宏力飲食中心

WhatsApp 落单经常不回覆，之后搞个网上落单又唔睇单，次次去到攞外卖先知有单，废到不知怎形容，今日网上落单又系冇睇单，去到才做，等了差不多20分钟，最㷫系外卖回到公司打开又搞错我份外卖，真系不知所谓。…Read More

今日叫咗几个烧味饭义烧系白色番煮,没有烧过,怀疑过夜,质素极差仲话九龙湾最好嘅烧味,午餐嘅炒粉面饭都ok,以后唔会再嚟食烧味饭,质素欠奉,座位狭窄,应该冇下次！！！…Read More

九龙湾工业区有唔少餐厅，但好似都揾唔到一间食饺子嘅舖头，今日系11月21号，路过食神宏力饭堂，刚刚好系佢哋第一日推出饺子餐，等我呢个(唔) 专业嘅foodie试下咩料先😁😁🤗👍香茜马蹄猪肉饺拼沙爹金菇肥牛饺🐷🐮🥟$52大只饱满，肉料丰富，饺子皮比较薄身，易入口。香茜马蹄猪肉饺比较好食，芫茜味道好出，新鲜包起同埋冇overcooked先做到呢个效果，呢只饺唔会比其他饺子专门店输蚀。沙爹金菇肥牛饺，金菇同肉嘅比例做得唔错，如果沙嗲同牛肉份量增加多一点，应该会更好食😁😁😍😍🥳花胶猪骨鸡汤底几好饮，明显唔系普通嘅例汤，系有用时间煲过嘅老火汤，食到个底嘅时候仲见到两嚿花胶仔，开心！😀😀👍店员睇落应该做咗好耐，好殷勤咁介绍佢哋嘅饺子畀我，我喜欢呢种小店，员工对舖头嘅热诚，会真心推介食品畀客人，呢种凝聚力买少见少✨✨✨👍👍👍🤩…Read More

转咗新工都半年了，而家喺九龙湾返工，嚟屋企都系3个地铁站，劲近，可以瞓多9个字，车$又平咗，赞！原来九龙湾有好多隐世美食，我讲既当然唔系商场入面𠮶啲啦😏，系我公司附近，每日lunch都触发起我既选择困难症😹 仲越嚟越严重啰🙄今日去咗一间叫宏力既茶餐厅，门口隐蔽，麻甩但环境干净，冷气够，坐得都舒服ok，对我嚟讲最紧要系嘢食好味😋叫咗芝士蕃茄焗猪扒意粉。姐姐送到嚟，哗！劲香啰，又多汁，猪扒有两块，有一块仲要带骨！小妹我咁钟意lun 骨，痴骨既肉系最好食🤤啱晒👍🏻 如果两块都带骨就好了，下次request吓先😆猪扒半肥瘦，软熟但唔似系用棚沙粉乸到咁，否则一定带阵味，劲憎😒个汁系重点之一，我系超级汁怪，对汁要求特别高，呢个汁唔系太多芝士而且唔浓芝士味（啱我，我唔太受到浓芝士but又学人食🤭），有蕃茄味之余仲食到美极味，好特别。阿哥（team manager)话呢啲系旧式茶记既味道，买少见少了，因为好多都已经接晒☹️意粉仲可以有啲Al dente ，劲！无发涨无淋晒，仲应该事先用个汁炒过再加汁同芝士去焗，唔会干鲠鲠或痴埋一旧，加分啦。佢有劲多选择，下次食佢既烧味先，见多人食，仲好大碟𩠌🫢…Read More

返新工喺九龙湾揾食，第二次去呢间野。见其他食评烧味相望落几吸引，试左个六宝饭。卖相同味道都唔太好，鸡冇鸡味，叉烧唔入味。另外叫左干炒牛河，过左七八分钟d姐姐先黎话冇河粉，转叫上海粗炒，等左接近三十分钟，中途吹左三次，呢度既侍应个个都唔理其他侍应落既单，问第二个系完全唔会帮你跟进。柜台收银一味话整紧，最后差唔多九个字，饭都食哂仲未黎唯有起身走。埋单仲要一句对唔住都冇，仲要收你正价冻饮钱。呢度服务真系垃圾到九流，一定唔会再黎！…Read More