富臨皇宮

今日中午去咗美孚想饮个茶，点知中咗伏！环境麻麻，坐入啲仲有阵味，冷气又唔够，食到成身汗🥵。好彩夜晚食大闸蟹放题补返数！扬州炒饭算系咁啦，料都足，炒得都够干身，唔会湿湿立立，叫做收货👍。萝卜糕正常味道，唔会太林，又唔会一夹就散，不过不失啰🤷‍♀️。叉烧肠粉都系普通嘢，唔会太厚皮，但又唔系特别滑，冇乜惊喜😒。椒盐鱿鱼（取消咗）等鬼咁耐都唔嚟，催佢哋又唔睬你，服务态度真系差到爆！最后嬲嬲地取消咗，唔食都罢！😡夜晚去咗另一间食大闸蟹放题，哗！真系两个世界！🤩清蒸大闸蟹原汁原味，够晒鲜甜，膏又多，正！😋花雕大闸蟹有淡淡花雕酒香，渗入蟹肉，食落更加惹味！正到dum春！🤤盐焗大闸蟹重口味嘅朋友必试！咸香够晒，送酒一流！🍻金陵片皮鸭皮脆肉嫩，虽然唔系厚切，但放题嚟讲都算系咁啦，包埋酱汁同京葱，好味！🦆回味榄角骨呢个真系要赞！少少似蜜椒牛柳，但又多咗份榄角嘅咸香，好惹味，必食推介！👍总结：饮茶就咪搞咁多嘢啦，食大闸蟹放题就啱晒！抵食又好味！下次一定encore！🥳…Read More

黎到美孚呢边做完野就揾地方食lunch,同朋友想饮茶，美孚都有几间酒楼，见到有富临就去食啦不过比较失望。第一，冷气唔够，坐得比较入发觉坐坐下越食越热，唔够冷气。第二，坐得入有少少环境既味道。食物方面，整体不过不失，扬州炒饭，萝卜糕，叉烧肠粉，烧卖。扬洲炒饭，算系足料，而且算系炒得唔错，可以接受，唔会太干。萝卜干，正常味道，食落唔会太林同唔会易散。叉烧肠，正常，唔会算太厚皮。烧卖，味道正常。不过等左好耐都未有椒盐鱿鱼未黎，叫侍应跟，服务态度唔好，催左一次唔黎再催想睇单，睇你会唔会无单，朋友唔太识用qr code ,再问侍应但服务态度差又唔解决问题。最后系走左出去同职员讲取消个鱿鱼。。。。总结。。。不再帮衬了。…Read More

平日晚饭时间，叫左一围餐单。全场只有3成客人，无咩冷气，食到出晒汗，但茶水阿姐几好招呼，帮我地将啤酒换几支汽水，仲有得拣忌廉同coke zero.野食方面上菜都算几快，食物热辣辣，味道都唔错，唔算太咸。乳猪烧得几好，皮好脆。虾球伊面啲虾都算好大只。条鱼蒸得岩岩好，几滑。…Read More

大闸蟹季又来了🦀食个放题放纵下自己！另有片皮鸭、小笼包、小菜同甜品小菜水准比预期有惊喜唔会因为放题就Hea整🙂‍↕️但套餐包埋嘅炸馒头同捞面就有啲饱🫢🦀两小时任食大闸蟹🦀-清蒸大闸蟹：鲜味最突出-花雕大闸蟹：淡淡花雕酒香-盐焗大闸蟹：重口味咸香！🦀片皮鸭·小菜任食🦀-金陵片皮鸭：皮够脆，有薄薄一层鸭肉，但放题嚟讲可以接受-柚子蜜虾球：酱汁酸甜脆卜卜-豉油皇鹅肠：香口之选，调味几好-榄菜炒四季豆：正常发挥-淮香椒盐豆腐：外脆内软热辣辣-回味榄角骨：少少似蜜椒牛柳嘅朋友，好食，最钟意系呢道菜！🦀任食甜品有惊喜🦀-养颜红枣糕·杨枝甘露·芋头西米露好少可觉得酒楼甜品有惊喜我觉得拍得住糖水舖水准😎✨🦀大闸蟹套餐🦀-蟹粉三重奏捞-多士·炸馒头·捞面-黑鱼子·鲍鱼·叉烧·溏心蛋·话梅红茄前菜几开胃，鲍鱼唔错淀粉质太多，较有饱肚感…Read More

一年一度食大闸蟹季节又嚟喇，平时钟意食大闸蟹，紧系揾间任食就最正，今晚去呢间酒家有大闸蟹放题餐，除左有无限追加大闸蟹、仲有金陵片皮鸭，多款小菜、主食、甜品，饮品任饮。最正系每人入场会送一份珍味定食，包括黑鱼子、和味鲍鱼、蜜汁叉烧同溏心蛋拼话梅红茄，开胃又足料。大闸蟹部分超吸引，任食三款：清蒸大闸蟹、花雕蒸大闸蟹同盐焗大闸蟹，每只蟹蟹膏饱满，肉质鲜甜鲜美，尤其系花雕蒸蟹，酒香渗入蟹肉；盐焗蟹外皮带有微微咸香，保留蟹肉鲜嫩质感，真系食上瘾！另外，仲有出名嘅金陵片皮鸭，皮脆肉嫩，配埋酱料超match！蟹粉汤小笼包、柚子蜜虾球、回味榄角骨等多款小菜都好有惊喜。配菜方面，我特别钟意豉油皇鹅肠同榄菜炒四季豆，新鲜爽脆。其他例如凉拌猫耳朵同手拍青瓜，系开胃小食。最后甜品超多选择，姜茶芋圆、杨枝甘露、香麻流沙包等等，任你拣，完美画龙点睛。…Read More