家嫂

隱世食府「家嫂」隱世工廠區既柴灣家嫂，一反舊式工業大廈裝修，餐廳空間開揚，桌距寬鬆，無左鬧市食肆既壓迫感。簡約裝修搭配暖黃燈光令人有舒適感，同過往既「工廠飯堂」感覺不一樣。店家提供任食火鍋及單點套餐兩種選擇，隨餐附贈每日例湯及無限靚仔白飯。例湯絕非敷衍之作，老火冬瓜薏米煲豬骨不是味精湯，火候十足，套餐抵食及有飽足感。魚生海膽飯食：$68蚊有魚生海膽飯食，真係一個字抵。醋飯基底鋪滿三文魚、希靈魚、八爪魚刺身，頂部海膽，色質靚，絕無腥苦味，份量還不少，令人驚喜。隨餐送醃蘿蔔與蜜瓜粒，可以解膩。乾炒海鮮手打烏冬：鑊氣十足既日式烏冬，烏冬口感十足。蝦仁、帶子、魚柳等等海鮮份量大方，味道有層次。家嫂陳醋小籠包(招牌必點)：每隻小籠包頂都插住迷你陳醋針筒，食客可自行注射醋汁。皮薄餡靚，湯汁多不在話下，最正係陳醋經注射後，味道同豬肉餡好夾，比傳統薑絲蘸醋既食法更顯特別。松露蝦多士 (精緻小食)：一口尺寸容易入口，多士炸得金黃酥脆，但不油膩，蝦膠彈牙，重點係勁多松露醬，每口都有濃郁菌香。建議上台即食。蜜汁雞翼：看似普通的家常菜，但有驚喜。雞翼外皮烤至蜜糖色，咬開肉汁溢出，秘製醬汁甜甜地，尾帶少少檸檬香。總結街坊價錢，高質既物品，而且家嫂堅持大份量與創意並重，十分難得。特別欣賞將傳統菜式注入玩味元素(陳醋針筒)，每道菜都顯出出廚師團隊用心。午市人均消費不過百元，絕對係抵食。…查看更多

呢間上樓餐廳喺工廠區 ,   環境寬敞，坐得好舒適， 一D都唔迫.  佢地嘅晚市火鍋做得唔錯. 之前試過. 今次就黎試下佢地午市. 朋友食過介紹話好抵食. 份量好多. 燒鰻魚魚生飯 配湯， 生果， 前菜。 份量超巨。 鰻魚厚切， 燒得剛好。 另外魚生有三文魚 ，北寄貝， 蟹籽， 八爪魚， 全部都好新鮮。 份量超大。 普寧豆腐凍馬友呢個係店員介紹， 因為咁啱買到呢批馬友。 先會有呢個特別菜式， 條馬友都唔細條。 處理得好好。 肉質鮮嫩結實， 配埋個普寧豆醬， 味道再升一級。 加左幾個小食松露蝦多士-    香脆可口  松露再提升左一層好感。 涼拌魚皮   - 涼拌魚皮有少少辣， 爽口開胃。 小籠包  - 小籠包皮薄, 肉嫩多汁 好出色。 加埋個別出心材嘅放醋小機關。 好有心思。 紅糖糍粑  — 外皮好香脆。內裡煙煙韌韌，做甜品一絕。 食物質素好， 店員又有禮。 份量超巨，好抵食。 家嫂地址: 柴灣利眾街24號東貿廣場6樓…查看更多

見完工喺附近求其食啲野就揀左呢間。人哋開十一點半，我十一點鐘已經衝咗入去，阻住啲員工開飯><佢個裝修好古色古香，有啲通花嘅屏風，仲有啲有水墨畫嘅燈罩同埋書法。午市套餐佢哋有中式，亦都有啲日式嘅魚生拉麵套餐選擇。每個套餐都會包前菜，生果，蔬菜或者湯，加十蚊有啲特色嘅特飲。我嗌左濃蝦湯海鮮煮水晶粉皮（$75）加一個姐姐推介嘅小籠包（$28）（姐姐話老細飛去外地買食材返黎，年輕廚師喺外國學廚返黎，啲菜式好有特色，令我好期待。）同一杯水果茶（$10）（全部飲品都係有糖或者用蜂蜜調味）。等咗一陣就上咗個杯野飲，呢杯野真係幾足料，我打開見到有橙同兩種檸檬充斥成個杯面，但都相對甜。主菜同埋兩個小食跟住好快都到埋。上主菜時我真係嚇親，佢用火㷫住，又用瓦煲上，好有儀式感，重點就係好大煲，即刻後悔嗌左小食><我食左個疏菜湯浸水瓜，奶白色嘅湯好濃好甜，水瓜索晒啲湯，好味之後食小食涼拌魚皮。呢碟都係材料豐富，有酸薑，炸魚仔，炸花生，青瓜。但我有啲失望，佢啲魚皮唔太爽口，而且偏鹹同酸個煲水晶粉又係材料豐富，有6，7隻蜆，無砂，鮮甜，唔靭3，4隻蝦，食得出係新鮮貨，其中一隻仲要係軟殼嘅，4舊兩隻手指咁粗嘅砂爆魚肚，4隻帶子，4，5塊豬頸肉，淨係呢啲餸已經覺得值回票價佢個湯真係濃湯，好有蝦膏味，紅紅地色，好甜。惟一失色嘅就係佢啲水晶粉煮得比較軟，無左煙韌嘅口感。（不過我食食下就覺得可能因為要遷就返啲長者，所以專登煮淋啲）其實我食左半碗粉已經好飽了，呢個時候佢上埋小籠包。呢籠小籠包又係可以打卡嘅食物，佢每個有插住一個心型嘅醋，而且每入面好多湯汁，不過我覺得個包有啲黐牙，摺位有啲厚。呢間店啲姐姐服務好好下次有時間想試佢個打邊爐放題…查看更多

午市去食家嫂唔一定要打邊爐，反而可以試吓佢哋嘅午市套餐，算得上經濟實惠我叫左自選粉麵B餐(蝦湯🦐)仲有個小食松露蝦多士個蝦湯係勁濃個隻入面有有唔少蝦乾仔 重口味人士必試！好足料 最鍾意佢勁係多菜 然後自選粉麵通常都包3個餸 我呢個餐就有三粒手打墨魚丸 兩隻炸雞翼 同埋好多嘅肥牛 仲送多粒冬菇同埋韭菜餃 所以食呢碗粉真係飽足一日😌仲可以加$10要一杯飲品同埋都見到好多人叫飯餐 個餐仲包埋餐湯白飯水果同埋菜 下次去試埋先…查看更多

位於柴灣的「家嬸」是一家典型的港式茶餐廳，憑藉其親民價格、多樣化的餐單和地道風味，深受附近居民和上班族喜愛。以下是根據網上評價整理出的全新食評，濃縮了這家餐廳的特色與體驗。家嬸的店面設計簡單樸實，帶有濃濃的港式茶餐廳風格，桌椅排列緊密，充滿懷舊氣息。雖然地方不算寬敞，但環境整潔，服務員態度友善，點餐效率高，適合追求快速用餐的食客。不少人提到，這裡的氣氛熱鬧，尤其在午飯時間，經常座無虛席，建議避開繁忙時段以免等候。家嬸的餐單包羅萬象，從經典的港式早餐到晚市小炒，應有盡有。最受歡迎的菜式包括：飲品方面，除了奶茶，凍檸茶和鴛鴦也頗受好評，清新解渴，適合炎熱天氣享用。家嬸的價格非常親民，早餐套餐約$30-$40，午餐和晚餐主菜約$50-$70，份量充足，性價比高。不少食客表示，這樣的價格在柴灣區算是物超所值，尤其適合學生和上班族日常光顧。家嬸是柴灣一帶不可錯過的港式茶餐廳，無論是尋求快速早餐、午餐還是晚市小炒，這裡都能提供地道的港式滋味。雖然環境略為簡單，但憑藉美味的食物、親民的價格和熱情的服務，家嬸絕對是日常用餐的好選擇。如果你是港式美食的愛好者，不妨來試試這家充滿人情味的茶餐廳！…查看更多

📍家嫂話說原來家嫂係柴灣有分店佢係位於東貿廣場入面唔講唔知 佢地除左火鍋之外都仲有午市套餐佢地既午市套餐包左主食 湯 同 水果而且係由$68起今次我分別點左：小食: 松露蝦多士 | 香辣魷魚 | 家嫂陳醋小龍包 | 紅糖糍粑主食: 魚生海膽飯 | 燒鰻魚魚生飯佢地既丼飯係超大碗同勁足料 啲剌身係厚切！！！！！！仲要係勁多飯絕對飽住走系列！有興趣既朋友仔記得要bookmark定啦Location: 香港柴灣利眾街24號東貿廣場6樓…查看更多

好友約我去位於柴灣利眾街24號東貿廣場6樓的<家嫂>食午餐，環境舒適寬敞，坐得舒服。我哋點咗🥢主餐：📍金銀蒜澳洲帶子蒸飯配燉湯+青菜+水果 $78📍普寧豆腐凍馬友配燉湯+青菜+白飯$72🥢小食：📍街邊醬炒蜆 $38📍經典沙律炸雲吞$28📍沙薑豬手 $28📍家嫂陳醋小籠包$28🥢飲品：📍凍竹蔗茅根蜜冬水 $10📍忌廉溝鮮奶 $10整體嚟講：食材新鮮，選擇多，配菜豐富又好味，好有住家飯的風格 。…查看更多

家嫂陳醋小籠包呢一度絕對可以稱得上招牌菜！因為陳醋可以直接唧入去小籠包入面，而小籠包食起上嚟就爆汁得來又有陳醋味！松露蝦多士蝦多士好脆口！係唔可以錯過嘅一道精緻小食！街邊醬炒蜆炒蜆非常大碗！而且大少少香辣味，好開胃！普寧豆醬凍馬友估唔到唔係潮式打冷舖頭都有馬友食！非常驚喜！滑蛋粟米脆皮魚柳飯好大碗，魚柳嘅外皮真係好脆！跟餐有齊晒燉湯、青蔬同埋白飯！薑汁撞水牛奶作為飯後甜品真係冇得輸！燉奶好滑，而且薑汁味道適中！嘢飲有好多選擇！而我就揀咗香橙檸檬特飲同埋鮮菠蘿香芒特飲！如果想坐包廂就要預早book la …查看更多

朋友約我到工廠大廈區吃午餐，本以為只是間小餐館，沒想到地方非常寬敞，座位多又熱鬧。即使是假期，沒有上班族，仍有不少家庭前來。午市提供任食火鍋或套餐，我們選了兩個套餐，附送例湯和白飯任添。看到小食便宜，一口氣點了四款，結果差點吃不完，整體性價比很高。🏅豆腐枝竹燒油甘魚鮫飯（$68）** 附例湯、灼菜和珍珠米飯。油甘魚鮫份量十足，單買急凍的也不止這個價錢，十分划算。🏅燒鰻魚魚生飯（$68）** 配例湯、前菜和水果。$68 就能吃到三文魚、希靈魚、八爪魚魚生，加上半條燒鰻魚，非常豐富。🏅小食，每款$28：** - 家嫂陳醋小籠包：每隻插有陳醋唧唧樽，自行添加醋汁。 - 松露蝦多士：多士香脆，蝦膠鮮甜。- 胡麻脆青茄：青皮茄子炸至外脆內軟，淋上芝麻醬。 - 香辣魷魚：分量十足的咖喱魷魚。🏅特飲加$10：** - 鮮榨香芒菠蘿汁 - 星洲鹹檸七…查看更多

位於柴灣性價比好高之選🤤非家嫂莫屬✨平時聽得家嫂出名火鍋原來家嫂有好多款式午餐套餐仲有各式各樣嘅小食所以今次同朋友去一試😋✨小食🍢✨松露蝦多士 $28松露好香，蝦多士細細件，一口一啖😋✨家嫂小籠包 $28小籠包入邊爆曬汁好薄皮✨經典沙律炸雲吞$28自家製炸雲吞入邊係韭菜餡，好好味✨涼拌魚皮 $28涼拌魚皮有少少辣，好啱夏天食✨紅糖糍粑 $10煙煙韌韌，當飯後甜品一流✨飲品🥤✨鴨屎香檸檬茶$10✨凍紅棗圓肉杞子茶$10自定製飲品冇得甜度，不過唔會過甜✨主菜龍蝦湯海鮮煮水晶粉皮 $75水晶粉皮會有個煲熱住，唔會凍晒入邊都有好多海鮮，個湯底好鮮味😍帆立貝蝦仁，豆腐卜等等，材料好豐富✨任選兩餸飯揀咗手撕雞同埋芝心豬扒🤤芝心豬扒入邊可以拉絲😋新鮮炸起熱辣辣～手撕雞一樣，好好食，入邊有啲麻油同芝麻香味，好香😍好食指數⭐️⭐️⭐️⭐️⭐️…查看更多

第一次光顧家嫂買外賣，整體體驗不錯。食物質量有驚喜，特別是花膠冬菇炆三黃雞。花膠足料，大約有6-7舊，口感滑嫩，不會韌🫶🏻小冬菇也入味，爽口可口，增添了整道菜的風味。配上三棵生菜，營養均衡✌🏻三黃雞的肉質鮮嫩，有咬口感。配有的珍珠米更添香氣，口感軟糯，恰到好處👍🏻此外，跟餐附有豬骨雞腳蟲草花湯。湯頭濃郁，味道豐富，但略顯肥膩，要自行處理。唯一感意外是外賣膠袋需額外收費$1，情況較少遇見，下次一定要帶環保袋🫡…查看更多

柴灣火鍋放題，今次試咗呢間位於東貿廣場6樓嘅餐廳，午市火鍋放題每位$318加一，包一刺身船，火鍋，熱食。任食時間12點？到3點半最後落單。價錢唔算貴，午市應該平過晚市，晚市要$438加一？。地點方面，柴灣站C出口行過去唔止3分鐘，加上中午真係又熱又曬，位置唔算方便。.叫咗一堆熱食嘢試，有蒜蓉蒸元貝、辣酒煮花螺、招牌炒蜆等等，款式夠多，無乜驚喜，花螺啲辣酒味唔夠入，炒蜆亦略嫌唔夠鑊氣。小食如松露蝦多士、椒鹽白飯魚等都係即叫即炸，香口唔油膩。涼拌魚皮合格。紅糖磁粑甜品，幾得意但略嫌太甜。.雞煲方面完全唔得，雞件少又細又碎，但夠入味，有啲失望。佢問我想唔想REFILL，我都唔想再食，因為太碎，想搵舊雞批位都無。好失望。同openrice有篇食評講法一致。.另外要提一提，職員真係好忙，全場得幾位走唔切，我哋想叫肉／牛肉，我哋以為個餐得一碟牛，因為手機落單不停叫我升級個套餐，原來食肉係好奇怪係要人手落單，咁你唔好係個app寫有牛肉，app無任何提示，結果係自己唔知流程，無加牛肉，職員亦無主動講。成餐飯大打折扣。.飲品試左幾隻：鴨屎香檸茶、鮮榨芒菠蘿汁、鹹檸七梳打，生果味夠味但偏甜。刺身船有好多種，三文魚、八爪魚，海膽同帶子，新鮮度夠，刺身船打卡影相用。.湯底方面簡左芫茜皮蛋湯，但無乜突出味道，屬基本發揮。火鍋料如蝦丸、墨魚丸、腐皮卷、鴨血、枝竹等選擇多，但都係坊間常見。叫咗淮山竟然有臭味，完全唔敢再食第二舊。蝦太好似係泰式？又係煮完酸臭味。.呢間放題材料款式多但質素一般，適合打卡或三五知己傾偈一餐，因為可以食４個鍾，就唔好對味道有太大期望。午市放題價錢算抵，但地點唔方便，要特登過去就要諗清楚。成個場既人都叫緊午市餐，午餐個量真係好大碟，全場得我地食放題，但食放題可以試曬午市所有食物。…查看更多

午餐款式好多樣有米線有拉麵有中式飯類又有刺身飯飲品有又自家製養生果茶C餐米線：豬爽肉+炸雞中翼+鮮魚旦 湯底：艇家蝦湯蝦湯湯底好鮮，有好多大大隻蝦米係湯底炸雞翼外面有黑椒同蜜糖，甜甜辣辣咁而魚旦同豬爽肉都好爽口彈牙份量一d都唔少$56好抵食👍🏻👍🏻👍🏻燒鰻魚牛肉飯鰻魚燒得香而且肉好厚牛肉係日式牛肉飯嘅煮法有齊洋蔥芝麻同牛肉燒汁送飯一流再加多咗小食：胡麻脆茄+松露蝦多士+家嫂陳醋小籠包我嘅最愛就係個胡麻脆茄！！之前嚟食火鍋係會添食再添食 估唔到午餐小食價都只係$28仲要大大份 大推大推松露蝦多士就即叫即炸，超脆口而且蝦肉好足家嫂陳醋小籠包賣相好有特色陳醋插係每個小籠包上面可以係食之前先吱入去又幾盞鬼午餐份量樣樣都大大份今次真係有d眼大肚窄不過價錢又唔係貴味道又唔差真係性價比高之選…查看更多

柴灣家嫂隱身於工廈之間，環境簡約舒適。套餐份量十足，白飯與燉湯無限添加，絕對是上班族飽腹之選。📌上湯蝦球燴伊麵（配青蔬/前菜/水果）蝦球彈牙，伊麵吸滿湯汁，入口滑順，搭配清甜青蔬，令人滿足。📌花菇蒸滑雞+湖南小炒牛肉（配燉湯/青蔬/珍珠白飯/水果）滑雞嫩滑多汁，菇香濃郁；小炒牛肉辣度溫和，鑊氣十足，佐珍珠白飯一流。 📌松露蝦多士脆而不油，松露香點到即止。📌家嫂陳醋小籠包皮薄汁豐，餡料鮮美，醋香開胃解膩。📌涼伴爽脆魚皮魚皮爽口，配上醃製青瓜，好一道涼伴菜。📌𠮩𠹌糖心皮蛋質地軟滑，糖心誘人，配薑蓉提味。📌竹蔗茅根蜜冬水清潤不死甜，真材實料。📌蘋果雪梨茶果香清新，滋潤養生。整體價錢貼地，味道穩陣中帶小驚喜，附近上班族若厭倦連鎖快餐，不妨來換換口味。…查看更多

食咗咁多年，越嚟越差，服務態度越嚟越衰，做得任飲任食，預咗客人會嗌多㗎啦，我哋一團八人食，成枱都係嘢好正常啫，最後食唔晒海鮮，因為海鮮係定量計人頭份量，我哋同服務員講可以帶走嗎？第一個服務員話:「可以啊，不過外賣盒要收費。」當然我哋唔介意去佢收費啦，因為我哋唔想太浪費食物，跟住第二個應該係經理走出嚟話：「你哋嗌得太多嘢啦，海鮮唔可以拎走」，之後我返問返佢：「即係如果我嗌得少嘢就可以拎走啲海鮮？」，個經理就答我：「冇錯，如果你哋唔係嗌咗咁多嘢食嘅話可以啲海鮮拎走」，之後最後我哋冇拎走，佢仲退返外賣盒錢俾我哋㖭，但係眼白白見到啲海鮮掉落垃圾桶😳。…查看更多