孖發冰室

之前的老板两公婆退休了，转了手给一个原本在码头开小食店的老板，装修了几个月，今天人日重新开张了。早餐就点了个沙爹牛肉煎蛋通心粉，加杯热齐啡，正常茶餐厅水准。埋单40蚊，呢个价钱已经算是坪洲最经济的其中一间食店了其他午餐，下午茶就慢慢揾时间再去试…查看更多

我哋两个街坊去食，同行叫沙嗲牛面。等咗三个字，点知来咗碗无酱嘅面，牛肉得几片舖咗碗面三分一。问返先知无晒沙嗲牛，但中途完全无人讲声，自动帮我哋换咗碗鲜牛面。除咗无酱少料，汤底都只系滚水，所以碗面基本无味。连热饮承惠 $36。我就点咗鸡肉汤米。餐牌无，但呢味我旧时都点过几次，印象几好，贪唔使食咁饱又平过碟头饭，而味道都算过得去。清汤米粉配鸡油同姜茸，加上鸡件舖面，呢间来讲算唔错嘅配塔。埋单先知原来佢收我连热饮 $56，等同碟头饭餐嘅价，令我有啲错愕。印象中以前唔系呢个价，贵极粉面餐都唔会过五十蚊。但既然餐牌无，都只能任佢叫价，畀佢赚埋我今次算咯。埋单时老细收我 $94，我起初唔知价，以为平均一人四十零蚊咁，所以无再多问。同行发觉唔对路，先知原来我碗汤米咁矜贵。另外，就算计碟头饭价，都系 $36 加$56 等于 $92，始终畀佢收贵咗。我入返去问清楚个价，老板语气有啲唔耐烦，话鸡肉汤米咪 $56 咯，又话 $36 加 $56 啖 $94 咯。我指出佢计错，佢先粗声粗气话咁畀返两蚊你咯，完全无表示歉意。收错数都咁嘅态度，都唔知系真计错定侧侧膊。服务方面就算数喇。除咗落单混乱，阿姐抹枱又倒泻半杯奶茶，道歉都无声。好彩无溅到我哋身上啫。我见其他枱都有出错单，估佢做惯离岛街坊生意，游客一多就踢晒脚。总之唔会推荐，宁愿你去买面包买小食都唔好帮衬。…查看更多

舖头内有多张民建联海报舖头内有多张民建联海报舖头内有多张民建联海报午市有七个选择唔使谂全部都系垃圾。海南鸡唔海南，油饭又冻又唔油。凉瓜老过人瑞，两碟饭得𠮶几旧斑腩系热的，但是啲油好老，食埋啲万年油落。唯一推介比啲想悭钱嘅人，因为食完呢餐几日都唔会想再食嘢。舖头内有五个卡位位置有啲窄，唔适合四个人食。卫生环境来讲非常差，张櫈痴住嘅饭仲多过我𠮶碟。个人建议去对面𠮶间比较多人排嘅冰室食，起码啲嘢食系热的。…查看更多

这是坪洲一间好地道的茶餐厅，多数是坪洲人帮衬，因为门面较普通，游客大多忽略了，他们除了供应一般茶餐厅的食物，最特别是有鸡汤饭吃，其实只是白切鸡再加鲜鸡汤泡饭，虽然是冰鲜鸡，但入口颇有鸡味，再配合那手刴的姜葱粒，特别可口，如不喜欢泡饭，有白切鸡饭供应，另外一款是蕃茄薯仔排骨汤通粉，入口不太觉有味精，好像妈妈煲的味道，通粉口感輭硬适中，虽然卖相普通，但真系好好味，这是外面的茶餐厅吃不到的，除此之外，红荳冰也不错，但不是常有的。…查看更多

吾讲吾知，试过先知原来平日坪洲大约去到15:00大部份餐厅都关门，吾知系疫情期间18:00无堂食，所以先收早d，定系平时不嬲都系咁。行下行下黎到孖发冰室门口，见佢重开紧，于是拣依间，点知要等位，心谂依间孖发冰室应该吾会差得去边挂。黎到下午两点几三点已经好肚饿，加上吾熟悉依间餐厅，于是稳阵地拣左是日午餐之一既咖喱鸡扒饭。鸡扒系炸既，份量算大份，咖哩汁正常茶餐厅味道，吾算好亦吾算差。对于我依个冻奶茶控，当然拣番至爱。茶味香浓，每一啖吞落口饮完的时候，留系口既有一阵涩既茶既余味which is good and I like it。总结: 不过不失，正常茶餐厅。…查看更多