小草十八怪

营业中

休息中

.夏天都係榴槤季節，估唔到連米線鋪都出榴槤產品.榴槤豆乳香辣酸木瓜醬沾米線 $68雖然自己好鍾意食榴槤，但對於呢款創意菜式，都係本着試伏精神點知....係有驚喜既！首先要讚佢個汁好濃厚，可以掛喺米線上面令到每條米線都沾滿咗湯汁個湯汁一開始係有榴槤嘅香，然後酸木瓜嘅味開始出，啱啱好中和到食榴槤嗰種膩感，然後本身配料有嘅辣菜脯粒又加添一份惹味，所以我話有驚喜！米線嘅質感都值得一提，係好彈牙嘅！問返店員原來係雲南直送。.除咗米線一碗兩份分，我哋仲叫咗幾款串燒紅柳羊肉串好大串羊肉，肉質好林.雞軟骨必食串燒款式之一，秘製既辣粉不錯，微辣及惹味.海蝦一份4隻，新鮮又大隻，識食要lam埋d殼上既辣粉.豆腐皮串好大塊，烤到香脆可口.野飲都值得一提，勁大杯既鴨屎香檸檬茶同埋一桶水果茶水果茶仲要好足料，好多水果粒

這一晚，又再幫襯這間位於油麻地通衢大道上，地方偌大的「小草十八怪」食米線，不過這次就搞搞新意思，點了期間限定推出菜式之一的「滇味黃鱔米線」（$72）做主食，另外還點了一個少見少吃的「爽滑涼拌豬肝」（$46）做晚餐。「滇味黃鱔米線」味道濃郁，除了主角的黃鱔片外，還有配角的豬皮作伴，並有少許枝竹，是較少在其他米線店吃到的配搭和風味。「爽滑涼拌豬肝」雖然不算十分爽滑，不過都不會太老，而且份量都幾多，足有八至九塊，味濃而帶點辣，作為難得一吃的開胃前菜，都算相當稱職。老婆仔吃的則是「瑤柱粉絲鯛魚片籠仔荷葉飯」（$80）。這以蒸籠奉客的荷葉飯，未嚐其味，先聞其香，使人食欲大增。蒸飯滲入了蒜蓉和魚片的香氣、油份和味道，份外滋味好吃。這兒令人一試難忘的超級大杯特飲我當然不會忘記，這晚我就揀了少甜多冰版的「凍鴨屎香檸檬茶」（$36）佐餐。這少甜版的檸檬茶雖然可能沒有正常的檸檬茶那麼好喝，不過就一定更加健康，而且一樣解渴生津呢！老婆仔喝的則是少甜版的「話梅金桔檸檬熱飲」（$25），我只試了一口，酸甜度剛好，開胃好喝，不錯！不錯！兩夫妻都想吃點菜，便點了「蒜蓉錫紙燒娃娃菜」（$48）佐膳。大大碟的娃娃菜，加

小草十八怪，唔只個名怪，食物又真係幾有創意，但又唔係全部都古靈精怪，有啲係平常都會食到嘅飯麵，但又用心加啲唔用嘅好材料，令菜式與別不同，重點是價錢，多數都係$100之下，超抵食！創意的有：榴槤豆乳米線配酸木瓜醬 $68榴槤豆乳與米線是分開上，嗰碗榴槤豆乳真係好香榴槤味，如果鍾意食榴槤嘅人，呢碗汁夾乜嘢都會鍾意食，米線放落去，充滿榴槤香之外，更加滑！喺線上面仲有啲脆粒及木瓜醬，層次很豐富。蒜蓉金菇粉絲奄仔蟹荷葉飯 $98特別強調用荷葉做飯，平時都好少食得到有質素的，仲要加隻奄仔蟹，呢個飯好滋味！羊肉串 $26香，唔羶，好食。燒韭菜 $18燒得好，爽口。自己攞清水，冇接觸下單，上菜有效率，環境乾淨舒服。

在附近做完運動，找個地方吃下午茶，選了這店。餐廳門面很大，內裏也有很多座位。精選下午茶有A項+B項，每項都有六款食物，選擇還是很多的。我覺得就是主菜加小食的組合。A項我選了肉骨湯雞肉翡翠苗米線，在B項看到有蝦多士，很久沒吃過這菜式，所以要了這個。米線來了，份量也不少，一條一條白白滑滑的米線浸泡在湯內，面層佈滿了雞肉和翡翠苗，雞肉十分嫩滑，入口易吃，帶有草青味的翡翠苗也是嫩綠的，米線爽滑，湯底不會過鹹，味道不錯。吃著吃著蝦多士來了，一份有三小件，看顏色已知道炸得不錯，金金黃黃，多士黏上了面包糠，內層釀上滿滿的蝦膠，入口非常香脆，小小一份淺嚐一下已滿足。再啜一啖凍檸檬茶，解暑降溫，這個下午茶組合我滿意。

佢哋呢度嘅石鍋米線好多人嗌，真係原個石鍋熱辣辣上枱，好有特色㗎！我哋今次都嗌咗兩個自選餸菜嘅石鍋米線，第一個就揀咗香辣金湯（中辣），配料就要咗紅燒牛肚🐮、鹹燒腩片🐷、五香辣豬軟骨🐽、支竹，另外仲套餐入面加配咗九制陳皮炸雞🐔（細），呢個炸雞超好食，外皮香脆，裏面嘅雞肉好入味，大家記住要嗌！而第二個自選餸菜嘅石鍋米線，我就揀咗極品蟹皇湯，配唐生菜🥬 、蟹柳🦀 、海蝦🦐 、帆立貝🐚，個人覺得呢一個蟹皇湯，同其他海鮮配料都幾襯，大人細路都啱食！而且佢哋嘅海鮮配料都好新鮮，唔會霉，幾十蚊一碗仲有咁多海鮮，抵食呀！除咗米線之外，我哋仲嗌咗兩款小食，包括 一口開心果風乾熟成牛肉 🐮$56 同埋 牛肉串 $62，我自己就比較鍾意牛肉串多啲，佢哋嘅牛肉串配埋燒烤調味料🧂，零舍惹味！飲品方面，佢哋有唔同款式嘅飲品都有特大桶裝，望落都舍有霸氣！我哋當日就揀咗特大桶裝凍檸樂🍋🥤

之前喺旺角舊舖已經食過佢哋嘅石鍋米線，今次你試吓佢哋嘅新產品。榴槤我就唔食啦，所以冇試到就是佢哋嘅黃鱔米線同埋風乾熟食牛肉滇味黃鱔米線:碗黃鱔米線非常有特色,細細品嚐見到滇南地區特有嘅風味。黃鱔肉質鮮嫩，濃郁入味嘅滇味湯汁,實在叫人垂涎三尺。米線係用雲南直送手工米線，但也又唔容易斷。一口開心果風乾熟成牛肉:口感香脆,一切入口即化。牛肉經過悉心熟成風乾，帶有濃郁而不膩口嘅氣味。開心果點綴其上，夾住藍莓、酸瓜、蜜瓜一齊食，令人忍不住一口接一口。九製陳皮炸雞:外皮酥脆,內裡肉質鮮嫩。採用傳統九製陳皮做沾醬，為這碗炸雞增添了別具特色嘅風味。醬汁調配得宜帶點酸甜，令人回味無窮。作為聚會時嘅一道精選小食,絕對是不可錯過嘅選擇。脆炸腐皮豬肉卷:油炸過後嘅腐皮外層酥脆可口,內裡嘅豬肉肥瘦適中,非常入味。這種脆炸豬肉卷絕對是一絕。特大手打檸檬茶:呢杯特大手打檸檬茶絕對係一絕，非常適合炎熱夏日飲，一定要用外賣杯，可以食完拎出去慢慢繼續飲。

今日去油麻地買嘢，經過彌敦道見到呢間小草十八怪，樓底好高，望入去好多人，於是到入去試吓佢哋啲嘢好唔好食。自選石鍋米線：呢度嘅招牌係石鍋米線。湯底本身想試香辣金湯，但又怕太辣，所以揀咗清淡少少嘅火腿肉骨湯。配料要咗9款，分別係腐皮、唐生菜、芽菜、雞肉、蟹柳、豬肉丸、冬菇、鯛魚片、花膠仔。米線好彈牙，用石鍋上可以好好保存溫度，食落熱辣辣。鳳爪排骨荷葉飯$56: 除咗米線，飯嘅選擇亦都好多，有韓式石鍋飯、籠仔荷葉飯、煲仔飯，我哋試咗佢嘅鳳爪排骨荷葉飯。飯唔會過濕，有好香嘅荷葉香味。鳳爪同排骨蒸嘅時間都啱啱好，好入味，而且份量十足。跟餐可以加小食，要咗九制陳皮炸雞 (加$12)，一共有3件。雞肉做到皮脆肉嫩，唔會好油膩，表皮仲有陳皮嘅味道。另外加咗金華火腿湯浸娃娃菜(加$9)，份量唔算好多，但好夠味。飲品要咗熱檸檬水 (加$5)，另外一杯係特飲話梅柑桔檸檬熱飲 (加$18)。特飲飲落有話梅同金桔嘅鹹味，再加上檸檬嘅味道，又鹹又酸，都幾開胃。呢度嘅嘢食豐儉由人，款式選擇多，難怪會吸引到咁多人入去醫肚。

去完果欄剛巧落大雨，順便醫肚便去了彌敦道的小草都八怪吃個飯。餐牌選擇很多，有飯有串燒亦有米線，每款圖文並茂，唔使左揀右揀，直接睇圖食飯。最後揀了呢度的招牌生滾石鍋米線和兩個小食。一桶水果香檸茶先上枱，大大桶入面有很多水果，夠晒抵飲！我點了話梅金檯檸檬特飲，暖宮又暖胃。一口開心果風乾熟成牛肉是最新出品，概念有點似巴馬火腿和蜜瓜，不過將火腿換了厚切牛肉。蜜瓜香甜，而且加上了藍莓和酸瓜，口感幾豐富，牛肉味道亦夠濃，整體嚟講有新意又好食！原條燒茄子大大條茄子燒得肉嫩多汁，滿滿的蒜頭醬，帶點微辣，好惹味！十八怪招牌金湯過橋石鍋米線，材料十分豐富。封門牛柳、花膠、溫泉蛋、海蝦、蟹柳、鯛魚片、翡翠苗、腐皮、芫荽、芽菜、韭菜。一次過滿足晒所有願望，熱辣辣上枱，金湯有好香的鹹蛋黃味，果然是招牌！而且用上了雲南直送的手工米線，彈牙又不易斷，好食!!!所以幫襯的人不少都點石鍋米線。沙嗲牛牛石鍋石鍋米線，材料有肥牛、封門牛柳、牛丸、牛柏葉、牛肚、金菇。沙嗲湯底較金湯更加濃味，肉感更重，更適合食肉獸！

早有聞說以石鍋米線起家的「小草十八怪」，餐廳現已搬到油麻地彌敦道，舖面面積寬敞，裝潢走新派冰室風，更以大量綠色植物佈置，感覺衛生舒適又富大自然感覺-餐廳招牌除米線外，有提供荷葉飯、石鍋飯、雞煲、烤魚及多款小食和串燒等；老闆更不斷鑽研新菜式，最近推出榴槤豆乳米線、黃鱔米線及開心果風乾熟成牛肉，甚具創意-🔹榴槤豆乳香辣酸木瓜醬沾米線 $68榴槤豆乳跟米線分開呈上米線配上嫩滑雞肉、酸辣平衡而開胃的木瓜醬及脆豆等；米線選用雲南直送的手工米線，不易斷且有彈性，沾上濃郁清甜的榴槤豆乳，毫無違和感，作為榴槤控沒有失望-🔹滇味黃鱔米線 $72黃鱔口感鬆軟帶獨特鱔香，油而不膩；配搭爽脆芽菜及韭菜，口感層次豐富，湯底微辣帶鹹鮮-🔹爽滑涼拌豬肝 $46加入芫茜、青瓜絲及花生等，清新開胃；豬肝爽脆嫩滑，啖啖豬肝香不帶豬腥味-🔹蝦膠釀豆卜 $38炸至金黃色的蝦膠豆卜外脆內嫩，蝦肉鮮味，蘸上甜辣醬更滋味-🔹火腿湯浸時菜 $34選配翡翠苗，火腿湯清甜不膩，翡翠苗新鮮爽甜-🔹鴨屎香檸檬茶 $36份量十足，檸香出色，點選少甜甜度剛好

呢間十八怪比之前旺角個間好坐好多, 而且都好方便, 地方比個間大好多同無咁迫,冷氣都夠, 就算坐窗口位都唔會熱.今次就揀左個自選米線, 有雞肉牛肚同豬肚, 點了杯特大水果茶.米線方面, 就覺得比較林左一DD 不過都係可接受情度範圍內既.牛肚同豬肚都算係爽口, 有口感. 而雞肉就算係正正常常, 不過不失味道.有杯特大飲品, 味道就係正常水果茶不過都真係有唔同水果係入邊,茶底就普通味道.對於一個成日口渴既人特大飲品係有一個吸引力既.總結黎講, 食物同環境都OK, 間唔中都會黎食下lunch 或dinner 而且呢度唔止有米線, 仲有石鍋飯等其他選擇, 有時都會食下其他試下~

一出油麻地鐵站過左馬路，行過見到有間餐廳，出面門口有個餐牌仲有下午茶餐，天氣熱又肚餓我就是但入左去食！坐低左職員會比個Qr code自助落單，水都是自助的，餐具就放櫃桶，冷氣都夠，但就一路食一路有蚊滋仔飛黎飛去！下午茶餐（A+B配搭）AT4肉骨湯雞肉翡翠苗米線$32肉骨湯湯底失望，好淡的，冇乜味😅BB4炸薯角$12夠熱嘅，係剛炸起！凍檸茶$3正常！天氣熱飲杯凍飲好爽！

食物味道幾好，但係啲串燒使到摺牙罅都唔夠啲串燒仲要勁貴勁細。員工態度有勁唔好，同我哋講你哋食石鍋梗係熱啦，重點係佢哋冷氣風都冇，幫我哋掉位之後掉咗去一個更加熱嘅位置。飲品唔凍，啲冰勁快溶罐裝飲品直接係唔凍。員工一直無視我哋嘅問題，態度又唔好真係唔建議大家食。至少唔好嚟油麻地依間分店食。👎🏻👎🏻👎🏻

今天晚上同朋友們半年內第3次光顧這裡 水準有升冇降。以人均約$100 真係冇乜地方可以找到賣相可以又能夠吃個飽肚 最重要係味道絕對中上级 服務員又友善 真係行過走過都唔好錯過

自己本身平時就已經係一個榴槤控、今次竟然比我發現到有一間有榴槤湯底嘅米線一定要去食！今次仲叫埋我個朋友去食添！呢間舖頭最特別嘅，除咗係榴槤米線之外、仲有黃鱔米線、同埋佢嘅開心果熟成牛肉！呢三度都係餐廳嘅招牌！我就專門食晒呢三度招牌菜！首先講榴槤米線！呢個榴槤湯底暖暖哋、食落去酸酸甜甜好開胃、甜度又唔會覆蓋咗榴槤本身嗰種鮮香味道！再配合埋佢哋手打手工制嘅雲南米線、除咗米線好彈牙之外、原來加埋一齊係咁夾咁好食完全！估你唔到喎真係！再加上呢個黃鱔嘅米線，我覺得黃鱔真係要讚一讚！肉質肥美，完全冇骨、就算有骨佢都係好明顯食唔到嘅唔會話喺肉裏面有好多細骨！怕食魚有骨嘅你絕對都可以食吓！最後一定係呢個開心果味，熟食牛肉、有黑橄欖，有蜜瓜或者菠蘿、再夾住個熟食牛肉！味道好有層次，開心果味都出！但係個層次感暫時喺香港係未食過好特別！飲品方面我就叫咗一杯鴨屎香檸檬茶！估唔到呢杯嘅份量係一杯大杯好Garden嘅份量真係超級抵飲！

今次我又去咗小草十八怪嗰度食飯。我特別鍾意去呢間度食米線，因為佢哋嘅米線係雲南直送嘅手工米線唔容易斷好有彈性所以食落更加好食而湯底都唔錯佢哋佢哋最近仲推出咗個黃鱔米線添另外佢哋仲推出咗一個開心果風乾熟成牛肉，一個超級適合做一個前菜，底下會有哈密瓜，中間會有一個好好食嘅牛肉，上邊就會有個小黃瓜同埋藍莓。另外佢哋飲品都好正，居然可以一桶一桶咁樣叫，我就叫咗一桶水果茶而且平時嗌廢水都驚佢太甜，但係呢個完全唔會甜，而且我叫咗少甜嘅時候，令人感覺係接近無糖，非常之健康，所以就算叫正常甜，都唔會驚甜。