小瑪哥米線

岩岩睇完舞台剧，肚仔打鼓，同朋友冲咗去食云南米线。今次试咗个气锅鸡二人套餐，超级丰富！个套餐除咗主角气锅鸡，仲可以拣一款小食、两款主食、一款主菜同两款甜品。小食我哋拣咗凉拌金耳，系云南直送，口感爽爽哋，酸酸辣辣好开胃。个气锅鸡真系冇得顶！原盅炖出嚟，汤色好清，饮落好甜好润，一啲都唔油。鸡肉炖到好淋，一夹就散，但唔会烂晒，仲好滑溜。饮完成个人暖笠笠，好舒服。主菜叫咗滇池酸菜鱼，鱼片滑溜溜，酸菜够入味，汤底酸中带辣，饮咗几啖已经流晒汗，好过瘾！主食就要咗金牌小锅汤米线同白饭。米线汤底好鲜甜，配酸菜鱼汁捞饭简直一流。甜品试咗彩虹芋圆冰冰粉同玫瑰冰冰粉。芋圆QQ哋，冰冰粉滑捋捋，食完辣嘢再食呢啲冻甜品，真系透心凉！今餐食到好饱好满足，呢个套餐份量足，味道正，下次一定会再嚟！…查看更多

凉拌金耳呢个凉拌金耳真系好清新，系夏天食正好。金耳本身质地爽脆，口感非常好，搭配上芥末，令整体味道更加提味。食完之后令人感觉清爽，十分开胃，真系好适合作为开胃小菜。猪骨清鸡汤米线呢碗米线汤底系用猪骨和鸡肉慢慢熬制，味道非常清甜，唔会油腻。豆卜吸收咗汤的精华，食落去嚟口感滑嫩，鱼蛋弹牙，竹笙有一种清香。米线则系吸收咗汤底嘅味道，咬落去非常有口感，整碗米线嘅搭配十分和谐，令人一口接一口，食到心满意足。豆花炸酱捞米线呢碗豆花炸酱捞米线都好值得一试！炸酱味道浓郁，带有一点点的甜味，搭配上新鲜嘅白菜饺、蔬菜、腐皮同花枝丸，口感层次非常丰富。米线本身滑爽，配搭炸酱后味道更加突出，真系一碗好满足嘅捞米线，唔会令人觉得腻。山水豆腐花滑嫩的豆腐花，口感非常细腻。虽然甜，但唔会过于腻，系完美嘅结尾，食完之后令人感到满足，亦为整顿饭画上圆满句号。…查看更多

今日嚟到湾仔食小马哥米线，听讲佢呢度嘅酸辣同埋捞米线都非常唔错，今日特登嚟试吓，听老板讲原本系开喺另外一个地方好多年，跟住近年搬咗嚟依度😎金牌小锅汤米线（冬菇、腐皮、竹笙 , 弹牙大虾球 )🔥🔥汤底鲜甜微辣，搭配弹牙大虾球、香菇、腐皮同竹笙，每款配料都吸饱汤汁，味道丰富层次够。虾球个个饱满弹牙，几弹口，虾味都不错冬菇香气浓郁，腐皮嫩滑，竹笙爽脆，为汤底增添口感变化。✅✅豆花炸酱捞米线（辣鸡柳 ，香茅猪扒 ） 💪米线滑顺有弹性，炸酱香浓带点微甜，跟柔滑豆花够特别，猪扒带有香茅独特清香，外层微焦香脆，肉质嫩滑多汁，香气扑鼻。鸡柳炸得金黄酥脆，辣味适中带花椒麻香，刺激味蕾，吃得过瘾。🤩召通酱鸡翼 呢度既必点菜，鸡翼肉质嫩滑，酱汁咸甜带点蒜香，外皮带脆口感，每口都够滋味。👌🏻嘶嘶皮蛋 皮蛋入口滑嫩带咸香，烟韧口感配餐简单却好味。🥒宫廷酱茄子 茄子煮得软腍吸满酱汁，宫廷酱咸香微辣，开胃下饭之选。🫨🫨…查看更多

一间高质米线，地址方便，喺湾仔/铜锣湾都好易去到，餐点有云南特色，可以食到出面冇嘅菜色。要提一提佢嘅招牌气锅鸡: 用特制汽锅，通过蒸汽将鸡肉蒸熟，保留到鸡肉嘅原汁原味，又有清澈嘅汤汁，营养丰富。一人份鸡味浓，有油香但唔会话饮到一口油，有菇菌味；可能因为用蒸气煮，所以鸡件唔柴离骨，又入味，肉质唔错，药材香亦都渗哂入去。叫咗碗酸辣米线，酸味为主，唔会死辣，叫埋小辣食得舒服，米线份量十足。特别试咗佢嘅油鸡枞菌，香口脆卜卜，油香十足，同埋平时好少会见到米线有得叫，加埋米线食就咸淡得宜！另外嘅特色嘢系豆花捞米线，出面又系好少见。豆花香滑清新，夏天食落去凉凉地好舒服，适合淡口味之人，捞落米线系十分之夹，因为两样都好滑口；肉碎微辣有特色，蕃茄带来清澈嘅感觉，令个米线唔会太油腻又多一份自然嘅清甜。配菜系猪排，有越南香茅嘅味道，估唔到食云南米线都食到越南嘢嘅风味。另外叫咗凉拌金耳，十分独特，清新口感爽，有食刺身嘅感觉，点埋豉油同wasabi又有另一种风味！想试下全新嘅米线风味就要嚟呢间小玛哥到试下啦！…查看更多

气锅鸡套餐1. 招牌气锅鸡（山珍气锅鸡）是云南风味的牛肝菌蘑菇鸡汤蒸笼，鸡汤鲜甜浓郁，牛肝菌带来独特的松木香与大地气息，其他蘑菇，如鸡枞菌，增添层次感，蒸制手法锁住汤汁精华，鸡肉滑嫩脱骨，牛肝菌肥厚带微韧性，菌菇吸饱汤汁后口感饱满，蒸笼保留食材原味，汤头清澈却滋味深厚，鸡肉精华与山珍炖煮后令口感丰富。2. 头盘小食（凉拌金耳）是创意凉拌菜，入口酸辣开胃，山葵的辛辣与醋汁以香醋、辣油为主，搭配蒜末和香菜提香，金耳本身味道清淡，能吸收醋汁，刑成酸爽微呛，金耳质地独特，外层爽滑如海蜇皮，内里柔软带轻微胶质感，整体开胃解腻。3. 主菜（香茅猪扒）东南亚风味主导，香茅、鱼露、柠檬叶的清新酸香渗入猪肉，表面焦糖化带微甜，附姜黄、蒜末带来鲜香，猪扒外酥脆内多汁，外皮煎至酥脆，肉质因腌渍软化不干硬，香茅令肉质增添咀嚼感，配合青瓜丝提升湿润度，入口爽滑香脆。4. 主食（金牌小锅汤米线、丝苗白饭）金牌小锅汤米线是酸辣肉末米线，酸辣鲜明，发酵酸来自云南酸菜，辣味由糊辣椒主导，肉末炒香后带焦香，汤底鲜味浓郁，搭配韭菜配料提清爽，米线柔滑带弹性，肉末细碎有嚼劲，汤汁浓稠能挂住米粉，酸辣刺激中透出鲜甜后韵。丝苗白饭是米香纯粹，选用香米，淡淡甜味，粒粒分明且弹牙，不黏糊，适合搭配气锅鸡汤汁。5. 甜品（玫瑰冰冰粉、彩虹芋圆冰冰粉）玫瑰冰冰粉嘅浓郁的玫瑰花香为主，玫瑰糖浆的清甜，加入蜜蜂甜味增添果香，底层有淡雅奶香，冰粉如果冻般颤动，入口即化，搭配芝麻粒增加咀嚼感。彩虹芋圆冰冰粉是芋圆带地瓜、紫薯、芋头的自然甜味，糖水为椰奶基底，甜度较低突出自然花香，芋圆Q弹有嚼劲，冰粉滑溜，整体冷热交替，入口即化，特别好味嘅甜品。小玛哥餐厅食物质素好，份量不少，菜式好味道，价钱又唔贵，仲冇加一，店员服务态度又好，好值得向大家推介来食。…查看更多