孖啡 (已結業)

喺旺角呢间Cafe食咗餐，惊喜系佢哋嘅水牛城鸡翼！唔会太辣，酸酸地好开胃，酸辣平衡得啱啱好，啖啖肉都系𠮶阵正宗味！好多舖头都整唔出呢个味道，呢度真系掂！仲试咗个黑松露薯条，香脆可口，配鸡翼一流。环境好chill，坐得舒服，服务都OK，店员好有礼。不过饮品杯有啲残旧，边位有啲污渍，略为扣分。整体黎讲，水牛城鸡翼值得一试！…查看更多

可以无限时坐低食嘢饮嘢系吸引咗我哋过嚟嘅原因，而且朋友之前订座仲有得送小食今次系六件咖喱角，味道正常冇乜特别。因为圣诞节嘅关系圣诞餐牌比平时餐牌系贵20至$30，其实嘢食都系一样。个包比我心目中好食，而且仲有沙律同薯条份量都唔少，朋友嘅蚬肉意粉都几香。饮品叫咗冇加钱嘅绿茶味道正常，不过加咗$28嘅芝士蛋糕就劲失望，好彩只系嗌咗一个，唔好食之余冇芝士味，感觉上好似放题放咗三个钟头喺度吹雪柜咁当初仲谂住好食嘅话就叫多个。每人大约$170价钱都算正常，因为可以坐到两个半钟。…查看更多

难得嘅闺蜜时间👯‍♀️梗系要去食饭慢慢叹Book咗呢间孖啡☕️位于旺角🙆🏻‍♀️地点好方便香蒜白酒蚬意大利粉 $122蚬肉份量够哂多😋仲要好鲜甜❤️重点系无沙😂意粉带有青红椒，再配上蒜香香气扑鼻🫶🏻明太子海虾意大利粉 $136呢个不得了，入口好creamy带有少少辣，缓解咗腻嘅感觉👏🏻海虾啖啖肉🦐够晒弹牙食到唔停口😆朱古力心太软雪糕 套餐+$38好抵🍫出面食个心套软要八十几九十依家套餐只需要加$38 介开个蛋糕，睇住啲朱古力浆流出嚟好治愈😂特浓朱古力，唔太甜必点💜…查看更多

呢间Cafe系我大学时期帮衬得最多既旺角Cafe，贪佢有boardgames玩，无限时任坐，仲要啲野食几好食，性价比几高。晚餐都有Dinner Set，包一杯$38蚊饮品，超过就补差额，亦可以散叫。烟三文鱼意大利烘包配薯条（$118）女仔食唔到太多叫呢个Set就啱啱好，有沙律有薯条，重点系个包亦都好食，烘包入面夹住厚厚既烟三文鱼，伴有蕃茄青瓜同凯撒酱，成个好丰富，每一啖都系丰富食材，完全唔会干，黎营养价值都高。明太子海虾意大利粉（＄136）呢个比想像中更好食，虾既份量好多，每只都好爽口弹牙。明太子酱份量亦都好多好充足，每一条意粉都均匀沾上左明太子酱，好挂汁好入味。蓝莓果茶（跟餐补$18差价）呢壶果茶好大壶好襟饮，一杯一杯慢慢饮，饮左三个钟先饮哂。味道偏酸，有养颜美容功效。朱古力心太软雪糕(跟餐+$38)呢个每次黎都必点，咁既价钱咁既质素真系值。朱古力味超级浓郁，蛋糕质地唔会太干或太软，朱古力流浆比例亦刚好。…查看更多

周末起身，懒懒地同个女出去食饭，嚟到呢间楼上咖啡厅，旺中带静，环境好阔落啲枱凳坐得好舒服，一人叫咗一个餐😋😋性价比都几高，野食卖相又好，心情大靓✌️✌️✌️✌️叫左个全日早餐🍳 食物好丰富，鸡蛋够滑，又有三文鱼同蕃茄汁荳，好食，配杯泡沫咖啡，泡沫咖啡卖相一流啊，好啱打卡🤤🤤🤤🤤正蚬肉意粉💁💁💁用蒜片、同洋葱炒，蚬肉够多够鲜味，成个意粉都好入味好香口，呢个价钱，比想像中好食，摆盘卖相都好好👍👍😍😍配左杯朱古力咖啡，阿女怕肥走咗忌廉，所以卖相冇我个杯咁靓，但系佢话味道都几好☺️☺️🤤🤤👍👍✌️✌️环境阔落配埋个咕𠱸坐得好舒服，同阿女倾埋偈，今个周末，好好享受，下次会再嚟😎😎😎…查看更多