富臨皇宮

同屋企人去富临饮茶，两点下午茶时段都几抵食，仲都几够款可以拣。牛肉肠、烧卖、虾饺都几唔错，但其他炸既野食有d会太多油，或者炸得耐左会冇咁好味，但整体都几满意，下次会再黎…查看更多

星期日当然系我哋香港人会同埋屋企人一齐饮茶嘅时候啦。屋企附近𠮶间麻麻哋，我叫屋企人去下蔡意桥打到商场嘅富临皇宫试吓佢哋嘅点心好唔好食。咁食咩点心当然系屋企两老决定啦。时菜鲮鱼球咬落有够弹牙，鲮鱼肉打到起胶，唔错唔会好腥。叉烧肠粉就唔算好滑，最钟意就系叫姐姐帮我落多啲豉油，入面都唔算好足料好多叉烧咁，中中平平啦。凤爪都腌得够味，唔算系一味死咸咁样，份量中等啦，下面一堆白萝卜垫住，可惜自己唔太好萝卜 Hahahaha …查看更多

星期日family day同屋企人去饮茶，今次黎到位于新墟嘅富临皇宫，黎到大概11点钟，无人等位可以即刻入座，我地点左：瑶柱蛋白炒饭（$70）瑶柱碎算几多，炒饭炒得几好，粒粒分明，加埋蛋白，葱，翠玉瓜粒，唔会好油腻，又够大碟，香麻流沙包（$19.8）芝麻味香浓，做得唔错，包皮软熟，但可惜完全无流沙效果，布拉肠粉（$19.8）肠粉未算系好滑溜，但有肠粉豉油同甜酱搭救，还算是正正常常，蟹籽烧卖皇（$22.8）我至爱嘅烧卖要赞一下，味道唔错，虾同猪肉分明弹牙，赞啊~南瓜煎堆仔（$19.8）好大个煎堆，绝对唔系煎堆仔，不过欠缺南瓜味，只系食到甜甜地嘅味道，热辣辣好脆口，唔错。…查看更多

老豆好中意同佢班朋友食富临，话野食平靓正，所以我今日就带佢黎食晚饭叫左个金银菜猪肺老火汤，虽然汤有少少油（，但系用鸡骨猪肉煲，都好够味，仲可以食埋猪肺以形保形之后就叫左晚市特价既走地头抽鸡啦，30蚊唔洗系真系好抵食！虽然肉唔系话好滑但鸡味都食到，仲多到食唔哂打包之后就系我最中意既蒸鳝啦！鳝够够蒸好，唔会老，又系好下菜既依个大砚都唔错，冇沙又大大只，同埋pepper味好重，岩迟下冻d食最后仲叫左个生煎包食，如果可以脆d就更好啦…查看更多

今日同两老去富临饮下午茶。超抵食。下午茶时段超抵食。好多人。枱好迫。油鸡濑。如果可以变成米粉就好了。好入味。但少猪脚（得2小旧）但咁既价钱抵食啦。都ok 好过街边档。虾饺又几大粒。都系咁既价钱 有咁既水准 好过食叮叮。金钱肚唔差。但个垫底豆卜就可以唔使食。一落order见乳鸽好抵。枱枱都叫几只。咁就试叫一只。催左两次都冇。最后坐左粒半钟都唔到就埋单。埋单同收银讲个乳鸽冇到。唔好入数。之后职员讲 ：小姐妳张单冇入啵。所以记得系依间食追单仲要加句问有无入单，因为伙记会同你check单，但唔会话你知有没入单。…查看更多