小廚港作

营业中

休息中

都已經講過十萬次，在荔枝角一帶食飯真係好厭，所以凡有新餐廳食肆，不論好醜，大家也會仆緊去試。就在開張的首天晚上來。我要碗蕃茄餐肉公仔麵，朋友則來一客椰香雞飯。始終是新開業，運作比較混亂，我的公仔麵變成了通粉，幸好侍者都很樂意幫我更換。麵條淥得爽口，午餐肉除了有兩大片放入面上外，更有些已切粒，連同紅蘿蔔粒混入湯內，這點做得不錯。至於茄湯，亦幾濃郁。吃了件對方的雞，肉質反而有點嚡，未見出色，那碗椰油飯則確有點椰香。熱奶茶是可以的，茶和奶的份量平衡得宜。

到長沙灣替客戶工作，午飯時間見到長沙灣廣場樓下新開一間茶餐廳，膽粗粗走去試下。首先一入到去係好翠華feel，裝修似、電腦落單gor下仲似。睇睇餐牌，午餐選擇不算多，但價錢合理，姑且叫了個生炒排骨飯套餐跟奶茶。奶茶先上，呷一口奶茶，口感香滑，但奶味較大家樂那些重。個芡汁酸甜度校得幾好，只不過份量少了一點同埋甚少菠蘿。午飯時已近下午茶時間，居然給我發現它的下午茶更多選擇，連石鍋飯都有。總體來說，若大家不想在長沙灣幫襯大家樂、美心之類連鎖店的話，這間食肆都是一好選擇。