今日请朋友生日去食晚饭，我同朋友都好喜欢食泰国菜，就请佢去九龙城太子道西嘅小曼谷海鲜烧烤屋泰国餐厅食晚饭，这间泰国餐厅系我嘅同事介绍我哋嚟食，佢话食物质素好，食物款式又多，店员服务态度又好，价钱又唔贵，佢仲推介优惠套餐叫我哋来食，仲有优惠免加一，咁我哋当然来食美味泰国优惠套餐。我哋入到餐厅都见到有好多优惠嘅餐牌，尤其是星期一至星期四先有优惠套餐，我哋今日来食都系想叫二人A优惠套餐，食物款式有泰式煲仔翅、香热辣椒猪肉碎烩饭（配荷包蛋）、猪肉串烧、牛肉串烧、鸡肉串烧、泰式马拉盏炒通菜、是日甜品，价钱又唔贵，所以我哋仲叫多一款粟米沙嗲串烧及饮品嘅芒果沙冰同椰汁冰，真系款款菜式都好吸引，来这里食真系不错。泰式煲仔翅份量不少，材料十足，有鱼翅、冬菇、鸡丝、小鲍鱼，鲜味爽滑，材料弹牙爽口，令口感丰富，加入醋更有香惹味，感受到泰国地道风味，足料又好味，简直色香味俱全。沙爹牛肉串、猪肉串、鸡肉串嘅肉粒都大粒，亦烧到岩岩好，外面香脆，肉质嫰滑多汁，加上香浓嘅沙爹酱，食落十分惹味。粟米沙嗲串烧味道鲜甜，粟米唔干唔柴，识落好爽口香甜。饮品嘅芒果沙冰香气浓郁，沙冰打得细滑，令口感绵密，好味香甜。椰汁冰嘅椰子味香浓，而且入口顺滑，又不会太甜，非常清新可口。香热辣椒猪肉碎烩饭配荷包蛋又系份量不少，猪肉碎辣味足够，香气多汁，大大只荷包蛋铺系上面，买相好吸引，荷包蛋食落香滑可口，饭量亦都好多，而香辣多汁的猪肉碎配以荷包蛋，简直系绝配，送饭味道一流，亦令人食得开胃满足。泰式马拉盏炒通菜上枱时已经闻到好香嘅通菜味，加上马拉盏酱来炒，炒得好够镬气，马拉盏同通菜真系好夹，通菜呈翠绿色，新鲜爽脆，好出味道，配饭来吃亦都好正。是日甜品系珍珠奶茶雪糕好有珍珠奶茶味，又唔太甜，识落每一口都有珍珠粒，爽滑可口，真系好味嘅雪糕。…查看更多
