小曼谷泰國美食 (南角道)

营业中

休息中

今日嚟九龍城食泰國菜，呢間小曼谷好出名，好多地區都有分店。泰式干炒豬肉片河- 分量幾大碟，除咗肉片仲有蔬菜同雞蛋等配料- 河粉炒到滑lulu又唔會太油膩- 味道有啲似中式嘅乾炒牛河，不過更鹹香惹味泰式燒原隻鮮魷- 魷魚幾大隻，燒得好香- 魷魚口感爽脆有嚼勁，邊位燒焦左有少少脆口- 配上特製酸辣汁好醒胃好惹味泰式炸蝦餅（細）- 細份嘅份量都幾多，有六件蝦餅，件件都好大舊- 外皮差到金黃色好香脆，內裏爽口彈牙，蝦膠打得好滑- 配上泰式甜辣醬好開胃椰汁西米糕拼泰式千層糕- 賣相吸引- 椰汁西米糕係凍的；泰式千層糕係暖的，冰火二重- 味道正宗，椰汁西米糕椰汁味香濃配上粒粒西米同粟米，清甜解膩- 泰式千層糕碧綠，層次分明，有椰汁香味同斑斕香味，咬落去煙煙韌韌又唔會太硬

🔥今次去左九龍城店 屯馬線宋皇臺站一分鐘到達 位置勁方便其實好耐無去過小曼谷 今次一試有驚喜 入座時會主動貼心安排洗碗兜比客洗碗 餐廳與時並進可以比客用QR code下單店內環境 小店黎講亦都明亮整潔 店員會講 "小心熱"之類 唔會西面 有禮又有人情味星期四 19:00去到已經接近滿座 人氣多年不減既泰國菜😋🐟明爐烏頭魚$172烏頭超大條厚肉 魚肉嫩滑 泰式汁酸甜少少辣超開胃 一直有細火加熱著 一路滾一路食 散發香濃青檸味 青檸亦中和左魚腥味 仲有生菜 酸菜 菇類作為配菜超入味🍛菠蘿海鮮炒飯$96配料豐富 除左菠蘿 仲有帶子 鮮蝦 魷魚圈 肉鬆 米飯炒得粒粒分明 味道酸酸甜甜 菠蘿炒飯真係百吃不厭🥗泰式柚子沙律$98味道清新好味 清甜肉厚多汁柚子 加埋鮮蝦 再配合鹹香酸甜醬汁(泰式配料蒜頭 炸紅蔥頭及花生) 地道又好食 推薦❣️小曼谷泰國美食 (南角道) 📍九龍城南角道9-11號地下

📍 小曼谷泰國美食九龍城南角道9-11號地下 🦔⸒⸒泰式燒原隻鮮魷 $124鮮魷食落去彈牙 點醬汁食會更解膩～仲有啲生菜係底 好快食嘢成碟😆泰皇咖喱法包軟殼蟹 $174小編本身係包控 手掌咁大個嘅法包入面包住成隻軟殼蟹😚另外在配濃厚嘅咖喱汁😍 食落去咖喱味濃郁嗰包食落外脆內軟 點住咖喱汁食好滿足(⁎⁍̴̛ᴗ⁍̴̛⁎)蝦膏海鮮炒飯 $98炒飯飯粒粒粒分明😛 有唔少臘腸粒、蛋碎、豆角等食落口感豐富 鹹鹹甜甜咁 唔錯～

［#kwfoodie泰國菜］🍽小曼谷泰國美食說起九龍城這個蘊藏豐富美食的地方，當然不得不提遠近馳名的小曼谷🇹🇭所以小編特意到訪一嚐他們的泰國菜💓後來才發現除了九龍城店，元朗和銅鑼灣也有分店～午市餐點價錢相宜而且性價憶高！#泰式炒金邊粉 $50味道偏淡一點點的金邊粉，不過金邊粉乾爽而不會黏成一團，內裡配料也充足～味道小評分：😋😋😋😋/5#泰脆豬手配木瓜沙律 $88💖小編誠意推薦💖烤至外層十分香脆！豬手烤至剛好，而肉汁仍然豐富😍豬手內的脂肪烤至軟化，外脆內軟🤤味道小評分：😋😋😋😋😋/5#泰王咖喱軟殼蟹配蒜蓉包 $118不辣的咖喱🤣醬汁感覺頗為濃稠，配搭香濃的蒜茸包🥯成為了消滅白飯和薄餅的好幫手🤣而軟殼蟹原隻上菜，蟹肉略帶鬆軟味道小評分：😋😋😋😋/5#小曼谷原隻芒果糯米飯 $72 💖小編誠意推薦💖必點芒果糯米飯🍚！芒果🥭香甜而且完全不酸，肉質結實而且沒有筋，糯米飯椰汁味🥥濃郁，而且口感煙韌🤤味道小評分：😋😋😋😋😋/5#泰式原味烤薄餅 $36/2帶有牛油🧈香的薄餅，口感鬆軟，有點像台式手抓餅🤣配搭咖喱一流！味道小評分：😋😋😋😋/5#酸辣鳳爪 $25帶微辣的泰式鳳爪🤤酸味較為突出，經已去骨的鳳爪

疫情又開始上升，今日星期五又唔想返屋企煮飯，想起好耐都冇食泰國菜，一於就喺公司附近買啲外賣返屋企食！呢間餐廳位於宋王臺地鐵站隔離，一出去地鐵站門口已經見到，非常易搵！餐牌都好多嘢食，有串燒、小食、咖喱 等等叫咗幾款菜式等咗一陣就返屋企啦🤪佢啲外賣包裝得好好，d咖喱用上保鮮紙，再加上盒，確保唔會滲出泰王咖喱法包軟殼蟹🦀泰王咖喱醬汁比較濃厚，唔會太辣，配上外脆內嫩嘅軟殼蟹 同埋烘得啱啱好嘅法包，非常好食黃咖喱海鮮🦞 黃咖喱相對來講辣少少🤏，材料有薯仔🥔、青口、大蝦等等 送飯一流！泰式鮮蝦炒金邊粉 分量十足 成個盒係滿嘅😋大蝦有幾隻 再配上炸蒜 炒得乾身嘅金邊粉 同埋青檸芽菜調味 正🫶泰式原味烤薄餅 再叫咗兩塊薄餅 點咖喱汁 非常滿足既一餐！

講到食泰國菜，一定係嚟九龍城啦。今日去朋友屋企Gathering，專登過嚟外賣 一齊開心share。店員好有效率，等咗一陣就拎得，pack得好穩妥。拎到返去仲係熱辣辣「豬肉碎生菜包」每片生菜都好新鮮，入口索索聲，夾著肉碎一齊食，每次都必點「泰式鮮蝦柚子沙律」柚子沙律再配埋鮮蝦，撈埋嗰張實在太好味，酸酸地好醒胃。「青咖哩豬」咁多款咖喱之中我最喜歡青咖喱，香得嚟又唔會太辣。加埋「泰式風味烤酥餅」同「蒜蓉包」係完美嘅結合呀。「椰汁西米糕 拼 泰式千層糕」唔少得加埋個甜品，西米糕好香椰汁味，又唔會太甜為今餐畫上完美嘅句號。

今晚HAPPY FRIDAY同朋友食泰國野, 有時想食比較地道風味既話我地就會揀九龍城, 由其係而家開埋宋王臺站, 要去食就更加方便LU!明爐香檸汁蒸烏頭 $172烏頭大大條, 好多肉, 肉質嫩中帶點結實。青檸汁酸辣開胃, 另外仲貼心準備多一碗, 可以係食既時候逐D逐D加入, 湯底味道KEEP住濃郁, KEEP住熱辣辣, 好好食! 湯既酸辣滲哂入魚肉, 好開胃唔膩!馬拉盞炒椰菜苗$91泰式炒菜真係好鬼香, 特別係用馬拉盞炒, 咸香帶點獲氣味, 送飯一流。椰汁冰 $29椰汁味重得黎唔會過甜, 香甜冰涼, 食泰菜必點!見到隔離食串燒好似好正, 下次黎再試下!

馬拉盞炒椰菜苗（加辣）：馬拉盞極之惹味，泰式炒菜從來都沒有令人失望，椰菜苗非常香嫩爽脆，熱辣辣上枱鑊氣十足，第一次order加辣更加醒胃，愛辣之人記得落單時備注。明爐烏頭青檸魚：烏頭魚新鮮非常，魚肉雪白而不腥，蒜頭、青檸、辣椒配搭烏頭魚一流！記得請店員送上兩碟泰式酸辣醬，魚肉沾上更加好味！黃咖喱牛腩：黃咖喱味道濃郁，牛腩炆得非常軟淋，黃咖喱汁配合蒜蓉包很不錯。泰式餐廳點整架呢是最佳菜式。菠蘿海鮮炒飯：海鮮種類繁多，包括帶子、鮮蝦、魷魚等，加上大量新鮮菠蘿，菠蘿鮮甜多汁，配合海鮮非常夾。最喜歡是豬肉鬆零炒飯更好吃！必點！

相信大家就算未試過呢間餐廳 都會記得佢門口隻招手吹氣公仔🤣細個嘅時候食過一次 相隔十年後再食都依然好味冇退步😋佢哋份量都比較大碟 最好至少三四個朋友一齊share 咪好快飽！試唔到多啲菜式另外值得一讚係員工服務態度好好👍🏿好nice-🦀泰皇咖哩法包軟殻蟹 💰$172一上菜時已經超香軟殻蟹份量比得唔孤寒 而且唔係得層皮 都有啖啖肉咖哩唔太辣 𥚃面有少量海鮮個包索曬啲咖哩汁好正-🍚蝦膏豬肉碎炒飯 💰$86份量超多 味道好惹味豬肉碎唔會切得太細粒 所以都有啲口感因為食唔晒打包左返屋企 爸爸都話好好食-🥥椰汁西米糕配泰式千層糕 💰$43椰汁西米糕好香椰香味泰式千層糕口感軟糯彈牙 椰汁斑蘭香氣十足-🧊珍多冰 💰$35最怕珍多冰真係得啲冰味 呢杯椰汁味超濃😋-🧋泰式冰奶茶 💰$29呢杯味道還可以~

今晚帶左媽媽黎九龍城小曼谷食泰國嘢！酷愛食海鮮既媽媽指定要叫返份海鮮黎食，見到有海鮮孖寶，A款海鮮加B款海鮮先至$219，平過散叫好多，所以即刻落單！A款揀咗牛油蒜蓉燒蟶子，B款揀咗香燒原隻扇貝！蟶子共有3隻，落望都幾大隻，落左牛油、蒜蓉，聞落已經香噴噴🤤，加上面落左炸到脆卜卜既白飯魚，食落好有咬口，蘸埋辣汁更惹味😛扇貝大隻，味道鮮甜，口感軟淋，上面一樣都係落左炸白飯魚，增添口感🤩另外，都叫左泰式鮮蝦炒金邊粉share食，金邊粉口感煙韌，大蝦去左腸，蝦肉彈牙，仲有芽菜、豆乾、韭菜、雞蛋、花生碎，非常足料，味道酸甜，越食越滋味😚雞肉串燒都唔錯，即使唔點任何醬汁都已經好惹味，雞肉又嫩滑！😌至於飲品就叫左芒果椰汁沙冰，沙冰軟綿綿，加上香濃芒果味同香滑既椰汁🥥，消暑一流☺️

喜與朋友聚會樂與朋友食泰菜更加愛去九龍城小曼谷🤣泰國菜有好多間, 小曼谷都有好幾間, 獨覺此間最好, 食物好之餘, 也加多點人情味!不如常規, 沒有點冬蔭公湯, 因為天氣太熱, 大家都要了冰涼飲品, 而我始終獨愛咸檸檬七喜, 冰、咸、酸, 極品😍冷不防來了杯咸酸梅七喜, 哈哈, 新口味, 又幾好飲喎👌今次決定唔叫海鮮類, 店員介紹了咖喱牛腩, 黃咖喱味香濃, 牛腩燜得軟滑, 出期的好味喎, 連蒜蓉包也叫了兩轉。明爐魚, 終於都改返條烏頭, 上次試了桂花魚, 不及烏頭夾, 肉厚配埋酸甜辣, 真係食唔停呢😋😋不得不提的是菠蘿炒飯, 菠蘿真係唔多, 但係我又真係唔介意, 因為佢嘅帶子,蝦, 魷魚多過菠蘿嘛, 真抵食, 真心推介。👍🏻👍🏻炒多碟椰菜苗, 事關個個都係辣妹, 所以叫了加辣, 嘩, 原來要夠辣, 味道才香濃, 一碟驚喜之作。最後店員也不忘介紹我地試下佢地嘅椰汁西米糕, 好新鮮喎...!莫非舊貨賣哂, 新糕剛造, 明嘅、明嘅,就來一客, 椰香正好清清味蕾呢!

🎈小曼谷（南角道）今晚去左九龍城小曼谷買外賣番屋企食啊最喜歡就係小曼谷近港鐵站，而且選擇多，除左大路海南雞各款泰式炒飯冬蔭公外，仲有各種燒海鮮果種炭爐燒出黎的風味屋企邊做得到*\(^o^)/*-泰式海南雞 半隻 102泰式海南雞半隻都一大盒，吃落啖啖肉。最正就係雞肉脂肪不會好多但係食落就十分嫩滑。秘製點雞嘅醬味道就似足曼谷吃一樣。-泰式燒原隻鮮魷122大愛小曼谷的燒魷魚，原隻魷魚大大隻即叫即燒，加上微微酸辣的泰國醬汁，以軟燒的方法來烘烤，打開蓋時聞到陣陣魷魚香氣，燒過的魷魚仍然柔軟，味道鮮味。-黃咖哩牛腩 95咖哩濃郁，一食就知落足料 淆製，牛腩煮得入味又鬆化， 無論配飯定係配薄餅都一樣好食。-菠蘿雞肉炒飯86推介！ 菠蘿雞肉炒飯 炒得粒粒金黃， 雞肉帶鹹香， 加埋菠蘿嘅酸甜 ，同埋肉鬆及提子， 整個炒飯層次豐富。

因為住喺土瓜灣附近所以九龍城都好近今日興致勃勃所以就去九龍城搵泰國嘢食見到呢間小曼谷好似都有幾間分店幾出名就入去試吓咁就叫咗最普通嘅芒果蟹肉菠蘿炒飯蒜蓉包同埋冬陰功佢哋12點開門我哋12點三就到咗係第一台客落咗單之後一直等 點知坐咗半個鐘隔離嘅人一直喺度食嘢我就一直喺度等問咗個侍應一次佢話整緊但係明明隔籬枱食嘅嘢係一樣🥲然後問另一個人就知原來係漏咗單最後等咗差唔多成40分鐘先有得食蒜蓉包睇落唔錯 食落都OK唔算好出色冬陰功湯入邊嘅蝦唔夠新鮮味道好普通芒果蟹肉炒飯完全食唔到有蟹芒果都係得幾粒咁多好評但係咁嘅服務同埋食物質素真係估佢唔到都算係一個驚喜😀唔會再試

近排睇到身邊朋友成日食泰國嘢，搞到我都勁心郁收工想即刻過嚟九龍城止吓痕，今次再次嚟小曼谷，因為有我最愛既串燒泰式臘腸🤤🤤講到泰國菜，大家都會必食泰式金邊粉、香葉肉碎炒飯、木瓜沙律、豬頸肉沙律、炒椰菜苗等等當然以上幾樣嘢我都係必食嘅雖然呢度比較啱香港人口味，不過如果你想要辣啲酸啲，落單之前講聲就可以啦😝好多朋友仔食泰國菜都鍾意食黃咖喱，其實青咖喱都好好食㗎，好多泰國人都好鍾意食青咖喱，我話晒都係半個泰國人，當然叫青咖喱啦💚，再配埋蒜蓉包簡直無敵✨我特別推介佢呢度沙嗲串燒尤其係燒泰式臘腸，甜甜地，燒得香脆，大愛💗

住九龍城真係正, 附近咁多野食, 特別係如果中意食泰國菜既話就真係THAIFOOD天堂黎!小曼谷D野食不嬲有水準,今晚兩個人整番個經典泰式咖哩先!燒脆皮白鱔(2串) $122平時會自己係街市買新鮮鱔番屋企整, 所以一食就知佢串鱔係新鮮貨, 肉質彈牙又厚肉又JUICY, 新鮮鱔燒出黎既肉特別香, 而且表面加埋炭焦香味, 勁正, 點埋佢個酸辣汁, 好有泰國街頭風味。 泰皇咖哩炒大頭蝦 $122賣相一流,大頭蝦堅大隻! 唔係普通大蝦扮大頭蝦! 蝦頭仲痴住D膏, 蝦肉拆左出黎仲係好好肉地, 入口好滿足!蒜蓉包 $36咖哩炒得好香, 夾雜住蝦鮮味同蛋香, 一定要叫個香脆蒜蓉包點埋D汁啦! 最後食到個碟見哂底~~龍眼冰$29飲埋杯龍眼冰, 清涼解渴, 正!