小曼谷泰國美食 (南角道)

营业中

休息中

今日黎到九龍城既小曼谷泰國美食 (南角道)，食正宗泰國菜，入到呢間分店全場爆滿，成間舖頭都好香既味道，我點左鐵板豬頸肉椰菜苗，咸香味好濃，豬頸肉配幼嫩既椰菜苗又爽又滑，特別推介佢吔既菜，一碟簡單既菜炒得好食，真係唔容易。串燒拼盤一共有6款秘制醬汁，每款都燒得啱啱好，咬落去Juice好好味。菠蘿雞肉炒飯，飯粒水份啱啱好，菠蘿勁甜多汁，雞肉好嫩好滑，肉鬆加堤子溝埋炒飯，成個炒飯味道好有層次感，鮮味十足。菠蘿雞肉炒飯$98串燒拼盤$118牛（1串)雞（1串)雞腎（1串）雞全翼(1串）泰式朧月(1串）鐵板豬頸肉椰菜苗$118小曼谷泰國美食 (南角道) (九龍城)九龍城南角道9-11號地舖

小曼谷泰國美食 🇹🇭今日做嘢做得比較晏，所以就決定買外賣返屋企食，喺九龍城行咗一陣，最後決定食泰國嘢！餸菜方面嗌咗三個，分別係豬肉碎生菜包 🐷🥬 $118、泰式馬拉盞炒通菜🥬$108、蝦膏豬肉碎炒飯🦐🍛$98，其中我特別鍾意嘅就係佢哋嘅蝦膏豬肉碎炒飯，一打開蓋就聞到超香鹹香嘅味道，啖啖滋味！不過呢個炒飯油份比較多，大家食嘅時候就要注意啦！👀甜品方面🍮🍨，諗咗好耐都係心思思唔知食椰汁西米糕好定係泰式千層糕好🥥，後來店員就話細路仔先做選擇，大人就梗係全部都要啦！所以就揀咗椰汁西米糕拼泰式千層糕 $58🧁，有得雙拼實在太貼心啦！一份六件，幾個人share啱啱好！😌😌

九龍城出名多泰國餐廳，而呢間都唔例外，朋友之前去過，話值得到訪，今日經過就順便買外賣返返屋企開餐。會話呢度嘅lunch性價比高，平均$60一個主食連湯同飲品，出面邊度搵啊😂黃咖喱燒雞扒飯：黃咖喱唔辣，濃稠度適中，配飯好夾，惹味又夠香。雞扒幾嫩，份量OK。雞絲扎肉湯金邊粉：湯底清甜，飲落唔會覺得口乾。金邊粉軟硬度適中，掛汁。海南雞飯：飯夠多，粒粒分明，顏色好淺但有油香。海南雞啖啖肉，份量比想像中多。鮮蝦炒金邊粉：賣相最靚，分左右邊。炒至入味，越食越過癮，蝦仁大大隻，爽口彈牙，我最鍾意呢款。小曼谷炒米粉：獨家special，乾身又帶點濕潤度，入味又唔會過鹹，配料豐富，層次分明。滷水豬手飯：豬手煮至淋身，老少咸宜，滷水味突出，配飯食好好味，旁邊仲有菜，中和整體油膩感。

朋友話想食泰菜，都係第一時間諗起九龍城d老店先，小曼谷一定走唔甩因為一定好食👍🏻兩個人叫左個泰皇咖哩法包軟殼蟹同埋一碟串燒已經好夠食，因為個咖哩法包超大份!!上枱熱辣辣已經聞到好香既咖哩味，最中意哩種濃稠夾雜住蛋花既咖哩，咖哩同蛋香並重，微微辣味惹味開胃。軟殼蟹炸得酥脆香口，咬落都幾大隻多肉，仲有膏添! 法包切件而且要沾滿咖哩汁先係最好食，我地點到d汁幾乎無哂🤣串燒拼盤有雞，雞腎，雞全翼，泰式臘腸，佢都燒得好香重點係加埋個沙嗲汁好好味! 最驚喜係泰式臘腸原來好軟熟又咸香，食唔停口😋

朋友成日話九龍城既泰國菜好正好出名🫣幾乎成條街都係泰國餐廳同泰國雜貨店 連最出名既小曼谷都有幾間分店👍🏻人氣爆登 都幾多人等位架‼️即叫即整熱辣辣 食物種類多元化 價錢唔貴又大份 買左幾款特色泰菜返屋企加餸🤣粉絲炒到剛剛好 小小酸甜香🙈蝦肉都幾大隻又彈牙 唔會好苺 開胃又惹味👍🏻👍🏻即叫即燒唔會好乾 雞翼大隻啖啖肉 再加埋沙嗲汁 口感一流🥰估唔到咁大份🤣必食之選🥰 蠔餅香口惹味 蛋香味十足 唔會好油膩 蠔肉大大粒份量又多 三個人share都食唔晒‼️有半隻一隻選擇 海南雞半隻比我想像中大份 雞皮好似啫喱🥰雞肉嫩滑啖啖肉 性價比高👍🏻👍🏻

最近黎到九龍城食泰國菜, 揀左小曼谷泰國美食~~我地2個人叫左: 明爐蒸桂花魚、飛天通菜、海南雞飯.明爐蒸桂花魚 - 每次食泰國菜都想點, 好彩今次有人陪我食. 桂花魚魚質嫩滑又冇咩骨, 好岩我呢d 唔係好識食魚既人.飛天通菜- 通菜爽脆、嫩綠又無渣，微辣又夠鑊氣，好惹味，值得食。海南雞飯- 雞肉非常嫩滑，我地仲連皮食，雞肉仲要去哂骨，好貼心。飯全油飯黎架，食完好滿足。overall 食物質素高, 價錢合理. 下次可以再黎.

最近有親朋好友由澳洲返黎, 佢好掛住泰國菜, 所以我地黎到小曼谷食DINNER~~叫左個蒜蓉包、黃咖哩花甲、鮮蝦金邊粉.先點左⭐蒜蓉包⭐熱辣辣，大大塊，一共有4塊～炸到好香，而且蒜蓉味勁，食落卜卜脆，點埋黃咖哩真係好正😙⭐️黃咖哩花甲⭐️黃咖喱甜甜地，撈飯/點蒜蓉包一流，加埋大大隻既花甲，又鮮又肥美，正💗⭐️鮮蝦金邊粉⭐️鮮蝦金邊粉入面好多蝦，粒粒都爽口彈牙，金邊粉亦都粉得好香，食落滑溜💗OVERALL 價錢唔貴, 而且食得好滿足~~

聽日飛仲未執行李亦唔知嚟緊呢幾日嘅伙食點樣🥹今晚就梗係要食外賣快快脆脆之餘仲要食返餐滿足嘅先啦🍽️招牌海南雞(半隻) ($122)海南雞好滑 個汁又好味一隻仲抵一隻係$192🍽️秘製鹵水豬手煲 ($158)鹵水豬手好骨膠原😍鹵水汁好入味唔洗熱返食都無問題🍽️黃咖喱牛腩 ($108)黃咖喱牛腩份量多 整返熱餸飯一流小曼谷已經唔係第一次外賣返屋企食呢幾味都係外賣嘅穩陣之選呢個火山骨想試好耐 上次去銅鑼灣售罄下次一定要試到佢！

食完幾個月又黎食過😎除左近 仲幾抵食🫶🏻 宋王臺站B2出口 行過對面馬路就係今日試左啲唔同野食🧡⭕️ 鐵板豬頸肉炒芥蘭 ($118)份量好多 以鐵板形式上 非常特別👏🏻芥蘭軟硬度炒到啱啱好 配埋馬拉盞豬頸肉好惹味調味方面 唔會過鹹或者辣 可以一個人食一碟😎⭕️ 牛丸牛肉船粉 ($63)湯底非常濃郁 配料亦都算多除咗牛丸牛肉 仲有牛柏葉牛肉質感非常腍滑 牛丸彈牙河粉底索晒啲湯 好入味😋⭕️ 泰式花膠濃湯煲仔翅 ($128)用一大個鐵兜上枱 材料好足有成5-6舊花膠同翅 仲有肉絲同冬菇片冬天食熱辣辣特別好味🤤而且味道👅幾唔錯性價比高👏🏻⭕️ 泰式龍眼冰 ($34)泰國餐廳必叫💁🏻‍♀️ 餐廳熱賣飲品🍹龍眼冰好清甜 (叫左少冰)龍眼肉有約6-7粒 都幾大粒😋微微甜味

今日很多事情要辦，忙忙碌碌了整個早上，便和太太來到這裏，吃一頓泰式美食。泰式生蝦刺身$128，草蝦個子不算少，爽甜可口，加上自家製酸辣海鮮醬，令到層次感更加豐富之餘，胃口亦大開。鮮蝦泰國金柚沙律$128，泰國金柚味道鮮甜，蝦肉爽口彈牙，配合泰國香料，帶點微辣，亦是一道開胃美食。泰國煲仔翅$108，做法有點像當年在唐人街吃到的一模一樣，雖然刺身不是很大，不過芡汁的味道十足，加點芫荽和香醋，更加有吃煲仔翅的感覺。

真係好鍾意去九龍城嗰度食泰國菜，特別係佢哋嘅泰國菜優惠好多，就好似我今次去呢一間餐廳咁，佢嘅沙冰買一送一。所以我即刻買咗一杯西瓜沙冰，清涼解渴，口感非常清爽。仲有好消息，真係超值又好味。另外非常之推介佢哋嘅海南雞，雞肉嫩滑多汁，配上香噴噴嘅海南醬汁，味道鮮美。佢哋嘅鐵板豬頸肉者通菜（馬拉盞）都唔錯。豬頸肉配上馬拉盞嘅香辣味道同通菜嘅清甜，都幾好食。我仲叫咗佢哋嘅泰式鮮蝦炒金邊粉，超大份🤣🤣另外呢排佢仲有大食王比賽，大家都可以參加一下

有時候，想食得fresh啲，就會想揀泰國菜～今次第一次嚟到九龍城，試試呢間評價都唔差嘅泰國餐廳～❣️冬陰功湯（小）有得揀份量～小嘅份量係適合三人飲嘅～但份量真的很多！多個三人飲都可以！整體湯嘅味道偏辣，湯裏有濃濃蝦的鮮味，和很多辣椒碎，但略嫌味道再酸一點會更好❣️雞肉串燒必點小菜！ 雞肉燒至滑嫩、帶有小小炭香味～配附的醬汁都好味😋味道是沙嗲醬再多花生碎～不會很辣，同串燒好夾！❣️豬肉碎生菜包豬肉碎份量很多～2人食可能食唔晒，需要外賣🥡生菜新鮮較大塊～豬肉碎味道帶小小酸，亦加了辣椒～開胃惹味～❣️泰式鮮蝦炒金邊粉 味道不錯，炒得好香👍🏻 鮮蝦大大隻，金邊粉煙煙韌韌😋❣️椰汁冰試得到係新鮮椰子榨汁的，飲落去會有少少渣😳好鮮甜👍🏻不錯喝💠💠💠💠💠💠💠💠💠💠💠💠💠💠呢間九龍城泰式餐廳係初試～覺得都不錯吃～知道九龍城都有好多唔同泰國餐廳，希望下次有機會再嚟九龍城再食其他泰式餐廳🧡

同三五知己放工去九龍城搵食，當然係要食泰國嘢！成日經過呢一間餐廳都冇機會試吓，今日就有機會！當然必食冬陰公湯。好足料，兩隻大蝦又新鮮，而且係用火鍋上，唔會咁快凍，啱晒而家呢啲天氣。而豬肉肉碎生菜包，唔會過咸，份量好多，生菜都好新鮮。而菠蘿炒飯都好大碟，用新鮮菠蘿炒，不錯！而串燒拼盤嘅沙嗲汁好惹味，加埋啲肉樣樣都燒得剛好，好滿意。最值得推介嘅係軟殻蟹法包！超大份， CP值勁高！可以分四個人食都仲得。而軟殼蟹唔會炸到油淋淋，好欣賞。呢間餐廳仲每晚都有Live band，今晚係全民造星嘅Oscar Tse，真心正！加埋飲品買一送一，啤酒又唔係貴，食完坐喺度飲吓嘢傾吓偈聽吓歌，一大享受。

想係香港食到又平又正宗嘅泰國菜，我就第一時間諗起小曼谷，呢間餐廳我由細食到大，超過二十年，水準都冇失手，呢日想食泰菜即刻走過嚟！小曼谷喺九龍城有幾間分店，我今次去左南角道有位就入咗去！我哋點左泰式鮮蝦炒粉絲、生菜包、飛天通菜，平時泰式金邊粉就食得多，今次試吓炒粉絲都唔錯，味道酸酸甜甜又炒得好乾身，食之前加D青檸汁更開胃🤤生菜包點左少辣，味道正常發揮！如果食得辣，大辣可能更惹味，飛天通菜熱辣辣非常有鑊氣。

同朋友🧝🏻‍♀️一齊喺宋王臺站附近，諗住簡單快脆食啲嘢就返屋企休息，見到呢間，食過，印象中幾好味，咁朋友🧝🏻‍♀️同我都唔諗啦，就決定入去開餐🤣$98「泰式炒雜菜」：雜菜包括 芥蘭菜、椰菜、西蘭花、紅蘿蔔、菇菌 等，泰式炒，簡單好食🤩$108「黃咖喱雞肉」：黃咖喱汁味道濃郁，非常 creamy🤩；除咗有雞肉仲有大量薯仔🥔$48「泰式原味烤酥餅」：一上枱嘅時候有非常香嘅牛油味😋，酥餅真係非常鬆化🤩，沾埋黃咖喱汁食 就更加惹味🤩$88「小曼谷原隻芒果糯米飯」：原隻芒果🥭大大隻，非常新鮮，肉質鮮甜🤣；糯米飯白雪雪煙煙韌韌，配埋都係白雪雪嘅甜椰漿一齊食，好味道🤣$19「無糖可樂」：非常解渴🤣