宏泰燒味餐廳 (川龍街)

6-10-2025（Mon）中秋节正日放半日，老公公司迟迟都未讲放几点，天气又热，我又肚饿，自己返荃湾食嘢先，等车等鬼死咁耐。返到荃湾，不如去食Neighborhood 汉堡，去到有人等位，咁隔离嘅谭仔三哥，重多人等，咁嚟好耐冇食嘅呢间啦。嚟到时，门口贴咗张‘’中秋正日全日正价‘’告示。我入到去都重有位嘅，坐低冇人理 因为佢哋忙外卖生意。而我就要普通四宝饭同冻奶茶，落完俾张单嚟，价钱分别系$50.00同$3.00。冻奶茶嚟到，饮啖先，唔够冻同茶味唔够。2分等咗一段时间，普通四宝饭到嚟，睇见有半只咸蛋，叉烧，烧肉同油鸡，排列整齐。叉烧颜色唔靓，亦系瘦叉烧，食落，蜜味唔够，但庆幸肉质系松软，唔系干柴；烧肉都系全瘦，啱我，皮都脆嘅，唔太咸；油鸡味道好够，但其实得好少肉；咸蛋正常而且重有油；饭都好腍，唔错。4分上次食评系2024年9月7日提交嘅呢篇：https://www.openrice.com/zh/hongkong/review/%E5%81%9A%E5%88%B0%E8%A6%81%E6%B1%82-e5665628题外话：我第一次见佢哋要将烧味咁样放出嚟。…查看更多

叉烧烧牛饭，加多碗例汤都系$45 ，今时今日荃湾嚟讲，算系抵食，肥差咬落又咬口，烧鸭都唔系净系骨头，饭就差啲比较硬，但系味道正宗葵涌佢，可以回来翻食，外卖$30的烧味饭多人帮衬，堂食就可以舒服啲…查看更多

买左一只烧鸭，返到屋企打开夹番落自己嘅碟加热，至发现冇左一只髀。打番去舖头话俾佢地知（其实心知唔会有实际作用，只系唔讲唔舒服），接电话小姐一如预期态度差劣，话冇可能偷一只髀，叫我影相做证据send番俾佢地睇，又话口同鼻拗，话我屈佢，仲问我当场做咩唔check清楚。其实呢个世界真系有人会买烧味，人地包好晒俾你，你再打番开个外卖盒数下check下d件数齐唔齐？！咁，其实我都知系口同鼻拗，影相都冇用㗎，影完你都可以话我系自己夹走一只髀至影张相屈你都得。打电话之前已经预左佢会无赖、预左佢会唔认、预左佢会态度差。唯有以后自己唔帮衬，咁你多我一个客又唔多，少我一个客又唔少。我买得少少嘢又唔系大客，咁算啰。…查看更多

外卖饭盒叉鸡饭 ，切鸡其实系盐焗鸡，鸡肉系好梅嘅，叉烧系咬极都呑唔到，饭系有生米的，我不是要跟酒店比较，只是一个基本的烧味饭原则去评论 。没有期望得太高，只是真心觉得难食，30蚊都是钱，为何将食物煮得这么差😩 我放弃了饭盒已报销。…查看更多

星期六有节目，于荃湾运动完后，逛逛街，大约黄昏时分，有啲肚饿，不如提前吃吃吧突然想起川龙街宏泰烧味餐厅，步行10分钟到了，仍是熟客多多，塞住门口等外卖找个雅座，冷气凉浸浸，睇吓餐牌，仍有下午茶😀 奉送饮品或汤拣了 瘦叉烧 油鸡米粉（走葱）厚切大大件叉烧，啖啖肉😋有4、5 件油鸡 肉质鲜嫩，点啲葱油，更加滋味是日例汤：冬瓜汤，煲得够火侯，没味精，清甜有意米、猪骨 、、、埋单 $30 抵食下午茶，下次再嚟，bye…查看更多