以，感覺蝦子味不夠。麵：因叫了撈粗，不知幼麵如何，但粗麵鹼水味多，撈麵太濕。雲吞：啲蝦不爽脆，是梅的，現時用急凍蝦真的很難做到梅的口感。現場連我只有3枱4位客人，咁少人啲雲吞都是預早煮定！豬手：八角太多有苦味，也煮過龍，淋得滯！建議幫襯嗎：除非你是喜歡口感梅的雲吞，否則應該遠離這店。

其實呢一兩三年，我都經常幫襯呢間粉麵店，通常都係食碗根腩河粉，可以講係常客。但最近幾個月前，根腩改咗雙拼，即係無形中加咗價，條氣少少唔順。所以一直都冇再來幫襯。昨天路過太子，打算去附近另外一間粉面店食返碗豬潤河粉，但係嗰間麵店已經結業。真可惜又少一間在附近我喜愛的粉面店。冇法子啦，呢次嚟叫咗柱候牛腩撈麵，啲牛腩睇落肥咗啲，但係牛腩鬆花，入味。傳統跟麵有一碗小湯奉上。湯，不過不失。但係以前有免費小食的酸蘿蔔，好似已經消失了。$37牛腩撈麵，好多地方都食唔到。所有嘢

朋友介紹呢間餐廳好好食，一於去試下究竟龍與鳳。入到去裝修好古色古香，乾淨企理，有別於一般雲吞麵店。上湯雲吞（🌟88.64/100）💲35有五粒雲吞，湯底係大地魚湯嘅味道，清甜、順口。雲吞皮薄，蝦肉同豬肉比例啱啱好，亦吾會太肥，而且食落去彈牙爽口，就連最怕鹼水味都冇👍🏻炸水餃（🌟78.77/100）💲29得三粒水餃，偏貴🥲水餃皮炸得好香脆，但鹼水味極重🙃但勝在內餡有蝦仁、豬肉、木耳，筍做到外脆內軟嘅效果，同時食到蝦肉嘅鮮味，彈牙嘅口感，配埋甜辣醬味道更升華🥰🥰

今日行完花墟，路經第一次幫襯。雲吞麵做得不錯。雲吞蝦彈牙皮薄。麵爽口。湯夠味。一碗$32元有4粒雲吞。淨水餃一碗35元，4粒水餃大大粒，餡有蝦，豬肉，木耳，芛等。還有少少生菜。我覺得水餃口感較豐富。外賣了一打生水餃回家，60元，相對堂食抵食些。整體而言，這店水準不俗，价錢合理。

路過太子搵食，見到門口裝修幾有傳統的感覺，加上睇OpenRice食評有咁多個like，所以就入咗去試。😆咁啱呢個時間有下午茶，加$6就有飲品或者油菜，都幾抵食。我嗌咗牛筋水餃麵，個湯底好正宗，水餃爽口足料，牛筋夠淋。平時食麵好怕有鹼水味，呢個麵都還可以😌。油菜方面，因為職員話芥蘭唔靚，所以我揀咗菜心，有驚喜，食落去有甜味及爽脆。枱上面有酸蘿蔔片比客人任食，非常驚喜！🥳薄薄一片，好入味！餐具係雞碗，有特色！環境係企理乾淨嘅，職員禮貌還好，整體感覺不錯。👍🏻👍🏻👍🏻

朋友臨時起意想食雲吞麵，即刻去OpenRice search 頭幾名好食嘅餐廳，果不其然，好快揾到呢間四正嘅地方。#餣蘿蔔厚薄適中，爽口，啱放入口只覺甜，隨後咬開先散發酸味，開胃小食，食咗唔少哈哈！#雲吞水餃麵雲吞同水餃啲皮好滑！佢哋條「金魚尾」冇因為拿埋一撮而質感變硬，相反係食出層層滑捋捋嘅感覺😍估唔到細細個饀食出有2粒蝦仁🍤水餃就多咗木耳甘荀，味道差唔多，手工一流！啲麵彈牙、較幼身。最後仲嗌多碗淨雲吞先肯收手😋#牛筋湯河連我位嘴刁朋友都話呢間河粉啱佢胃口，煮得啱啱好。但湯唔夠濃，而且有個缺點就係碗湯有啲類似眼捷毛嘅物體，可能係出自牛本身？結果要嘥時間挑走😅#可以改善的地方啲醋得個色唔夠酸。通常倒出會有強烈酸味，食落似wasabi 咁有種上鼻嘅後勁，不過好可惜，呢度嘅醋差唔多倒半樽都冇乜酸🥲係一個敗筆。

見似乎有多個讚，去試下，好失望麵硬到鐵線咁湯得個咸字，好口渴雲吞一pat嘢，冇味酸蘿蔔片到碎濕濕，只有咸同酸，又唔好味阿姐服務態度已經唔好，仲要聲大夾冇準，成間店不斷聽到錯單同漏單，一陣阿姐又駁嘴死撐，坐落食碗麵，短短時間都覺得煩厭。想學劉森記？完全唔掂，差得好遠

讚1.雲吞麵係幾好，湯清，鮮香，有魚味，雲吞皮薄，包得唔會有一口咁，蝦同豬肉比例都好，放檯面既酸蘿蔔係薄片式切法，第一次見有雲吞麵店咁做，但入口都爽脆既，醃得入味2.環境幾企理下彈1.姐姐推薦既炸水餃，皮香脆但餡既比例好少好少，好似食緊五柳雲吞咁呢；話係自製既豆漿甜到離譜，飲唔落

平時好少食牛腩麵呢啲，難得朋友都話有啲想食，即刻喺OpenRice搵咗呢間，雖然喺花墟附近 但都唔太多人內裡裝修比較清幽 用木製枱櫈 有點特色，食物方面，招牌雲吞麵加腩汁都幾唔錯，雲吞非常大隻 有鮮味，食落又唔會有鹼水味，朋友話佢嗰個櫻花蝦撈麵都好香，XO醬味唔會太喧賓奪主

在網上見到這間雲吞麵店的食評不錯，因事路經太子，見距離六點還有半小時，仍然可以堂食，匆匆走入這麵字試一試真偽。叫了一個$35雲吞撈，因為係下午茶時段，+$6可以加多個蠔油芥蘭。雲吞撈，有四粒雲吞，雲吞size 都幾大，但我覺得包得太鬆散，而且啲蝦唔夠大隻，唔爽口彈牙，比較失色。再講個撈麵，得一讚的是完全沒有鹼水味，但可惜相對上亦都唔算彈牙，食到最後直情淋淋地。跟撈麵上嗰碗湯，反而係咁多一樣食物之中最好嘅一樣！個蠔油芥蘭，直情係敗筆，我從來都未食過喺街上嘅白灼芥蘭會淋到冇牙都咬得開。👎🏻👎🏻👎🏻試了朋友叫的豬手撈的豬手，反而覺得驚喜。味道剛剛好，不會過甜，亦都唔會過份漿住過口。👍🏻總括來講， $41有撈麵加個菜，算非常抵食。同埋，間舖頭非常企埋，乾淨。枱櫈亦唔似一般嗰啲雲吞麵舖咁迫夾，所以可以坐得很舒服。

今年除夕好安靜無得出去PARTY下午要出去買D野就諗起小蓉試過兩次都覺得幾好味今次點左~云吞麵平時好少點云吞見呢間好似出名云吞就叫呢個呀麵底仍然係好爽口無咩梘水味個質感幾好云吞都大隻蝦肉爽口一碗有四大粒~水餃麵呢個水餃都算大隻呀一碗有三大隻裡面都有蝦肉成隻水餃好爽都讚呀下次都係會再黎呀食麵黎講算好既選擇呀

雲吞其實周圍都有得食。不過有好多唔同包法，有D鬥大粒，有D就蝦肉分離，有時真係好掛住傳統雲吞果種蝦同豬肉混埋一齊嘅感覺.....太子小蓉麵家呢間係新裝修嘅粉麵店！有別於傳統麵店！乾淨淨齊！一家大細嚟食都得。粉麵店有嘅嘢都有，牛腩，豬手，不過無牛雜！雲吞牛丸麵佢D雲吞係細細粒架！細個食開嘅形狀！可以一口一粒！皮薄滑溜！餡料就係豬肉同蝦肉，個比例非常之好！食得出係鮮蝦。好難得有人做返傳統味道！牛丸就唔錯，比起一般街市貨色好。真係好難遇到有人做傳統雲吞，再加上新式裝修，呢種構思真係好！

油尖旺少有坐得舒服又價錢相宜嘅雲吞麵店，不時經過見到小蓉麵家個招牌但一直未試過，今次下午茶時間冇乜人就坐低品嘗下招牌鮮蝦雲吞，睇食評都多人讚應該唔差得去邊，麵睇相就似乎唔太爽口所以揀咗河粉。嚟到都幾大碗，河粉好多但湯唔係好夠，影張快相已經索晒咁滯，可能“扣底”會好d😕 首先試啖湯，湯底同舗頭装修一樣咁清雅⋯意思係非常之淡！代表冇味精？但真係清到一個點🙃雲吞係唔錯冇拆到招牌，都幾多蝦🦐ok鮮，豬肉亦唔太肥，魚蛋就好一般同包裝買返屋企打邊爐嘅貨色相近，因為湯河冇乜味就比平時加更多醋同辣椒油，不過辣椒油竟然一d都唔覺得辣！(本身唔係超食得辣) 色水亦麻麻地偏黑色咁，亦唔夠香，辣椒油味道對麵檔嚟講都好重要，有時貴d食池記係為咗佢唔止辣油仲有埋余均益辣椒醬..所以最後冇辦法食剩了一半河粉，平時係盡量唔嘥嘢，可惜，可能“加色”會好味d? 不過呢度牛腩同牛筋係冇得拼雲吞，或者牛筋腩同豬手味道會濃一些吧。總括嚟講$34一碗雙拼加上個室內環境，今時今日係幾抵食，但係味道真係非常一般，要特別讚係有懷舊酸蘿蔔提供👍

小編終於都可以再次出動，有翻推動力去搵好野食喇😋。大家平時去旺角或者太子都清楚彌敦道大馬路位置🗺，而好耐之前小編已經成日由太子往來深水埗🏃‍♀️。而今日去既呢間麵館係就近於太子位置👀，兩條大馬路之間。而呢間主打港式粉麵，香港人平時食開既雲吞魚蛋🍜。而餐廳個名就叫「小蓉粉麵館」🏠。✦✦✦✦✦✦✦✦✦✦✦✦✦✦🎈雲吞墨丸河 $35小編見到餐廳名叫做小蓉，心係到諗唔通麵館最出名又好食就係「細蓉」，即係雲吞麵🤨？諗左好耐終於都決定到想食乜喇🧐，就係雲吞墨丸河。墨丸應該係手打，味道好香好新鮮👃，而且彈牙爽口👄，而每一口咬入去都𡁻到墨丸粒🐙，細細粒白色好鮮甜🤩。雲吞蝦肉飽滿🦐，加埋上湯底，係經典既細蓉風味🤤。大小適中，皮簿餡靚就係呢一種👍。✦✦✦✦✦✦✦✦✦✦✦✦✦✦🎈通菜 跟餐加$6小編通常去港式麵館點都一定嗌碟油菜🥦，而呢一個就係我地香港人既本地文化😬。而油菜通常都會有菜心、芥蘭、生菜、通菜，小編就最愛食通菜🥢。通菜好爽脆，每條通心菜咬入口必定會食到"索索"聲🤭，再點上通菜必配腐乳，錦上添花😛。✦✦✦✦✦✦✦✦✦✦✦✦✦✦小編講一講餐廳環境方面🏘，格局保有古舊香港麵館建築味道，坐得亦好舒適😳，店