富華冰室 (秋雲大廈)

早餐時段 42蚊 鮑絲火腿通粉 煎蛋 冇冷氣又唔出聲，等我坐左角落位， 同佢講開大啲冷氣 先話畀你聽冷氣壞咗， 叫咗嘢又冇得調位 攞個早餐牌潑涼 唔夠兩分鐘收走埋你都唔出聲 個個黑口黑面 唔怪得上曬大陸消費。…查看更多

今日一早拎嘢去荃灣，完成後趕得切早餐時間，去咗呢間試下，之前見炮台山都有，應該吾差吧！我想試下呢間啲五香肉丁，雖則係罐頭嘢，但吾係間間一樣，有啲肥膏多過肉，味道怪怪，對於我呢啲吾好肥肉嘅人嚟講吾太鍾意，呢度五香肉丁都ok，吾係太多肥膏，味道幾好，瘦肉硬少少好過肥肉食吾到浪費……唯一有點要留意，係餐牌相中五香肉丁係有幾片菜，但我果碗沒有……商品說明條例不乎……吾知係廚師忘記了，定已取消咗吾會有菜，若然係，要更新餐牌免得有爭議……奶茶ok…個餐包似係紫薯定香芋，都幾好食……感覺呢度員工友善有禮貌，整體都吾錯嘅………查看更多

If you want to try one of Hong Kong’s iconic Cha Chaan Teng treasures, order the Wok Fried Flat Rice Noodle with Beef. These are wide flat rice noodles wok fried with sliced beef. Dark soya sauce makes it so tasty. The “wok heat” is amazing! Small portion with drink included is available at Tea Time. Normal size is available throughout the day. Add a little bit of chili sauce and you have a dish made in Heaven. This particular branch of Fu Wah is located in the center of Tsuen Wan and a 5 minutes walk to the wet market if you need to do some fresh fruit, vegetable, meat or seafood shopping.…查看更多

前日（3-5-2025 Sat）同老公送完回收物資後要食嘢喇，原來唔覺唔覺都接近12：00pm，食邊間？行吓行吓，記起成日經過都見到有人龍嘅呢間，於是走嚟，嚟到時都冇人等位，亦有卡位坐，但已經係對住廚房出入通道嗰張。我哋睇枱上花哩花碌嘅menu，都搵唔到午餐，就叫咗：2. 叫嘢食加$8.00嘅凍奶茶味道唔濃，但可以接受。1.5分4. 叫嘢食加$8.00嘅汽水1. $66.00嘅廈門炒米粉見到係橙紅色，大大碟，食落，係茄汁嘅酸甜味，唔太濃幾好味嘅，而材料有蝦仁，火腿，叉燒，味菜，呢啲都正常冇問題，但一食蝦仁就係腥臭味，我從未食過咁嘅味嘅蝦仁，唔求你哋用新鮮蝦，亦根本唔會，而用冇味嘅雪藏蝦仁，但都可以係腥臭，好過份囉，祈望我哋唔會肚痾，累到我哋嘥呢幾日假。2分2. $80.00嘅太極鴛鴦炒飯呢個好耐至到，都係大碟，蝦仁係大隻嘅，不過得兩隻，亦係有腥臭味，但輕微好多。成個飯兩邊汁嘅味道都唔突出，廈門炒米粉味道好過佢，咁就$80.00。1分食完同飲完嘢，我都要自己斟杯水飲，飲晒後返到屋企都仍然口喝。其他：我哋落完晒單，至被我見到原來有午餐牌，就係喺牆上嘅電子屏幕，其實我食咗腥臭蝦仁後，想同佢哋反映同轉食午餐。上次食評係2022年8月9日刊登嘅呢篇：https://www.openrice.com/zh/hongkong/review/%E7%B0%A1%E5%96%AE%E5%98%85tea-e4491848…查看更多

貼地平民鐵板餐✨富華冰室係間提供多種類食物嘅茶餐廳😁有中式又有西式 ，荃灣呢間有好多住附近嘅街坊去食架 。今晚去到見到是日精選晚餐個牌有新野食喎，就係平時係餐牌見唔到羊架鐵板套餐 。我哋一個叫咗配意粉，一個配焗薯。個餐湯就揀咗羅宋湯同埋一個中湯，個羅宋湯好足料，濃郁蕃茄味，而個中湯有住家湯嘅味道。佢自家製餐包軟腍腍搣開點湯嚟食，正正子🥰份羊架上枱嘅時候仲有滋滋聲，三大塊羊架真係好吸引，羊架食落唔勁臊味，肥瘦適中，唔會見到有一大嚿肥膏 。唔使倒汁落去，啲香味已經會傳入你個鼻。🤭Joyfoodstop心動值：💓💓💓/5富華冰室 (秋雲大廈)(香港)地址: 香港荃灣眾安街29號秋雲大廈地下A-C號舖電話: +852 24208838…查看更多

富華食過好多次好早之前食過，覺得麻麻近排食過之後，覺得食物比以前進步好味佐，今次午餐時間經開荃灣見到有就入去食午餐set都有好多款，有牛扒薯菜，意粉焗飯，感覺幾吸引，最後叫佐個西冷牛扒拼辣肉腸十薯菜，$68點知上菜時，我真係凸咗一凸，兩塊西蘭花－個蕃茄，好薄一塊西冷，一條辣腸唯一一個正常size係薯仔，自問唔係大食但你收$68蚊，出呢個分量給客人你都夠膽收？良心何在？雖然呢間係咁，但我都會留港消費，支持有良心嘅餐廳…查看更多

今日經過荃灣，諗住求其食個tea。本身叫咗一碟肉絲炒麵，同一碟黑椒豬扒炒意粉，上枱時，成碟肉絲炒麵跌咗落張枱度，個waiter竟然用碟意粉兜返起個肉絲炒麵，放返上嚟諗住俾我哋食，跟住鬧佢換過碟，然後佢同事將碟肉絲炒麵，拎咗入廚房再整靚仔啲攞返出嚟！跟住我話，成碟跌咗落枱面，仲好意思攞返出嚟？我叫佢換過豬扒飯比我，仲好似十萬般唔願意，一句唔好意思都冇，仲要係幾個侍應都係咁態度，如果想食到肚痛就歡迎過嚟挑戰吓呢度啲衛生。真心痴線！！…查看更多

無驚無險又到週五，又系每日必經過程霖嚇中午食乜嘢，最後同事話帶我食最中意既嘢，帶住疑惑同好奇跟住同事出去 🍅番茄餐肉湯(通粉) ：分量適中，湯底酸甜，飲得出系有用新鮮番茄熬制。通粉比較軟，系我中意既口感。肉分量較多，番茄唔会太酸，都算鲜甜。 🍍菠蘿油：即點即做，麵包鬆軟酥皮香脆，黃油巨香口感冰涼。 🍋凍檸茶：清新爽口，茶底香濃，檸檬清香。環境：地理位置交通方便，餐位舒適，環境乾淨，店員服務態度較好。上餐快…查看更多

評分制度： ( 0 至10 )齡最低分，十為滿分....其實 下午想搵啲嘢食，又想飲杯冇植脂奶 沖嘅奶茶， 遙遠望下見到佢有黑白奶，所以走入去試下。叫咗 有咖哩海鮮飯， 菠蘿油， 奶茶 ，紅豆冰， 蛋撻咖哩飯(6.5分)算唔錯 ，咖哩汁味道冇搶喉， 都有兩隻青口菠蘿(5分)油凍咗喇， 牛油就更加 冰凍 而且硬， 佢冇整熱畀我， 其實咁樣有影響食物味道㗎蛋撻(6分)係佢哋嘅招牌 ，但係今次都唔夠熱， 對蛋撻嘅愛情分數真係會降低紅豆 冰(6分)一般般啦 ，如果紅豆 有日式甜品嗰一種再梗係發達啦，香港茶餐廳都算係咁㗎喇奶茶(8分)冇令我失望，黑白奶衝出嚟好飲，茶味夠濃， body 夠 full， 終於無辜負我今次入嚟嘆奶茶 嘅衝動…查看更多

/國慶假期🥩茶餐廳鐵板餐/國慶假期姐姐都要放下假出去輕鬆吓，而我哋同Lisboy去完Playhouse放電就喺附近呢間出名嘅茶餐廳度食晚飯，再去睇煙花🎆🍽️ 鐵板西冷牛扒呢間茶餐廳之前喺尖東都食過，最鍾意佢哋嘅鐵板餐，有湯有包有嘢飲，最正係個鐵板上碟嘅時候熱辣辣，滋滋渣渣😂鐵板叫咗五成熟上碟就大約七至八成熟，好大個厚切西蘭扒，叫薯菜仲有原隻焗薯添😍抵！仲加錢叫咗杯特飲雜果賓治，真係超過癮🍹🍽️ 焗鮮茄豬扒飯Lisboy就自己揀咗呢個焗鮮茄豬扒飯，焗豬扒飯炒飯底同新鮮蕃茄加埋大量芝士喺面同新鮮豬扒，好足料，入味、真係食到舔舔脷🤤叫左一杯龍鳳檸樂清一清個喉嚨！好消暑🍹 🍽️ XO醬叉燒炒出前一丁而Lisba太耐冇食過XO醬炒麵，呢間冰室最正嘅係會用貴價嘅出前一丁，加上叉燒入味， XO醬炒埋一齊鑊氣夠，正啊！🍽️ 牛扒煎蛋麵真係太耐冇食過出前一丁啦，所以叫多咗個牛扒煎蛋麵share食，黑椒牛扒入味，煎蛋脆卜卜🍳係小時候懷念嘅味道😍🍽️ 叉燒包、紅豆菠蘿包、墨西哥流心包呢間冰室仲有個麵包corner🥯標榜即日新鮮製造，所以我哋都每人叫咗一個包試一試究竟，最鍾意佢嘅菠蘿包夠脆個心仲有啲甜甜地嘅紅豆蓉，真係Perfect match😆…查看更多

今日落荃灣casting🎬行行吓熹寶係富華冰室門口企定定唔願走😂原來喺門口見到食客d餸菜，大大碟好吸引😍睇嚟為食熹寶又出動啦‼️冰室闊落光猛，有別於一般冰室，菜式多樣化，有風味小炒，精選出爐麵包，湯麵，🍜小食等店員推介-招牌酸菜魚🐟魚肉爽口啖啖肉，而且無骨，放滿開胃酸菜同配料例如：腐皮，芽菜，木耳吸收湯底精華，撈飯就一流夠晒鑊氣-惹味 🥔薯仔牛柳粒🥩牛柳切粒，煮至半成熟，肉質超軟嫩，薯仔切粒，油炸夠晒香脆，最後加上小量黑椒，味道出晒黎家常小炒🥬時蔬炒牛肉菜心清脆爽口，蒜香十足，而且保持青綠，牛肉新鮮有口感全日早餐🍳有熹寶至❤️炸魚柳，大大塊，色澤金黃，外酥內軟，仲有誠意滿分嘅斑蘭味嘅餐包，呢個全日早餐好有驚喜以上小菜配明火例湯及絲苗白飯，份曬夠晒我地3個人，食到捧住個肚走😋…查看更多

︎冰室四周圍都有，呢間食物真係算大件抵食又好味，仲有大大個麵包櫃出爐港式包點添👅❤︎惹味薯仔牛柳粒($98)牛柳煎到焦焦脆脆，再有一層蜜汁封面，菜如其名甘惹味，仲有軟綿綿入曬味嘅薯仔同雜菜，真係勁好送飯🍚🙌🏻︎❤︎西蘭花炒魚塊($98)西蘭花青綠爽脆，魚柳塊塊大件滿足🐟芡汁稠度同調味合適，仲有陣薄薄麻油香❤︎三色蒸水蛋($68)蒸蛋底層都嫩嘅，而且有好多鹹蛋同皮蛋鋪地，外食又唔想太油膩嘅，呢個係吾錯嘅選擇❤︎菠蘿檸檬撻($11)檸檬醬光澤同色澤都好靚，遠遠已經見到佢係麵包櫃向我招手👋🏻味道可以想像為二寶糖檸檬味，點綴小小菠蘿粒，幾特別同清新架🤣❤︎芝麻/谷古麻糬($6/粒)個頭算幾大粒，面頭係小小脆皮feel，韌性都幾高，買個黎過下癮都抵食架😆…查看更多

位置方便就腳環境乾淨企理餐牌樣樣齊 價錢合理惹味薯仔牛柳粒係我嘅心頭好幾乎去開食小菜都叫薯仔炸得香脆牛柳粒夠嫩夠多汁有啲黑椒微辣呢碟夠惹味 送飯一流韮黃蝦仁炒蛋唔少餐廳嘅經典又簡單既菜式新鮮嘅韮黃搭配彈牙嘅蝦仁同滑蛋炒得恰到好處 欣賞佢調味唔過咸 比較健康份量唔少 配料夠多出爐靚蛋撻食到勁飽都要叫下出爐蛋撻呢間真係唔錯 脆脆嘅撻皮包裹住濃郁嘅蛋液一入口就化開散發出濃濃嘅奶香8蚊件熱辣辣抵食龍鳳檸樂/什果冰龍鳳即係指咸檸加新鮮檸檬酸味之外仲會有啲咸香 幾清新附送嘅例湯都幾足料唔係味精湯…查看更多

店名：富華冰室 (秋雲大廈)地址： 荃灣眾安街29號秋雲大廈地下A-C號鋪1.黑椒薯仔牛柳粒 $98薯仔牛柳粒不嬲都係絕配，牛肉肉質軟腍，薯仔走過油，蜜糖配黑椒冇得輸,超級惹味😋😋2.招牌酸菜魚 $98招牌酸菜魚，份量十足，湯底勁香，魚片滑得黎有厚度，芽菜，辣椒，酸菜，枝竹，雲耳，娃娃菜都份量好足，湯底比原先冇咁SPICY，岩番香港人嘅口味，魚片份量超足，招牌酸菜魚真係冇得彈，極度推薦🤗🤗3.西蘭花炒魚塊 $98魚塊大大舊，配埋蒜蓉炒，非常惹味。口感十足，西蘭花又多，好有穫氣👍👍👍以上三個都係小菜套餐，跟白飯，熱湯及飲品。熱湯有白湯，西湯及中湯。飲品我地叫左兩杯特飲（特飲+$10），一杯系3.6北海道牛乳（熱）,一杯系龍鳳檸樂。4.雙拼三文治（芝士拼咸牛肉）$35三文治份量好足，咸牛肉軟棉棉，配埋塊芝士，好香好惹味總價$349…查看更多

[✨荃灣富華冰室 ]#荃灣 #富華冰室🔸椒鹽魷魚 $93必叫之選，新鮮炸起非常酥脆，油份唔會過多油膩感唔重，調味亦岩岩好唔會太鹹，份量又多，惹味又抵食！🔸魚香茄子煲 $78🍆茄子惹味，吸收哂啲湯汁，香氣四溢鹹香味十足，用嚟配飯食真係愈食愈開胃，水準好高😍🔸黑椒薯仔牛柳粒 $98有驚喜，醃過嘅牛柳粒肉質嫩滑，非常入味；薯仔大小適中，外層有微微焦香，咬落去幾香口好食😋🔸蒜蓉炒時蔬 (菜心) $63菜心清香爽脆，炒得有鑊氣，健康得嚟又好食。上面四道小菜都配有白飯，熱湯及飲品，熱湯可以揀忌廉湯/中式湯/羅宋湯，選擇豐富，CP值頗高！————————♡♡♡♡♡♡————————✨總結食物有鑊氣，無論係水準定CP值都唔錯嘅港式茶餐廳，座位坐得舒適，加上位於鬧市中交通方便，行開附近嘅又諗唔到食咩醫肚好，不妨一試！📍富華冰室🏠荃灣眾安街29號秋雲大廈地下A-C號舖 #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #荃灣 #荃灣美食 #荃灣好去處 #荃灣食乜好 #荃灣餐廳 #富華冰室 #冰室 #茶餐廳 #港式茶餐廳 #港式…查看更多