影片
才发现太子开了这家米线店｜午市set $55炸柠檬猪扒肉骨汤米线 送热饮午市米线/荷叶饭/扒饭set还挺划算 $52-63除了米线还有烧烤、前菜小食、干捞粉面、石锅饭等座位宽敞，服务态度好，分量够足，偶尔解决一顿还不错
继续阅读
首先试过平日夜晚摸门钉，而门口冇任何告示营业时间的。话晒同小草十八怪有关联的新店，总想试下。星期六中午到达，见卡位都坐满，心谂应该唔差得去边。午市套餐除左送热饮，仲有老火汤。个汤系我出街食野几十年都冇饮过咁咸的！！！直头一淡都饮唔落去，要吐番出来！劲癫！然后厨房出菜系唔跟单的，想出咩就出咩。我要肉骨茶米线就出左炸酱米线俾我，而店员婶婶话系啱的，是但啦咁。个炸猪排系米线上左10分钟先到。原来我算好彩，隔离台个女士话佢等炸猪排已经半个钟，有冇做紧比佢都唔知。炸猪排用左西柠鸡做法，仲跟埋西柠酱！又唔知系咩玩法！好彩我都唔拣饮择食。个肉燥（唔系我叫的）又系预制菜feel, 劲颓！！另一个米线又系唔好食，系d 鸡算滑咁啰！真系唔明一间店用米线用店名，都可以差成咁！！埋单$130，我去谭仔食好过！绝不回头！
继续阅读
本来谂住去太子金凤锯扒，见到隔离新开咗间石锅米线，即刻改变主意试新嘢叫咗肥牛石锅饭 ，肉骨茶米线，酸辣藤椒凤爪，凉拌青瓜云耳，一桶水果柠檬茶，蟹皇石锅煲仔饭肥牛石锅饭味道唔错好开胃个锅又够晒热我食完晒个饭个石锅都仲暖嘅，牛肉刚刚好，但系个酱汁如果可以再浓味一啲啲会就更好。肉骨茶味道算浓，食完可成碗汤都饮晒，整体味道唔太出众，但系钟意肉骨茶嘅我觉得还可以酸辣凤爪好好食，非常开胃唔会辣到要人不停饮水。杯装水果茶味道不过不失，但真系抵饮蟹皇石锅煲仔饭，服务员执好晒成个煲后，会喺放喺你面前煲，大约等13分钟就食得，蟹几新鲜，都系𠮶句，够晒热辣辣！不过如果变成畀我们食客自己落手去煲，应该会几过瘾
继续阅读
原本想去𠮶间餐厅冇位，见到隔离呢间唔使等位又新开就去试吓，餐厅主打米线嘅，但系见到午餐有腊肠冬菇蒸排荷叶饭同咖喱牛腩饭好想试吓，所以就每样叫一份，仲跟餐加埋小食虾多士同陈皮鸡，虾多士好油，中间嘅虾胶好干，陈皮鸡一阵万年油味，少少失望到主菜腊肠冬菇蒸排骨荷叶饭同咖喱牛腩饭上枱，闻到怪味，见到咖喱牛腩饭个样已经觉得好古怪，试咗一细件发现系酸馊咗嘅，即时吐返出嚟同店员讲返，店员收返入厨房之后出来解释，包牛腩放咗两日，而家开个包新嘅俾你，原来系预制菜，之前试左小食已经觉得中伏，所以就要求店员取消，最后店员收咗$12消息同杯热饮嘅费用。问返店员间舖开咗个几月，啲水准就已经咁差，唔会有下次
继续阅读
个汤几浓味，好特别又好好味，可以选自己钟意嘅配菜，可乐鸡翼好味，我见佢仲有得拣花胶仔，不过今次太饱下次先试，姐姐仲好好知我唔食淀粉转菜底，系另类嘅车仔面，推介！
继续阅读