子鴨留香

今日lunch同媽媽去試呢間菜館，我地order左2個午市套餐，鴨菘蝦仁菜粒炒飯份量好多(其實可以2個人share1個餐，媽媽仲要打包拎走🤣)，配鮮肉鍋貼2隻(煎得好脆口味道都5錯😋)，仲有瑤柱粟米羹(個芡汁比較杰，所以麻麻地😅)，成個餐都係$80☺️，另外再order左1個嫩雞煨麵(配菜菇類仲多個雞肉😅，份量都適中)，配上海小籠包2隻$85(小籠包好多肉汁味道5錯😋)，座位都坐得好舒適

適逢做節，媽媽想食北京填鴨，於是訂了此店。本來已經訂位，到達後仍然要等差不多半小時，對於行動不便的父母，實在不方便。每人食了幾篇烤鴨，味道一般，不過配菜不錯，多種選擇，竟然有牛油果醬，從未試過的新鮮感。另外叫了津白，春卷，蔥油餅，鍋貼，上海炒年糕，都係一般上海菜，味道也是一般，價錢卻偏貴，座位也迫迫夾夾，感覺麻麻哋。外面的裝修不錯，高雅舒服，入來，反而感覺有點現金。服務員工OK不過可能因為假期，非常趕急。整體來說，食物價錢偏貴，食物質素不過不失，對於烤鴨有點兒失望 ！

我屋企人生日，當然要慶祝一下，搵啲新嘢試吓，呢一間餐廳，開業唔算太耐，但時常都會full Booking。我哋叫咗八樣嘢食。一定要叫餐廳嘅招牌菜，留香烤鴨🦆，個個都話在這間餐廳必叫必食，上枱嘅時候，仲有一個爐蒸住，這個當然要試吓啦！留香烤鴨🦆（一鴨兩食，片皮和炒七彩火鴨絲）、松子糖醋桂花魚、砂鍋雲吞雞、上湯雜菌時蔬、上海小籠包、招牌生煎包、蘿蔔絲酥餅、香蕉高力豆沙和豆沙鍋餅。如果要評一評烤鴨，佢比起平時食嘅北京片皮鴨，鴨皮烤得較為乾身，冇咁油膩嘅感覺，至於鴨肉方面，不是好嫩，亦不會乾。但我覺得都值得一試。

今日晚餐叫咗一個四人套餐，價錢1688 ，但埋單連加一服務費合共需要付二千多元，原來茶介收費非常昂貴，食物質素、份量及味道都非常一般，所以這個價錢並不合理，不值得一試。

朋友仔遠赴愛爾蘭學習，為她高興又羨慕，有藉口相約聚一聚，朋友揀了鴨子留香，大家都是首次到訪，環境舒適，適合一班人聚會。必點店內名物*片皮烤鴨*肉質鮮嫩，加上甜醬和配料，以軟熟的薄餅包裹著吃，滋味無窮。人多必點*松子桂花魚*桂花魚很大條很震撼，魚肉內軟外脆，啖啖肉，配料色彩繽紛，酸甜度不錯。邪惡的*金沙虎蝦*大大隻的虎蝦被滿滿的咸蛋黃包裹著，蝦肉新鮮彈牙，咸蛋黃金香回味。*麻辣福花*第一次食菜是用麻辣煮，福花未被麻辣搶去其鮮甜，惹味食不停。

話說子鴨留香呢間餐廳開咗話長唔長話短唔短應該係23年頭農曆新年嗰陣開好闊落嘅餐廳，6個人俾張可以坐到10個人嘅圓枱我哋( ^ω^ )用QR code等嘢食落單之際食下啲前菜先唔知係咪本豬少食呢類餐廳個花生🥜係伴白飯魚🐟好食又特別～✧ 留香烤鴨 （全隻，$468）餐廳好貼心咁分開兩邊上，而餅皮就有一籠🫓（讚一讚個籠保溫超好🤣食到最後一塊都仲好熱，冇變凍影響口感）上嘅時候侍應淋一淋水落個盒然後放上碟烤鴨，側邊就噴咗陣煙💨初頭本豬以為係啲fancy嘢俾人打卡討論完一排之後偏向覺得係加熱包可以幫手keep warm🔥片皮鴨加上原隻鴨脾🦆🍗，賣相超正但肉質方面偏老…本豬覺得似食緊kfc嗰重鞋口嘅肉✧ 鴨崧生菜包 （4件，+$88）好足料好重鴨味🦆🥬✧ 擔擔麵見人見智—完全唔辣而且好香花生味🍜本豬覺得好啱食但正正因為我覺得啱食就應該唔太正宗🫢因為平時好鐘意食擔擔麵嘅朋友仔係要食到辣先收貨（Sorry食得太興奮唔記得影haha）✧ 炸銀絲卷 （$50）有蒸同炸揀🥖，本豬就覺得唔好慳quota啦食得梗係食炸同落重煉奶😏唔知係咪因為新鮮呢炸到外趣內鬆軟唔重油味真係好好食👍🏻✧ 上海蔥油薄餅（4件，$86

滿心期待 ，但結果卻係食過最差嘅片皮鴨。片皮鴨 半隻 $298 鴨肉好瘦好乾柴薄餅皮成塊都有白色麵粉殘留，實在不能理解。餅皮厚而粗糙。餅皮與餅皮之間冇防黏分隔紙。有一隻金屬小鉗俾人用嚟夾起塊餅皮，但偏偏呢隻夾呈鋸齒狀，好易夾爛啲皮😂所以鴨肉+薄餅皮整體來講，口感都係又乾又柴，完全不享受呢道菜。與其搞創新整牛油果醬整山楂條，不如先做好基本功（鴨及薄餅皮）。原裝只有6塊薄餅皮，唔夠2個人分。其後加餅皮須+$36/6塊香蕉高力豆沙 $58/3粒外皮頗結實，欠空氣感紅豆沙加上香蕉 略甜。唯一優點係伙記人手夠，做野快手。

從不寫食評嘅人都要留低評論晚上訂左枱6:30鐘入坐，門口話入座起計90分鐘，門口帶位按排左我地坐卡位，主要同另一半慶祝食生日飯其間叫左半隻鴨，小龍包，生煎包，陽春麵等多款食物。不過當食左一半左右 大約45分鐘，個樓面男經理就開始吹埋單，仲問啲食物到齊未，我話加左單後睇見男經理個樣就即時黑面。由於門口多人等位，未夠50分鐘已經不斷狂收你枱面上空既食物，杯碟等最後連甜品用餐時間75分鐘，不斷趕客食到滾水淥腳。由於慶祝生日關係廢事掃興，如果唔係一定大鬧投訴個經理不斷趕客整體體驗十分之差，唔會再返轉頭幫襯👎🏻👎🏻👎🏻👎🏻👎🏻👎🏻👎🏻

銅鑼灣地膽難得遠征到荃灣，當然要搵港島食唔到嘅嘢😎今次嚟到呢間烤鴨專門店，滿心歡喜諗住嘆個靚tea, 結果…（睇完食評再講😂）———❝ 上海小籠包（2件）小籠包比較一般大隻少少，不過略嫌皮厚咗啲。咬落湯汁鮮甜，餡料份量亦夠多，整體還可以吧👀評分：6.5/10———❝ 雞絲粉皮（跟餐免費附送）少見成個山丘咁高嘅雞絲粉皮！粉皮比平時食嘅更彈牙，雞絲同青瓜份量都好足，麻醬亦是超多的😂評分：7/10———❝ 排骨兩麵黄 | $88排骨軟腍入味，麵條軟中帶脆，口感不錯但偏油膩，調味亦嫌味精太重👎🏻評分：6.5/10———❝ 火鴨菘蟹籽菜粒炒飯 | $68炒飯大大碟，米飯炒至粒粒分明，而且鑊氣十足。唯一敗筆係鴨肉唔夠香同入味，聽聞餐廳主打賣鴨？🤔評分：6.5/10———✤ 整體評價 ✤餐廳佈置古色古香，典雅舒適。每道菜都係大大碟，味道唔算出色但可以接受。不過上面寫嘅價錢已經係下午茶特價，呢個價錢其實好貴💸不過服務態度真係奇差，店內不斷強調90分鐘用餐時間，催還枱催咗足足2次，呢啲都不在話下😅交完枱行出餐廳期間，經理仲要睥住我哋，嗰下真心嬲咗😂 後來上網睇返其他食客評價，都有趕客情況。一句講晒，無下

今日係荃灣行行吓街心血來潮想食片皮鴨，就入咗呢間專食烤鴨嘅中餐廳試吓😋🐥留香烤鴨（$288 半隻）烤鴨嘅外皮烤得金黃外，食落去亦都好酥脆。不過肉質就偏乾，唔係好嫩口😢不過佢附上嘅山楂條同牛油果醬就特別，配上鴨肉都好夾，亦都成功滿足到突然想成烤鴨嘅食癮😆🐟松子糖醋桂魚（$168 半條）魚身上面鋪滿松子，賣相幾好，不過糖醋偏酸，蓋過咗魚本身嘅魚鮮味🫠 雖然份量都足夠，但係炸粉比較厚同硬，好快就覺得膩🥲整體嚟講，餐廳價位偏高，如果鐘意食中式烤鴨嘅，不妨可以試一試🐣

另一半生日，約埋佢屋企人食飯，本身都冇野，食8:30 ，一入到去侍應就係咁推我哋食餐，人多都食到冇乜所謂，食咗冇耐就發覺唔對路，淨係識落菜，唔會有人識得執嘢，我六個人，比張細枱我，之後開始多嘢食，唔係比張枱仔我，將我啲餸放喺隔離，係直接叫我自己處理，唔係職員幫我執一執啲位置，啲職員叫極都唔應，淨係顧住執枱清場等收工，最過分係食到最尾，都未食完竟然直接上甜品，我同佢講我未食完可唔可以甜品遲啲先上，職員竟然係同我講廚師要收工，甜品要上，廚房要清場，後面個經理聽到，同個職員講放返入去先啦，一陣間叮翻熱俾佢，本身諗住食蛋糕自己帶咗個蛋糕去，你每位收我$10都好正常，最後我話唔喺度食，叫個經理俾返$60我，佢竟然發爛渣，其實話晒都係服務業，唔想做生意咪講囉，最過分嘅就係8:30食， 9:30就同我講話要埋左張單先，啲職員仲要完全冇為意，掛住執嘢，傾偈，踢到我哋啲凳/倒瀉水喺我哋隔離，完全唔會講唔好意思或者清理咗佢，本身諗住上網睇下搵唔搵到呢個集團，可以比返少少意見，，但係完全冇資料，所以先至喺呢度寫，真係唔希望有人受害🥲

#港女覓食到荃灣 早前行過荃新天地發現有新嘅餐廳😆即刻去試試佢~呢間野暫時得荃灣鋪，未有其他分店。所以都等候需時，上次食時候排左1.5小時有位，打算去食嘅朋友建議預早訂位😂✨留香烤鴨(半隻) $288鴨的皮烤得好香脆，肉質嫩滑，而且唔會出到鴨肉有膻腥味。曾經有食過一間片皮鴨的鴨肉有膻腥味，食幾舊就唔想再食了。呢間嘅鴨肉好食，會一口接一口的。而佢嘅醬料有特別嘅牛油果醬，不過都係傳統嘅甜醬最好食😆✨雞絲粉皮香濃嘅麻醬配爽口彈牙嘅粉皮，值得一試。其他菜式如小籠包和上海粗炒都好食同夠熱辣辣😍✨總結人均消費💸：$160/1人味道：🌕🌕🌕🌕🌑份量：🌕🌕🌕🌗🌑服務：🌕🌕🌕🌑🌑質素：🌕🌕🌕🌗🌑🍴 子鴨留香 (荃灣)📍荃灣楊屋道1號荃新天地地下G48, G50, G52, G56, G58 & G77號舖::::::::୨୧::::::::୨୧::::::::୨୧:::::::::୨୧:::::::::#hkfoodie#eat#gathering #food #foodphotography #foodblogger #foodstagram #instafood #hkfood #foodpics

荃灣三選一揀咗間新的試試可能為咗迎合現今飲食片皮鴨瘦，欠缺油香值得笑一笑茶要收茶位，坐低就叫，結果仲遲過鍋貼，侍應的回覆是「處理中」（莫非是現煮？現泡？...都係普通茶葉茶）裝修＆環境尚可$488的鴨上台時微温都無，皮就只有腿位保持脆口肉質無特別不試也沒有損失茄子未知係老，定係走油時過火，皮偏硬味道可以其他食品一般值得一讚平日用膳時間90分鐘準時幫你埋單，即使感受到香港餐飲文化關注你整晚的用膳進度，關心你無甜品

一間很好食的片皮鴨餐廳，環境服務和食物質素都是這間餐的賣點。餐廳座位舒服，雖然餐廳面積不大，但每枱之間間隔十足，十分寬敞。而且餐具都是雲石花紋，好有高級餐廳的感覺。首先說說片皮鴨，它味道和肉質都好好，鴨皮可選連肉或分開，這次我們選連肉上.佢特別之處是鴨會放在保溫盆上，所以溫度可保持，這是很細心的細節。配料也十足，好特別是有山楂條。除左片皮鴨，這次還叫了炒年糕，鍋巴等等，全部整體都好有水準，要嫌的話可能是鍋巴的配料偏鹹。

一開始店員好q熱情推薦佐二人套餐（$688)諗住隨便，反正揀唔落，所以就叫佐首先有餐前小食，大概係（木耳，豆腐，酸菜）三合一，整體偏酸，5/10分然後就係1. 涼菜（水晶餚肉）+ (雞絲粉皮）擺盤好差，成個粉皮裝滿哂，冇空間比我撈勻佢，味道好q普通， 3/10分2. 雜錦瑤柱冬瓜粒湯好腥，3/10分3. 銀杏萵荀百合河蝦仁普通，6/10分4. 半隻烤鴨鴨毛完全冇去乾淨，3/10分5. 上湯浸時蔬普通，5/10分6. 灌湯小籠包普通，5/10分7. 杏仁豆腐佢二人套餐冇得揀甜品，但冇照顧唔鍾意杏仁味既人，杏仁味極重，差評，3/10分最後食唔哂打包，一個打包盒$2，發現冇膠袋裝，但因為已埋單，店員表示只可收現金（真係冇帶，宜家出門口好小帶現金），否則要重新開張單收茶位費先可以碌卡買膠袋。。。離哂大譜。。。補充：連打包盒都收加一（雖然1蚊幾毫，真係o哂嘴）