宜家家居餐廳及咖啡室

今日（17-5-2025 Sat）未病完，冇心机周围去，老公search软棉棉嘅美食时，search到Ikea美食站有开心果雪糕新地，于是走嚟啦。不过我哋先上嚟食个晏，嚟到时都已多人，我哋见到有开心果慕丝蛋糕同开心果巴斯克蛋糕，于是两样都要，而今日有汉堡，不过我唔食得，见到有酥皮汤，就指定老公买呢样，佢就先买呢3样再加个士多啤梨流心水牛芝士沙律同$9.00嘅任饮汽水食住先。1. $29.00嘅开心果巴斯克蛋糕呢个开心果味道浓郁，属全熟芝士蛋糕，同时食开心果慕丝蛋糕就食得出佢嘅分别，就系带有芝士嘅咸味，口感固然系厚实。5分2. $29.00嘅开心果慕丝蛋糕呢个感觉就系轻盈好多，味道亦冇咁浓，都唔错。5分3. $49.00嘅士多啤梨流心水牛芝士沙律配黑醋我一食落咗黑醋嘅蔬菜就觉得难食，蔬菜系新鲜但份量系极少同冻咗啲，你以为流心水牛芝士下面重有菜？咁就大错特错喇，其实只系围住佢咁大把。流心水牛芝士系好食嘅，不过要留心，佢唔系流心。4.5分4. $36.00嘅酥皮龙虾汤呢个热腾腾就一定，酥皮系脆但唔系好厚，牛油味亦唔浓，龙虾汤就浓，唔错，亦有鲜虾。5分5. 食完后我哋至买主食，我就睇中$73.00嘅酥炸咸猪手伴酸菜，拎到嚟我哋就分好佢啦，肉系有好多，咸系正常，肉质juicy唔柴皮，皮脆，我觉得唔算好腻，但老公就要食酸菜解腻，我就觉得酸菜唔系好酸，但唔啱我食。5分6. $9.00嘅葡挞唔大个，但一食就死喇，好甜同腻，挞皮都松脆嘅，但可能太饱，已经觉得佢一般。3分卫生：我哋揾到位坐，等老公买嘢食时，张枱都几汚糟，而且见到有蠓，但攞回收餐盘嘅职员，来来回回经过几次，一直都冇谂过帮客人抹枱。价钱：连两杯$9.00嘅任饮汽水系$243.00，当你觉得佢比较平而嚟食，食完后你至知唔系，因为呢喥系全自助，重要帮佢抹枱，好彩佢有餐纸提供，唯一可取嘅系任坐冇限时。上次食评系2024年12月25日刊登嘅呢篇：https://www.openrice.com/zh/hongkong/review/b-%E5%A5%BD%E9%B9%B9-e5834389…查看更多

本身谂住去ikea求其食个饭饱肚，但系有块牌写见到10月有新嘢，原来系世界素食日，有三款新嘅素食，睇相都几吸引所以就试下我就要咗素青咖哩鸡配蒜蓉烤饼，$43，如果呢个餐系跟饭嘅话应该捞饭好正，佢个青咖哩汁好香香料味，素肉都好滑嫩，唔算太辣比较容易入口，伴碟仲有几粒薯粒，薯粒点青咖哩食真系好好味！😋蒜蓉烤饼唔算好香蒜蓉味，中规中矩啦，系属于比较硬身嘅炸饼，可以用嚟点青咖哩食，食落都几饱肚，43蚊嚟讲好抵食…查看更多

星期六真系劲多人😮‍💨主要就系试佢新出嘅两款菜烧半鸡配薯角及粟米 ($56)几乎每枱都有叫😂真系劲大只 佢唔系烧春鸡一个人冇可能食得哂 满满蛋白质😂鸡髀同鸡翼位个d都ok不过鸡胸真系好鞋 要点汁先食到另外有d蔬菜粟米同薯角粟米都甜 薯角仲keep到脆五十几蚊觉得都可接受👌🏼酥皮焗松露白汁鸡肉配薯角 ($53)呢个反而唔系好大份 但绝对食得饱因为酥皮好厚 加埋个松露白汁劲漏！本身系皮都冇咩味 要靠个汁个汁都香松露味 入面有d一粒粒鸡肉不过唔够热 另外配菜都一样～整体唔系特别好食 但食得饱肚🤣…查看更多

今次同家人嚟食lunch，点咗经典肉丸套餐，18粒瑞典肉丸$45，配薯蓉同浆果酱，肉质松软多汁，酱汁酸甜平衡，配埋热腾腾薯蓉，暖胃又满足，份量够一人食饱。另一个试咗烟熏三文鱼$29，鱼片厚实鲜甜，配沙拉脆口，健康不油腻。冷冻虾$29一盆，虾肉弹牙超甜，无腥味，值回票价！新地筒$9，香草雪糕滑顺，解腻一流。整体食物新鲜简单，抵食系最大卖点，一人午餐只需$50-80，性价比高，食完精神百倍继续购物。不过，缺点系炸物太干。薯格同鸡块外脆内干，炸得过火，缺少汁水，食落索然无味。选择虽多但变化少，重覆食易闷，高峰期自助区乱，食物有时凉咗。总括而言，宜家荃湾餐厅食物抵食实惠，适合大快朵颐，但炸物需改善。…查看更多

今日第一次帮衬荃湾呢间IKEA餐厅，拣咗以下：1. 瑞典肉丸（8粒/客）：系咪每次嚟都必选IKEA肉丸？😁味道冇变，啲酱汁同样美味2. 鸡肉丸串（4粒/串）：啱啱出炉，热辣辣，所以特别好味，建议可以点埋肉丸𠮶2只酱，一样咁夹咁好味（我觉得好食过肉丸𠻹）👍3. 蜜糖肠仔（3粒/客）好普通，可嗌可不嗌4. 冻虾：一贯新鲜好味，有虾籽𠻹👍5. 冻三文鱼味道比以前差咗啲，大家可以考虑下6. 蘑菇汤：冇乜蘑菇喺汤度，而且味道麻麻，罐头汤比佢仲好饮7. 酥皮龙虾汤配虾：味道都系麻麻哋，汤同虾肉都带啲苦，加埋酥皮都帮助调味不大8. 鲜橙汁好饮，真系鲜榨…查看更多