小火焰韓式咖啡廳 (樂富廣場A區)

营业中

休息中

突然間想食韓國嘢，就同朋友黎左樂富呢間小火焰。入到餐廳入面，樓底好高，餐廳好大好闊落。坐低左卡位，坐得幾舒服。餐廳仲播緊呢排好紅嘅韓文歌😍仲有電視播埋mv,岩晒我地呢d kpop 迷。食物方面，我地揀左一個午市套餐。好抵食！幾十蚊一個湯飯，有野飲，仲可以加配$12炸雞。我地揀左牛肉大醬湯飯，味道唔錯，入面仲有粉絲。唔食得辣嘅人都食到。味道唔會太咸，唔會飲完d湯之後口渴。炸雞有3大粒，都幾嫩滑同juicy。另外我地叫左個糯米糍3.6牛乳雪花冰，好大碗。糯米糍好軟糯。雪花冰好綿，好幼滑，有滿滿嘅牛奶味。我最鍾意就係佢地嘅野飲！我地叫左杯烤杏仁咖啡同埋岩鹽焦糖咖啡。套餐加配左呢兩杯野飲，本身對佢唔大期望，點知黎到係好大杯又有cream 。如果平時去cafe應該要40、50蚊杯。咖啡味好濃，叫左少甜，好飲！

大家嚟到小火焰餐廳 ，最緊要食佢嘅甜品呀！草莓3.6牛乳雪花冰簡直係超值之選，一層一層咁樣食落去， 呢個雪花冰係我每次來餐廳必食嘅甜品。除咗甜品，主菜都好好食。泡菜野菌辣炒年糕 (辣) ， 韓國嘅泡菜和年糕都係我嘅最愛，呢個餐就一次過滿足曬 我嘅願望啦，除咗泡菜和年糕外，仲有翠玉瓜，沙律菜，番茄同埋雜菇等，甜甜酸酸又辣辣地，非常好味。

去開樂富廣場行街，見到呢間新派韓國菜，就入咗去食dinner，不過由於唔太餓，所以只係叫咗幾樣野輕食叫咗炸雞combo，有齊雞軟骨、炸雞、薯條，又有芝士同甜辣醬，夠哂惹味芝士海鮮菜餅同韓風石板炒野菜都唔錯，賣相幾得兩個人食完呢三樣啱啱好，唔會過飽

小火焰已經食過幾次，係超抵食嘅韓國嘢，平民價錢，質素亦都唔錯。今日去咗樂富探親戚，之後一齊去食嘢我就提議去食呢間韓國嘢，對長輩來講又可以試吓啲新嘢🤓🤓揀咗一個拉絲芝士BB豬肋骨伴泡菜炒飯，份量都幾多，夠我哋share！啲芝士好香，溶溶地又有拉芝感覺😚 豬肋骨夠軟腍，而且唔會癡牙🤣啲芝士真係好多唔係講笑❤️❤️另外叫咗一個燴牛肋淮山麵，淮山麵比較幼身，面料完全可以掛上湯汁，蕃茄湯底好濃郁，識落好開胃！餐廳會附上泡菜，貼近韓國的味道，唔算好辣，我自己一個都可以食得晒😗睇Menu見到有炸雞、韓式甜品都超吸引，下次多人黎食一定要再試下！

提早食早秋節飯，今年試下食韓國嘢，見樂富開咗間韓國餐廳一段時間未幫襯過，就趁呢個機會一家大細去試啦！今次4大一小，食物甜品連飲品總共12樣嘢，連埋加一埋單$1159分別叫咗脆米豬手沙律/芝士海鮮菜餅/蜂蜜提子脆米炸雞 （半份）/滋味炸雞（半份）/蟹膏海鮮炒年糕/ 冰果魷魚鬚水冷麵/牛肉石鍋飯/炸紫菜捲（粉絲卷）飲品：凍朱古力咖啡/紫薯沙冰甜品：松露曲奇脆脆3.6牛乳雪花冰/爐板燒布朗尼首先我覺得豬手沙律味道一般，豬手都算淋，但冇乜特別，下次可以試其他嘅沙律；芝士海鮮菜餅唔知係咪因為我遲咗食所以覺得唔脆，味道還可以，下次會再叫試下趁熱食先；炸雞方面，佢嘅皮同平時食既有啲唔同，個皮有啲似k字頭唔辣炸雞嗰隻皮，但脆口好多，上枱時新鮮熱辣，雞肉都keep到嫩滑，唔錯，滋味脆雞嘅芝士醬比較單一，似係坊間可以自己買到嘅芝士醬，味道可以接受，但唔算特別，反而係佢嘅炸雞係冇雙拼咁叫，所以我只可以每個味道叫半份，但原來半分雞只有四件，比我想像中少咗一兩件，但每雞size似乎都唔細件；炒年糕個味其實幾好，屬於偏甜少少，蟹膏又好似唔係好覺，不過就見到有蟹子，分量唔算太多，但我就略嫌個年糕淋得滯，如果火侯掌握

餐廳位於樂富廣場，係區內少數既韓國餐廳😎，鋪位幾大，環境舒適，座位闊落，食物CP值很高，觀塘和大圍都有分店。部份主餐牌1. 燴牛肋淮山麵🍜 $78牛肋肉燴得幾淋和入味🐄，份量都算多，和蕃茄湯底幾夾，酸酸甜甜很開胃，淮山麵幼細，幾滑溜但不會太淋😍。呢個麵仲跟咗一小碟泡菜，但都幾辣，可因應接受程度加落去。2. 拉絲芝士BB豬肋骨伴泡菜炒飯🐷 $108呢碟推介呀，芝士🧀的份量很慷慨，成功做到拉絲效果😍，豬肋骨🐖落咗BBQ醬來燒，好香口和惹味，泡菜炒飯唔算好辣，粒粒分明，幾好食。

小火焰喺樂富商場嘅食肆係一間唔錯嘅選擇，食物味道非常好之餘價錢亦都公道～食物種類又多選擇，而且比起一般大型連鎖餐廳有特色，今次小編就試咗以下幾款食物：1️⃣韓式炸雞⭐️⭐️⭐️⭐️ 炸雞炸得外脆內軟，炸粉唔會太厚，恰到好處，裏面嘅肉質亦都唔會過咗火候影響口感，仍然可以鎖住雞肉嘅鮮味同埋肉汁，同時咬落亦都係好彈牙～點一點餐廳提供嘅秘製醬汁，簡直係錦上添花！2️⃣魷魚水冷麵⭐️⭐️⭐️⭐️水冷麵我覺得比起韓式炸雞更加好味！一來係有特色，唔係好多地方有得食或者整得好～二來係佢魷魚選材優秀，非常有咬口，魷魚嘅鮮味遍布味蕾每一粒細胞，令人齒頰留香～3️⃣韓式烤餅及咖啡⭐️⭐️⭐️烤餅都烤得好脆，上面送住啲肉食味道好夾，整體醬料嘅調味都好到位，好味😋食到有啲口渴飲杯靚凍啡，亦都沖得好香滑～整體而言，每一個餸菜都整得有水準，環境同埋服務都係中上，推介大家試吓😁

這間小火焰韓式咖啡廳位於樂富廣場1樓店舖，店面環境坐著寬鬆舒適😙，而佢嘅裝置都幾特別🤔望都覺得都幾好，店外擺放兩個好特意嘅橙色公仔😍!.辣炒豬腩肉拌飯 $68呢一碗辣炒豬腩肉望著好似幾好食🤤，色香味都唔錯🤔好有韓式風味，佢嘅豬腩肉肉質厚薄適中，食到入口都好腍口味道十足😋帶有小小辣，配埋碗白飯食相當唔錯!.大醬牛肉粉絲鍋 $68呢一款牛肉粉絲鍋賣相都好吸引🤤，散發大醬湯嘅香噴噴味😙，材料有牛肉、粉絲、翠肉瓜、紅椒、菇類、芽菜等，份量都好豐富🤔，尤其是牛肉沾滿湯液味道濃厚，佢嘅大醬湯帶點辣口令到湯嘅味道更加美味😋，放D白飯入湯到更加正!.吉士蛋糕拼3.6牛乳奶凍 $78呢款甜品望著都幾好🤔，尤其是佢嘅吉士蛋糕賣相一般，但係打完咭食依然一樣咁好食😙，一般凍咗會冇咁好食，吉士味道好香甜軟滑蛋糕軟綿綿😋，牛乳凍奶味濃郁又帶點軟滑口感都唔錯!.草莓窩夫 $88呢一款甜點賣相十分之吸引🤔，望著都好想食🤤，整份甜品色澤好靚😍，佈滿士多啤梨同埋大大球雪糕，尤其是佢窩夫厚薄適中，比起以往過D細塊D又有咬口，食到入口口感軟綿綿好香蛋味😙，佢嘅窩夫面放咗士多啤梨同D汁液，令到窩夫味道相當之正😋，食埋D大大球雪

假日晚上周圍都多人朋友帶我黎樂富食韓國野貪依邊人流少啲唔洗排龍都食到好餐廳依間韓式餐廳有幾間分店 一路都想試試食物選擇係十分韓式嘅創意料理 最吸引到我哋就係韓式沙律喇同一般餐廳嘅口味真係好唔同脆米豬手沙律沙律醬汁係好新鮮嘅口味相信同係自家調製嫁 重胡麻香不過比起坊間嘅偏甜少少配合豬手咸香好夾呀透明一條條似粉絲嘅東西 咬落係爽口加埋脆米口感好特別試咗依碟我地都認為值得為咗依份沙律encore!之後嗌咗石鍋蟹籽彩雲拌飯色澤好靚嘅韓式拌飯當中金菇木耳蟹籽都係正式韓國拌飯少見嘅我哋都好鍾意新配搭特別讚賞菇菇炒得好香口酥脆蘑菇雞翼最愛無骨雞翼咬落啖啖肉嘅感覺除咗蘑菇好似仲有芝士 鹹香得黎帶點甜味滿意食到飽飽其實呢度仲有好多特別嘅韓式甜品So far三款食物都好好食 有機會會再試下其他！

以前年年都去韓國shopping 而家疫情冇得去旅行 唯有靠食韓國嘢過下癮😜黎到樂富既小火焰 門口夠大 餐廳亦都好闊落好多位大大隻招牌好易搵！二人有得坐四人位 坐得舒服😌menu選擇好多好豐富！引發咗選擇困難症😜要介紹呢個韓式豬肉蓋飯❤️又大份又好味首先份量好多 唔使驚唔夠飽豬炒到入味，有少少辣味仲有啲林洋蔥同翠玉瓜點綴食落唔會太肥膩撈飯一流！叫韓式炒年糕基本啦！呢個炒年糕仲加咗泡菜落去 辣辣地又豐富左個口感！不過小火焰既年糕係比較幼身想食既朋友要留意啦🥳最後想提吓佢哋嘅手機落單用起上嚟好簡單又方便最緊要係環保♻️而且落完單食物都好快送到！店員服務態度都好好，好有禮貌值得推薦！下次去一定要試埋佢嘅刨冰🍧

去到樂富不一定是去房屋署的🤣，去吃東西也可以的，食肆也有不少的選擇。這次去了吃一家韓國菜，在觀塘店吃過甜品，感覺便宜味道可以的，這次就來吃午餐吧😚。假日來的午市人頭湧湧，午市以套餐為主，有飲品附送，也可用優惠價升級飲品和加購小吃。-▪︎熱烤杏仁咖啡 HKD$10▪︎熱岩鹽焦糖咖啡 HKD$32雖然沒有拉花，但每杯啊啡也有不同配料。烤杏仁咖啡味道香濃，而且口感較豐富的。岩鹽焦糖咖啡咸香味挺好，咸咸甜甜的咖啡，咖啡味道香甜幼滑。-▪︎巨峰乳酸特飲 HKD$12隨午餐升級特飲有優惠價，飲品帶漸變層的顏色，味道酸酸甜甜的。巨峰提子興乳酸比例剛好，底下還有椰果可吃。-▪︎辣炒豬腩肉拌飯 HKD$68這個賣相吸引味道濃郁。豬腩肉層次分明，肥肉和豬肉比例剛好，帶油脂的挺香口🤤。醬汁味道濃郁，散發著微味的味道。飯底是紫菜飯，吃起上來較有質感。-▪︎大醬牛肉粉絲鍋 HKD$68用石鍋裝著味道更香，又可保持湯的溫度。大醬湯用料豐富，湯底味道濃郁微辣。牛肉肉質腍身，而且份量算多的😎，粉絲吸入湯汁很入味。-▪︎吉士蛋糕拼3.6牛乳奶凍 HKD$78▪︎草莓窩夫 HKD$88飯後來份甜品感覺很棒😆，每一款甜品也配曲奇雪糕。吉

不知第幾次幫趁，呢間選擇都多，款款味道都不錯，今次不吃泡菜了，試下西餐。黑松露炒淮山面韓式魚餅蕃茄烏冬黑松露炒淮山面是素的，個松露白汁都好味，我食晒成碟。個魚餅好一般，烏冬是彈牙的，蕃茄湯比較假。

餐牌厚厚幾疊，上傳唔到咁多張相，反正自助落單都一目了然。午餐時段要留意category 要搵番「午餐套餐」系列字眼㩒入去先會顯示午市套餐選項。加配「迷你溫泉蛋蟹籽沙律」都唔少蟹籽，算抵食。加配「脆香牛油雞翼」勁重牛油味。「北寄貝水冷麵」5片北寄貝，水冷麵有啲位仲係黏住未夠鬆散。「泡菜燒豬頸肉拌飯（辣）」亦係bb辣吊味嘅程度，豬頸肉厚薄適中，見附近幾枱都叫有豬頸肉嘅午餐。「糯米糍3.6牛乳雪花冰」糯米糍冇咩餡，棉花冰就撈咗杏仁片。「熱蜂蜜柚子茶」（少甜），可能為咗要調較到少甜，連柚子蜜漿都落少好多，變相成杯嘢連柚子味都淡埋。加配「芝士炸雞」炸得太乾但又唔脆，雞嘅肉汁都冇埋。「汁燒茄子牛肋條配韓式拉麵」牛肋條煮得好腍，咀嚼無礙，茄子切小粒吸哂醬汁，韓式拉麵即係即食麵。「汁燒牛肉溫泉蛋伴飯」蛋牛飯三樣撈埋都好難輸，再加紫菜椰菜絲，食完冇咩剩。「松露曲奇脆脆3.6牛乳雪花冰」初時以為係松露朱古力，原來用黑松露醬加入去雪糕度，所以間中𢳂幾啖會食到松露醬些微鹹味。棉花冰藏咗極多榛子杏仁碎，保證嚼到牙軟但本人buy👍🏻，nuts控啱哂！加配「涼拌大豆芽」屬於friendly辣，撈埋落飯仲幾好送飯。👍

青蘋果熱情果梳打 +$28 因為叫咗少甜同埋少冰，所以飲落去就唔會好似汽水咁甜。但係佢都轉左枝野飲先擺落啲冰度，咁樣啲嘢飲就唔會越坐越稀。醬油蝦配糖心蛋手握紫菜包飯$98 醬油蝦個醬油做得好好味，然後蝦又100%沈浸喺個醬油到。隻蝦都有一個手掌咁大隻㗎！食落口好creamy，同嗰個醬汁好配。食嘅時候又可以同埋啲配菜食，一齊上嘅有綠椒、紅椒、辣炒海帶同手握紫菜包飯。手握紫菜包飯好好味，撈埋飯素同埋紫菜一齊。餐廳都俾咗膠手套，所以食嘅時候好乾淨好方便。海鮮炒淮山麵$78 海鮮嘅鮮味融入晒個面嘅汁到，食落去有啲似將蟹膏或者係蝦膏做個醬嘅底。佢有一啲伴碟嘅香料，大家要試吓撈埋啲面一齊食，係可以增加左啲面嘅口感。而且啲醬汁又唔會太稀。所以每一啖啲麵都可以黐住嗰啲汁一齊食。淮山麵揀得好！啲麵煮到淋晒，所以食每一啖，啲醬同埋啲汁都好融洽。配料方面，佢哋有翠玉瓜、菇、蜆、章魚腳、紅椒、青口同埋大蝦。真係真材實料整出嚟。

今晚忽然想食下韓國炸雞，就去左呢間小火焰🔥門口的小火焰公仔🔥心心眼又流口水🤤好似幾得意。見餐牌好多唔同種類的食物選擇。芝味炸雞（半份）$108真係非常好食！！！炸雞係熱辣辣咁上，應該係新鮮即炸，然後雞皮係炸得非常香脆，一咬就脆卜卜，唔會好厚成堆粉咁，芝士味都好香濃！芝士味係將炸雞提升到另一個層次，個味又好夾，下次再尼我一定會點番呢個炸雞🍗拉絲芝士香燒雞翼伴泡菜炒飯 $98這個飯走辣可以轉白飯我沒有轉到白飯，不過佢個泡菜飯其實唔算辣。芝士係非常多好香濃，係真係痴住可以拉絲，然後雞翼燒得好香口幾好食。蟹膏海鮮炒年糕（$128）蟹膏汁係非常香濃！幾有驚喜，然後年糕索哂d湯汁真的非常惹味，海鮮方面有蝦，魷魚，青口，都好足料，唔錯。飲品方面我點了巨蜂乳酸特飲（$38），酸酸甜甜又好好飲。