小菜王 (福榮街)

11月3号夜晚谂住天气冻冻地，去小菜王外卖细羊腩煲返屋企食，返到屋企开始进食期间，羊腩煲入边发现真系好多头发眼睇起码10几条左右，相片为证，啲卫生情况真系好污糟，加料都唔好咁明显啦，大佬呀一两条头发真系由你，但系真系第一次食嘢咁多头发喺里面，依次嬲到我系第一次系写食评，仲要系劣评，都唔知系咪个员工脱发，见到都唔开胃，冇下一次。🥶🥶🥶同埋，虽然份量系几大份，但系卫生情况真系完全唔掂，弥补唔到佢份量大同味道。😅😅…查看更多

前排经过睇到小菜王依然咁多人排队，好耐未黎所以约埋朋友一齐试吓。间铺D嘢真系好有镬气。入座落单之后仲同我讲好快就有得食。🥢【酱爆田鸡】田鸡上台肉质非常肥美，酱味锁入肉汁。咬一啖咸香惹味，唔柴唔韧。细嫩有弹性，每一啖都feel到鲜美滑嫩，酱香甜同田鸡夹埋味道有D层次。🥢【椒盐九肚鱼】鱼身经过炸制后外皮酥脆爽口，内部鱼肉保持原有风味，吃起来口感极佳，入口即化。同时本身九肚鱼一开始含水量高，带入椒盐咸香到不得了。🥢【豆豉蒸鳝】鱼味同豆豉、蒜蓉搅埋一齐，每一啖都有浓厚酱香和鱼肉的鲜美。豆豉作为哩味𩠌嘅关键调料之一，其浓郁嘅酱香带埋豆豉颗粒饱满有嚼头，蒜蓉香脆同姜辛令人回味无穷。…查看更多

因为屋企人生日而佢又钟意食大排档，所以我哋今次就俾佢选择，佢就拣咗深水埗依间餐厅。我哋去到嘅时候唔算10分多人因为分开咗三间舖，我哋叫咗几个小菜，但系我哋最后嗌嘅梅菜扣肉我哋食完饭都未到我哋就话取消唔要。整体嘢食我觉得今次会比之前冇咁好食，而且好似系整定好快就嚟到同埋啲𩠌系偏冻身。肉排微微酸，配上沙律酱感觉不太好吃，可能因为𩠌菜冻咗嘅原因。金银蛋菜系比较正常而且份量多。鸡嘅感觉好似份量偏小，而且冇乜肉。另外个煲我就觉得偏咸，价钱亦都好似感觉上比之前贵冇咁抵食。…查看更多

某月某日陪老友去买电脑，路过见一整列5间店，更有不少人在门口排队，所以约定下次要一齐试。11月4日book了6pm开饭，可能一早预订关系，提供的4人枱很阔落，我们叫了椒盐鱿鱼、鱼香茄子煲、XO酱炒翠玉瓜、小炒王、豉汁白鳝，再加两碗白饭和两支啤酒，食咗$789，唔算十分贵！朋友说鱼香茄子煲不好吃，其他食物都不算惊为天人，只是一般般的大排档水准。自携酒水不会另收开瓶费，可惜现场唔提供冰块，如要冰桶就要另购冰块，即使order佢哋大支装啤酒亦都冇冰，算系美中不足！餐厅好嘈，环境一般，仲见到有只四脚蛇，但适合大班人聚会，因为d𩠌菜很大碟，吵吵闹闹、嘻嘻哈哈又一餐。…查看更多

探完住喺深水埗嘅朋友，谂起附近有间类似排档嘅食肆～小菜王，今晚食佢！ 因为都九点几，简单啲叫三味就算。百花小棠菜椒盐鲜鱿咖喱海鲜炒饭首先到嘅系佢，椒盐鲜鱿，一摆低果阵镬气同味道就开始进攻我味蕾，我亦开始「进攻」佢，鱿鱼身唔硬唔韧，易咬，味道刚好。咖哩海鲜炒饭，好大碟，炒饭我最基本要求～啲饭一粒粒，唔油就得，佢仲要加埋镬气够，咖哩嘅味道刚刚好，真系好出色，如果真系要「挑骨头」，只能话「料」小啲，可能多啲「料」会更加好。最后一味，百花小棠菜，呢味之前朋友带我嚟食过，印象深刻，所以今次特登叫返同推荐俾女友食，我对小棠菜真系无特别好感，但呢个煮法能另我对佢百份之二佰对佢改观，出面层皮煎炸到好脆同香口，入面包有虾滑嘅小棠菜经煎炸后变得弹牙有口感，跟本就无食菜呢个感觉～正！明明话想简单啲食，结果因为佢嘅大碟，我哋只能完成「一半任务」，另一半唯有打包。呢类类似排档嘅食肆真系唔多，食得嘅每区真系一间起二间止，所以大家有时间真系要帮衬多啲，食嘅系镬气食嘅系情怀。回头度：8/10真系好味，呢啲味道唔系一般茶餐厅，冰室可以做到！…查看更多