客家好廚

平时有系度饮开茶，ｄ楼面阿姐态度ok的。是次首次外卖半只米鸭回家吃，个收银阿姐比左两包酸汁，半只鸭边够？叫佢比多两包，佢好唔情愿甘掉多一包入去，大大声仲话，入面已经有两包啦，讲到我呢个客好贪心佢两包酸汁甘，真系好好笑。好员工，恨两包酸汁，我仲会同你买鸭？唔会啰，无下次。…查看更多

系杂志见到介绍，所以黎食母亲节饭，由于系母亲节前一日，main menu收起左，得餐同少量a la cart，觉得啲餐唔太啱食，所以散叫。我地8：45落单，叫左8个𩠌，到9：30黎得三个𩠌，所以开始追佢，佢一路答话追紧，追左佢几个字，都冇𩠌黎过，到9：50个经理行埋黎话漏单，会尽快上俾我地（系！8个𩠌漏左5个！），其间，个楼面仲问我地做咩唔早啲追单，我实在忍唔住反问佢：其实你见到枱客坐左个几钟张枱一路都系吉嘅，你唔去问下啲𩠌到齐未返而话我好唔追你？到10：00开始出其他𩠌，我问佢几时出得哂，佢话10：10，结果到左10：10，佢好准时出黎埋最后两个𩠌，同时，最经典嘅事亦发生啦，个苦瓜唔熟嘅，劲硬，个豆腐，个心冻嘅，我问经理点食，但话因为我地话要快，怕我地等得耐，佢地想补偿漏单，快啲出菜，我想问，唔熟嘅食物系一个咩类别嘅补偿？完全冇哂胃口嘅情况下埋单，个经理拎张单埋黎，好似好慷慨咁话waive左我地个两个𩠌同汽水，我望一望张单，问佢觉得凭咩收我茶介同加一，佢先至话免埋我，其实，埋单七百几蚊食一餐背脊骨落嘅饭，我地完全唔知为咩…难得成家人一齐庆祝母亲节，扫哂兴！…查看更多

今日系Boxing day, 唔使返工返学当然就瞓晏啲啦. 嚟到11:30, 唔想搭枱所以要等, 等咗15分钟左右, 就有一张卡位, 因我哋唔系第一次嚟, 得知坐卡位茶钱会贵啲. 老公就问带位果个西装友(应该系经理)--坐卡位茶钱会贵几多, 点知西装友唔啋佢, 老公再大声问, 西装友先劲悔气话贵$1.00, 咁你坐唔坐吖? 本来多几蚊唔系问题, 但身为经理, 茶钱唔一样, 系咪应该主动话比客人知呢, 而家客人问到, 佢仲咋听唔到又串串贡. 老公火都嚟, 就话-我要坐返普通啲枱. 西装友竟然唔出声, 手指向门口, 示意揾门口知客搅. 哗! 咩态度呀! 劲差啰!叫咗个点心粉面套餐 $75.00:--一碟炒粉面饭+两款点心+一碟菜. 另叫一笼流沙包 (百厌仔至爱) 星洲炒米--炒得够干身, 唔系太辣, 正! 焯娃娃菜--OK 烧卖--唔太松散, 味道唔错. 正! 鲮鱼球--唔错 流沙包--包身松软, 一咬就有大量"流沙"涌出, 为免"辣亲", 一定要小心慢慢食 茶钱$6.00一位, 连加一. 埋单$112.00…查看更多

今晚做节, 又来食晚饭,坐的是卡位, 宁静一点,这间酒楼每次都令人很满意今晚叫了梅菜扣肉, 太好吃了, 很入味, 又唔算太多肥膏, 很送饭~蒸仓鱼, 很大条, 肉质滑, 唔错!还有竹笙什菌豆腐, 健康之选, 豆腐滑, 份量又多~最后仲送了眉豆糕做甜品, 饱得叫人捧住肚子走~这里的经理同侍应做嘢都好快手, 又有笑容, 今时今日, 真系唔系度度有咁嘅服务态度呀, 令人食得开心又放心~…查看更多

当日系星期五，同老公去完蝴蝶湾拜完观音，跟住就过咗蝴蝶邨商场揾茶楼饮茶食点心，一上电梯就见到呢间酒楼冇人等位，咪行埋去攞位啰，点知门口个姐姐都话要等等，原来唔搭枱就要等一阵，(因为啱啱有张枱埋单。)大约等咗十分钟咁上下，一行入去就已经听到好嘈，仲劲过街市，街坊茶楼冇办法啦，啲师奶可能喺买𩠌前先约埋饮餐茶、吹吓水咁啦，就当入乡随俗啦！唔好计较咁多，其实都算食得过o既。…查看更多