小胖台灣便當 (德立大廈)

营业中

休息中

這間位於尖沙咀的【小胖台灣便當】，主要以台式鐵路便當為主。現加入成小胖會員，更可獲贈鹽酥雞，而每消費滿$5等於1分，可換領優惠券，食得多折扣更多。豬大腸麵線麵線濃稠，大腸爽口，十分入味。台灣鐵路大排骨便當每份便當都配上粟米、粉絲、椰菜等，十分健康，排骨醃得入味，而且肉質嫩腍。士林鹽酥大雞腿便當雞腿一開二，炸至金黃色，表面香脆，保留了肉汁，雞肉嫩滑多汁。珍珠奶茶&梔子花綠茶奶茶可揀甜度，茶香味十足；綠茶清新帶花香味。

小胖台灣便當 (德立大廈)尖沙咀加連威老道21A-21B號德立大廈地舖及1樓score 分數：A/70+位置： 好方便，係the one 對面價錢： ～HK$70/人(午飯價)味道：味道好試巿林夜咁～so far so good服務： 先買後送上，有話咩服務清潔： 大致ok乾淨環境： 有枱有櫈特色： 台灣原味道

好少寫食評，但呢間值得俾個正評食過幾次，多數叫外賣，樓下有點餐機用八達通俾錢，可以買完喺周圍行一陣先至上去攞餐。六十幾蚊一個三杯烤雞扒飯加支茶，雞扒醃得好食又厚肉大塊，甜得嚟有啲五香味配料都唔Hea，有粟米，菜，炒粉絲啲炒粉絲，仲要好食添便當套餐可以+10幾蚊有蔥油生菜，分量都okay呢個價錢嚟講算係好高質見佢啲炸雞扒好似幾靚，30幾蚊又唔貴，下次有機會再試而家飲食業都難做，希望佢哋生意長做長有啦

1.紅燒牛颊肉便當($68)牛頰肉，我第一眼見到以為好硬身，點知送餐後，第一啖食落去，居然係好腍好軟身，同我想像完全不同，附埋飯更加一流；但佢脂肪含量較多，如果只係食牛頰肉會較為油膩，所以小胖台灣便當都好貼心跟餐配冷泡荼解一解油膩，等中家可以繼續享用其他美食2.士林鹽酥大雞腿便當($68)一黎到就覺得好親切，因以前曾在台灣工作一段時間，雞腿大大塊，真係成塊手掌咁大，一落口就知係即叫即整，雞腿外脆肉嫩，滿口肉汁，一流享受二個便當套餐都配冷泡茶 或者加$12升級做手搖凍飲；我地一個叫左芙香蘋果茶，一個叫金萱烏龍，另外而家做新會員呢就會送一客鹽酥雞，所以如果第一次食嘅都好豐富

呢度嘅便當大概60幾蚊就包埋嘢飲，冇分set lunch定夜晚都係呢個價錢～平日lunch time叫咗個便當5分鐘內已經送左餐黎檯面😅👅牛頰肉便當配熱柑橘檸檬個便當好豐盛好多配菜👍主角牛頰肉炆得幾腍，唔韌唔黐牙又唔會太肥，幾好食，但味道略嫌太鹹太濃🙈小棠菜，粟米同半粒滷蛋正常粉絲，牛肉同埋啲汁都係偏鹹，仲要有菜甫更加鹹😂 食完都有啲口渴跟餐杯柑桔檸檬又太甜😅整體味道其實唔錯但偏濃郁，如果接受到重口味啲鹹啲會覺得幾好食😂#台灣菜推介 #尖沙咀美食 #尖沙咀台灣菜 #小胖台灣便當 #台式便當

尖沙咀午市時間周圍都人山人海🤪，咁啱見到呢間台式餐廳竟然唔使等位，就入去試吓😆，喺收銀落完單就可以搵個靚位等嘢食送到🤓❣️麻辣鴨血肉燥寛粉配芙香蘋果茶 $64鴨血非常嫩滑，但麻辣味就唔係好多，相反個寬粉就辣好多🤩，因為吸咗個湯，但提提大家要盡快食，如果唔係就會好快索晒啲湯變得太腍唔好食🥸，寬粉份量好多，欣賞餐廳嘅肉燥係切粒嘅豬腩肉，肥瘦加埋一齊食更加香🤪❣️三杯蜜汁烤雞扒湯麵配芙香蘋果茶 $64呢個就較為普通，雞扒有啲嚡，湯麵正常味道，略嫌湯底有啲淡🥸，幸好有少少肉燥調下味🤣❣️芙香蘋果茶 味道有啲過酸，蓋過咗茶味，唔推介🙅🏻‍♀️❣️懷念鹽酥雞用App登記做會員有個迎新優惠🤩，可以免費獲贈一客鹽酥雞，鹽酥雞鮮嫩多汁，加上炸咗嘅九層塔調味，呢個小食有驚喜，復刻到台灣嘅味道😆🏦是次消費總額 $128（人均消費 $64） 👅好味度：7.5（10分滿分）喺尖沙咀用呢個價錢食到一個午餐係十分抵😀，而且份量同個價錢成正比，味道中規中矩，下次可以試下餐廳主力推廣嘅台式便當🤓

1.紅燒牛頰肉便當 （$68）第一淡食落去，煮得好腍，好入味，入口即溶，但較為肥膩如果食多幾啖就可能覺得開始有少少飽飽滯滯嘅感覺2.士林鹽酥大雞腿便當（$68）食落去呢新鮮即炸係有熱度，真係似喺台灣夜市食，雞腿份量都唔細㗎，有一隻手掌咁大㗎 好滑好好味😋以上便當當套餐配冷泡茶 或者加$12升級做手搖凍飲我地一個叫左芙香蘋果茶,一個叫金萱烏龍，另外而家做新會員呢就會送一客鹽酥雞，所以如果第一次食嘅都好豐富㗎4🌟

在附近返工，去過好多次堂食。貪佢出餐快，食物衞生又多配菜，飲品選擇特別，每次光顧都能保持水準，性價比中上。21/6/2024 午餐在櫃台落單，堂食外賣客人數量和平時差不多。等了15-20分鐘連飲品都冇，問店員才話有大單三十幾個餐。改外賣又等多超過5分鐘。員工全沒歉意。打工仔食飯時間有限，落單時又冇提醒要等得耐。等客人有預算。對此店非常失望，已通知同事及朋友不要再光顧。另外，此店店員數目太多，站立位置不足，影響食客感覺。

就係尖沙咀旺區,上2樓，有好多座位,都幾多嘢食又抵食❣️去尖沙咀唔使煩食乜喇❣️快餐既格局，效率高，唔使等好耐，方便快食完繼續尖沙咀行街😂首先櫃檯點餐俾錢，然後就有個牌，再揀位坐好，食物ready就會有人送過黎，成個過程都好有效率，店員服務亦細心有禮。🍗🍜士林鹽酥大雞腿湯麵$68好鐘意食台灣麵，麵條口感彈牙好食！湯底仲有好多肉燥，一d都唔馬虎。鹽酥大雞腿更係正❣️好大隻！炸得外皮香脆！🍱台灣鐵路大排骨便當$68排骨又係大大塊，切好方便食，肉質稔又入味。便當個飯仲有好多配料，粟米、菜，仲驚喜嘅係有粉絲❣️🌮刈包：虎咬雞，虎咬豬$38仲有台灣特色嘅刈包！有夾雞扒同夾豬扒嘅兩款選擇。刈包入面有花生粉、酸菜,配搭好台式地道風味好好食❣️👍😋原來雞扒刈包仲有半隻蛋架！🧋珍珠奶茶🥤茉香蘋果茶配埋台式飲品，滿滿幸福感，正！🥰

食物種類繁多 飯、麵、包都齊 連小食都有好多選擇好似將台灣夜市帶到我面前 ;p 掛住台灣美食既朋友不妨可以過來試試！套餐大概$60-70 包埋一杯飲品 份量都幾大 食完好滿足！而且餐廳仲有下午茶餐 平均都係$40幾就有好豐富既下午茶 仲有埋野飲☕️餐廳環境闊落光猛 我週末大概6點幾去到都未去到好逼 坐得幾舒服✨ 紅燒牛頰肉便當🍱 ($68) 紅燒牛頰肉份量都幾多 而且燜得好淋 食完嘴唇痴笠笠 應該煲左好耐 有滿滿的骨膠原👅 紅燒汁味道不錯 偏重番茄同埋百里香味🍅🌿配菜都非常豐富 有半隻全熟既滷肉蛋🥚 同埋粉絲 仲好健康 符合均衡飲食既標準 側邊有幾條菜🥬 又有醃蘿蔔🥕 士林鹽酥大雞腿湯麵 ($70) 睇到個雞排已經覺得好吸引 好大舊 又炸得好酥脆 脆卜卜 炸粉唔會太厚 雞肉唔柴 食落去好juicy🤤雞排偏重口味 好適合配翻比較清淡既麵湯底係請湯底 但係絕對無令我失望 麵條彈牙 仲配埋滷肉碎 同埋少少炸吊味🩶 虎咬豬刈包 ($38)齋見到塊肥豬肉已經贏左 食落去有種幸福的感覺😚✌🏼肥瘦有5:5比例 擁有滿滿的肉汁 醬汁都有好香既花椒八角味！刈包口感鬆軟 麵包偏甜我個人覺得滿滿的花生碎點綴左

就黎21:30 想電話落單到鋪自取又唔比，叫我去平台落單。最後平台落單又出錯野比我！我叫個雞扒飯+青菜。我mark左 ： “菜全走” , 同我配菜全走！ 我意思係青菜走蠔油走其他野。點解唔明個意思又唔打電話黎問？ 最後$90 我買左個雞扒+白飯 + 蠔油菜！ 店員話下次補返比我 我都唔知點補

第一次嘗試呢間台灣便當，望落環境好乾淨，有一人bar枱位，好適合一個人黎食。基本上望落價錢尚算幾好以尖沙咀地段黎講，都係一個便當或者麵食配一杯野飲。我就叫左三杯蜜汁烤雞排便當配冬瓜茶，本身冇抱期望。點知上菜時間又快，一上菜見到份量都幾大，又有好多配菜，咸菜，粉絲，粟米，一塊台灣腸，半隻蛋同啲蔬菜。啲配菜配埋啲飯又真係幾好食，啲粉絲唔係乾淨淨同冇味，係有啲微辣，好食。啲雞排大大舊，食落有啲微辣同啲蜜汁，唔錯既配搭，美中不足啲飯多番少少汁會好啲，就咁食會乾啲。係尖沙咀以60幾蚊配一杯野飲，食物質素又唔錯，我覺得係抵食，最緊要係唔伏，推薦大家黎食。冬瓜茶雖然有啲甜，但係杯冬瓜茶熱辣辣飲個時係好正，之後每次都係叫冬瓜茶

👧🏻😋👅🍽✨尖沙咀休憩好地方🥰 便當出色-🇹🇼 之前成日食小胖觀塘店, 但外賣專門店競爭實在太大都做唔住🥹 但尖沙咀店有埋堂食而免加一, 加上地點夠旺就係The ONE對面, 無論weekda定weekend都客似雲來🇹🇼 店內牆上個tag「一碗滿滿的幸福」同佢地既便當好match! 每個便當都包時令配菜, 會有粉絲, 滷蛋, 粟米, 小棠菜, 西蘭花等等, 加上主食肉食, 可以滿足一天營養需要☺️-🍱 便當 🍱💯 三杯蜜汁烤雞排 $62 一大塊雞排切左條, 塗上蜜汁烤到雞皮脆脆地, 厚肉又juicy☺️💯 士林鹽酥大雞腿 $68 雞皮酥脆, 雞腿切半熱辣辣仲可以拎住黎咬😆-🧋飲品 ☕️✨珍珠奶茶同日月潭檸檬紅茶都係特飲, 加配只需$6但係手搖質素靚茶-🌮 單點小食 🌮💯 有炸魷魚, 炸大腸等等, 怕熱氣可以叫刈包💯 虎咬豬同虎咬雞 $38 分別豬同雞做餡既刈包, 個包甜甜地好soft, 再包埋滷蛋, 青瓜洋蔥絲, 花生碎, 咬落層次同味道都好豐富

去親尖沙咀行街都會想食小胖！平靚正仲可以儲積分換優惠券，抵食過好多商場或街鋪餐廳我哋叫咗兩個便當share，台灣古早味烤豬肉便當，豬肉薄身但份量好多，甜甜地勁多汁。另一個係士林鹽酥大雞腿便當，新鮮即炸要稍等一陣，店員會送埋過嚟，肉厚多汁皮脆肉嫩，真係好有夜市風味☺️飲品方面叫咗日月潭檸檬紅茶同熱金橘檸檬茶，都係好台灣風嘅茶飲，配便當好夾👍🏻今次我哋都幾肚餓仲叫埋刈包，我哋兩個都勁鍾意豬腩肉😽 落單前店員都會講清楚豬嗰個會有芫荽係咪OK，豬腩油香滲入包同配菜裏面，係無可匹敵嘅台灣風味☺️

喺尖沙嘴行街行到攰，所以就一路行一路搵吓有咩食🧐然後俾我哋發現The One對面就有間價錢唔錯嘅台灣便當店🍱即刻走上去睇下有咩食先😋#台灣古早味烤豬肉麵💰$64烤豬肉燒得好香口，好焦香！配埋嗰麵嚟食真係十分唔錯🤩好surprise！麵嘅質感夠晒冧又唔會話煮得太爛，好鍾意呢個麵🍜湯底就正正常常，食嗰日喉嚨唔太舒服所以飲咗好多湯，但都唔覺有好渴喉嘅感覺。#自家製冷泡茶 (金萱烏龍)💰$0呢個茶跟餐就有得飲㗎啦～除咗金萱烏龍都仲有其他茶選擇。飲落幾解渴解膩，食完碗麵再飲返啖茶就啱啱好☺️環境方面，想食麵就要行一層樓梯先啦～不過勝在地方夠大，所以好闊落。睇埋一個餐嘅價錢，尖沙嘴嚟講都不失為一個抵食之選😋