富臨皇宮

营业中

休息中

今晚家人飯聚，訂了富臨皇宮食飯。打開餐牌就給波士頓龍蝦孖寶價錢吸引，平時淨食龍蝦沒數佰元都吃不到，現在二佰多元就能一次過享用芝士焗波士頓龍蝦伊麵配搭皇牌燒味，實在平靚正！餐牌實在太多選擇，為迎合各人口味。最後叫了多款海鮮及小菜& 兩款甜品。西蘭花翠綠爽口，龍躉魚肉，肉質很嫩滑及鮮甜味美亦咬落啖啖魚肉，魚塊火喉控制得非常準確。芝士佈滿整碟，伊麵大大碟足夠數人吃用。醬汁味濃烈，醬汁完全滲透在麵條內。每件龍蝦肉都非常飽滿，數量亦不少，肉質亦鮮甜好味。這個價錢有這樣的質素，只能說是超值。香甜的蕃薯，切得細細粒，入口容易。香薯經過輕炸亦不太油膩。一口牛肉質嫩，沒太多筋。肉汁美味，配飯一流。剛燒好及熱騰騰的燒鵝，皮脆多汁，肉質嫩滑不會過實，好味道！鮑魚比預期大隻，鮑魚滲有果皮的味道，肉質咬落爽口及彈牙，味道有海鮮的鮮甜可口。很大隻的元貝，元貝上蓋滿有很多蒜粒及粉絲，蒸後的汁液很鮮，肉質彈牙爽口。吃多幾個都不太膩。甜品，香芒糯米卷及杞子桂花糕晶瑩的桂花糕，都很足料。糕內滿滿的杞子及桂花及未吃都聞到陣陣的桂花春。而香芒糯米卷，皮薄料多。剛好是芒果當造，好味。今晚各人都好滿足，埋單都不過千元。

太肚餓，所以今次叫了不少菜肴。先叫了芝士伊麵焗波士頓龍蝦配極品燒鵝皇，西蘭花抄龍躉球，果皮蒸南非鮑魚及金銀蒜蒸三頭大元貝。首先上菜的是西蘭花抄龍躉球，西蘭花爽脆而沒有抄過火喉，上碟時仍然非常翠綠。鮮甜美味的龍躉魚肉塊，肉質很嫩，魚肉很鮮美，啖落啖啖肉，沒有什麼魚骨在肉內，都非常合適怕魚骨的人。再來是大大碟的芝士伊麵焗波士頓龍蝦，芝士味很濃烈，醬汁不會太浠亦不會濃，與伊麵配搭剛好。龍蝦塊數量不少，每人都能夠分多幾件。龍蝦肉很飽滿，肉質美味及火喉按制好好。極品燒鵝皇（例牌）不是到到都可食到脆皮的燒鵝，有些地方開頭會脆，但放久了會很快出現軟皮狀態。富臨真是燒鵝的專家，這麼多的菜肴輪住吃，最後仍然脆口。除了脆口，肉質仍然保持嫩滑多汁，味道很鮮美。果皮蒸南非鮑魚好大隻的鮑魚呀！果皮的香味滲透在鮑魚肉內，鮑魚的口感咬落像吃緊軟綿綿的啫喱，但非常爽口。蒸的過程、時間及火喉拿握得太好了。金銀蒜蒸三頭大元貝，蒜泥的味道全在這隻扇貝上。扇貝肉嫩滑大隻配搭濃郁多汁的蒜泥粉絲，一啖食落去真的回味無窮。吃吓吃吓才發現，今餐除了燒鵝外其餘都是海鮮。話時話，海上人都話今次的海鮮新鮮美味，值得再來。

富臨呢個名真系細細過就已經聽過，其實好多時飲茶/ 食晚飯都係去海港/ 稻香/ 屋企附近嘅酒樓，今晚去開沙田一田果邊買啲家庭用品，就直間搵間富臨皇宮食埋晚飯。呢間分店係石門一個新商場嘅二樓，樓底真係好高，新裝修仲幾Grand幾Elegant添，就甘睇個殼真係好過唔少連鎖食店。紅燒乳鴿 - 岩岩燒起，外皮香得黎又有肉汁，醬油香甜，乳鴿仲幾入味。果皮蒸鮑魚 - 108蚊/6隻，都系用果皮/ 蔥黎蒸，之後加啲豉油。鮑魚肉質夠爽彈，但又唔會韌，口感幾好，味道都系以鮑魚鮮味為主，除返開10幾蚊/隻，抵食。香薯一口牛 - 有大量焗薯角同牛柳粒，加埋個黑椒汁，夠惹味。牛柳粒嫩滑但又能夠保持其爽勁有咬口，牛味適中。焗薯又香，加埋黑椒汁黎食又唔覺得寡，都幾香口惹味。龍躉2味嘅西蘭花炒龍躉球 - 龍躉腩都有成十件，而且件件都唔細。腩位夠鮮夠曬嫩滑，而且啖啖肉冇骨落地，真系幾正。甜品蒸雙皮奶 - 只系賣10.8，大大盅平到一個點。比起松記/ 唔少出名嘅糖水舖平成倍之餘，味道都唔輸蝕。雙皮奶號嘅質感幼滑，好似豆腐花一樣甘嫩，仲幾有奶香，好香甜，記得唔好食太飽，留肚食呢個

上一回說到腰圍足足漲了半呎，現不敢怠慢。由大圍出發，沿城門河一直步行到石門富臨皇宮，然後以同樣方法回程，來回路程兩個多小時當然啦，此位於石門站C出口的京瑞廣場，一出馬鐵站便是。想不到在此僻靜地，星期六晚上竟幾乎全場滿座。木桶豉油雞($18): 沒錯，是$18元一整隻，超級抵食。雖價錢相宜，但質素也Okay，豉油香甜，雞件已入味，雞脾/ 雞翼等部位幼嫩香滑，唯雞胸等難免有點粗糙，可是特價$18元發售，已交足功課。花膠北菇鵝掌煲($98): 花膠與鵝掌均是矜貴之選，配以蠔皇芡汁，鮮味即時出來。花膠軟腍入味，而且不腥; 鵝掌同樣軟腍但不會有鬆散的質感。龍躉兩味($228/兩款): 分別為蒸龍躉腩及西蘭花炒龍躉腩球，同為龍躉腩，前者清蒸，肉質較軟腍，鮮味較突出; 後者爆炒令肉質更為爽滑，產出不同感覺。涼粉芒果布甸($16.8): 布甸甜度適中，還有不少芒果肉，淡花奶使其更香，但亦中和涼粉的澀，整體蠻不錯。

繼上次食評 - 石門三選一的煌苑後，今次襯著復活節假期到石門第二間中式酒樓富臨皇宮試試。今天中午去飲茶，由於這𥚃有不少食肆，加上這𥚃遠離住宅區，最近只有石門邨，所以假期也不用等位。點心拼盤（$38）論價錢，都算扺食，有七件點心，包括蝦餃、燒賣、菜苗餃、潮洲粉果、黑芝麻蓉飽、义燒飽及紅棗膏各一件，質素只是一般，但就可以一次過試齊數種點心的味道。鮑汁炆鳯爪（$38）賣相已經不大吸引，汁料亦只有豉油味，很咸。家鄉煎薄餠（中點$19）薄餅個漿太厚，煎得唔夠乾身。特式煎腸粉（大點$23）腸粉有啲部分煎得很硬很乾，而且上到枱時己晤夠熱。南瓜煎堆仔（中點$19）這個煎堆是最好吃的，雖然南瓜味不太重，但煎堆火喉剛剛好，又不太油。乳鴿（$28.8）乳鴿顏色不大討好，味道都可以，都幾大隻。

有負責落單職員很無禮貎，態度惡劣！食物質素一般，但態度令整體欠佳！那落單職員問到有関入單點心時，竟大駡質問客人，我們都盡量合作，但那職員禮貎真的要去再培訓，語氣應較好一點！

老朋友約食飯，次次去油尖旺迫人迫車今次揀左間連鎖酒樓食，我覺得不過不失喇....1. 木桶雞 $48                      好抵食, 味道, size, 都好合格(推介)2. 黑椒豬手 $98                食得過，件頭夠大3. 上湯白菜 $62                是是旦旦4. 果皮蒸鮑魚仔 $108   真係好細隻，不過都鮮味，6隻夠分5. 阿拉斯加蟹   $800      其實好大隻，差D食唔灑，好多肉兼彈口既。6.  乳鴿 $38 / 隻                 唔算好食，皮唔脆7.  併盤 $88                          燒肉ok, 其它麻麻8.  龍蝦伊麵  + 叉燒 $238       伊麵好食過龍蝦，叉燒都軟同好味9.  清蒸東星班  $388      上檯幾靚，食落都知係靚魚

第一次寫食評，因為唔想有人好似我咁中伏。1、叫了一湯五菜及三个甜品，全程漏了三次單。侍应放下湯便走人，结果要自助。上了兩個菜後停了N年。舉手N世冇人理。唔好問我有冇茶水添。2、隔離桌吸煙，由一个人吸变成四个人吸，中間叫他們派人處理，都虛应我的要求，仲答我已經說了，好似說了一句便走開便是完成責任了。向收銀處找部長投訴了三次，直至最後一次話我已打去控煙辦，部長才認真處理。3、大堂全場侍应少到離谱，見到的都集中在婚宴席那边。4、食物不新鲜，我現在知道，除了不新鲜的鱼会腥之外，原來龍蝦都会腥的。冇下次。怪只怪我冇预先訂樓上一層的酒樓，结果去到冇位，只好走落一層，结果多得這間酒樓送了一肚氣，還不是免費的，是要埋單的。

＂南乳猪手＂，有南乳香的美味，花生及猪手同也是入口滑嫩无比的，猪手皮貭充满了骨臎原的胶貭，好像给人们好添加多些的美！👍＂棉花鸡＂，鱼肚及鸡肉嫩滑无比的同时，再加上冬菇也香甜爽滑美味的，好可口啊！价格又经济👍👍👍＂山竹牛肉＂，肉貭稍松软的兼份量大，抵吃呀！ 腐皮也是几多的。

石門早幾個月開左三間酒樓，當時試過三間，最驚喜係竟然覺得富臨最好食。今次再同媽咪去，食物品質差左好多，下次食返另外兩間。呢個燒鵝瀨粉幾好味，燒鵝唔會燒到好老，食落好香，個鵝皮唔會好硬算係幾好味。瀨粉就硬左少少，個菜好嫩好新鮮。咸水角望落都算脹卜卜，以為係熱嘅，不過食落原來係凍嘅，個皮仲要炸到好油。蝦餃反而唔錯，唔稱得上為皮薄餡靚，但蝦嘅份量都幾多，都幾新鮮幾爽口。個皮就冇乜特別正正常常，不過勝在放左陣都仲熱辣辣。呢個鹹菜豬肚今次真係麻麻，豬肚有少少霉霉地，食落個口感就係唔好，佢未至於變壞，但係應該就快變壞囉。個湯太咸，除咗鹹味飲唔到其他味。上次食係好好味，豬肚好新鮮好有口感，個湯除咗鹹味仲有好香嘅胡椒味。最後以芒果糯米卷作結，一邊個芒果布丁太甜，冇乜芒果味，個皮略嫌太薄，厚返少少會好味啲。

職員服務好差，叫佢拿BB凳等了20分鍾都拿不到，d野又難食，份量又小，未食過甘難食的豆腐，雞又煮得太熟， 地氈好耐無洗，叫人埋單又無人理，等好耐，吾明點解甘多人食，太差

臨時決定當晚食團年飯，尖沙咀重點商場中菜館都爆滿，想起石門有三間新開酒家，姑且一試，這間竟然有位。叫了幾個小菜：半隻脆皮炸子雞：上菜時賣相已差，食落微暖皮不脆(似預先炸好然後叮熱上枱，因很多套餐都有炸子雞)，差！花膠紅燒豆腐：只得三件細小花膠，反而豆腐有十多件。瑤柱扒豆苗：夠份量，但豆苗不夠嫩，太老。大龍躉兩味：炒球有七至八件，上菜時熱辣辣，唔錯。蒸頭腩亦很大碟，大部份都是淨肉很少骨，不俗。除了大龍躉兩味外，其他菜式都是一般。可能食團年飯套餐或小菜都是這樣吧(小菜只得一個餐牌)。

本人第一次留食評 我都係照直講 以下為個人意見差處：1. 叉燒包無叉燒味2. 腸粉完全係一舊粉 爛既3. 馬拉糕勁油 無馬拉糕味4. 紅棗糕無味 有紅棗係舊糕入面又點ze 無味呀嘛5. 鹹水角賣相不佳6. 所有嘢都好油🤢 7. 員工好hea 坐低無人問要咩茶 單又唔開 叫5次先應人8. 間嘢係石門唔系新架咩 點解啲嘢好似咁舊咁既好處：1. 裝修靚2. 地方大3. 夠闊落4. 個環境有啲似教堂石門有三家新酒樓，其他果兩間都好食，呢間對比起就真係差啲喇，真係唔會再嚟😅😅

此座落在沙田石门马鉄站边上的＂富临皇宫酒家＂可真漂亮的呀！装修光猛堂璜得很！交通方便，此區地帶己開了琳琅滿目的店鋪，可還真極熱鬧的！首上也份 ＂香炸鵝肝卷＂的，內的鵝肝嫩滑兼多汁似的呀！頻香噴噴的同時跟外炸得又香又脆的像芋絲及粉絲般的脆脆夾在一起，吃起來更感脆香口非一般的那樣呀！👍😀次上了籠 ＂蟹粉小龍包＂的，那蟹粉可是十足料兼香丶鮮丶甜及美的呀！👍😀再上了碟 ＂紅米腸粉＂的，那可真有點失望的啦！😊雖說，在港可也真的極少的酒樓有做此岀品的呀！本是喜岀望外的我，即嚐此 ＂紅米腸＂的啦，可就感真有点兒⋯⋯😜外的腸粉皮爛爛嘀！😊後又上了籠 ＂高山菜苗餃＂的呀！😀菜苗虾肉餡都是新鮮得很呀！是種健康的食物呀！👍👍👍😀😀也許是價錢就會昂貴了些啦！😜

石門三間酒樓，今日Lunch 時段試埋呢間脆皮叉燒包好嬲嬲豬。 微波爐叮番熱都懶得做就拎黎。 凍冰冰，都唔知放左幾耐！ 重點就係唔脆！完全違反商品說明條例，究竟放左幾耐呀？珍珠雞唔知係咪比其他茶樓寵壞晒， 我食開既珍珠雞有3舊。 呢度得2舊，又唔係特別大隻，有隻仲縮左水添我老公話就算中伏都要叫既小龍包。 都怪佢太中意食小龍包。 但今次呢個伏又唔算大， 味道都可以。 呢個係蟹粉小龍包，唔係好重蟹粉味，但湯汁都算多，都滿足到我老公。 奇就奇在拎浙醋比我地點lor紅米皮腸粉個正式既名唔係太記得。 我只後悔無影到點心紙上呢碟腸粉既樣。 拎到黎我完全唔敢相信就係我點左果碟腸粉。 外面層皮係甜的，中間夾住一層脆皮，豬肉，沙葛，蝦。外甜內咸怪怪地，而且食落好"濟"講平，我會去煌苑講好食，我會去彩福富臨，再見吧