寶寶雞煲

2個人來想食雞，叫了一個新雞煲，我們選擇了俾多$100用新鮮雞唔用冰鮮雞，可能走地雞會比較細隻，所以煲內雞的份量並不多，本來以為奇味雞煲主角會係雞，但老板推介我哋加埋猪皮入雞煲，結果猪皮就變咗做主角了，從未食過咁好味嘅猪皮，猪皮除了很厚，亦非常之爽透，猪皮內的結構模很密，好似海綿咁吸收晒雞煲嘅精華。期望下次來再加埋猪大腸試吓…查看更多

快到秋天，又是時候食火鍋及雞煲，這間餐廳內裏環境非常熱鬧，當日叫了這些很多食物，有韮菜餃、台山桶蠔、萵筍、手打蝦丸、韮菜餃、嫩鴨血、椒鹽新鮮九肚魚、頂級雪花牛頸脊、寶寶奇味雞煲（鬍鬚雞）。不知是否叫太多食物，居然有專人幫你炒🤭，先食完惹味的雞煲，再食火鍋就最棒，而鍋料每種份量都不錯，想說手打蝦丸及桶蠔真海鮮控會喜歡，蝦丸超級大顆，咬開肉眼亦可見到有數尾蝦隻在內，真材實料非常彈牙。韮菜餃方面亦相當大隻，韭菜的份量非常充足十分惹味，桶蠔比巴掌大！加上牛肉味濃的頂級雪花牛頸脊，食量大又愛火鍋熱鬧感的一起歡聚共食太棒了！…查看更多

太子係香港中心點，約朋友係太子食飯，就個個都方便啦。今日同我朋友黎到寶寶雞煲，食吓嘢傾吓偈。呢間餐廳是專門食火鍋及雞煲的，內裏環境非常熱鬧，當日叫了這些很多食物，有韮菜餃、台山桶蠔、萵筍、手打蝦丸、韮菜餃、嫩鴨血、椒鹽新鮮九肚魚、頂級雪花牛頸脊、寶寶奇味雞煲（鬍鬚雞）。先食完惹味的雞煲，再食火鍋就最正啦。而鍋料每種份量都不錯，值得一試的是非常大件的手打蝦丸，韮菜餃及桶蠔，加上牛肉味濃的頂級雪花牛頸脊，絕對適合食量大又愛火鍋熱鬧感的朋友一起歡聚共食！有得食點會冇得飲呢？我揀咗超大杯凍檸賓飲完一杯都去兩次廁所，超值好味。最尾仲嗌咗椒鹽九肚魚tim，酥酥脆脆超好味。特別留意老闆同埋員工非常之熱情，遇到任何食材想知道生產地喺邊度，食物質感，佢哋都十分清楚。勁好服務。…查看更多

今日約朋友係佢公司附近見面，佢揀左呢間寶寶雞煲。我地今次揀左食椰子雞煲呢度可以揀新鮮雞或者冰鮮雞。新鮮雞係一種叫鬍鬚雞嘅走地雞，1斤12兩，放養200天，脂肪少，天然飼料，食落雞味濃郁，皮脆肉爽，估唔到有咁彈牙嘅雞皮。再點左封門柳，位置係牛柳下面，聽老闆講一隻牛先得2條，食落夠晒淋滑，新鮮，重肉味，好出色，新鮮真係唔同啲，味道濃郁，口感一流。西班牙羊肩肉同平時食嘅中國羊肉唔同，厚身啲，帶著羊肉獨特的風味，味道更濃更香！椒鹽九肚魚外酥內嫩，椒鹽又香，脆魚肉鮮甜配上椒鹽的鹹香，份量又多 ，好食唔停口。百花釀鬼馬呢個好好味，口感豐富，貌相吸引，有蟹籽粒係面，仲有墨魚滑同油炸鬼，唔係咁多地方有，推介。新鮮金錢肚同新鮮牛粉腸店主好好人，知道我呢兩款心大心細，兩個人又食唔到咁多，就畀我各一半，粉腸同金錢肚各有不同嘅爽口感 ，金錢肚更加煙韌有咬口，粉腸都好食！日本黑豚肉，唔同嘅豬肉味道，更加香，帶有少少脂肪，食落更香但又唔會膩，好食！…查看更多

🍱餐廳：寶寶雞煲🏫地址：太子砵蘭街430號利聯大廈地舖老公突然興之所至，突然想食麻辣雞煲，就揀咗地點方便的「寶寶雞煲」，係港鐵太子站D出口，右𨍭行約2分鐘就到😊～四川麻辣雞煲用料上乘，麻辣湯底都用走地新鮮雞，難得👍食落去特別爽口，鮮甜的雞肉加啲麻辣味特別惹味，送啤酒一流❤️～封門柳嫩滑的牛肉質配上麻辣湯底，每一口都散發著濃郁的牛肉香味，待湯底滾熱後𤆥幾秒就已經十分好食，不可錯過🔥🥢～手打蝦丸難怪菜單上寫着係必吃之選，蝦滑應該真係手打嘅，蝦肉彈牙鮮嫩，調味適宜，超大粒，口感極佳🥰～自製墨魚丸又係落足料，食落去墨魚的鮮味盡入口中，爽口彈牙，正😀～鮮蝦雲吞食材新鮮，所以能食到蝦味濃郁，餡料配以適量的新鮮豬肉粒，相當唔錯😋～海生蝦大隻新鮮，爽口彈牙，打邊爐必吃😆～頂級桂花蚌桂花蚌厚切爽彈，不點任何醬料也是好味之選，食得好開心呀😄🤗～日本清水生蠔生蠔新鮮，蠔的海鮮味濃郁，連埋美味的湯底一齊吃，簡直係豪華享受🥰整體來說，呢度食材新鮮質素高，服務殷勤，地點方便，有機會要再嚟打邊爐😬…查看更多

太子想吃火鍋可以去這家有超打卡able的巨型飲品供應的寶寶雞煲，環境十分整潔，店員都很有禮，食物質素十分高質，很適合聚餐 日本黑豚肉 $98份量很多，有一大盤，擺放得很美，半肥瘦，用來打邊爐超級match 的 雪花牛頸脊 $168看到是這裡的招牌就點了，油花很美呢，吃起來肉質嫩滑，牛肉味道很濃厚，必叫 桂花蚌 $128稀有的火鍋食材當然要一試，平時很少可以點桂花蚌的火鍋店，有整整一大盤，處理好的桂花蚌十分鮮甜味美 墨汁墨魚丸 $36超驚喜，看起來平平無奇，吃下去十分彈牙，必點 鮮竹笙 $20這道也是火鍋必點，可以吸滿火鍋的精華，口感爽脆，好吃 特大凍檸賓 $30超‼️抵‼️ 一大桶凍檸賓，真的可以喝到飽，這麼大一杯才30也太良心價了吧，必點 椒鹽九肚魚 $78想不到火鍋店也有小炒，九肚魚十分嫩滑，表面炸至金黃香脆，炸衣薄薄一層，很香口惹味 …查看更多

今日咁啱喺附近收工,落雨涼涼哋又有啲想打邊爐，即刻諗起平時經過都見到呢間寶寶雞煲好似都好多湯底選擇，一於今日就去呢間一坐低店員就有介紹我哋啲湯底同埋推介我哋食一隻脆皮走地雞一於就試吓啦滋補醉雞鍋湯底湯底開頭放低時已經聞到好香濃嘅藥材同埋酒味,食落去就越煲越濃, 建議要叫一啲好索味既配料, 因為我哋叫咗啲雜菇一開頭就倒左落去,最後超入味, 正新鮮脆皮走地雞雞皮咬落去有爽脆嘅感覺,老闆介紹呢隻係養左200日既新鮮雞,食落去肉質結實,雞味濃郁,雞肉帶有鮮甜味,食落好有口感雪花牛頸脊黎自貴州既牛頸脊肉質軟滑,油脂分布得剛剛好,食落去有牛肉既甘甜,就咁灼幾秒就已經食得手打三寶丸（牛丸，墨丸，鯪魚球）牛丸彈性十足,肉味濃烈,煮完之後更加入味墨丸入邊仲食到少少墨魚肉,好彈牙鯪魚球魚香味好濃,配埋芫荽等香料.日本黑豚肉肉質細緻,肥瘦適中帶有自然的甜味魚腐大皇魚腐好滑, 用黎打邊爐好夾吸收哂湯底既精華台山蠔呢期真係好鍾意食台山蠔Size夠大隻之餘，重好濃蠔味入口滑嫩, 就算煮耐咗都冇縮水招牌豬雜四式出面比較小見到有豬雜叫, 呢度包括有豬膶,豬肺, 豬粉腸及豬大腸各有特色都唔同口感,配埋個湯底再點豉油新鮮九肚魚第一次打邊爐食到新鮮既九肚魚估唔到原來唔係椒鹽,就咁攞嚟打邊爐都咁好食, 雖然有少少骨,但食落魚肉好滑嫩,必叫！雜菇拼盤有金菇, 雞髀菇, 冬菇同蘑菇建議一嚟到就加落去湯底因為最後食嘅時候,樣樣都超入味,好正打邊爐有邊少得嘢飲仲有大大杯既檸樂同埋鹹檸七…查看更多

經過太子這間店，被它的陣陣香味吸引，打算入去吃個雞煲。寶寶奇味雞煲雞煲用百年古方調味，選了走地新鮮雞，雞肉吸收了多種香料的精華，肉質滑嫩入味香氣四溢，少許的辣味令味道更加升華，香辣交織！炸釀百花油條香酥的油條剛出爐還帶著熱氣，包住鮮嫩的蝦肉和粒粒晶瑩剔透的魚籽，蝦肉的鮮甜和鹹香交織。吃完干身雞煲之後，店員即刻倒入豬骨湯，湯底既有濃郁的肉香又不失清爽，跟住開始放入火鍋食材。雪花牛頸脊雪花牛頸脊紋理好靚，以其豐富的油花而著稱，倒入鍋，霎時間油脂與湯底融合，散發出濃郁的肉香，令人垂涎欲滴。幾秒之後快速撈起，入口肉質嫩滑，仲帶有一絲微妙的甜味！原隻特級魚肚放入火鍋中，魚肚迅速吸收了湯底的鮮味，變得十分柔軟滑嫩，入口之後口感如絲般順滑，令人陶醉其中！手打鮮牛丸這種牛丸的製作過程相當講究，每一顆都是由新鮮牛肉手工打製而成。輕輕一咬，牛肉味濃郁醇厚，真是原汁原味！手打蝦丸選用新鮮的蝦肉製作而成，咬落質地緊實且富有彈牙口感，釋放出鮮美的海味！西班牙羊肩肉細膩鮮美，帶著羊肉獨特的風味！鳳城水餃好大隻，好飽滿的餡料！巨無霸裝鹹檸水酸爽與清新，搭配鹽的微鹹，形成一種獨特的風味…查看更多

近期吃的另一餐非常滿意的火鍋，是在這間位於太子砵蘭街的雞煲火鍋店吃的，這晚我沒吃雞煲，只是吃火鍋，但這店子無論火鍋湯底與湯料、各款火鍋配料、小食以至食物價錢和招呼，都能讓我十分滿意，有再去光顧的衝動。這晚火鍋湯底是「滋補醉雞煲」（$168/半隻），湯底真材實料，藥味濃而好味道，讓我未吃雞和其他東西，便已先喝了兩碗，另上的走地雞肉也十分嫩滑。 「手切牛頸脊」（$168）是薄切，只需三數秒便可灼熟，肉味濃而不薄，是好吃的牛肉。「招牌四式豬雜大拼盤」（$88）集豬膶、豬肚、豬肺、豬粉腸於一身，全部都十分新鮮，當中三大件厚切豬膶粉嫩味美，就最得我心。有豬雜，也有豬肉。「豬仔蝴蝶腩」（$58）口感軟腍，入口無渣，蘸以豉油，也不錯。「白鱔片」（$108）是我與太太都甚為喜歡之物，這晚的白鱔片肉質柔軟不韌，是這晚我的最愛之一。「脆鯇腩」（$98）既然是魚腩部位，自然啖啖是肉，爽脆的口感，與白鱔片柔軟的口感對比強烈，但一樣好吃。餐前小食「椒鹽新鮮九肚魚」（$78）是鮮炸的，外脆內滑的九肚魚、配以椒鹽，香口惹味，我喜歡，太太更加喜歡。最後吃的「雜菜拼盤」（$48）份量頗多，我倆雖然努力地想把它吃光，始終還是有點浪費，未能完成任務。吃火鍋，喝凍飲，是常識吧！我倆一人一大杯「大龍鳳可樂」（$36），解渴怡神，超正！…查看更多

咪話夏天唔打得邊爐，係香港嘅特色。朋友推介了一間火鍋店，主打雞煲。七時多己滿座，訂位是最穩妥。椰子雞煲湯底煲滾，再放雞塊，雞的精華盡在其中，喝了一碗湯，鮮甜無比。雞肉嫰滑，全無雪藏味，好味。牛頸脊軟嫰，滾三、四秒帶點粉嫩，入口軟熟，肉味濃厚。手打墨魚丸超正，有彈性，充滿墨魚香。桂花蚌新鮮爽脆。日本蠔肥美，爆膏自家製水餃，皮薄餡靚，相信絕無味精。蔬菜拼盤新鮮翠綠，質量好。鹹柑桔梳打嘩，超大杯，粒柑桔都好大粒，鹹鹹酸酸好開胃。…查看更多

雞煲食得多，走地雞煲就真係少見！走地雞嘅肉質真係特別爽甜，一般冰鮮雞真係冇得比！呢邊個雞煲同埋最低鍋都係非常出名，上次食完雞煲，今次就試吓醉雞鍋！以上等藥材醉雞鍋配上放養脆皮肉味香甜走地雞。滾好個湯底就可以落雞，煮滾之後可以先飲一碗湯，飲落啖湯滿滿當歸味，香濃鮮甜夠滋補養顏。呢度用嘅係細雞，所以唔會有一般走地雞煲完鞋口嘅缺點，食起嚟係爽甜肉脆，好好味！香煎墨魚餅👉🏻鮮甜爽口到一個點！一放入口，好似喺口裏面跳彈彈床一樣，好味到停唔到口！一般泰式店嘅蝦餅墨魚餅都要行埋一邊！封門柳👉🏻呢個部位出晒名濃郁嘅牛肉味，喺呢度就可以食到新鮮現切，質感特別嫩口，一次過滿足到口感同味道嘅享受！極正！手打三寶丸👉🏻平時我就麻麻哋食丸丸，但係手打丸就唔同呢，用新鮮的食材去做，吃起來真的特別彈牙鮮味！尤其是墨魚丸，真係鮮甜到一個點。鯪魚球丸也有驚喜，一啲都唔腥，怕腥嘅我都可以食得好happy！日本黑豚肉👉🏻切成薄片的黑豚肉，吃起來軟綿綿的，肉質好像消失的雲朵般，然後豬肉油花香飄蕩在嘴中，勁正！爽脆白鱔片👉🏻白雪雪的白鱔片，看得見的新鮮，真係見到都流晒口水！勁鍾意食呢啲大大條嘅白鱔，口感特別爽實，味道吃起來也特別有魚味，完全不用點醬汁也能感受到當中的鮮甜！…查看更多

其實好少喺香港打邊爐，因為有時候就算俾到價錢，嘢食都未必好食，而家個個都上深圳打邊爐，香港嘅火鍋店要立足，真係要喺各方面都努力先至可以做得好。年幾前去過寶寶火鍋，當晚都是座無虛席，上個月有一晚喺太子食飯，想打邊爐諗起月同呢間餐廳，咁不如去支持吓，月就成日去食，於是選擇了寶寶，打去訂位老闆好快就覆咗有位。當晚去到只係得三張枱有客，其實都真係幾擔心，因為呢間餐廳價錢水準服務都好平均，唔夠膽講係超級好食，至少你食完唔覺得跌錢同埋啲員工嘅服務真係非常非常之好。點左個新疆蕃茄濃湯底，老闆話呢個係全新湯底，先飲一口湯，個蕃茄味道非常濃烈，至於同新疆有咩關係，老闆話係商業秘密，講到咁我就唔再追問，好食就得。新推出嘅走地雞都幾好，好少就咁叫雞，老闆力推就試吓。每次都會叫牛，今次選擇招牌頂級雪花牛頸脊，配蕃茄湯底係一流。食食吓撞到朋友，佢話個上等藥材醉雞鍋好正，試飲咗一口都真係幾好。老闆話今日嘅魚肚非常新鮮，整左碟試下，感覺都唔錯，呢個係秘密Menu，有興趣下次可以問吓老闆有咩新鮮食材。當日靚嘅海鮮仲有貴妃蚌，價錢都唔算貴，你知好多時新鮮海鮮都鋸到你一頸血。其他配料例如韭菜餃，鯪魚球丸，牛丸同墨魚丸都好精彩，點解我好喜歡呢間餐廳嘅原因，就係價錢公道，而且大部份嘅食材選料都幾好。希望喺呢個更艱難嘅環境，老闆同呢度嘅員工繼續努力。寶寶雞煲地址: 太子砵蘭街430號利聯大廈地舖電話: 23922968…查看更多

朋友推介的寶寶雞煲，必點奇味雞煲，這味道香濃更野味兩人點了半隻雞，這份量足夠。店員說，店舖使用的新鮮走地鬍鬚雞。size 最適合用來做雞煲同秘製配料炒得非常入味，香濃大家可以加入自己喜歡的材料，我哋點了鮮牛肚，魚肚。令雞煲味道食起來更有層次手切牛肩肉，濃濃牛肉味鮮帶子，粒粒飽滿，鮮甜。大滿足😌自家製蝦滑，用料新鮮，食得非常彈牙。劉師傅。小店自家即炸響鈴，夠特別，好掛汁好濃滑凍肝小食，送啤酒一流👍🏻…查看更多

好耐無去太子砵蘭街嗰頭，原來依家變到成條食街咁。友人話想食打邊爐，經過寶寶雞煲，由門口望入去，都坐左7成人，應該有信心保證，入去試試先。 餐廳有兩層，整體感覺平實，傳統打邊爐格局，座位比預期中多。湯底我哋點咗個古方香辣雞煲，見有新鮮走地鬍鬚雞揀，一於試試佢。落單冇耐，先上兩杯飲品，真係名副其實嘅巨無霸裝嘅鹹檸七同凍檸賓，同打邊爐真係絕配。湯底一上就聞到濃郁的香料味，味道豐富，走地鷄皮脆肉爽、雞味濃，脂肪又少，正！推介嘅配料有來自貴州牛頸脊，肥牛油脂分布平均，肉質有光澤，放落湯底滾兩滾已經食得，而且牛肉味濃郁，忍唔住又encore多碟生蝦好鮮甜，彈牙，忍唔住食完一隻又一隻三寶丸：牛丸彈牙juicy 、墨丸、鯪魚球各部特色，好味貴花蚌新鮮又彈牙鵝腸乾淨、多膏又爽口整體今晚都好滿足，食材新鮮，收費合理，而且店員亦有禮，服務𣎴錯！下次亦會再encore！…查看更多

這次的火鍋宴非常豐盛，每道菜都各具特色，令人垂涎欲滴。首先是牛坑腩蕃茄湯底，湯底濃郁香醇，牛坑腩肉質嫩滑，搭配酸甜的蕃茄湯頭，令人食指大動。水魷魚片薄且新鮮，涮火鍋時口感彈牙，鮮美味道在熱湯中被激發出來，讓人一口接一口。鳳城水餃皮薄餡多，內餡鮮美多汁，豬肉餡料混合香菜和蔬菜的清香，層次分明，是一道非常棒的主食。椒鹽九肚魚外酥內嫩，裹著椒鹽的香氣，吃起來香脆可口，魚肉鮮美配上椒鹽的鹹香，讓人回味無窮。純綠豆製造的粉絲滑溜且富有彈性，吸收湯底的味道後更為美味。雜錦丸包括牛丸、墨魚丸和鯪魚球，每種丸子都有獨特風味，彈牙鮮美。豬腩片薄而均勻，涮熟後非常嫩滑且富有肉香，脂肪部分更是入口即化。豬蹄筋富含膠原蛋白，柔軟有嚼勁，是火鍋中的營養佳品。脆肉鯇片細嫩多汁，涮熟後口感豐富。超好食的牛頸脊肉質細嫩且富有嚼勁，入口即化。另外，搭配的鹹檸7和鹹檸樂，鹹檸檬的清香搭配汽水的清爽，既解渴又解膩，為這次火鍋宴增添了清新的口感。這次的火鍋盛宴，讓人回味無窮，充滿了豐富的味覺享受。…查看更多