小滿定律

喺西贡行到有啲热，想揾间餐厅坐低休息下，抬头见到呢间有乳酪雪糕即刻冲入去试！:)舖头空间唔大，室内只有企位，室外得一张长凳可以坐几个人。不过天气热，有得食雪糕已经好开心～我拣咗杯装乳酪雪糕，可以自选3款 toppings 同1款酱。拣咗海盐焦糖脆脆、绿茶糯米糍、咖啡蒟蒻加热情果酱。海盐焦糖脆脆好好味，咖啡蒟蒻咖啡味浓郁，绿茶糯米糍相比下就比较普通但都唔错。乳酪雪糕本身酸甜平衡，配热情果酱一齐食好清新，真系透心凉！黎开西贡一定要黎试下！…查看更多

#小满定律 西贡名物!! 假日去真系好多人排队不过速度好快，大概排左半个钟左右就可以😚.Menu只有一款希腊乳酪雪糕，但可以拣杯装或筒装& Topping。我今次拣咗杯装（$58），包三款Topping同一个酱：• 海盐焦糖脆脆：好好食🥹个焦糖做得啱啱好• 咖啡蒟蒻：好浓咖啡味，有少少凉粉feel• 绿茶糯米糍：好烟靭，外面裹满绿茶粉，超重绿茶味!!• 蜜糖：少少甜再balance番雪糕的酸味雪糕本身酸酸甜甜，唔会太腻，食完一杯仲想再食🥺 好彩冇俾条队吓亲🥹…查看更多

同法国佬合作既蝴蝶酥 士多啤梨柠檬蛋白脆乳酪雪糕 表面淋上金黄色焦糖浆，卖相雪糕口感幼滑绵密，奶香浓郁之余又带点乳酪嘅清爽酸香，食落唔会觉得腻。杯底隐藏咗少量士多啤梨粒，带出天然果香同微酸感，衬托到雪糕嘅甜味，味道更有层次。柠檬蛋白脆入口清新，微酸中带脆感，令整体更加平衡。最惊喜系蝴蝶酥，焗得香脆松化，牛油香突出，单食已经好味，配埋雪糕一齐食更加加分。整杯甜品由雪糕嘅软滑、果粒嘅多汁、脆饼嘅松脆到蛋白脆嘅酸甜，层次丰富，口感多变。份量适中，一个人食唔会太 heavy，两个人分享就更加啱做饭后小确幸。…查看更多

入西贡就紧系要凑吓热闹，食呢间希腊乳酪雪糕，今次配料拣咗芒果，柠檬蛋白脆同绿茶糯米糍希腊乳酪雪糕配料1. 芒果2. 柠檬蛋白脆3. 绿茶糯米糍酱汁热情果汁芒果唔会酸，配上淡淡甜味嘅乳酪雪糕好夹，蛋白脆口感轻盈，带有一点点嘅柠檬香味，同时又无海盐焦糖脆脆咁甜，而绿茶糯米糍大大粒，烟靭有咬口，不过绿茶味唔算太浓，今次加热情果汁做酱汁，佢嘅酸酸甜甜令整体味道更有层次不过呢间西贡分店成日都好多人，所以要食都要预咗要排一阵先有得食…查看更多

「小满定律」嘅乳酪雪糕真系几正🥄尤其系杯装可以自选三款toppings加一款酱汁 自由度佢地主打嘅希腊乳酪雪糕口感软滑 味道唔会过酸我拣咗最多人选择嘅配料头三名 · 芒果：香甜又多汁 唔会酸 而且系新鲜现切 份量都唔少· 海盐焦糖脆脆：呢个系唔少人嘅心水之选✨焦糖味浓郁得嚟又有微微咸香 口感脆卜卜能增加唔少层次感不过个脆脆好大旧 食完会有啲黐牙如果细旧啲就更好啦· 绿茶糯米糍：钟意烟韧口感嘅 应该会几钟意 绿茶味几浓 带微微甘香 唔苦涩 糯米皮Q弹次次做完水上活动之后都想食一杯 感觉特别 refreshing虽然价钱唔算平 但份量足料 两个人 share 一杯都够酱汁方面，蜜糖和热情果酱似乎最多人拣我拣咗蜜糖 不过我觉得有啲太甜了⚠️ 小小要注意· 如果你好怕黐牙 食海盐焦糖脆脆时可能要多啲水· 西贡店都几旺场 闲日都可能要排队 要有少少心理准备…查看更多