“不时不食” “不鲜不卖” 真系无呃人，当晚食嘅所有海鲜同蔬菜都好新鲜，有专人帮你计时蒸包蒸熟（唔计overcooked），不过环境就比较嘈，而且坐得迫夹，就算食物OK但我都唔会想再嚟。📝PARCO发板餐 $398==================🥢象拔蚌刺身拼盘⭐️⭐️⭐️⭐️象拔蚌、赤贝、带子、三文鱼、北寄贝、甜虾、希灵鱼，全部刺身都好食，最正都真系象拔蚌劲爽口。🥢贝壳三宝⭐️⭐️⭐️花甲、东风螺、蒸蚝都好好味，最正蒸蚝口感creamy。🥢元贝一只 + 海虾一只⭐️⭐️⭐️⭐️元贝唔韧蒸得好啱时间，海虾爽口弹牙。🥢鲍鱼一只 +海鱼一件⭐️⭐️⭐️⭐️鲍鱼口感软熟，海鱼有鱼味唔腥好正。🥢龙虾半只⭐️⭐️有少少膏但overcooked 而且肉有啲黏壳，嘥咗只龙虾！🥢濑尿虾一只⭐️⭐️⭐️⭐️⭐️成只手掌咁大只，鲜甜啖啖肉又有少少膏超好味。🥢农家四宝⭐️⭐️⭐️⭐️南瓜、粟米、紫薯、虾米胜瓜四样都够腍好新鲜。🥢虫草花蒸鸡乌冬底⭐️⭐️⭐️芋头好棉，鸡唔够滑，但鸡油落晒去垫底嘅乌冬度，挂汁好味！ 五人共消费：$2404 …查看更多
