孖寶去骨海南雞 (又新街)

一家人食饭又唔想煮，近近地去又新街间孖宝买外卖先，五点几去到已经全店满座，仲有几个人等紧外卖，十分热闹。点左一个孖宝4人餐，另再加左半只熏蹄，家人爱肉嘛，全部点哂啲啖啖肉嘅𩠌😆⭐无骨海南鸡个餐可选海南鸡或口水鸡，拣左要海南鸡🐔，一只鸡放得满满的，已去骨方便食。鸡件嫩滑鲜味，鸡皮下唔多脂肪，啖啖肉好正，再点下酱料更鲜味🤤⭐蚝油时菜一盒生菜份量足。⭐鱼香煎肉饼煎得脆口，咬落真系有咸鱼香㖞，几好食。⭐梅菜扣肉酱汁调味唔错，扣肉半肥瘦炆得入味，梅菜吸左酱汁同猪油超好味，净系梅菜都可以食几碗饭，下饭之选😆⭐状元熏蹄另加的半只熏蹄，同样炆得好入味，咬落弹牙好有胶原感，正😋⭐靓汤跟餐的例汤南瓜鸡脚汤，好鲜甜，一饮就知系无味精靓汤。⭐油饭饭可选油饭或白饭，拣左四盒都系油饭，入口香口，好味😋一家大细食啱啱好，呢个餐真抵食😋…查看更多

听讲元朗有间无骨海南鸡饭又抵食又好食，而且一间舖头入边有多元化嘅选择，唔单止有海南鸡饭仲有卤肉饭。同朋友两家人决定买唔同嘅饭返屋企一齐食，首先我哋买咗三个大嘅海南鸡饭油饭，另外买咗两个卤肉鸡翼饭、卤肉鸡扒饭、同埋一个熏蹄。一打开合，分题香气扑鼻佢唔会太肥味道啱啱好，无骨海南鸡入口嫩滑配合埋油饭刚刚好，而且买外卖佢配嘅酱汁都非常之足料，每一样都执得好齐呢一点我哋好欣赏佢，卤肉鸡翼饭小朋友至爱，最喜欢佢味道唔会太浓，真系适合一家大小都可以食，卤肉鸡扒饭返到屋企都仲系好香脆，而且呢个价钱鸡扒都系大大块，所有饭都系非常之足料，佢仲送咗南瓜甘笋粟米汤，净系睇个颜色都知特别浓味。…查看更多

今日去元朗做嘢，谂住去又新街逛吓有冇嘢买。见到好多人买外卖，凑热闹见到原来系海南鸡。左睇右睇拣咗一个孖宝二人餐：半只去骨海南鸡；够晒嫩滑；仲有佢哋自家出嘅三种配料。另外配个𩠌我拣咗鱼香煎肉饼；好有咸香味，五件大大件；送饭一流。另外包个时菜同两个饭。仲有两个无味精鸡脚，萝卜粟米汤；非常好饮；啱晒我哋啲寡佬。百几蚊咁多嘢，觉得几抵；难怪咁多街坊帮衬。…查看更多

今日同朋友系元朗约左食海南鸡。先讲半只去骨海南鸡，鸡肉处理得相当细致，去骨后切件工整，皮薄而油香，肉质嫩滑，入口有淡淡鸡香同微微咸味，唔会过重调味，保留咗原始嘅清甜。配埋鸡油饭，饭粒分明，油香渗透其中，食落唔会觉得腻，反而有一种柔和嘅香气，令鸡肉同饭互相衬托，系一个经典嘅组合。口水鸡方面，例牌去骨，肉质同样保持嫩滑，但调味就完全唔同。麻辣酱汁香气扑鼻，花椒嘅麻同辣椒嘅辣交织，带出层次感。酱汁唔单止辣，仲有微微酸甜，令鸡肉更惹味。入口先系麻香，再系辣劲，最后留低一阵甘香，食到停唔到口。相比海南鸡嘅清淡，口水鸡就系一个强烈对比，令成餐更有变化。盐酥鸡外皮炸得香脆，金黄诱人，咬落有「卜卜脆」嘅声音。调味用咗胡椒盐，香气四溢，鸡肉保持多汁，唔会因为炸而干柴。呢款小食同主菜相比，系一个轻松嘅插曲，带出街头风味。油菜就系简单清炒，保持爽脆口感，油量控制得宜，唔会太油腻，亦有助平衡成餐嘅肉食比例。饮品方面，热柠檬水清新解腻，酸香自然，暖胃效果好冻柠乐就系港式经典，柠檬香同汽水嘅甜酸融合，冰凉爽快，特别适合配盐酥鸡同口水鸡，减低油腻同辣劲。…查看更多

在元朗屹立多年的孖宝去骨海南鸡，不但菜式多，味道出色，而且价钱合理，难怪成为街坊的饭堂之选。今晚店内座无虚席，唯有外卖回家享用啦。🍗 去骨海南鸡皮滑肉嫩，鸡肉鲜甜不柴，去骨处理得宜，食用方便。配上香浓的海南鸡油饭，油香渗入米粒，是孖宝的招牌之作。🐟 鱼香煎肉饼（推荐）外层煎得香脆，内里肉饼厚实多汁，恰到好处，既惹味又不腻口，是我每次必点的心水菜式。🐖 状元熏蹄肉质软腍，肥瘦比例恰当，不会过腻。🍤 虾饼虾味浓厚，口感弹牙，外层炸得金黄酥脆，4人餐外切加的惊喜之选。🥬 配菜与汤油菜清甜，靓汤无味精但味道足料，清润不腻。这个4人餐真是性价比高, 大家不妨去试一下.。…查看更多