妹記大排檔 (已結業)

正呀~如果你问我最钟意同第一选择系食咩既话，我一定一定会拣小菜，相信每既女小菜嚟讲都几有名气所以今日就嚟一试~啫啫通菜，猪手，羊腩煲，薯仔牛柳粒，样样都好有水准呀不过可能稍为争少少争少少啫…查看更多

小编好耐无食大排档，今次同朋友去左尖沙咀既妹记大排档，其实之前都食过几次，今次就特别想介绍比大家☝🏻小编今次推介餐厅食物☝🏻◾鬼马油炸鬼 $88小编最爱的煎炸野☺️好幸福的感觉，小编晚餐8点到，侍应话系最后一碟，太幸福啦，佢外脆内软，内里的墨鱼滑超正，小编系墨鱼滑爱好者，超级推介👍🏻◾️安格斯牛柳粒 $138好好味，煮得好入味，配白饭一流，虽然价钱偏贵，但都值得食架。◾️XO酱爆象拔蚌仔 $88象拔蚌仔都算多，XO酱味不算浓，但系都几好味，都算抵食。现场环境真系好岩一班朋友聚餐，但系讲野倾计方面大家要大声啲，因为真系几嘈下。…查看更多

小弟真系好钟意食小炒饮啤酒，感觉好放松，讲乜都得。叫咗乳鸽、啫啫通菜煲、炸大肠、西兰花鲜鱿、椒盐墨鱼咀。乳鸽 - 皮脆，无乜肉，食得唔太过引。啫啫通菜煲 - 呢个几惹味，推介。👍炸大肠 – 松脆干身，好食。👍西兰花鲜鱿 – 鱿鱼新鲜好食。椒盐墨鱼咀 – 椒盐惹味，墨鱼咀炸得几好，无乜油，送酒一流。👍总结：记得20年前已在金巴利街市开始帮衬，至今质素依然稳定，无退步。另外仲有叫咗4枝啤酒，四个人食饭，埋单$480，每人$120，又饮又食，相当经济。…查看更多

素闻妹记嘅大名，今日专程黎试试。装修将街边大排档嘅元素带入室内。餐牌上选择非常多，好想试匀咁多款菜，本来想叫一份招牌炸猪手，可惜已经卖晒，只得番原只炸猪手。最后叫左蒜蓉粉丝蒸胜瓜，炸大肠，同鬼马油炸鬼，全部都系店舖推介。个炸大肠第一口咬落去充满惊喜，外脆内软，有少少油爆出黎，但配上酸酸地嘅喼汁又唔会好腻。美中不足只系有几旧切得比较大，要咬耐啲先碎。鬼马油炸鬼系大大旧鱼肉裹粉炸出嚟。又系外脆内软，鱼肉打到超有弹性，正！胜瓜好新鲜，蒜蓉同粉丝系绝配，好难失手，只系其他两样菜特别好食。本身想叫个炒饭，不过见到隔离枱个碟睇落非常大碟，两个人一定食唔晒。如果想一次过试多几样菜，一大班人黎食比较好。店面非常大，每张枱都好阔落，人多都会坐得舒服。…查看更多

相信大家对佢嘅战斗碗都唔陌生啦😏星期六嘅晚市真系非常热闹，尖沙咀呢间就冇旺角咁多人，今日两个人黎食唔洗等位🤪· 🥩黑椒薯仔牛柳粒 (HKD 138)呢味𩠌系我去大排档必定会食嘅🤣牛柳粒煮至7-8成熟，食落软嫩多汁。薯仔炒至焦糖色，略嫌外层就炸得唔够脆。·🥘豉椒炒蚬 (HKD 78)呢到嘅炒蚬最正系用大大粒嘅蚬，唔系平时食个d细细只，而且蚬肉都几鲜甜！d汁仲可以捞饭食🤤今日坐嘅位置刚好对住妹记嘅生招牌猫猫，作为猫奴嘅我，可以一路食饭一路睇住懒训嘅猫猫🐱非常可爱！…查看更多