安南 (利園二期)

依间越南餐厅系朋友推介.门面精致, 内部环境舒适, 带点格调.非常适合聚餐.Deep -fried Spring Roll 安南春卷(HK$128)春卷外皮香脆, 食落唔油腻.我钟意配埋菜一齐食, 感觉冇咁邪恶.An Nam Skewers Platter 安南串烧拼盘 (HK$168)串烧拼盘包括鸡、牛、猪三款肉.烤得啱啱好, 仲keep到肉汁.全部都好惹味.点埋个沙嗲酱更好食.Crispy Vietnamese Shrimp Cake 越南炸虾饼(HK$148)虾饼虽然薄啲, 但口感依然好弹牙.好食到令人回味.An Nam Crispy Chicken 传统南乳烧鸡 (Half - HK$258)半只鸡份量十足, 每件都肉厚多汁.食落皮脆肉嫩.配搭嘅南乳酱味道偏咸, 略为盖过鸡肉嘅原本嘅味道.唔系好建议大家点个酱食.My Tho Style Fried Rice Noodle 美拖炒沙河粉 (HK$148)一上枱就闻到好香.份量十足, 食材丰富.尤其系啲虾劲大粒.好食到, 要我一个人食晒一碟都得.Wor-fried Morning Glory 马拉盏炒通菜 (HK$98)虽然加咗辣椒, 但辣度适中.系食到有镬气嘅.味道唔错.Black Sticky Rice with Mango 香芒黑糯米 (HK$98)芒果糯米饭配云呢拿雪糕真系比较少见.芒果甜度适中, 黑糯米软糯, 有少少甜味.所有嘢配埋一齐好好食.Lychee Smash 荔枝特饮 (HK$78)夏天饮几啱.饮落几清爽, 味道似Mojito加淡淡荔枝味.里面系有荔枝果肉㗎.整体嚟讲, 食物味道质素高.味道令人满意.虽然价格比较高, 但环境舒适, 服务周到, 我觉得系物有所值嘅.…查看更多

已经有一段时间冇食安南，今次再食嘅感觉非常好👍🏻久违了的味道！龙利柳非常嫩滑、牛仔骨肉质好淋，调味恰到好处👍🏻马拉盏炒通菜一般啦！蕃茄牛腩汤河，真系非常美味，汤好饮👍🏻👍🏻生熟牛肉蒙粉被比下去了😅至于服务稍都系唔差的。环境装修充满异国风情，干净舒服嘅👍🏻…查看更多

今晚一个人走入铜锣湾利园二期嘅 AN NAM 越南餐厅，享受一场独处又温柔的晚餐。餐厅装潢典雅，灯光柔和，环境宁静而不冷清，令人不自觉放慢节奏，慢慢感受食物带嚟的温度。我点咗两款菜：香脆薄饼与鲜虾鸡肉炒金边粉。薄饼外皮炸得酥脆，馅料有虾、有芽菜，香口又不油腻，配埋越式鱼露更添层次。主菜金边粉炒得干爽，唔会黏笠，虾同鸡肉都煮得刚刚好，调味浓郁但唔过咸，每一啖都好满足。连加一服务费今次消费 $314.6，价钱唔平，但环境舒服，员工有礼又唔会打扰你，非常适合想静静地一个人叹饭嘅时候。如果你钟意越南菜，又想揾个地方慢慢食、慢慢谂，AN NAM 系个值得一试的地方。…查看更多

与好友相聚，安南是𣎴二之选。 食材质数佳，新鲜，不油不盐，味道刚好，温度热呼呼的，招呼非常好，环境舒适，可以在周五晚上轻松大吃一顿非常畅快，顿时一周嘅辛劳抛诸脑后。…查看更多

已经系第三次外卖莲子荷叶饭、好味😋正价比高，食得安心，值得推荐，服务态度非常之好， 预先order 等咗差唔多半小时，不过值得，还会继续尝试其他菜式及下咗啦次会继续支持 👍🏻👍🏻…查看更多