宇治初時@自家創作料理

老年咁远嚟到，加上个胃又唔系大，所以要精选好味嘅嘢，呢一间朋友极力推介， 12点左右已经嚟到，都要12:30先有得食。佢店舖细细，目测都有6个staff。食咗「樱花虾。虾浓汤粉丝」，我选择咗油面，个汤好浓郁，好多樱花虾，🦐记得有三至四只，除咗虾头，下身已经剥咗壳，新鲜嘅，有虾膏。朋友就食咗「鲷鱼浓汤粉丝」，唔好睇佢细细碗，其实份量都大，啲面都食唔晒。唯一个要处理嘅就系冇得坐，好彩嘅就可以放喺张high table 度食，如果唔系就要手拎住食，碗嘢都几辣手，因为新鲜滚热辣。…查看更多

唔讲笑，呢碗鲷鱼汤粉丝绝对系「米粉界天花板」！一上枱已经闻到个汤香到爆炸💥，饮一啖汤，浓郁到好似成个海洋嘅精华都喺晒口里面，鲜甜到癫，完全系「汤控」必试神作！粉丝索晒啲汤汁，每啖都挂汤到不得了，口感滑溜又唔会烂，仲keep到微微咬口，正到喊！鲷鱼片更加系重点，煎得外皮香脆，内里肉质弹牙到好似识跳舞咁💃，鱼味超出，一啲都唔腥，生熟程度完美，唔会过老又唔会生，厨师功力绝对系「神级」！成碗食完真系有种「升仙」感觉，幸福感爆棚❤️‍🔥。如果世上有粉丝汤天堂，呢碗绝对系入场券！仲未食过？你out喇！快啲去试吓，保证你一试变fans，回头率100%！…查看更多

其实一开始来葵广就直奔宇治初时，接近开店时间来到，见到冇人超开心，叫完话25分钟后先拎得O<--<弱鸡嘅我选择咗小辣🌶️ 。浓汤粉丝好顶饱，带少少豆腐和娃娃菜，娃娃菜配汤特别👍，下次一定会直接加配！本身食得有D慢，同桌基本都系2人SHARE，结果过左就嚟有3波人先食完。中间听到话小辣冇味，我响旁边默默索鼻水😭饮果汁，另外，顺便 👂偷听到有个人话间野嘅汤之所以唔腬系因为加左酸菜，そっか！佢好似系揾到证据，但我耳仔睇唔到，偷感十足响度低头饮埋最后一啖汤就走开左。…查看更多

一直耐唔耐都会去葵广食野，但次次都miss咗哩间，因为次次都食到饱晒，今日老公专登要留肚食哩个樱花虾·虾浓汤粉丝，唔洗排队，冇咩客，等一阵就拎到。到手成碗野系香&好热，影完相就即刻谂住食啦，点知一撩起d粉丝就出事，全部粉丝结晒一饼野⋯我成个人呆咗，我一出餐就即刻拎嫁㖞⋯我同老公都o晒嘴。·成碗野劲热，今日周围铺嘅食客都算多，成条巷仔都系人，冇枱，要成碗拎系手到，本身谂住即刻食，快d食完唔洗拎咁耐，点知要拎住碗野系到等，等d粉丝慢慢散开先食到（仲要根本散唔到）我想用筷子整散都整唔到，劲实一饼野咁。超级失望，汤嘅味道系唔差呀，但你出餐出成咁，再好食都冇下次，最后仲要系要食「粉丝饼」咁食，因为根整唔散d粉丝！！！·老公本身系chef黎，佢话应该系一早煮定晒一堆粉丝/面系到，Order个时净系整个汤淋上去所以先会出到黎咁样，我见d staff都算比较得闲，系到倾计吹水🤦🏻‍♀️·唔知系不嬲出餐都系咁，定系个别事件，但对于客黎讲，第一次食就系咁真系唔洗预我会再去食，味道又唔系惊为天人，出餐quality又唔好,我个人会留肚食第2d野算数，真心好失望。（老公就话下次食多次㖞🙄俾多次机会㖞🙄）…查看更多

的确系浓汤嘅，但系好咸，整体味道麻麻哋啦，不过份量好大，好多粉丝同埋鱼，但系真系一般般，冇网上讲得咁好食，想话俾大家知天使辣系唔辣㗎，如果钟意食辣嘅记得唔好嗌呢个辣度…查看更多