尋味

营业中

休息中

是晚又來到街坊價良心外賣店尋味買晚飯，一家四口子點左三份炒野加兩樣小食，由於外賣人數眾多，店家話要等等先有，可以到附近商場hea一hea先返黎拎。大概半個鐘左右就有啦，拎上手熱辣辣，啲雞翼香到現場就想啪一隻🤤⭐招牌炒米粉必食炒米粉，炒得又香又乾身，放漏左都唔會一盒油！大盒又足料，好多餸一齊炒㗎。⭐咸魚雞粒炒飯想食重口味就要點咸魚雞粒炒飯，同樣勁香，鹹魚落得多勁惹味，好正！⭐揚州炒飯因為鹹魚太香，最後先打開盒嘅揚州炒飯就無咁香🤣鹹鮮霸度嘛。揚州炒飯絕對唔差，甜叉燒小朋友勁鍾意食。⭐手打牛肉餅呢樣又係無得輸，真材實料牛肉餅，爽口彈牙好好食。浸住嘅豬骨湯重蒜重芫茜味好正，湯都唔晒飲哂呀。⭐炸雞中翼即叫即炸雞中翼，大隻又香脆，食落有啲似越式牛油雞翼，總知就係正啦🤤不得不提個辣椒醬，超辣！爽！四口子都食唔晒三盒炒野，留低帶飯聽日食唔好晒😆

📍尋味 (元朗)元朗大陂頭徑26-36號豐年樓地下A2-1號舖如果唔係朋友叫我幫手買外賣上去佢屋企真係唔會識！佢推介得嘅，元朗國美食一定係好嘢！👉🏾招牌米粉呢個炒米粉真係一絕，勁多配料豐富，有椰菜、叉燒、火腿、蛋，食落口感層次分明，勁有鑊氣，令人一口接一口！👉咸魚雞粒炒飯呢個減魚雞粒炒飯味道清新，米飯粒粒分明，雞粒嫩滑，魚香四溢，口感唔膩！👉霸王花粟米排骨湯呢個湯雖然係餸，但係佢完全唔Hea！呢碗湯清甜可口，湯底清澈又滋補，同阿媽煲嘅靚湯係一模一樣樣！👉🏾手打牛肉餅淨食呢個手打牛肉餅真係一流，肉質鮮嫩，口感豐富，食完好想再來一份！👉🏾炸雞中翼5隻呢個炸雞中翼金黃酥脆，肉質多汁，味道香濃，每一口都有酥脆嘅口感！👉🏾滷水雞中翼呢個滷水雞中翼色澤誘人，肉質鮮嫩，滷汁味道香濃，入味得嚟唔油膩，值得一試！回頭:YESYESYES！等嘅期間同老闆娘傾得好開心，知道佢好專注想做好美食帶俾街坊🤤🤤值得一提佢附送嘅辣椒醬一定要食，因為又係自家製係超級香同埋佢所有嘢都好好食我諗呢個都成為咗我嘅元朗必食清單❤️❤️❤️

元朗街坊必食自家小店即炒小粉麵🥢尋味位於豐年樓！每晚行過見好多人買襯今晚來到買外賣！一睇價錢好抵食幾十蚊就有交易啦！全部即叫即炒，所以等候需時～下次打定電話落單再攞我叫左幾款外賣好好食👍🏻唔知大家有無食過呢間尋味？⭐️招牌米粉⭐️鹹魚雞粒炒飯⭐️手打牛肉餅淨食⭐️自製豬軟骨⭐️炸雞翼同老闆娘傾偈原來連辣椒油都係自家製辣椒油新鮮製造冇任何添加劑！小店非常值得支持！重點抵食又好味！唔知食咩好推介來尋味📍元朗大陂頭徑26-36號豐年樓地下A2-1號

招牌米粉（走辣） $50呢個米粉真係獲得全屋一致好評！炒得乾身之餘油又少，裡面有午餐肉條、肉片、炒蛋同蔬菜絲，配料豐富又齊全。味道層次夠晒豐富，每啖都食到鑊氣，真係相當唔錯，推介！鹹魚雞粒炒飯 $55一開蓋就聞到陣陣鹹魚香氣飄散出嚟，超級誘人！炒飯粒粒分明，完全唔會痴住一舊，雞粒同鹹魚份量夠足，鹹香惹味，送飯一流，值得一試！自製豬軟骨（二人份）豬軟骨份量真係超級足！每件都大大嚿，肉質鮮嫩軟淋，咬落去帶啲嚼勁，醬汁濃郁入味，鹹甜適中，無論單食定係撈飯都正到爆，兩個人食啱啱好！蒜香燜鵝飯未開蓋已經聞到濃濃蒜香同醬香！鵝肉炆得非常稔滑，皮軟肉嫩，皮下脂肪甘香但一啲都唔膩，醬汁鹹甜適中，滲透曬入每粒米飯度，再配埋爽脆嘅配菜解膩，成碗飯食到完全唔剩，超滿足！

呢間外賣店已經聽好多人講話佢地嘅炒米粉係好正，次次食飯時間經過都有好多人排緊隊，我打電話黎order 30分鐘有得拎，唔洗企定定等好方便😝◾️招牌炒米粉 $50 份量非常多，配料有蔥、紅蘿蔔絲、大量午餐肉同埋魷魚，成個米粉嘅鑊氣好足，勁香，又唔會太油◾️鹹魚雞粒炒飯 $55黎到門口已到聞到啲鹹魚嘅香味，米飯粒粒分明，炒到好乾身◾️手打牛肉餅淨食 $36第一次食手打牛肉餅，食落同潮汕牛丸係一樣的，爽口彈牙◾️炸雞中翼 $30 炸雞翼有蒜香味，但雞翼入面唔算太入味，如果醃耐啲會更好

抵食足料鑊氣小炒～每隔一排就會想食尋味！即叫即炒每款都係幾十蚊搞點！唔想煮又來買外賣每次嚟到都係大排長龍！真心抵食好味😋今次叫左幾款炒粉麵飯、成家人食飽都唔使$300😆⭐️招牌米粉⭐️鹹魚雞粒炒飯～足料製作！⭐️自製豬軟骨⭐️紅燒炆腩淨食～炆到好入味！⭐️自家靚湯⭐️自家製辣椒油～無添加防腐劑！真心推介比大家啊！好好味尋味📍元朗大陂頭徑26-36號豐年樓地下A2-1號舖電話號碼：93656133

⭐️放工專程過嚟呢間人氣外賣店，未行到門口已經聞到陣陣鑊氣香！鋪面細細但乾淨企理，老闆仲好熱情介紹招牌菜，街坊生意做到熟客仔都係度吹水～ 🍳鹹魚雞粒炒飯 $55 即炒嘅威力真係唔講得笑！飯粒乾身到會跳舞💃，鹹魚粒鹹香得嚟唔會死鹹，雞粒仲保持到juicy，最正係啲蛋花炒到金黃色，撈埋蔥花食真係無得輸👍 🍝招牌炒米粉 $50 一打開盒就知中伏...因為太香忍唔住偷食咗兩啖！米粉炒到條條分明，仲有啲脆卜卜嘅銀芽同韭菜增加口感，食完仲想encore～ 🐷自製豬軟骨 $78(二人份) 膠質控必試！軟骨燜到用筷子輕輕一夾就散，醬汁帶微微南乳香，最抵讚係跟咗大量蘿蔔索晒精華，連平時唔食蘿蔔嘅我都清晒成盒😋 🥩紅燒燜腩 $78(淨餸) 肥瘦比例完美到似選美👑 皮位煙韌得嚟有蜜糖香，瘦肉部分一啲都唔柴，外賣返去加餸一流！仲要份量多到兩個人食都夠～ 🥣西洋菜南北杏煲猪骨湯 $7/碗 跟餐加$7超值！湯底清甜冇味精，飲到淡淡南北杏香，仲有超多西洋菜同豬骨，熱辣辣飲完成個人即刻暖晒❤️ 🌶️自家製辣椒油 $58 魔鬼級推介！店主超細心問我食辣程度，仲可以按口味調校油量。揀咗小辣版本都香到癲，

話說元朗有間家庭式👨🏻👦🏻👩🏻經營嘅外賣小店🍚🍝🛍️，憑住一道即叫即炒嘅米粉同炒飯，喺區內打響名堂！🏆街坊都唔介意喺烈日☀️下排隊，不過店主好貼心，準備咗好多櫈仔🪑🪑🪑🪑🪑🪑🪑畀客人坐低等外賣，唔使企到腳痺！💛📌招牌米粉🍝佢哋用浸泡時間啱啱好嘅羊城米粉，炒出來爽彈有咬口，唔會軟腍亦唔會太硬！超足料，有午餐肉、豬肉、吊片、椰菜絲、蘿蔔絲一齊炒，啖啖都係餸，夠香口又有鑊氣！仲可以加自家炒嘅辣椒油，更香！🌶️ 📌鹹魚雞粒炒飯🐟🐔🍛 & 📌揚州炒飯🦐🐷🍛炒飯都係佢哋嘅拿手好戲！👏🏻落鑊一炒就散開，粒粒分明當中鹹魚雞粒炒飯最受歡迎🐟， 鹹鮮香氣同炒飯香到連隔離街都聞到 📌蒜香炆鵝🦢鵝肉炆得夠腍，入味得來唔會過鹹蒜香同鵝肉嘅油香完美融合撈飯一流！📌紅燒炆腩🐷紅燒炆腩嘅腩肉炆到入口即化，肥瘦適中醬汁濃郁，超吸汁📌霸王花排骨湯🌱🐷湯好清甜，冇味精，飲落好滋潤！排骨炆得夠腍，霸王花嘅清香同湯底好夾係屋企嘅味道🏠💛雖是節奏急速嘅外賣店，但係佢並冇為速度而犧牲品質，每道菜都用心炒，夠曬鑊氣！等緊外賣嘅時候，仲見到原來有到會服務，同朋友開 party 都係個好選擇！🎉 📍尋味 元朗大陂頭徑26-36號豐年樓地下

家的風味，用心製作📍地點：元朗🍽️菜式：中菜💰人均消費：午餐 HK$50~60🔖服務費/ 茶芥：❎ / ❎🧻餐巾/ 濕紙巾：❎ / ❎🪑座位類型：外賣📝落單方式：侍應生落單免費🅿️：❎.元朗的「尋味」絕對係值得推介嘅餐廳！呢度主打家庭風味，每一款菜式都充滿心思，食材新鮮。 【招牌米粉 】💰HK$50首先，佢哋嘅招牌米粉堪稱一絕，米粉爽滑彈牙，每啖都充滿滿滿嘅幸福感。【鹹魚雞粒炒飯 】💰HK$55至於鹹魚雞粒炒飯，每粒飯都帶著鑊氣，炒得乾身而不油膩，絕對係炒飯愛好者必試之選。 【蒜香燜鵝飯 】💰HK$55蒜香燜鵝飯亦係另一道亮點，鵝肉鮮嫩入味，蒜香撲鼻，配合香濃嘅醬汁，令人忍不住食多幾啖。【揚州炒飯 】💰HK$50而揚州炒飯同樣功夫到家，粒粒分明，配料均衡，口感豐富，充滿正宗味道。 【炸雞中翼】💰HK$30炸雞中翼香脆可口，每件都外脆內嫩，令人食指大動。【靚湯】💰HK$7而最後當然唔少得佢哋每日精心熬製嘅靚湯，滋潤暖胃，令人感受到店家嘅用心。 總括而言，無論係想簡單吃飯，定係品嚐美食，呢度都絕對值得一試！ #foodcourt #foodxcourtx #foodxcourtxYL

友人介紹呢間外賣店好食，今日冇煮飯嚟試吓。招牌家鄉炒米粉$50BB辣配料有魷魚粒，豬肉塊、蛋粒、蘿蔔絲、蔥斷等等。👍🏻一箸入口，鑊氣撲鼻，米粉乾爽而不失彈性！揚州炒飯$50見米粒顆顆分明，金黃的蛋花與粉嫩的蝦仁交錯其間，咸度適中。自製豬軟骨（二人份）78豬軟骨醬色濃郁，炆得非常軟腍，骨膠原超多，入口卻又綿中帶脆。滷水雞中翼兩隻 $8第一啖滷香瞬間盈滿口腔，肉質滑嫩得恰到好處！跟餐湯係霸王花豬骨湯，冇味精好好飲！清甜中帶着藥材的甘香，喉頭頓覺潤澤。推介指數：⭐️⭐️⭐️⭐️⭐️

今晚遲了放工懶得自己煮飯，去了尋味買外賣。招牌米粉 ，豬肉、土魷、甘筍、椰菜絲和蔥段炒成，材料相當豐富，每一口都充滿層次，微辣的味道更加惹味。鹹魚雞粒炒飯，炒飯粒粒分明且乾身，配上雞粒和鹹魚，味道調配得宜，不油不膩。自製豬軟骨炆煮得十分入味，加入薯仔更添濃郁口感。另外跟餐可以加（$7）自家製的靚湯 ，每日更換湯款式，無味精喝起來讓人感到如家的味道。手打牛肉餅，老闆娘話每日新鮮手打牛肉，肉質香濃且口感豐富。最後還買了一樽自家製辣椒油回家試試，香辣過癮，而且無添加防腐劑，讓人放心食用。

呢間位於元朗既「尋味」，裝潢簡單，即使路過也不一定為意，但一到飯點，炒飯既香味就會吸引到你注意。每個餸都好有誠意，食落去有家的味道。揚州炒飯用既鮮蝦，爽口鮮甜，咸魚雞粒炒飯香氣十足，米粒鬆軟，唔會油膩。自家制嘅豬軟骨，味道同市面上買到既完全唔同，軟嫩得來唔膩，滿滿骨膠原。燜鵝肉質嫩滑，蒜香味濃郁，味道入味，啲汁用嚟撈飯食，無得頂！餐廳環境簡單乾淨，雖然唔係華麗，但老闆一家人態度友善，感覺好親切。佢地嘅老火湯堅持無味精，日日更新，食得出嘅用心。「尋味」性價比高，係一個開飯嘅好選擇！

食評：元朗尋味外賣店今次我哋特登嚟到元朗尋味，呢間外賣店真係頗出名，唔少街坊都讚過佢，話佢又平又好食，今次我哋叫咗幾樣嘢：鹹魚雞粒炒飯、招牌米粉、手打牛肉餅淨食同紅燒炆腩。鹹魚雞粒炒飯鹹魚雞粒炒飯真係一絕！炒飯粒粒分明，鹹魚香氣撲鼻，雞肉粒嫩滑，搭配上青蔥，味道層次分明。每一口都有鹹魚的獨特風味，實在好味。招牌米粉招牌米粉亦唔算失望，米粉滑爽，加上豐富的配料，湯底味道濃郁，唔會太鹹，正好衝淡米粉嘅味道。每一口都讓人覺得滿足，尤其係配上少少辣椒，味道更上一層樓。手打牛肉餅淨食手打牛肉餅淨食就係個人喜好，牛肉餅果然手打得好有口感，肉質鮮嫩，味道正，搭配上醬汁，真係非常美味，無論係單吃定係配飯都好適合。紅燒炆腩至於紅燒炆腩，肉質軟腍，醬汁入味，飯上淋一層，真係好開胃。腩肉嘅油脂與醬汁結合得恰到好處，口感豐富，令人食指大動。總結今次嘅外賣體驗相當愉快，尤其係下午時段等候時間短，真係太幸運啦！有次黎等咗大半個鐘😂，下次記得打電話落單就好。總體而言，元朗尋味的食物質素高，價格又平，非常值得再來！如果你鍾意平實又好味的外賣，呢間店絕對係個好選擇！🤭

今日凍凍地去尋味買外賣返屋企食，叫左佢地最招牌個幾款。炒米粉，咸魚雞粒炒飯，牛肉餅，豬軟骨，靚湯兩個，啲野食拎到返屋企都仲熱辣辣，仲好大份。炒米粉， 好多配料，又夠鑊氣，而且唔會死咸，食得出無味精咸魚雞粒炒飯，有大大粒雞肉粒同真咸魚粒，咸香惹味，仲炒到粒粒乾身，正牛肉餅，自家制，個湯頭都好正，配自家辣椒油，又香又辣豬軟骨，呢個第一次叫，估唔到份量都幾多，啲豬軟仲好淋，膠質滿滿，係我鍾意既少甜醬汁，炸薯仲沾晒啲汁，好味靚湯，每日不同，唔會隔夜，今是係粉葛赤小豆豬骨湯，仲要滿滿一碗。老闆娘好好人，仲話可以電話落單，咁就唔洗企係度等，不過等都好快就有。

是日早收工出咗元朗行街，懶得煮飯下買d外賣等太太收工一齊食，來到了人氣外賣店「尋味」。招牌米粉 :可以選擇辣度，即叫即炒鑊氣十足，配料有魷魚、午餐肉、豬肉片等等，米粉炒得乾身唔油膩，小辣下相當惹味。鹹魚雞粒炒飯 :份量十足，一打開盒蓋即刻傳來強烈鹹魚香氣，炒飯呈金黃色，粒粒分明，軟硬適中，入口滿口鹹香味。跟餐加七蚊有明火靚湯，老闆娘話每日都新鮮煲，天天唔同款，無落味精下飲得出火喉十足。手打牛肉餅 :一碗大約有十多塊，肉質爽口彈牙，牛味香濃，配埋清甜嘅湯，好好味。自製豬軟骨 :炆得好淋好入味，味道甜甜地送飯一流；另外仲有d薯仔粒，吸收晒湯汁後份外惹味。