媽咪雞蛋仔

之前中秋節臭屁熊係咁話要食芝麻湯圓，今日出街見到媽咪雞蛋仔出左芝麻湯圓味，就請臭屁熊食！超多人排隊，有成十幾個人左右，我就私心叫多杯港式豆花奶茶😎😎 芝麻湯圓雞蛋仔 （中秋限定） $56新鮮出爐，熱辣辣，中秋節限定嘅特別口味，雞蛋仔外脆內煙韌，食得出個餡似利X芝麻湯圓，每啖都好香芝麻味，湯圓皮都好煙韌，出奇地同雞蛋仔好夾！而且甜度啱啱好，可以一試！奶茶豆花 $30肌肉熊表示好欣賞係用港式奶茶，奶同茶比列啱啱好！真係做到茶餐廳風味再加個入口滑溜百X豆腐花，好飲！…查看更多

如果你係雞蛋仔迷，又鐘意創新口味，一定要試下媽咪雞蛋仔嘅黑芝麻湯圓味雞蛋仔！😍陣陣黑芝麻香已經撲鼻而來，雞蛋仔外層脆卜卜，內層又煙韌中帶住湯圓嘅滑溜口感，好似係食緊一場甜蜜嘅「雙重奏」！🎶 每一粒雞蛋仔仲有小小嘅黑芝麻內餡，香濃得嚟又唔會太膩，甜度啱啱好，真係越食越停唔到手！🤤至於配搭嘅鹹檸沙冰就更加係驚喜！🍋清爽嘅沙冰中夾雜住鹹檸嘅獨特風味，酸酸鹹鹹，飲落去有種即時解膩嘅爽感，仲可以中和返雞蛋仔嘅少少甜味，完美平衡！💦 一邊咬住香脆雞蛋仔，一邊飲住鹹檸沙冰，成個感覺就係：人生無憾！✨總結：創新又好食，鹹甜配搭一流！下次去媽咪雞蛋仔，記得要試下呢個 combo！👍…查看更多

星期六放工來紅磡黃埔掃街，食咗午餐，意猶未盡，當然就係食下甜品飲品啦，我個人最中意嘅香港小食就唔係魚蛋燒賣，係雞蛋仔啊，唔講唔知，友人就話呢間係媽咪雞蛋仔第一間街店，希望佢講得啱，傳統雞蛋仔味道不需多講，今日食下新味道，其實係我個人係好中意黑芝麻嘅，咁啱又見到有中秋期間限定嘅黑芝麻湯圓雞蛋仔，一定要食佢先，拿到時首先外皮特別脆感，濃濃黑芝麻香味，眼見到都係好多黑芝麻，內裡係煙煙韌韌又軟嫩又帶有嚼勁麻薯口感，餡料好滿，一啲都唔空身，一底好厚身，我認兩三個人摵來分享都足夠，最開心再加埋一杯芒果沙冰，開心週末…查看更多

今日去咗媽咪雞蛋仔買嘢食，佢哋新出嘅開心果格仔餅真係好出色！！😍好多款唔同嘅口味真係唔知點㨂好🤔所以我就揀咗中秋限定嘅開心果格仔餅試吓😳焗到金黃香脆，咬落去外脆內軟🤤上面搽咗開心果醬，再加碎果仁，堅果味好香濃，甜而不膩🤤食完仲有回甘味～ 拎住邊行邊食都好方便！😚奶茶沙冰方面，入口冰涼滑溜，奶香同茶味比例啱啱好，唔會太甜🙂‍↕️仲保留咗少少茶澀味💚好啱香港人口味！天氣熱飲一啖，成個人即刻醒神晒😋😋開心果格仔餅配奶茶沙冰依個組合絕對可以一試🫵🏻地址：紅磡船澳街99號黃埔新邨地下1A15號舖…查看更多

細個食唔少雞蛋仔、格仔餅，而家多咗好多新口味！近年較出名嘅有媽咪雞蛋仔，仲要係米芝蓮！佢哋都真係好多創新味道，仲要好多間分店，間間都好多人排～🧇開心果味格仔餅 $53中秋限定口味，雖然價錢唔平，但入面勁多開心果醬，好濃郁，又香又脆，熱食更好食更香更正🧋媽咪奶茶奶香茶香都好濃，味道平衡，好醇好滑好好飲🚩媽咪雞蛋仔 (紅磡) @mammypancake.hk 📍紅磡船澳街99號黃埔新邨地下1A15號舖…查看更多

講到香港地道小食，雞蛋仔同格仔餅必定係排頭三位，我平時最鍾意食媽咪雞蛋仔，覺得佢哋邊間分店嘅水準都勁高，今次紅磡呢一間個位置亦都相當方便，喺黃埔地鐵站出嚟行過美食街嘅街尾就到！未行到店舖就已經聞到佢新鮮出爐嘅味道，難怪呢度成日都咁多人排長龍！最近開心果真係大熱，周圍都有賣開心果味嘅嘢，不過當然唔係間間都好食啦，我今次就選擇咗喺媽咪雞蛋仔度買中秋節限定嘅開心果格仔餅，結果真係冇令我失望，格仔餅外脆內軟，新鮮出爐真係勁香又好味，本身格仔餅嘅蛋香味好濃郁，開心果醬亦都唔會過甜，而且口感都唔會太結實，口感順滑之餘亦都有粒粒開心果喺面，真心好正！下次一定要試埋佢個芝麻湯圓雞蛋仔！飲品我就叫咗奶茶豆花，好順滑好好味，奶茶濃郁，甜度剛剛好！而呢個水準，抵攞到米芝蓮指南推介街頭小食咁多年！…查看更多

媽咪雞蛋仔有中秋限定口味啊！！係黑芝麻湯圓雞蛋仔、開心果格仔餅啊( ๑॔˃̶◡ ˂̶๑॓)◞♡ 太開心了吧！為咗應節 所以今次揀左湯圓雞蛋仔～成件事都夾喎！本身以為係將成粒黑芝麻湯圓塞入去 所以都驚好漏好滯點知原來係黑芝麻做雞蛋仔嘅𝒃𝒂𝒔𝒆 麻糬做內餡 咁樣反而唔會太甜ʕっ•ᴥ•ʔっ黑芝麻味都夠 外殼依然好脆身 麻糬餡好大粒 軟糯又拉絲自私食左一底 勁飽肚哈哈～睇圖見開心果格仔餅啲醬同碎碎好重手 一於下次試埋佢！…查看更多

全新抹茶麻糬雞蛋仔！！媽咪雞蛋仔又出新口味啦今次呢個抹茶麻糬雞蛋仔真係幾正😍外層係綠色嘅抹茶味雞蛋仔，咬落脆卜卜😍中間包住黑糖麻糬，煙煙韌韌好有咬口，而且仲拉到絲添😆除咗有黑糖麻糬，仲有原味白麻糬選擇，下次都想試下！依家買任何口味雞蛋仔，加$25都可以加配麻糬👍🏻暫時媽咪雞蛋仔都係我心目中最好味嘅雞蛋仔，每次都做到外層香脆，內層軟熟，而且水準仲好穩定！另外，佢嘅外賣袋都好有心思，用咗好多個窿窿嘅設計，咁就唔洗驚啲雞蛋仔會變淋啦👍🏻平時通常我會叫杯鮮榨檸檬茶邊食邊飲，夏天飲非常解渴！…查看更多

明明食飽飯🐣行過都硬係要食番個雞蛋仔🤗由細到大雞蛋仔同格仔餅都係comfort food就算食到幾飽都好，一見到個肚仔都總係可以騰出到空間一向係原味雞蛋仔嘅超級粉絲好日都唔望下個餐牌，突然見到原來有黑糖麻糬最鍾意呢啲煙煙韌韌嘅嘢，點都要試吓鐘意食媽咪雞蛋仔嘅原因係佢地Keep 到個水準就算好多單或就嚟收舖時段都唔Hea 你外脆內軟就必定架啦，犀利在於每粒雞蛋仔都做到飽滿，粒粒都有麻糬！口應煙煙韌韌，甜度又啱啱好原味以外呢個都真係幾好另外仲order咗杯凍抹茶豆花牛乳🍵感覺似食緊抹茶豆腐花，原來都幾夾！當甜品食都仲得！…查看更多

即叫即整媽咪雞蛋仔, 好出名㗎，成日都排長龍。我仔最鍾意食香蕉朱古力雞蛋仔，仲有格仔餅同pancake雪糕都好好味。只做外賣, 沒有堂食㗎。媽咪雞蛋仔由創辦人於2009開設第一間紅磡黃埔街店，希望能做出小時候記憶中傳統雞蛋仔的味道，並開始著手研發做出特別脆感的外皮，內裡還能保有軟嫩帶有嚼勁口感的雞蛋仔，只為能夠讓自己的小孩吃到母親兒時回憶的傳統雞蛋仔，創辦人為了保留這份溫情，並以「媽咪」作為店名開始了香港紅磡第一間創始店，成為「媽咪雞蛋仔」的由來。媽咪雞蛋仔連續六年獲選米芝蓮2016-2021香港街頭小食推介。…查看更多

食完lunch 經過見到媽咪雞蛋仔就算幾飽都好 都要食個雞蛋仔做飯後甜品😛新出左抹茶系列味既雞蛋仔我係所有茶味類既小粉絲 🙌🏻所以更加要一試抹茶黑糖麻糬雞蛋仔$53新鮮出爐 麻糬熱辣辣更加煙煙韌韌黑糖味既麻糬比較特別同少見😚仲有淡淡既抹茶香味凍抹茶豆花牛乳$34忘記左簡少甜 但好彩既係一D都唔甜飲落就真係好似食緊豆花咁再加埋抹茶牛乳 都幾好味下次絕對要ENCORE 🫣宜家購買任何雞蛋仔/格仔餅 仲可以減$4 以套餐價加杯飲品…查看更多

媽咪雞蛋仔不嬲都都好出名，見證住佢由細舖頭變成大間連鎖店，而且佢啲雞蛋仔嘅口味都好特別，今日就試咗一款抹茶黑糖麻糬雞蛋仔，呢個配搭好清新，但係出奇地好好食，抹茶味就比較淡，黑糖味就會重少少，基本上粒粒都有麻糬，咬落去好煙靭，外皮脆卜卜，超級好食。…查看更多

屋企附近其實有好多小店賣雞蛋仔，但我覺得最好食都係媽咪雞蛋仔🤣keep住都有新口味，最近出左腐乳黃金同麻糬口味雞蛋仔🌟原味白麻糬雞蛋仔雞蛋仔是即叫即製，確保新鮮出爐，所以都要等一陣先有，一口咬係非常煙韌，甚至有拉絲效果，真係幾乎每粒都有麻糬😍份量都唔少，蛋香味好出，做到外脆內軟口感👍🏻🌟朱古力沙冰購買任何雞蛋仔或格仔餅，買飲品都可以減$4，今次試下朱古力沙冰，勁解暑，朱古力好濃郁～不錯…查看更多

紅磡黃埔新邨「媽咪雞蛋仔」真係街坊至愛，佢哋嘅黑白麻糬系列尤以原味白麻糬雞蛋仔最受歡迎。外層夠香脆，每粒雞蛋仔都包住拉絲麻糬，入口煙韌又有淡淡奶香，甜而不膩，好有層次感。現場即叫即做，熱辣辣食最正，麻糬拉起好誘人！至於凍奶茶黑糖蒟蒻珠，奶茶香濃不澀，黑糖蒟蒻珠軟滑彈牙，帶黑糖香氣，每啖都有驚喜。兩款都係人氣之選，今日就買咗嚟邊行邊歎。舖頭細細但溫暖親切，店員好有禮貌。呢度嘅雞蛋仔真係值得一試，經典與創新並存，唔怪得咁多熟客捧場。…查看更多

一直吃媽咪雞蛋仔，很好味，有時候甚至專登行30分鐘過去買嚟食，但最近發現質素差了很多：原本：成排雞蛋仔都好香和脆（咖啡色），見圖1現在：有1/3～半排雞蛋仔無烤好（黃色、而且林曬），見圖2~4…查看更多