宇治園

突然发现有人话要闭店，于是星期日就过嚟食。住喺新界都系小去时代广场食嘢，一到步就买抹茶芭菲，店员有礼，个芭菲切得太靓啦。雪糕茶味适中份量较少，蛋糕同奶油份量多，啫喱都有茶味，唔会甜，系健康嘅。再加个培茶雪糕筒，佢都系唔太甜，够健康，店员见我企喺度食，话有位可以坐喺度，太好啦🥳。很好的店员👍…查看更多

店名：宇治园地点：铜锣湾时代广场菜式：日式甜品雪糕餐牌：软雪糕，软雪糕甜点，沙冰，珍珠，奶盖，咖啡，豆乳，冻饮，热饮，同卷蛋。焙茶软雪糕 $40食过呢间宇治园咁多次都系觉得软雪糕最抵食，唔会有d多余既忌廉或者唔好食既材料。软雪糕有三款口味，首先要个焙茶先。软雪糕好高身，要斗快食，融得好快。焙茶味例牌香滑，好味。个窝夫饼都脆同好味道。牛奶软雪糕 $40小朋友钟意试试牛奶味，我就觉得味道较淡，可能系食左焙茶既原因。焙茶彩色丸子脆脆杯 $70脆脆杯其实系窝夫饼装住焙茶软雪糕，面头洒上焙茶粉，伴有红豆蓉同4粒丸子，两紫一黄一白。窝夫饼够厚同脆，都好好味。丸子我觉得唔够烟韧，又无味。反而红豆蓉配雪糕更好食，所以呢杯系好食过软雪糕既，不过贵$30！紫薯黑糖珍珠 $50紫薯味较淡，同埋较稀。黑糖珍珠细细粒，烟韧度可以高d，份量都可以。呢杯饮品麻麻地。焙茶雪糕同窝夫饼系好食，饮品都系麻麻地。而家做紧买$100减$20优惠，就好抵！…查看更多

本身以为呢间系冇位坐见出面好中地方都系Starbucks枱点知行埋去睇原来枱上面写住系公众地方于是就买左黎食个样整得好靓抺茶味算浓特别系有洒上抺茶粉既个啲雪糕又唔会太甜…查看更多

试左铜锣湾一间抹茶铺头对抹茶控黎讲真系选择多到唔知点拣好🤣最后拣左：🌟抹茶豆乳 $40好浓既抹茶味，泡沫细密软绵，口感丰满，非常适合抹茶控😍🌟焙茶牛奶飘浮 $60我最钟意既系呢一杯焙茶牛奶飘浮!! 顶部系焙茶雪糕，下面系焙茶牛奶，焙茶同牛奶都非常夹，一个价钱两个享受!!🤩值得encore!!! 下次去开铜锣湾一定再去帮衬!!😍📍宇治园香港 UJI-EN铜锣湾勿地臣街1号时代广场9楼919B号舖…查看更多

前排我太太话佢好想食抹茶甜品，所以我就决定带佢嚟呢间宇治园试吓。听闻呢度嘅抹茶甜品相当出名，好多人都会专程嚟光顾。我哋叫咗抹茶牛奶同卷蛋share。抹茶牛奶真系好够抹茶味，浓郁嘅抹茶香气，口感顺滑，而且唔会过甜，啱啱好。卷蛋就好松软，唔会太湿润，一啖食落口感觉好满足。我个人觉得呢度嘅性价比真系好高，啲甜品质素好过好多cafe嘅出品，而且价钱都唔太贵。经过嘅时候可以嚟试吓，相信你都会爱上呢度嘅抹茶甜品。唯一麻烦系要自己揾位，因为通常都好多人饮咖啡。…查看更多