娘惹嫁到

Hello 大家好，又系我地Hkfunlife小编分享好餐厅既时间啦 平时路过眼望望，今日终于把持不住入去间餐厅探个究竟 呢间餐厅位于荃湾怡乐街1号海滨花园22座海裕阁108号地舖，叫做娘惹嫁到呢间餐厅室内光线充沛我地到达餐厅后，先扫安心出行或写纸仔，等15分钟左右便可入座。埋到枱见到有齐备嘅餐具，摆设一致，十分整齐。坐低之后，店员提供餐牌，厚厚的餐牌每页都有胶套分隔，方便消毒。我地唔洗几分钟已经谂好要嗌咩。店员诚恳有干劲，落单流程亦简易迅速 如果你食到微辣，呢个就晒你，香得黎唔会辣到食唔到。                                                  …查看更多

赞1.薏米水足料，喇沙既汤底都够香，料都足，麦皮虾用新虾，爽甜，呢啲位都食得出间店好用心2.环境几讲究，好多旧既娘惹衫挂系店内，几靓下弹1.上菜速度有问题🤨，超过一半客人系现场都有催单，等左近半粒钟先有麦片虾2.食物唔太合口味，班兰加央多系有班兰香，但椰香好淡；人人都话必叫既鱼蛋，弹牙但淡味，咖哩酱既辣味好薄；麦片虾都好甜，娘惹菜可能真系同平时食开既马拉菜好唔同呢⋯⋯…查看更多

鲜虾喇沙-味道一般，似自己用喇沙酱捞既汤底，油面同米粉份量少得可怜，少过一个车仔面，汤又唔够，我以为自己食紧捞面，虾得两只，豆卜夹埋都冇两旧，因为佢d豆卜系一开三，我得唔5片，即系两旧都唔够，未见过餐厅会将豆卜一开三，成碗野，俾人感觉系悭皮，女仔食都唔够😔热浪咖哩牛尾薯仔饭-味道都系一般，唔难食，但系啲饭过稔，食咖喱，通常啲饭都系一粒粒，先捞到汁，佢一pat pat，要我拮开佢一旧旧，先食到。😭…查看更多

呢间之前喺西环开舖，但一直未有机会食，之后结左业，而家喺荃湾重开。男朋友之前想食但无开，今次带我黎食，小店座位不多。呢到食祖传娘惹菜，由当地娘惹血统的酒店总厨主理，野食全部都系即叫即整，全天然香料制成，不加味精。鲜虾深海鱼蛋喇沙面底系米粉沟油面，系马来西亚最传统的食法。面上面舖满配料有三只虾、三粒深海鱼蛋、豆卜同蛋，鱼蛋超级弹牙😍同平时食嘅好唔同，由马来西亚入口80%深海鱼肉制成，虾大大只虾肉鲜味满分，喇沙汤底味道浓郁杰身有椰香味，豆卜索满汤汁。原味鸭蛋咖央多士由自家制传统手打咖央同鲜蛋制成，多士有烘过上枱时热辣辣香脆，带有淡淡鸭蛋香味，味道带椰香甜而不腻，满满嘅馅料塞满多士，每一啖食得出好足料好满足，馅料多到咇出黎🤤亚参鲜鱼汤份量十足，鱼几大条多肉嫩滑唔算多骨，汤用新鲜菠萝、辣椒干、喇沙叶、洋葱角加入亚参汁同喇沙汤熬成，味道酸酸甜甜又有鱼嘅鲜味，十分开胃。食物令人回味值得一试，心思思想再黎试其他菜色，不过作为小店黎讲定价略贵😬。…查看更多

今晚我地又食娘惹菜，位于荃湾海滨内的小店，旧址是西营盘。听说店主有个浪漫故事，Derek是娘惹后代，曾在马来西亚酒店当总厨，多年前在纽西兰工作假期遇上来自香港的太太。为了她搬到香港，并以多年来在祖母身边学娘惹菜，再移居香港开业，重有，小店标榜食物没有味精，食得安心又放心外，还食得到用心做菜。#原只鸭蛋咖央多士 甜度合当，多士香脆，流心鸭蛋咖央，口感不错👍👍#热浪牛尾喇沙 牛尾好够淋，大大件，在口中尝到牛的浓重味道，喇沙汁上散了少少辣椒碎粒，令到喇沙味更突出，用心之作👍👍👍#海鲜深海鱼蛋喇沙 喇沙汤比较淡，但起码不觉油，最好食是深海鱼蛋，鲜甜弹牙，必要试鱼蛋👍👍👍#亚参鲜鱼汤 不停食，忘记影相😹，这菜式味道非常有层次，首先食到菠萝味，甜，又尝到青柠味，酸，之后就辣，几突别，但唔食得辣就唔好试了👍👍…查看更多