影片
老豆老母返大陆，一条友食乜好？下午五时半仲系下午茶时段，就去富园食个焗咖哩牛腩饭。出到黎效果系好，至少真系有焗返时间，牛腩份量亦唔少，虽则似系将清汤腩加返咖哩汁，变个身做到呢个焗饭，所幸咖哩汁够味，牛腩都唔柴。加个冻饮都系$51，抵食啦。
继续阅读
呢间茶餐厅嘅小菜都几出色，晚市有个2𩠌套餐，199蚊，除咗包两个𩠌之外，仲有两个白饭两个冻饮或者例汤，今晚我就拣咗瑶柱玉子豆腐同埋黑松露炒蛋，两碟𩠌都几大碟，其实呢个餐够三个人食。黑松露炒蛋嘅蛋炒得都几香几滑，黑松露酱味道都ok，唔会有一阵电油嘅臭味，捞匀咗佢都几好送饭，伴碟𠮶啲菜畀想像之中好，算系新鲜，不过就未去到沙律菜嘅级数，但系起码唔会啲菜叶有㶶边或者霉霉哋咁样。瑶柱玉子豆腐个汁几好味，瑶柱都算系多，清清地都唔错。
继续阅读
$198晚市套餐可以选两个𩠌，再包两碗白饭，再加埋两杯热餐饮，d野食嘅份量比较大碟，够三至四个人食，而且味道唔错。我哋拣咗咸柠檬蒸乌头，条乌头都几大条，肉都算厚，无乜泥味。另一个𩠌就要咗西柠鸡拌涉沙律菜，佢呢度嘅西柠鸡系用鸡扒去整，所以好厚肉，大大件，个柠檬酸汁另上，唔会搞到啲鸡淋晒，唯一缺点系啲鸡扒肥咗少少。
继续阅读
呢间茶餐厅啲出品唔错，份量又多又大碟，性价比高真系好抵食，196蚊晚市套餐有两个𩠌两碗白饭再加泥汤或者饮品。黑松露带子炒蛋整得畀想像之中好食，黑松露酱冇乜电油味，个蛋都炒得滑，带子就细粒少少，不过数量都算合理，唔会只系得几粒。虫草花笼仔蒸鸡相对就麻麻地，因为好多骨位，鸡肉部分比较少，不过性在入味。南瓜海鲜盅个卖相都几震撼，成个南瓜或空中间再放啲带子、虾、蟹柳同鱿鱼入去，再加埋西芹，南瓜汁加咗忌廉，用嚟捞饭好正。条仓鱼超抵食，因为超大条，有得拣煎封或者豉汁蒸，我哋拣咗煎封，不过原来系炸嘅，都炸得几脆几香口。
继续阅读
星期日晚行过好多人排队，就跟着排下试试有咩咁好食啦！羊腩煲-$148一至两人份量，但冇跟炉上又冇生菜。最终冇叫到，转左食二人餐$196🔸例汤系西洋菜汤好足料-好少饮到咁高质嘅例汤，饮完想再叫多碗，可惜果阵已经卖晒。🔸冰梅榄角骨-好惹味，而且肉质都好juicy，份量都唔少，唔错！🔸富国一品煲-呢个反而一般，好似好名贵嘅材料，但罐头鲍鱼仔、沙爆鱼肚、罐头螺片⋯冬菇唔系好入味，味道好一般，唔推荐。我见呢度咕噜肉都好似系招牌菜，但要$158又好似有啲贵，冇试到。下次可以再嚟试试嘅。
继续阅读
您可能会有兴趣的...