宗像屋

宗像屋開佐好耐 以特色魚生丼聞名終於等到佢由omakase轉做普通set今日去食難得唔洗排隊職員好好人 未夠鐘都比我地入黎坐底先主要菜式包括梅, 竹, 松, 特上我同朋友一人叫佐一款試所有魚生都新鮮 好鮮甜 入口即溶下次會黎試埋飯團…查看更多

我認知呢間餐廳應該係叠到好高既魚生丼開始，之後聽聞佢地又做過一排omakase。一直都係冇緣朝聖，原因係丼飯當時大熱要排隊，omakase只有一個小時用餐時間，我對於排隊既餐廳還可以，但不一定要食 。不過對限時既餐廳非常抗拒 。中午返工食lunch時候被茶餐廳趕走都算 。連夜晚都限時嘅話，我就覺得太難過了。點解今次終於的起心肝試宗像屋 。原因係佢好似車仔麵配搭咁多嘅飯團吸引。🍙🍙暫時未有機會去日本試當地的 。佢應該都係香港第一家人去做呢個嘗試 。入到間餐廳原來係one man Bank 。接待，整嘢食，收錢都係同一個人。先唔講人手住 ，我同朋友每叫咗一個丼飯（竹）同埋兩個飯團share食 。師傅推介明太子魷魚同埋醬油蛋黃 。睇得出師傅好緊張整野食呢個過程，因為人手唔夠，同埋佢要確保食材即刻可以送到客人度 。確保紫菜要夠脆，飯也是有些溫度 。所以其他後面坐低未落單嘅客人都要等佢完成上一張order先至可以落單 。如果魚生丼同飯團比較，個人認為性價比飯團會比較高。正如我開頭所講佢哋有好多唔同配菜嘅配搭，好似車仔麵咁 。樣樣我都想試 。另外嗰個魚生飯係好食嘅，不過唔及飯團咁有玩味 。其實兩個飯團都係賣幾十蚊 。而且加多個湯就係一個set都係幾十蚊 ，咁又一餐 。但係賣一個魚生丼就要百令二百蚊。唔係好明呢間餐廳主理人會將呢兩樣野放係同一家餐廳賣，究竟佢係點定位？最後埋單嘅時候同咗師傅講咗兩句，佢話老細好似唔肯加人比佢 。佢自己一個做得辛苦 。係師傅問題定係老細問題？人手服務方面點解得一個人咁harsh? 呢間餐廳唔係食快餐喎 。睇返以前呢間餐廳都幾多人手而且又有日本師傅，現已風光不再 。究竟是誰捨棄誰？…查看更多

一行到入去收銀嗰度見到寫住唔收現金咁樣已經睇到好唔方便啲顧客，因為唔係個個都有電子支付。喺門口睇到有飯團外賣，諗住買幾個試吓。企喺收銀側邊等一陣睇吓有冇人出嚟唔好話招呼，講兩句都好。跟住櫃檯個師傅突然間爆一句:「你望住個收銀幫你唔到。」咁咁我跟住再問係咪有飯團外賣，佢一臉鄙視咁話做唔到㗎啦。其實佢可以貼個牌喺出面同人講$25飯團，只係一個gimme ，唔係諗住真係賣，喺度嘥人時間，又冇禮貌。大概兩三年前食過一次，佢嘅魚生飯係將啲魚唔要嗰啲部位堆埋一座山，就當係高級嘢serve俾你食…查看更多

我係1:45pm 入座，全店只有三人，我係第四個坐低，佢問我食壽司飯定飯團，我嗌咗個梅壽司飯…但係等到2:30pm仲未做好我知呢啲手工菜係慢工出細貨，但係無理由咁耐都整唔到最後我問佢整好未，佢仲好意思答我整緊，我話佢知已經等咗45分鐘，佢只係話唔好意思人手不足，唯有空手離開🤣🤣…查看更多

首先送2片刺身（唔識咩魚🤣）顏色唔算好吸引，但唔腥肉質都ok 嘅想試個飯因為好多食法🤩但有啲可惜唔係醋飯🙈刺身粒粒質素就正常🙈幾鐘意佢嗰柚子皮，帶返啲清新出黎👍茶漬飯無乜茶味，湯似魚湯多啲（定因為啲魚生？🤣）暖暖地嘅湯飯但因為飯都有豉油，加埋就有啲鹹🙈…查看更多

今次好好彩咁比朋友book到食「宗像屋」，以前食過一次唔需要預約，但以前已經好難有Walk in位。佢一直以來平平無奇，極其低調嘅鋪面，而家原來已經一位難求😳 今次order左「梅」，價錢雖然係最平，但已經有好澎湃嘅魚生，d魚生好新鮮，佢嘅木桶令到成個飯生色不少，另外再有兩塊胡麻醬油甘魚，呢個配搭好特別，waiter仲提我要留返一塊整茶漬飯嘅時候食😊開頭見到咁大個飯，以為就咁食晒就算，好彩睇埋佢貼喺旁邊嘅instruction，原來要留返少少嚟整第二個食法🫢 當你食淨三份一嘅時候，就可以叫waiter幫你倒d好好味嘅魚湯到落去整茶漬飯，再加番之前嗰塊胡麻醬油甘魚，真係超級Yummy🤤…查看更多

📍深水埗 宗像屋男朋友好鍾意呢一間餐廳嘅裝修同食法，於是事隔一年又重新再嚟幫襯呢間餐廳。餐廳Menu唔多選擇，只有四種唔同大細嘅刺身丼，分別係竹、梅、松同特上。不同嘅款式，除咗大細唔同之外，入邊嘅魚種類亦都有不同。٩(˃̶͈̀௰˂̶͈́)و• 梅 $108入邊有好多唔同種類嘅魚，分別係吞拿魚、吞拿魚蓉、北寄貝、帶子、甜甘蝦、三文魚子、烏賊、油甘魚同鱲魚。建議正常食量嘅女仔可以選擇梅又或者竹，而男仔就選竹。🎋除咗普通刺身丼嘅食法之外，亦都有另外兩種食法，分別係自製手卷及茶漬飯。店員會比兩塊紫菜客人，自己可以選擇包刺身及飯入去。食晒啲刺身同將啲飯食得七七八八後，可以同店員講加湯，就變成美味嘅茶漬飯啦！👅٩(˃̶͈̀௰˂̶͈́)و味道：🐱🐱🐱🐱環境：🐱🐱🐱服務：🐱🐱🐱🐱CP值：🐱🐱🐱🐱٩(˃̶͈̀௰˂̶͈́)و…查看更多

跟魚生控朋友到位於深水埗的海鮮剌身丼屋-《棕像屋》朝聖。店鋪坐位不多，建議提前預約。海鮮丼按不同的刺身款及份量， 分成四款：▪️松 ( $108)▪️竹 ($148) —松的增量版▪️梅 ($198) —增加了蟹肉▪️特上 ($298)—再增加了海膽不收加一服務費。🧡竹 （$148）左思右想決定了「竹」，食材包括吞拿魚、吞拿魚蓉、北寄貝、帶子、甜甘蝦、三文魚子、烏賊、油甘魚和蠟魚。是「梅」的增量版。.積砌出像山一般高的魚生飯，多得幾乎滿瀉，讓人瞬間口角流涎！刺身質素整體不錯，帶子和甜甘蝦鮮甜，啖啖吞拿魚蓉，吃得很爽！…查看更多

阿妹好早就係網上book咗呢間鋪嘅dinner omakase, 佢只係接受上網預約900幾蚊兩個人。唔接受walk in。嗰日我哋約咗6點，可能太早只係得我哋呢一枱客。咁樣好似自己包場㖭😂。全場得一個員工同埋一個壽司師傅。一個鐘上齊嘢再加埋由員工講解下食物，感覺上時間都係有少少趕。我哋食到最後，下一組客人到咗，我哋仲食緊嘢。場面好似有少少唔知點。講返食物先，成餐飯印象最深刻係個三文魚籽，食落好有柚子嘅清新味，之前係未諗過三文魚籽同柚子可以咁夾，同埋粒粒魚子係口爆開嘅感覺，好正。個蠔就都算可以，但太削，唔够肥美。蝦壽司就蝦肉够彈牙堅大隻，一啖係食唔晒。海膽就有少少苦味。吞拿魚卷油脂分布得好好，食唔到有筋，入口即溶，好味。整體嚟講，呢個價錢呢個質素都算係okay la。…查看更多

今日係拍拖1週年紀念日，但又未得日本🇯🇵，唯有帶女朋友來食日野啦😌呢次搵左間向深水埗既日本餐廳，主打Omakase，即廚師發板👨🏻‍🍳，仲好唔洗諗食咩😆「宗象屋」以預約形式經營，每個時段45分鐘，只招待6位客人，為確保食物質素，選用日本直送食材，但價錢十分十分親民，$1196就有14道菜，當上每一款菜色時，店舖姐姐仲會聲音導航介紹比我地點樣食法可帶出菜色的味道，而因為我地仲有叫清酒🍶，佢仲會教我地點樣食完，再飲啖清酒，直頭係衝擊味蕾的享受🤤最令我驚喜既，就係當食完14道菜，仲可以追加神秘菜式，我直頭覺得自己去左日本食飯呀😆，要encore👍🏻…查看更多

宗像屋化身宗像壽司，每日6個時段，每一場招呼6名客人，全日都是同一套餐。以2人為一組(即是把單人客排除了)需預先在網站訂位及付款，早鳥預約每位收費$498，用餐時間60分鐘。我預約了最早的12:00-13:00時段，當日成了第一組在門外等候的客人。踏入12:00，店員施施然開門，把寫著店名的布帳掛好在門框上，再邀請我們進店，我們獲安排門口的位置。店內只有一名店員及師傅，在師傅準備期間，店員以專業又字正腔圓的聲線，告訴我們用餐程序，又叮囑拍照時要小心不要拍到師傅及食物製作過程。剛好我們第一次去，所以覺得這樣的安排還算妥當，但未知如果每次都是這樣的話，會否覺得煩厭。在師傅上每一道菜前，店員都會解釋食材和調製的特別之處，以下是當日吃的次序：1.醬油漬三文魚子*2.米崎生蠔*3.初鰹4.北海道真烏賊5.灸燒三刀魚6.寒鰤7.醬油帆立貝8.大海老9.厚燒玉子10.中拖羅海膽卷11.原味赤身12.赤身(灸燒加醬油漬)13.北海道大海膽壽司*14.鐵火卷15.赤味噌湯*代表想encore的個人覺得食材質素不錯，特別是生鮪不用多講，但拖羅有少少筋，海膽是我能接受甚至覺得好食的味道，不過付上了一小塊黑色的外皮；生蠔亦很清爽，加紫蘇的食法非常加分；可是帆立貝的鮮味不突出，蝦亦熟得有點靭，較為失色。差不多吃完全部壽司後，店員給了我們一份追加菜單，上面有大概8款刺身/壽司，其中有幾款是剛吃過的，剩下的則是套餐以外的，但印象中沒有提及價錢。店員推介一款「神秘壽司」，說是吞拿魚的稀有部位，是必試的壽司，不過我們飽了，對追加的意欲不大，所以放棄，同場有一組客人有追加神秘壽司，可惜看不到實物。P.s. 用餐期間兩度有途人想入來，店員又用朗讀的聲線告知對方宗像壽司需要預約，沒有walk-in，有興趣的話可以去網站留意下次預約日子，宣傳100分，但聲量影響到我用餐。不知道如果預約未滿座的話，是不是會讓對方入來食呢？…查看更多

我嘅第一篇食評送畀宗像屋之前試過覺得還可以，就特登帶家姐嚟食廚師發辦。點知家姐喺海膽里面食到異物，反應出嚟我覺得係正常人嘅反應？個女侍應一聽就話係海膽正常分泌物，食得嘅，話佢知咬唔爛㗎喎，然後再喺海膽里面再抽出一塊完整嘅似紙嘅物體，佢攞咗去睇完就話係姜。我哋:哈？佢就態度好差咁話: 信不信由你。由於唔想影響大家進食就等到食完最後先同個女侍應講: 知海膽係原pat入貨，唔係師傅即開，冇話師傳加嘅意思，反應出嚟都好正常，希望佢講聲唔好意思，以後注意貨源而唔係求其話係正常話係姜，然後咁差嘅態度。再次嘗試溝通係唔想帶hurt feeling離開。佢一路係係係，等我哋講完佢就話: 可能以前嘅客都明白事理我哋: ???冇要求退錢，冇要求換貨，心平氣和反應事實=唔明白事理？本來諗住解決咗就冇事，既然係咁就寫出嚟等大家評下理。…查看更多

深水埗日本壽司這裏的晚餐Omakase 性價比非常高，早鳥網上預約只需要$996/2位！ 店內是小小的日式壽司枱，只招待六個人，雖然晚餐的用餐時段有三個，但是預約非常滿，基本上沒有walk in。Omakase 包括：室津生蠔48小醬油漬三文魚子蜜柑鯛魚漬昆布鯖魚秋刀魚寒鰤魚北海道毛蟹肉活赤貝鹿児島中Toro漬吞拿魚北海道馬糞海膽Toro壽司卷基本上都很新鮮，時令秋刀魚、鰤魚跟活赤貝特別肥美鮮甜。性價比很高，有機會會再…查看更多

最近一次食omakase就係去左食拉麵陳無計食唔起兩三千蚊果d又想滿足下虛榮心以前都有食過宗像屋佢地個魚生飯不過疊到好高每食一啖都總會跌咁d落檯近大半年轉型做omakase就採用網上買飛制每個月分開上下半月大約半個月前開賣基本都係一開就會賣清咁耐以黎都係賣996蚊兩位我覺得呢個價都算合理價本身我就係七月尾去食既不過女朋友中左武肺我地兩個都要隔離所以就改期到八月中又可以當係生日飯黎食其實我真係唔明d人點樣可以又拍片又影相仲要唔知點樣可以食緊野我真係完全兼顧唔到仲可以每一件壽司都有千字文真心係我質素低餐廳只擺六個位限定三組六個人唔接受獨L一日做六個時段中午三場夜晚三場每一場限定六十分鐘中間相隔十五分鐘的確係見到都覺得趕咁我地去到前一場仲未食完就坐係側邊睇住佢地食成個感覺仲尷尬然後等上一手人走晒再簡單清理完就到下一場成個感覺都幾簡陋呢個set無餐牌就真係唔知有無前菜有幾多件壽司有無甜品只係靠見其他食過既人大概知有d乜都有問有無野唔岩食呀會唔會唔鍾意紫蘇葉之類既野同埋可以影相不過唔好影到師傅一開始上生蠔都大隻同肥美每人一杯既三文魚籽刺身侍應係每一樣都有介紹既不過講得太快聽唔清楚同埋師傅淨係會專心整壽司基本上同食客係零交流既壽司有十一貫其中一件係齋玉子小白蝦珍寶帶子地金目鯛關鯖魚珍寶蝦馬糞海膽燒左幾下要講一下呢隻蝦真係堅巨型一啖係完全無可能食得晒完全違反定律但係好正玉子燒活赤貝有拍打仲有卷物版本佢話個次序係紫菜然後壽司最後紫菜咁食中拖羅赤身生海膽大拖羅燒總共14道去到食大拖卷之前就有講呢個最後一道然後好似傳銷咁話即將會有個追加既項目餐單唔比影相仲有個神秘壽司係唔話你知格離檯食完之後再問侍應都係唔肯講話係佢同廚師一齊諗出黎既真心笑左我地就叫多左件小白蝦同大拖羅最後再上碗赤味噌無甜品追加兩件都唔平本身只需要唔洗五舊水一個仲要食夜晚但追加之後就要差唔多六舊水感覺無得抵食所以窮hi都唔係幾建議追加不過有群眾壓力係有些少難度整體壽司醬油感覺太多食完餐飯成個檯面都係醬油漬而個飯就係差少少有d鬆散即係我唔會懷疑拉麵陳拎魚既質素每件份量仲好疏爽但整體真係唔算特別好可能做番刺身即係金所咁就無得輸而且佢環境唔算好乾淨係度食又無乜交流個心態就好似食緊普通手握壽司咁真係仲有好多進步既空間…查看更多

見到個木桶連呢座高山魚生就知係宗像屋, 人氣打卡店睇相已經好吸引, 今次試試佢味道如何店員見我地心大心細, 就建議share特上宗像丼再加魚生, 前菜同湯就照畀返2份量前菜 / 胡麻醬油甘魚 - 估唔到胡麻醬都可以夾到油甘魚吞拿魚刺身 - 新鮮每日即到嘅2款吞拿魚, 赤身同大拖羅, 大拖羅入口即溶高質特上宗像丼 - 超級誇張嘅魚生山, 非常豐富有睇頭, 分前後影相都影唔哂11款魚生 (吞拿、吞拿魚蓉、北寄貝、帶子、甜甘蝦、三文魚子、烏賊、油甘魚、鱲魚、蟹肉、海膽), 佢有提示可以有3個食法 (傳統魚生飯、加紫菜自製手卷、茶漬飯),  要合力先可以食到唔跌魚生, 我覺得2個女仔分呢個份量剛好個人最滿意加紫菜自製手卷, 紫菜即時烘乾再包魚生飯, 多重口感茶漬飯係用鮮魚湯泡, 店員會提醒留一塊前菜嘅油甘魚浸湯同約1/3魚生飯去做茶漬飯, 油甘魚浸過味道非常唔同, 但我覺得魚生版本較印象深, 鮮魚湯好鮮甜, 好味到問師傅要多咗碗淨飲, 喜歡飲湯嘅朋友不妨問師傅, 佢地都樂意任fill鮮魚湯…查看更多